قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى
9 - ايدىڭ 30 - كۇنى تۇستەن بۇرىن پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ تيان - انمىن الاڭىنا كەلىپ، قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى. سۋرەتتە: شي جينپيڭ گۇل شارباقتىڭ تورعىن لەنتاسىن رەتتەۋدە.
9 - ايدىڭ 30 - كۇنى تۇستەن بۇرىن پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ تيان - انمىن الاڭىنا كەلىپ، قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى.
توڭكەرىستىك قۇربانداردى ساعىنا ەسكە الىپ، قاھارماندار رۋحىن اسقاقتاتتى. قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى 9 - ايدىڭ 30 - كۇنى تۇستەن بۇرىن بەيجيڭ تيان - انمىن الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءار سالا ۋاكىلدەرىمەن بىرگە سالتقا قاتىناستى.
ايبىندى تيان - انمىن الاڭىندا بەس جۇلدىزدى نارت قىزىل تۋ بيىك جەلبىرەپ، حالىق قاھارماندارى ەسكەرتكىشى اسقاق ايبىنمەن بوي سوزىپ تۇر. الاڭنىڭ ورتاسىندا ”وتانعا باقىت تىلەيمىز“ دەگەن جازۋ جازىلعان الىپ گۇل شارباق مەملەكەتتىڭ گۇلدەنۋىنە، بايۋىنا، قۇدىرەتتەنۋىنە دەگەن تاماشا تىلەكتى بەينەلەۋدە، گۇل شارباقتاعى ”جالپى جۇرت ءبىر نيەتپەن جۇمىلايىق“ دەگەن جازۋ ايرىقشا كوز تارتادى.
ساعات 10عا تاياعاندا، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى تيان - انمىن الاڭىنا كەلىپ، حالىق قاھارماندارىنا قۇرمەتپەن گۇل شارباق قويۋ سالتىنا قاتىناستى.
جۇڭگو حالىق ازاتتىق ارمياسى اسكەري وركەسترىنىڭ كىشى كەرنايشىلارى «قۇربانداردى ەسكە الۋ كۇنى دابىلىن» اسقاقتاتا شالدى.
”قۇرمەت قاراۋلى ورىندارىنا جايعاسسىن!“ 3 ارميانىڭ قۇرمەت قاراۋىلى نىق قاداممەن ارشىنداي ءجۇرىپ ەسكەرتكىشتىڭ الدىنا بارىپ مىلتىقتارىن سەرت ۇستاپ تۇردى.
ساعات 10دا حالىق قاھارماندارىنا قۇرمەتپەن گۇل شارباق قويۋ سالتى رەسمي باستالدى. اسكەري وركەستر «ەرىكتىلەر مارشىن» ورىندادى، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
مەملەكەت ءانى شىرقالىپ بولعان سوڭ، بۇكىل الاڭداعىلار جىم - جىرت كۇيگە شومىپ، جۇڭگو حالقىنىڭ ازاتتىق ىستەرى مەن رەسپۋبليكانىڭ قۇرىلىس ىستەرى جولىندا ەرلىكپەن ءومىرىن ارناعان قۇرباندارعا ءۇنسىز ازا ءبىلدىردى.
ءۇنسىز ازا ءبىلدىرۋ اياقتالعاننان كەيىن، قولدارىنا گۇل ۇستاعان جاس وسپىرىمدەر حالىق قاھارماندارى ەسكەرتكىشىنە قاراپ تۇرىپ، «ءبىز كوممۋنيزم ءىزباسارلارىمىز» ءانىن اسقاقتاتا شىرقادى ءارى پيونەرلەر وتريادىنىڭ سالەمىن جاسادى.
شارشى توپتىڭ الدىنا جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق وتانشىل قايراتكەرلەر، حالىقتىق ۇيىمدار مەن ءار سالا جۇرتشىلىق، ساقا جاۋىنگەرلەر، ساقا جولداستار جانە قۇربانداردىڭ تۋىس - تۋعاندارى، جۇڭگو پيونەرلەر وتريادى اتىنان ۇسىنىلعان 9 ۇلكەن گۇل شارباق رەتىمەن قويىلدى، گۇل شارباقتاردىڭ قىزىل تورعىن لەنتاسىنا ”حالىق قاھارماندارى ماڭگى جاسايدى“ دەگەن ءسوز جازىلعان.
اسكەري وركەستر تەرەڭ سۇيىسپەنشىلىككە تولى «گۇل قويۋ مۋزيكاسىن» ورىندادى، 18 قۇرمەت قاراۋىلى گۇل شارباقتاردى بايىپپەن كوتەرىپ، حالىق قاھارماندار ەسكەرتكىشىنە قاراي باياۋ قادام تاستاپ، گۇل شارباقتاردى ەسكەرتكىشتىڭ تۇعىرىنا اكەلىپ قويدى.
شي جينپيڭ قاتارلى پارتيا مەن مەملەكەت باسشىلارى بايسالدى قاداممەن ەسكەرتكىشتىڭ تۇعىرىنا شىعىپ، گۇل شارباقتاردىڭ الدىندا كوز الماي قاراپ تۇردى. جايناعان، سۇيرىك حۋاجۋ گۇلى، جۇپار ءيىسى اڭقىپ قۇلپىرعان بايحى گۇلى، جامىراي اشىلعان ۋىنشينلان گۇلى حالىق قاھارماندارىنا دەگەن تەرەڭ ساعىنىش پەن وسكەلەڭ قۇرمەتتى ايگىلەپ تۇر.
شي جينپيڭ الدىعا ءجۇرىپ بارىپ، گۇل شارباقتىڭ تورعىن لەنتاسىن ىجداعاتپەن رەتتەدى. وسىدان كەيىن، شي جينپيڭ قاتارلى پارتيا مەن مەملەكەت باسشىلارى باياۋ قاداممەن اينالىپ، حالىق قاھارماندارى ەسكەرتكىشىنە قۇرمەتپەن كوز تاستادى.
حالىق − تاريحتىڭ جاراتۋشىسى، حالىق − ناعىز قاھارمان. بيىل جىل باسىنان بەرى، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، جالپى جۇرت ءبىر نيەتپەن جۇمىلىپ، ەل بىرلىگىنەن بەرىك قامال تۇرعىزىپ، ىندەتكە قارسى اتتانۋدىڭ سۇراپىل حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كەلەلى ستراتەگيالىق تابىسقا قول جەتكىزىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، كورنەكتى ناتيجەلەرگە قول جەتكىزدى. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ نىسانالارى مەن مىندەتتەرى جۇزەگە اسۋ الدىندا تۇر، بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قاراي ۇزدىكسىز ەرلىكپەن العا ىلگەرىلەۋدە.
جاس وسپىرىمدەردىڭ جانە ءار سالا جۇرتشىلىعىنىڭ ۋاكىلدەرى دە رەتىمەن ەسكەرتكىش الدىنا بارىپ، قولدارىنداعى گۇلدەردى قويدى جانە ەسكەرتكىشكە قۇرمەتپەن كوز تاستادى.
قۇرمەتپەن گۇل شارباق قويۋ سالتىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي باسقاردى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ءبىر ءبولىم ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ءبىر ءبولىم ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى سالتقا قاتىناستى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى نەگىزگى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ساقا جاۋىنگەرلەردىڭ، ساقا جولداستاردىڭ جانە قۇربانداردىڭ تۋىس - تۋعاندارىنىڭ ۋاكىلدەرى، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنىڭ ۋاكىلدەرى، بەيجيڭدەگى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەردىڭ، وزات كوللەكتيۆتەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، ت.ب سالتقا قاتىناستى.
