1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ بىرلەسكەن مەملەكەتتەر ۇيىمى جينالىسىنىڭ بەيجيڭ الەمدىك ايەلدەر جينالىسىنىڭ 25 جىلدىعىن ەسكە الۋ جوعارى دارەجەلىلەر ماجىلىسىندە ماڭىزدى ءسوز سويلەدى

日期:2020年10月03日
来源:新疆日报
【字体:

شي جينپيڭ بىرلەسكەن مەملەكەتتەر ۇيىمى جينالىسىنىڭ بەيجيڭ الەمدىك ايەلدەر جينالىسىنىڭ 25 جىلدىعىن ەسكە الۋ جوعارى دارەجەلىلەر ماجىلىسىندە ماڭىزدى ءسوز سويلەدى

ايەلدەردىڭ ىندەتتىڭ ىقپالىنان ارىلۋىنا كومەكتەسىپ، جىنىس تەڭدىگىن ناقتى تياناقتاندىرىپ، ايەلدەردىڭ ءداۋىردىڭ الدىڭعى لەگىندە ءجۇرۋىن ىلگەرىلەتىپ، ايەلدەر ىستەرىندەگى الەمدىك سەلبەستىكتى كۇشەيتۋدى دارىپتەدى

2025 - جىلى الەمدىك ايەلدەر جوعارى دارەجەلىلەر كەڭەسىن تاعى دا اشۋ تۋرالى باستاما العا قويدى

   10 - ايدىڭ 1 - كۇنى مەملەكەت ءتوراعاسى شي جينپيڭ بىرلەسكەن مەملەكەتتەر ۇيىمى جينالىسىنىڭ بەيجيڭ الەمدىك ايەلدەر جينالىسىنىڭ 25 جىلدىعىن ەسكە الۋ جوعارى دارەجەلىلەر ماجىلىسىندە بەينە ەكران ارقىلى ماڭىزدى ءسوز سويلەدى.

  مەملەكەت ءتوراعاسى شي جينپيڭ 10 - ايدىڭ 1 - كۇنى بىرلەسكەن مەملەكەتتەر ۇيىمى جينالىسىنىڭ بەيجيڭ الەمدىك ايەلدەر جينالىسىنىڭ 25 جىلدىعىن ەسكە الۋ جوعارى دارەجەلىلەر ماجىلىسىندە بەينە ەكران ارقىلى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: ايەلدەر − ادامزات وركەنيەتىنىڭ نەگىزىن سالۋشى، قوعامنىڭ العا باسۋىن ىلگەرىلەتۋشى، ءار سالا، ءار كاسىپتە كەرەمەت تابىستار جاراتۋدا. ءبىز جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋدەمىز، قالىڭ ايەل ەمدەۋ قىزمەتكەرلەرى، اۋرۋدىڭ الدىن الۋ جانە ونى تىزگىندەۋ قىزمەتكەرلەرى، عىلىم - تەحنيكا قىزمەتكەرلەرى، الەۋمەتتىك اۋماق قىزمەتكەرلەرى، ەرىكتىلەر، ت.ب ماشاقاتتان، قاتەردەن تايسالماي، كۇندىز - ءتۇنى ەرلىكپەن شايقاس جاساپ، ىندەتتەن ساقتانۋ - تىزگىندەۋدىڭ ءبىرىنشى شەبىنەن تاپجىلماي، قاجىرلى ەڭبەگىمەن جانە اقىل - پاراساتىمەن ءومىردى قورعاۋدىڭ، ءومىردى قۇتقارۋدىڭ ايبىندى داستانىن جازۋدا. ءبىز ولارعا القاۋ ايتۋىمىز كەرەك. جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان ەڭ تىعىز - تاياڭ ساتتە، مىنە وسىنداي سان مىڭداعان جۇڭگو ايەلدەرى باتىلدىقپەن جانە قاجىرلىلىقپەن شيپاگەرلەردىڭ ىزگىلىگىن ءتۇسىندىرىپ، جاۋاپكەرلىك ارقالاۋ جانە ۇلەس قوسۋ ارقىلى وتاننىڭ اماندىعىن ساقتاپ قالدى.

  شي جينپيڭ بىلاي دەپ باسا دارىپتەدى: 25 جىلدان بەرى، بەيجيڭ الەمدىك ايەلدەر جينالىسىنىڭ رۋحى توقتاۋسىز بەلسەندى وزگەرىستەر تۋىنداتىپ كەلەدى. ايەلدەردىڭ قوعامدىق ورنى ايتارلىقتاي جوعارىلاپ، ”جارتى الەمنىڭ“ رولى كۇن سايىن كورنەكتىلەندى، جىنىس تەڭدىگى مەن ايەلدەر ۇقىعى «بىرلەسكەن مەملەكەتتەر ۇيىمىنىڭ 2030 - جىلعى باياندى دامۋ كەڭەستىك ءتارتىبىنىڭ» ماڭىزدى نىساناسىنا اينالدى. جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە ءالى دە ورشۋدە، ايەلدەر اناعۇرلىم زور سىن - سايىستارعا ءدوپ كەلۋدە. ىندەتكە قارسى اتتانۋ جانە ەكونوميكانىڭ، قوعامنىڭ قايتا جاندانۋىن ىلگەرىلەتۋ بارىسىندا ايەلدەردىڭ ەرەكشە قاجەتىنە ءتىپتى ءمان بەرىپ، «بەيجيڭ جارناماسىن» جانە «ارەكەت باعدارلاماسىن» تياناقتاندىرۋ كەرەك.

  شي جينپيڭ 4 ءتۇرلى دارىپتەمەنى ورتاعا قويدى.

  ءبىرىنشى، ايەلدەردىڭ ىندەتتىڭ ىقپالىنان ارىلۋىنا كومەكتەسۋ. ءبىرىنشى شەپتەگى ايەل ەمدەۋ قىزمەتكەرلەرىنىڭ دەنساۋلىعىنا، قوعامدىق - پسيحيكالىق قاجەتىنە، قىزمەت ورتاسىنا كوڭىل ءبولۋ كەرەك. ايەلدەر مەن قىز بالالاردىڭ ۇقىق - مۇددەسىن قامتاماسىز ەتۋدى الەۋمەتتىك دەنساۋلىق ساقتاۋ جانە جۇمىستى، ءوندىرىستى قالپىنا كەلتىرۋ جوسپارىندا ماڭىزدى ورىنعا قويىپ، ايەلدەردىڭ ۇقىق - مۇددەسىنە قول سۇعۋ ارەكەتتەرىنە سوققى بەرۋ كەرەك. قوعامدىق قىزمەت وتەۋدى كۇشەيتىپ، جۇكتى ايەلدەر، بوسانعان ايەلدەر، بالالار سياقتى ەرەكشە ادامدار شوعىرىن الدىمەن قامتاماسىز ەتىپ، كەدەي ايەلدەر، جاسامىس ايەلدەر، مۇگەدەك ايەلدەر سياقتى قيىنشىلىعى بار قاۋىمعا ايرىقشا كوڭىل ءبولىپ، ولار ءۇشىن جاقسى ءىس ىستەۋ، قيىنشىلىقتارىن شەشۋ، ناقتى ىستەر تىندىرۋ كەرەك.

  ەكىنشى، جىنىس تەڭدىگىن ناقتى تياناقتاندىرۋ. ايەلدەردىڭ ۇقىق - مۇددەسىن قامتاماسىز ەتۋدى، ءسوز جوق، مەملەكەتتىڭ ەرىك - جىگەرى دەڭگەيىنە كوتەرۋ كەرەك. ىندەتتەن كەيىنگى قالپىنا كەلتىرۋدى وراي ەتىپ، ايەلدەردىڭ ۇكىمەت ىستەرىنە ارالاسۋىنا جاڭا ورايلار بەرىپ، ايەلدەردىڭ مەملەكەتتى جانە ەكونوميكالىق، مادەنيەت، قوعامدىق ىستەردى باسقارۋعا ارالاسۋ دەڭگەيىن جوعارىلاتۋ كەرەك. ايەلدەرگە باعىتتالعان سىڭار جاقتى كوزقاراستى، كەمسىتۋدى، زورلىقتى كۇشتى جويىپ، جىنىس تەڭدىگىن شىن مانىندە بۇكىل قوعام بىرگە بويسۇناتىن ارەكەت نورماسىنا جانە قۇن ولشەمىنە اينالدىرۋ كەرەك.

  ءۇشىنشى، ايەلدەردىڭ ءداۋىردىڭ الدىڭعى لەگىندە ءجۇرۋىن ىلگەرىلەتۋ. دامۋ بارىسىندا ايەلدەردىڭ ۇقىق - مۇددەسىن قامتاماسىز ەتۋگە تاباندى بولىپ، دامۋعا سۇيەنىپ ايەلدەرگە قاتىستى حالىق تۇرمىسىن جاقسارتىپ، ايەلدەر ىستەرىنىڭ ەكونوميكامەن، قوعاممەن تەڭ قاداممەن دامۋىن جۇزەگە اسىرۋ كەرەك. قالىڭ ايەلدەردىڭ بەلسەندىلىگىن، ىرىقتىلىعىن، جاسامپازدىعىن ەڭ جوعارى شەكتە جۇمىلدىرىپ، ولاردىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. ۇكىمەتتىڭ رولىن تولىق ساۋلەلەندىرىپ، قوعامدىق كۇشتەردى كەڭىنەن جۇمىلدىرىپ، ايەلدەردىڭ ءماندى دە ءساندى ومىردەن يگىلىكتەنۋىنە قولداۋ كورسەتۋ جانە كومەكتەسۋ كەرەك.

  ءتورتىنشى، ايەلدەر ىستەرىندەگى الەمدىك سەلبەستىكتى كۇشەيتۋ. جۇڭگو بىرلەسكەن مەملەكەتتەر ۇيىمىنىڭ ايەلدەر قىزمەتىن الدىڭعى ورىنعا قويۋىنا، زورلىقتى كۇش، كەمسىتۋ، كەدەيلىك سياقتى ەسكىدەن كەلە جاتقان ماسەلەلەردى جويۋ جاعىندا ۇسىنىلىمدى ارتتىرۋىنا، جىنىستاعى ساندىق ايىرماشىلىق سياقتى جاڭا سىن - سايىستاردى شەشۋ جاعىندا ىسكەرلىك كورسەتۋىنە، ءسويتىپ ايەلدەرگە قاتىستى نىسانانىڭ 2030 - جىلعا دەيىنگى كەڭەستىك ءتارتىپتىڭ العاشقى تابىسىنا اينالۋىنا مۇمكىندىك جاساۋىنا قولداۋ كورسەتەدى.

  شي جينپيڭ بىلاي دەپ باسا دارىپتەدى: ەر - ايەل تەڭدىگى − جۇڭگونىڭ نەگىزگى مەملەكەت ساياساتى. جۇڭگو ايەلدەردىڭ ۇقىق - مۇددەسىن جالپى بەتتىك قامتاماسىز ەتۋ جونىندە 100دەن استام زاڭدى، زاڭ ەرەجەنى قامتىعان زاڭ جۇيەسىن ورناتىپ، مىندەتتى وقۋ - اعارتۋداعى جىنىس پارقىن نەگىزىنەن جويدى، بۇكىل قوعامدا جۇمىستانعان ايەلدەردىڭ سالىستىرماسى 40 پايىزدان استى. 5 جىلدىڭ الدىندا مەن الەمدىك ايەلدەر جوعارى دارەجەلىلەر كەڭەسىن اشۋ تۋرالى باستاما كوتەرىپ، ءبىرسىپىرا الەمدىك سەلبەستىك باستامالارىن ورتاعا قويعان ەدىم، بۇلار جالپى بەتتىك تياناقتانىپ بولدى. ءبىز الەمدىك ايەلدەر ىستەرىن قولداۋ سەرپىنىن ۇزدىكسىز ارتتىرامىز. جۇڭگو 2025 - جىلى الەمدىك ايەلدەر جوعارى دارەجەلىلەر كەڭەسىن تاعى دا اشۋ تۋرالى باستاما ورتاعا قويدى.

  شي جينپيڭ سوڭىندا بىلاي دەپ اتاپ كورسەتتى: ايەلدەر كەمسىتۋگە ۇشىرامايتىن دۇنيە ءجۇزىن قۇرۋدا، سيىسىمدى داميتىن قوعام قالىپتاستىرۋدا ءالى دە ۇزاق جول باسۋعا تۋرا كەلەدى، اناعۇرلىم زور قۇلشىنىس جاساۋدى قاجەت ەتەدى. ءبىز ۇزدىكسىز قول ۇستاسا قۇلشىنىپ، جىنىس تەڭدىگىن جەدەل جۇزەگە اسىرىپ، الەمدىك ايەلدەر ىستەرىنىڭ دامۋىن جەبەيىك.