شىنجىن ەكونوميكالىق ەرەكشە رايونى قۇرىلعانىنىڭ 40 جىلدىعىن قۇتتىقتاۋ جينالىسى سالتاناتپەن وتكىزىلدى

حان جىڭ جينالىسقا قاتىناستى

«حالىق گازەتى»، 10 - ايدىڭ 14 - كۇنى، شىنجىن. شىنجىن ەكونوميكالىق ەرەكشە رايونى قۇرىلعانىنىڭ 40 جىلدىعىن قۇتتىقتاۋ جينالىسى 10 - ايدىڭ 14 - كۇنى تۇستەن بۇرىن گۋاڭدۇڭ ولكەسىنىڭ شىنجىن قالاسىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ مىنانى دارىپتەدى: جۇڭگوشا سوتسياليزم ۇلى تۋىن بيىك ۇستاپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى جەبەپ، ەلىمىزدىڭ جاڭا دامۋ كەزەڭىنە ءوتۋ جالپى جاعدايىن شىعار ءتۇيىن ەتىپ، جاڭا دامۋ يدەياسىن تياناقتاندىرىپ، ساپالى دامۋدى ىلگەرىلەتۋدى، جاڭا دامۋ جاعدايىن ورناتۋدى مىقتاپ ارقاۋ ەتىپ، العان بەتىنەن قايتپايتىن كۇرەسكەرلىك بەينەمەن، بوگەتتەردى بۇزىپ العا تارتاتىن رۋحاني كۇيمەن رەفورمانى توقتاتپاي، قاقپانى ءۇرتىس اشىپ، رەفورما جاساپ، قاقپا اشۋدى ءتىپتى دە جوعارى دەڭگەيدە ىلگەرىلەتىپ، ەكونوميكالىق ەرەكشە رايون قىزمەتىندە جاڭا جاعداي جاراتۋدى جەبەپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ جينالىسقا قاتىناستى.

شىنجىن چيانحاي حالىقارالىق ءماجىلىس ورتالىعى شىراقتارى جايناپ، دۋماندى بەينەگە شومدى. جينالىس الاڭىنا: «شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزمنىڭ الدىمەن ۇلگى كورسەتۋ رايونىن قۇرۋ باعىتى بويىنشا العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ بارىسىندا تىڭ دا اناعۇرلىم زور ۇلەس قوسايىق!» دەگەن ءسوز جازىلعان ۇلكەن كەرمە تۋ ءىلىندى.

ساعات 10 نان 30 مينۋت وتكەندە جينالىس باستالدى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنالاردى دارىپتەدى: ەكونوميكالىق ەرەكشە رايون قۇرۋ − پارتيا مەن مەملەكەتتىڭ رەفورما جاساۋدى، قاقپا اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن جۇرگىزگەن ۇلى جاسامپازدىعى. ۇزاق ۋاقىتتان بەرى پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەلدىڭ زور كۇشپەن قولداۋىندا، ەكونوميكالىق ەرەكشە رايوندار يدەيانى ازات ەتىپ، رەفورما جاساپ، جاڭالىق جاراتىپ، بورىشتى باتىلدىقپەن ارقالاپ، قايراتتانا العا ۇمتىلىپ، جۇڭگوشا سوتسياليزم قۇرۋ ۇلى ساپارىندا ەرلىكپەن العا باسىپ، ءورىس اشا العا ىلگەرىلەۋدىڭ ايبىندى داستانىن جازىپ، بۇكىل ەلدىڭ رەفورما جاساۋ، قاقپا اشۋ جانە سوتسياليستىك وسىزامانداندىرۋ قۇرىلىسى ءۇشىن زور ۇلەس قوستى.

شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ەكونوميكالىق ەرەكشە رايونداعى قالىڭ قۇرىلىسشىلارعا، ەكونوميكالىق ەرەكشە رايون قۇرىلىسىنا ۇلەس قوسقان بارلىق جولداسقا شىنايى سالەم جولدادى! سيلى قوناقتارعا، ەكونوميكالىق ەرەكشە رايون قۇرىلىسىنا كوڭىل ءبولىپ كەلگەن جانە قولداۋ كورسەتكەن ەل ءىشى - سىرتىنداعى ءار سالا قايراتكەرلەرىنە شىن جۇرەكتەن العىس ايتتى!

شي جينپيڭ مىنالاردى اتاپ كورسەتتى: شىنجىن − رەفورما جاساپ، قاقپا اشقاننان كەيىن پارتيا مەن حالىق سەلبەسىپ قۇرعان شىت جاڭا قالا، جۇڭگوشا سوتسياليزمنىڭ قاعاز بەتىنە تۇسىرىلگەن تارتىمدى كارتيناسى. 40 جىلدان بەرى شىنجىن قوعامدىق وندىرگىش كۇشتەردى كۇش سالا ازات ەتىپ جانە دامىتىپ، عىلىم - تەحنيكادا جاڭالىق جاراتۋدى زور كۇشپەن ىلگەرىلەتىپ، شەكارا وڭىرگە ورنالاسقان مەشەۋ شاعىن قالاشىقتان بۇكىل دۇنيە جۇزىلىك ىقپالعا يە حالىقارالانعان ءىرى قالاعا اينالۋ سىندى ۇلى تاريحي سەكىرىستى جۇزەگە اسىردى؛ يدەيانى ازات ەتۋدە، داۋىرمەن بىرگە العا باسۋدا تاباندى بولىپ، بازارعا بەت الۋ سىندى ەكونوميكالىق ءتۇزىلىس رەفورماسىن الدىمەن جۇرگىزىپ، ەكونوميكالىق ءتۇزىلىس رەفورماسىنان رەفورمانى جاپپاي تەرەڭدەتۋگە دەيىنگى تاريحي سەكىرىستى جۇزەگە اسىردى؛ «سىرتتان ەنگىزۋ» مەن «سىرتقا شىعارۋدى» جۇزەگە اسىرۋدا تاباندى بولىپ، حالىقارا جانە ەل ىشىندەگى ەكى بازاردان، ەكى ءتۇرلى بايلىقتان بەلسەندى پايدالانىپ، بۇكىل دۇنيە ءجۇزىنىڭ قارجى قوسۋىن بەلسەنە باۋراپ، يمپورت - ەكسپورت ساۋداسىن نەگىز ەتۋدەن جان - جاقتى، جوعارى دەڭگەيدەگى سىرتقا قاقپا اشۋعا دەيىنگى تاريحي سەكىرىستى جۇزەگە اسىردى؛ سوتسياليستىك دەموكراتيالىق ساياسيدى دامىتۋدا تاباندى بولىپ، حالىقتىڭ نەگىزگى تۇلعالىق ورنىنا قۇرمەت ەتىپ، سوتسياليستىك رۋحاني وركەنيەت قۇرىلىسىن كۇشەيتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، ەكونوميكانى كوركەيتۋدەن سوتسياليستىك زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ دامۋىن ءبىر تۇتاس جوسپارلاۋعا دەيىنگى تاريحي سەكىرىستى جۇزەگە اسىردى؛ حالىقتى وزەك ەتۋدە تاباندى بولىپ، حالىقتىڭ تۇرمىس ورەسىن بارىنشا جوعارىلاتىپ، وقۋ - اعارتۋ، ەمدەۋ، تۇرعىن ءۇي قاتارلى جاقتاردا زور وزگەرىس تۋدىرىپ، جاپپاي دوڭگەلەك داۋلەتتى قوعام قۇرۋ نىساناسىن الدىمەن ورىنداپ، ىشەر اس، كيەر كيىم ماسەلەسىن شەشۋدەن ساپالى، جان - جاقتى دوڭگەلەك داۋلەتتىلىككە ءوتۋ سىندى تاريحي سەكىرىستى جۇزەگە اسىردى. شىنجىن قاتارلى ەكونوميكالىق ەرەكشە رايونداردىڭ تابىستى امالياتى پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمدەرىنىڭ بۇكىلدەي دۇرىس ەكەنىن تولىق دالەلدەدى. ەكونوميكالىق ەرەكشە رايوندار قازىرگى ىستەردى ءۇرتىس جالعاستىرۋمەن بىرگە، ءتىپتى دە جاقسى تىندىرۋى، تىڭ ورە جاراتۋى كەرەك.