جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قۇتتىقتاۋ بايلانىسىمەن
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتارلىلار قاتىناستى
لي كىچياڭ ءسوز سويلەدى، حان جىڭ قوناعاسىنى باسقاردى
9 - ايدىڭ 30 - كۇنى كەشتە مەملەكەتتىك كەڭەس بەيجيڭ حالىق سارايىندا مەملەكەت مەرەكەسىن قۇتتىقتاۋ قوناعاسىن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قىزۋ قۇتتىقتادى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى جۇڭگولىق، شەتەلدىك قايراتكەرلەرمەن ءبىر اراعا شاتتىقپەن باس قوسىپ، رەسپۋبليكانىڭ مەرەي تويىن بىرگە تويلادى.
9 - ايدىڭ 30 - كۇنى كەشتە مەملەكەتتىك كەڭەس حالىق سارايىندا مەملەكەت مەرەكەسىن قۇتتىقتاۋ قوناعاسىن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 71 جىلدىعىن قىزۋ قۇتتىقتادى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى 500گە جۋىق جۇڭگولىق، شەتەلدىك قايراتكەرمەن ءبىر اراعا شاتتىقپەن باس قوسىپ، رەسپۋبليكانىڭ مەرەي تويىن بىرگە تويلادى.
حالىق سارايىنىڭ قوناعاسى زالىندا گۇلدەر قۇلپىرىپ، مەرەكەنى قىزۋ قۇتتىقتاۋدىڭ جالىندى لەبى ەستى. ءتوراعالار مىنبەسىنىڭ ءتور جاعىنا ايبىندى مەملەكەت گەربى بيىك ىلىنگەن، ”2020 — 1949“ دەگەن ۇلكەن جىل بەلگىسى نارت قىزىل تۋدىڭ نۇرلاندىرۋىندا ايرىقشا كوز تارتادى.
ساعات 17دەن 30 مينۋت مولشەرىندە، دۋماندى «قوناق قارسى الۋ مۋزيكاسىنىڭ» ورىندالۋىمەن شي جينپيڭ قاتارلى پارتيا مەن مەملەكەت باسشىلارى قوناعاسى زالىنا كىرگەندە، بۇكىل زالدان قىزۋ شاپالاق ءۇنى كوتەرىلدى.
قوناعاسى باستالدى. اسكەري وركەستر «ەرىكتىلەر مارشىن» ورىندادى، بۇكىل زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى. مەملەكەتتىك كەڭەستىڭ زۇڭليى لي كىچياڭ ءسوز سويلەدى. ول الدىمەن پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ مەرەكەسىن قۇتتىقتادى؛ شياڭگاڭدىق، اۋمىندىق باۋىرلاستارعا، تايۋاندىق باۋىرلاستارعا جانە شەتەلدەردەگى قالىڭ چياۋمين باۋىرلاستارعا ىقىلاستى سالەم جولدادى؛ جۇڭگونىڭ وسىزاماندانۋ قۇرىلىسى ىستەرىنە كوڭىل بولگەن جانە ونى قولداعان حالىقاراداعى دوستارعا شىن جۇرەكتەن العىس ايتتى.
لي كىچياڭ بىلاي دەدى: جاڭا جۇڭگونىڭ 71 جىلدىق دامۋ تاريحى − جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ، باستاپ قاجىرلىلىقپەن يگىلىك قۇرعان، قايراتتانا ۇمتىلعان كۇرەس تاريحى، مەملەكەتتىڭ بەت - بەينەسىندە زور وزگەرىس جارىققا شىققان، حالىقتىڭ تۇرمىس ورەسى زور دارەجەدە جوعارىلاعان شۇعىلالى تاريح. بيىل رەسپۋبليكا تاريحىنداعى وزگەشە جىل بولدى. توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتىنىڭ جانە دۇنيە ءجۇزى ەكونوميكاسىنىڭ قۇلدىراۋىنىڭ اۋىر سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىز ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن باستان - اياق ءبىرىنشى ورىنعا قويىپ، بۇكىل ەلدىڭ كۇشىن جۇمىلدىرا ىندەتپەن ايقاسىپ، قاجىرلى قۇلشىنىس ارقىلى زور قۇرباندىق بەرىپ، ىندەتكە قارسى اتتانۋ كۇرەسىنىڭ كەلەلى ستراتەگيالىق جەتىستىگىنە قول جەتكىزدىك. ”التىنى ورنىقتىرۋ“ قىزمەتىن جاقسى ىستەپ، ”التىنى قامتاماسىز ەتۋ“ مىندەتىن تياناقتاندىرىپ، قيىنشىلىقتى شەشۋدىڭ كولەمدى ساياساتىن دەر كەزىندە شىعارىپ، اتقارۋ مەحانيزمىنە جاڭالىق ەنگىزىپ، كاسىپورىندار مەن حالىققا تىكەلەي يگىلىك جەتكىزىپ، رەفورما جاساۋ، ەسىك اشۋدى تەرەڭدەتىپ، ەكونوميكانىڭ نەگىزگى جاعدايىن ورنىقتىرىپ، تومەندەۋدىڭ اۋىر قىسىمىنا توتەپ بەرە وتىرىپ قالپىنا كەلتىرۋ سيپاتتى ارتۋدى جۇزەگە اسىرىپ، كەدەيلىكتەن ارىلتۋدان قامال الۋدا اناعۇرلىم كورنەكتى ناتيجەگە قول جەتكىزدىك، حالىقتىڭ تۇرمىسى پارمەندى تۇردە قامتاماسىز ەتىلدى. جۇڭگونىڭ ەكونوميكالىق دامۋىندا تەبىندى دامۋ سەرپىمدىلىگى جارىققا شىقتى، جۇڭگوشا سوتسياليزمنىڭ بولاشاعى جارقىن.
لي كىچياڭ بىلاي دەپ اتاپ كورسەتتى: كەزەكتە ەلىمىز دامۋىنىڭ ىشكى - سىرتقى ورتاسىندا تەرەڭ كۇردەلى وزگەرىستەر جارىققا شىقتى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نەگىزگى مەملەكەت جاعدايىن تياناق ەتىپ، ورنىقتىلىق بارىسىندا ىلگەرىلەۋگە تاباندى بولىپ، سەنىمدى بەكەمدەپ، سىن - سايىسپەن بەتپە - بەت كەلىپ، ءوز ءسىمىزدى كۇشتى شوعىرلاندىرا جاقسى ىستەۋىمىز كەرەك. ىندەتتەن ساقتانۋ - تىزگىندەۋدى ۇدايىلاندىرۋدى ۇزدىكسىز جاقسى ىستەپ، بازار تۇلعالارىنىڭ قيىن وتكەلدەن وتۋىنە، جالىندى ومىرشەڭدىك كۇشتى قالپىنا كەلتىرۋىنە كوپ ءتۇرلى شارانى قولدانا وتىرىپ دەم بەرىپ، جاڭا قوزعاۋشى قۋاتتاردى جەتىلدىرىپ، زورايتىپ، جاڭا دامۋ ارناسىن قۇرىپ، جوعارى ساپالى دامۋدى ىلگەرىلەتۋ كەرەك. حالىق تۇرمىسىن قامتاماسىز ەتۋ نەگىزىن بەكەمدەپ، جۇمىستانۋدى ءتۇرلى ءادىس - امالدارمەن ارتتىرىپ، بۇقارا نازار اۋدارعان وقۋعا ءتۇسۋ، اۋرۋ كورسەتۋ، زەينەتكەرلىك، بالا باقتىرۋ سياقتى جاقتارداعى ناقتى ىستەردى جاقسى ىستەپ، ىندەتتىڭ، تاسقىن اپاتىنىڭ ىقپالىنا ۇشىراعان قيىنشىلىعى بار بۇقارانىڭ تۇرمىسىن ويداعىداي قامتاماسىز ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە شىنايى كەپىلدىك ەتۋ كەرەك. رەفورمانى بۇلجىماستان تەرەڭدەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن اناعۇرلىم قاۋلاتىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن قالىپتاستىرىپ، جوعارى دەڭگەيدە سىرتقا ەسىك اشۋدى بەلسەندى دە ىسكەرلىكپەن ىلگەرىلەتۋ كەرەك. بۇكىل ەلدىڭ جوعارىدان تومەنگە دەيىن قۇلشىنا كۇرەسۋىنە سۇيەنە وتىرىپ، تۇتاس جىلداعى نەگىزگى نىسانالاردى، مىندەتتەردى قۇلشىنا جۇزەگە اسىرىپ، جاپپاي دوڭگەلەك داۋلەتتى قوعام ورناتۋ كەرەك.
لي كىچياڭ بىلاي دەدى: ءبىز ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن ۇزدىكسىز بۇلجىماستان جاپپاي، دۇرىس دايەكتىلەندىرىپ، نەگىزگى زاڭ مەن ءتۇبىرلى زاڭعا قاتاڭ نەگىزدەلە وتىرىپ ءىس ىستەيمىز، نەگىزگى زاڭ مەن ءتۇبىرلى زاڭنىڭ اتقارىلۋىنا قاتىستى تۇزىمدەر مەن مەحانيزمدەردى كەمەلدەندىرىپ، ”ءبىر ەل، ەكى ءتۇزىم“ امالياتىنىڭ نىق قاداممەن الىسقا جەتۋىن ىلگەرىلەتەمىز. تايۋانعا قاراتىلعان قىزمەت جونىندەگى كەلەلى ساياسات - باعىتتاردى تاباندىلىقپەن دايەكتىلەندىرىپ، ءبىر جۇڭگو پرينسيبىنە جانە ”92 - جىلعى ورتاق تانىمعا“ تاباندى بولىپ، ءارقانداي ”تايۋان دەربەستىگى“ بولشەكتەۋ ارەكەتتەرىنە جانە سىرتتىڭ كيلىگۋىنە باتىل قارسى تۇرىپ جانە ونى اۋىزدىقتاپ، ەكى جاعالاۋدىڭ اۋىس - كۇيىسى مەن سەلبەستىگىن كۇشەيتىپ، ەكى جاعالاۋ قاتىناسىنىڭ بەيبىت دامۋىن، توعىسپالى دامۋىن جانە وتاننىڭ تۇتاستىعىن ىلگەرىلەتەمىز. بەيبىت دامۋ جولىمەن بۇلجىماي ءجۇرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ادامزات تاعدىرلاس ورتاق تۇلعا ۇستانىمىنان جازباي، ءارقايسى ەلدەرمەن ءوزارا پايدا جەتكىزۋ، ءوزارا تيىمدىلىك جاساۋ سەلبەستىگىن كەڭەيتىپ، الەمدىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، حالىقارالىق قوعاممەن بىرگە ادامزاتتىڭ ىندەتتى ەرتەرەك جەڭۋىنە، دۇنيە ءجۇزى ەكونوميكاسىنىڭ جاندانۋىن ىلگەرىلەتۋگە اناعۇرلىم زور ۇلەس قوسامىز.
لي كىچياڭ سوڭىندا بىلاي دەدى: بۇگىنگى تابىستار بۇكىل جۇڭگو حالقىنىڭ كۇرەسىنىڭ ارقاسىندا كەلگەن، ەرتەڭگى شۇعىلالى تابىستارعا جەتۋ ءۇشىن ىسكەرلىك پەن جاسامپازدىققا سۇيەنۋگە تۋرا كەلەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، قيىندىقتاردان قامال الىپ، ەكپىندەي العا ىلگەرىلەپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تالماي كۇرەسەيىك!
دۋماندى مۋزيكا ءۇنى ىشىندە جۇڭگولىق، شەتەلدىك قوناقتار توست كوتەرىپ، جاڭا جۇڭگو قۇرىلعاندىعىنىڭ 71 جىلدىعىن بىرگە قۇتتىقتاپ، جۇڭگونىڭ گۇلدەنۋىن، بايۋىن، قۇدىرەتتەنۋىن، حالىقتىڭ باقىتتى، امان - ەسەن بولۋىن، جۇڭگو حالقى مەن دۇنيە جۇزىندەگى ءار ەل حالىقتارىنىڭ دوستىعىنىڭ ماڭگى جالعاسۋىن، سەلبەستىگىنىڭ ۇزاققا ۇلاسۋىن تىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قۇتتىقتاۋ قوناعاسىن باسقاردى.
قوناعاسىعا تاعى بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ ورىنباسار زۇڭليلەرى، مەملەكەتتىك كەڭەستىڭ مۇشەلەرى، مەملەكەتتىك باقىلاۋ - باسقارۋ كوميتەتىنىڭ مەڭگەرۋشىسى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە باسشىلىق مىندەتتەن شەگىنگەن جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى، كەزىندە ورتالىق اسكەري ىستەر كوميتەتىنىڭ مۇشەسى بولعان جولداستار دا قاتىناستى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنىڭ جاۋاپتىلارى، دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنىڭ جاۋاپتىلارى، مەملەكەت وردەنى يەگەرلەرىنىڭ، داڭق اتاعى يەگەرلەرىنىڭ، ماداقتالىپ - سيلانعانداردىڭ ۋاكىلدەرى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەردىڭ ۋاكىلدەرى، مەملەكەتتىك تاڭداۋلى كومپارتيا مۇشەلەرىنىڭ ۋاكىلدەرى، مەملەكەتتىك ەڭبەك ەرلەرىنىڭ جانە وزات تۇلعالاردىڭ ۋاكىلدەرى، ۇلتتىق وڭىرلەردىڭ ورنىقتىلىعىنا، دامۋىنا، ىنتىماعىنا ماڭىزدى ۇلەس قوسقان از ۇلت ۋاكىلى قايراتكەرلەرى، بەيجيڭدەگى ءىشىنارا شياڭگاڭ ەرەكشە اكىمشىلىك رايونى قايراتكەرلەرىنىڭ، اۋمىن ەرەكشە اكىمشىلىك رايونى قايراتكەرلەرىنىڭ، تايۋاندىق باۋىرلاستاردىڭ جانە حۋاچياۋلاردىڭ، حۋارىنداردىڭ ۋاكىلدەرى، ءار ەلدىڭ بەيجيڭدەگى ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى، ءىشىنارا شەتەلدىك ماماندار دا قۇتتىقتاۋ قوناعاسىنا قاتىناستى.
