1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ 2020 - جىلعى جۇڭگو حالىقارالىق قىزمەت وتەۋ ساۋدا جارمەنكەسى الەمدىك قىزمەت وتەۋ ساۋدا باسشىلار باس قوسۋىندا ءسوز سويلەدى

日期:2020年09月06日
来源:新疆日报
【字体:

شي جينپيڭ 2020 - جىلعى جۇڭگو حالىقارالىق قىزمەت وتەۋ ساۋدا جارمەنكەسى الەمدىك قىزمەت وتەۋ ساۋدا باسشىلار باس قوسۋىندا ءسوز سويلەدى

  ءار ەلدىڭ اشىق، سيىسىمدى سەلبەستىك ورتاسىن بىرگە قالىپتاستىرۋ، جاسامپازدىقپەن جەتەكشىلىك ەتۋدىڭ سەلبەستىك قوزعاۋشى قۋاتىن بىرگە قاۋلاتۋ، ءوزارا تيىمدىلىك جەتكىزىپ، بىرگە يگىلىككە كەنەلەتىن سەلبەستىك جاعدايىن بىرگە اشۋ كەرەكتىگىن، جۇڭگونىڭ سىرتقا ەسىك اشۋدى مىزعىماي كەڭەيتىپ، قىزمەت وتەۋ كاسىبىندەگى بازارعا كىرۋگە رۇقسات ەتۋدى ۇزدىكسىز كەڭەيتىپ، قىزمەت وتەۋ ساۋداسىنىڭ جاڭا كاسىپ كۇيىن، جاڭا ۇلگىسىن دامىتىپ، الەمدىك قىزمەت وتەۋ ساۋدا بىرلەستىگىن قۇرۋعا قولداۋ كورسەتىپ، بەيجيڭنىڭ مەملەكەتتىك قىزمەت وتەۋ كاسىبىندە ەسىك اشۋدى كەڭەيتۋ كەشەندى ۇلگى كورسەتۋ اۋماعىن قۇرۋىنا قولداۋ كورسەتىپ، اناعۇرلىم جوعارى ساتىلى رەفورما جاساۋ، ەسىك اشۋ جاڭا جاعدايىن قالىپتاستىرۋدى جەبەيتىندىگىن باسا دارىپتەدى

مەملەكەت ءتوراعاسى شي جينپيڭ 9 - ايدىڭ 4 - كۇنى 2020 - جىلعى جۇڭگو حالىقارالىق قىزمەت وتەۋ ساۋدا جارمەنكەسى الەمدىك قىزمەت وتەۋ ساۋدا باسشىلار باس قوسۋىندا ءسوز سويلەدى.

مەملەكەت ءتوراعاسى شي جينپيڭ 9 - ايدىڭ 4 - كۇنى 2020 - جىلعى جۇڭگو حالىقارالىق قىزمەت وتەۋ ساۋدا جارمەنكەسى الەمدىك قىزمەت وتەۋ ساۋدا باسشىلار باس قوسۋىندا ءسوز سويلەدى.

  مەملەكەت ءتوراعاسى شي جينپيڭ 9 - ايدىڭ 4 - كۇنى 2020 - جىلعى جۇڭگو حالىقارالىق قىزمەت وتەۋ ساۋدا جارمەنكەسى الەمدىك قىزمەت وتەۋ ساۋدا باسشىلار باس قوسۋىندا ءسوز سويلەدى.

  شي جينپيڭ سوزىندە بىلاي دەپ اتاپ كورسەتتى: وتكەن بىرنەشە ايدا، جۇڭگو حالقى ءار ەل حالقىمەن بىرگە ءوزارا قولداۋ كورسەتىپ، ءوزارا كومەكتەسىپ، جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانىپ، ىندەت اكەلگەن الەمدىك سىن - سايىسقا توتەپ بەرۋ جولىندا جاپالى قۇلشىنىستار جاسادى. قازىر بۇكىل الەم كولەمىندە ىندەت ءالى دە جالپى بەتتىك تىزگىندەلە قويعان جوق، ءار ەل ىندەتكە قارسى اتتانۋدىڭ، ەكونوميكانى ورنىقتىرۋدىڭ، حالىق تۇرمىسىن قامتاماسىزداندىرۋدىڭ اسا جاپالى مىندەتىنە ءدوپ كەلۋدە. وسىنداي جاعدايدا، جۇڭگونىڭ قات - قابات قيىنشىلىقتاردى جەڭىپ، وسىنداي ءبىر رەتكى ەلەۋلى حالىقارالىق ەكونوميكا - ساۋدا قيمىلىن وتكىزۋى كوپشىلىكپەن قول ۇستاسا قۇلشىنىپ، ۋاقىتتىق قيىنشىلىقتاردى بىرگە جەڭىپ، الەمدىك قىزمەت وتەۋ ساۋداسىنىڭ دامۋىن، گۇلدەنۋىن بىرگە جەبەپ، دۇنيە ءجۇزى ەكونوميكاسىنىڭ تەزىرەك جاندانۋىن ىلگەرىلەتۋ ءۇشىن بولىپ وتىر. وسىنى وراي ەتىپ، تۇعىر جانە دانەكەر ورناتىپ، ءار ەل حالىقتارىنىڭ قىزمەت وتەۋ ساۋدا سالاسىنداعى جاڭا دامۋشىلىقتارىن، جاڭا ناتيجەلەرىن تولىق كورسەتىپ، ادامزات قوعامى دامۋىنىڭ، العاباسۋىنىڭ جاڭا تەحنيكالارىن، جاڭا جەتىستىكتەرىن بىرگە يگىلىكتەنۋىنە مۇمكىندىك جاساۋىن ءۇمىت ەتەمىن.

  شي جينپيڭ بىلاي دەپ باسا دارىپتەدى: قازىر دۇنيە ءجۇزى 100 جىلدا بولماعان زور وزگەرىستى باستان كەشۋدە. جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل الەمدە كەڭ كولەمدە تارالۋى بۇل زور وزگەرىستى جەدەلدەتىپ، ەكونوميكانىڭ جاھاندانۋى كەرەعارلىققا ۇشىراپ، قورعانىمپازدىق، سىڭار جاقتىلىق بەلەڭ الىپ، دۇنيە ءجۇزى ەكونوميكاسى تۇرالاپ، حالىقارالىق ساۋدا جانە قارجى قوسۋ زور مولشەردە تارايىپ، ادامزاتتىڭ ءوندىرىسى مەن تۇرمىسىنا بۇرىن بولىپ كورمەگەن سايىس جانە سىناق اكەلدى. سونىمەن بىرگە، ءبىز مىنانى دا كورىپ وتىرمىز: جۋىقتاعى جىلداردان بەرى، جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى تۋىنداپ، كوركەيىپ، سيفرلى تەحنيكانىڭ سەرپىندى كۇشەيۋىنە باستاماشىلىق ەتىپ، كاسىپ سالاسىنىڭ تەرەڭدەي توعىسۋىن جەبەپ، قىزمەت وتەۋ شارۋاشىلىعىنىڭ قارىشتاپ دامۋىن جەتەكتەدى. وسى رەتكى ىندەت بۇكىل الەمدە كەڭ كولەمدە تارالعان كەزدە، الىس ارالىقتان ەمدەۋ، ينتەرنەت جەلىسىندە وقىتۋ، بىرگە يگىلىكتەنۋ تۇعىرى، سەلبەسىپ جۇمىس ىستەۋ، شەكارا اتتاعان ەلەكتروندى ساۋدا سياقتى قىزمەت وتەۋ كەڭ كولەمدە قولدانىلىپ، ءار ەل ەكونوميكاسىنىڭ ورنىقتىلىعىن جەبەپ، حالىقارانىڭ ىندەتكە قارسى اتتانۋ سەلبەستىگىن ىلگەرىلەتۋدە ماڭىزدى رول اتقاردى. كەلەشەككە كوز جىبەرسەك، قىزمەت وتەۋ كاسىبىندەگى اشىق سەلبەستىك دامۋدى جەبەۋدەگى ماڭىزدى كۇشكە بارعان سايىن اينالادى.

  شي جينپيڭ 3 باستامانى ورتاعا قويدى.

  ءبىرىنشى، اشىق، سيىسىمدى سەلبەستىك ورتاسىن بىرگە قالىپتاستىرۋ. ادامزات قوعامىنىڭ دامۋ تاريحىنا بارلاي قاراساق، دۇنيە ءجۇزىنىڭ ەكونوميكاسى اشىق بولسا گۇلدەنىپ، توماعا - تۇيىق بولسا قۇلدىراعان. قىزمەت وتەۋ كاسىبى ءوزىنىڭ جەڭىل مال - مۇلىك، جۇمساق فاكتور سياقتى دارا ەرەكشەلىكتەرىنە ساي، اشىق، جاريا، سيىسىمدى، كەمسىتپەيتىن كاسىپ سالاسى دامۋ ەكولوگياسىن اناعۇرلىم قاجەت ەتەدى، ءار ەلدىڭ فاكتورلاردىڭ اينالىسىنا تۇساۋ بولاتىن ”شەكاراداعى“ جانە ”شەكارا ارتىنداعى“ قورعانداردى قۇلشىنا ازايتىپ، شەكارا اتتاعان ۇلاسۋدى، تۇتاسۋدى جەبەۋىن اناعۇرلىم قاجەت ەتەدى. جۇڭگو سىرتقا ەسىك اشۋدى مىزعىماي كەڭەيتىپ، شەكارا اتتاعان قىزمەت وتەۋ ساۋداسىنىڭ ۇنامسىز تىزىمدىك ارقىلى باسقارۋ ءتۇزىمىن ورناتىپ، اقاۋسىزداندىرىپ، قىزمەت وتەۋ ساۋداسىن جاسامپازدىقپەن دامىتۋ سىناق ءتۇيىنى اشىق تۇعىرى قۇرىلىسىن ىلگەرىلەتىپ، قىزمەت وتەۋ كاسىبىندەگى بازارعا كىرۋگە رۇقسات ەتۋدى ۇزدىكسىز كەڭەيتىپ، ساپالى قىزمەت وتەۋ يمپورتىن ىرىقتىلىقپەن ۇلعايتادى. جۇڭگو قىزمەت وتەۋ ساۋداسىن دامىتۋدىڭ ءىس جۇزىندىك قاجەتىنە بەلسەندىلىكپەن ۇيلەسىپ، كوپ جاقتى، وڭىرلىك سياقتى ساتىلارداعى قىزمەت وتەۋ ەرەجەسىن سايكەستىرۋدى ىلگەرىلەتىپ، الەمدىك ەكونوميكانى جونگە سالۋدى ۇزدىكسىز كەمەلدەندىرىپ، دۇنيە ءجۇزى ەكونوميكاسىنىڭ سيىسىمدى ارتۋىن جەبەيدى.

  ەكىنشى، جاسامپازدىقپەن جەتەكشىلىك ەتۋدىڭ سەلبەستىك قوزعاۋشى قۋاتىن بىرگە قاۋلاتۋ. ءبىز سيفرلاندىرۋ، تورلاندىرۋ، زەردەلىلەندىرۋ سىندى دامۋ اۋقىمىنا ۇيلەسىپ، ”سيفر بوگەتىن“ جويۋعا بىرگە كۇش سالىپ، قىزمەت وتەۋ ساۋداسىنىڭ سيفرلانۋ اياق الىسىنا دەم بەرۋىمىز كەرەك. جۇڭگو ەرەكشە قىزمەت وتەۋ ەكسپورت بازاسىن كەڭەيتىپ، قىزمەت وتەۋ ساۋداسىنىڭ جاڭا كاسىپ كۇيىن، جاڭا ۇلگىسىن دامىتادى. جۇڭگو ءار ەلمەن بىرگە، ماكرولىق ساياساتتاردى سايكەستىرۋدى كۇشەيتىپ، سيفر سالاسىنداعى حالىقارالىق سەلبەستىكتى جەدەلدەتىپ، ءبىلىم مەنشىك ۇقىعىن قورعاۋدى كۇشەيتىپ، سيفرلىق ەكونوميكا، بىرگە يگىلىكتەنەتىن ەكونوميكا سياقتىلاردىڭ قارىشتاپ دامۋىن بەلسەندىلىكپەن جەبەپ، دۇنيە ءجۇزى ەكونوميكاسىنىڭ جالىندى ومىرشەڭدىكتى ۇزدىكسىز قاۋلاتۋىن ىلگەرىلەتۋدى قالايدى.

  ءۇشىنشى، ءوزارا تيىمدىلىك جەتكىزىپ، بىرگە يگىلىككە كەنەلەتىن سەلبەستىك جاعدايىن بىرگە اشۋ. ەكونوميكانىڭ جاھاندانۋ جاعدايىندا، ءار ەل ەكونوميكاسى ءبىر - بىرىنە سۇيەنىپ ءومىر سۇرەدى، مۇددەنىڭ توعىسۋى بۇرىن بولىپ كورمەگەن دارەجەگە جەتتى، شىنايىلىقپەن مامىلە جاساسۋ، جالپىعا تيىمدىلىك جەتكىزىپ، بىرگە يگىلىكتەنۋ ءتۇبىرلى امال. ءار ەل قىزمەت وتەۋ ساۋداسىن دامىتۋدىڭ ۇشتاسۋىن كۇشەيتىپ، سەلبەستىك تاسىلىندە جاڭالىق اشىپ، سەلبەستىك سالالارىن تەرەڭدەتىپ، دامۋ مۇددەسىنىڭ ەڭ زور ورتاق بولگىشىنە بەلسەنە تالپىنىپ، ”بالكۇلشەنى“ ۇزدىكسىز ۇلكەيتۋ كەرەك. جۇڭگو جۇڭگو حالىقارالىق قىزمەت وتەۋ ساۋدا جارمەنكەسى، جۇڭگو حالىقارالىق يمپورت كورمەسى سياقتى ءتۇرلى تۇعىرلاردان تولىق پايدالانىپ، ساياسات جانە تاجىريبە اۋىس - كۇيىسىن ورىستەتۋدى جەبەپ، ۇكىمەتتەر ارا، حالىقارالىق ۇيىمدار، ساۋدا قوعامدارى، كاسىپورىندار ارا كوپ تۇرلىلەنگەن سەرىكتەستىك قاتىناس ورناتىپ جانە جەتىلدىرىپ، الەمدىك قىزمەت وتەۋ ساۋدا بىرلەستىگىن قۇرۋعا قولداۋ كورسەتىپ، اناعۇرلىم كوپ ناقتى سەلبەستىك جەتىستىكتەرىن ۇزدىكسىز قالىپتاستىرىپ، ءار ەل حالىقتارىنىڭ قىزمەت وتەۋ ساۋداسىنداعى ارتۋ جەتىستىگىنەن بىرگە يگىلىكتەنۋىنە مۇمكىندىك جاسايدى.

  شي جينپيڭ بىلاي دەپ اتاپ كورسەتتى: بەيجيڭنىڭ جۇڭگونىڭ قىزمەت وتەۋ كاسىبىندە ەسىك اشۋىنداعى جەتەكشىلىك رولىن اناعۇرلىم ويداعىداي ساۋلەلەندىرۋ ءۇشىن، ءبىز بەيجيڭنىڭ مەملەكەتتىك قىزمەت وتەۋ كاسىبىندە ەسىك اشۋدى كەڭەيتۋ كەشەندى ۇلگى كورسەتۋ اۋماعىن قۇرۋىنا قولداۋ كورسەتىپ، الدىمەن ىستەۋ، الدىمەن سىناق ەتۋ تەبىنىن ارتتىرىپ، اناعۇرلىم كوپ كوشىرىپ پايدالانۋعا، جالپىلاستىرۋعا بولاتىن تاجىريبەلەر جونىندە ىزدەنىس جاسايمىز؛ عىلىم - تەحنيكادا جاڭالىق اشۋدى، قىزمەت وتەۋ كاسىبىن اشىق ۇستاۋدى، سيفرلى ەكونوميكانى باستى ەرەكشەلىك ەتكەن ەركىن ساۋدا سىناق رايونىن قۇرىپ، بەيجيڭ - تيانجين - حىبەي سايكەستى داميتىن جوعارى ورەلى اشىق تۇعىر ورناتىپ، اناعۇرلىم جوعارى ساتىلى رەفورما جاساۋ، ەسىك اشۋ جاڭا جاعدايىن قالىپتاستىرۋدى جەبەيمىز.

  شي جينپيڭ ەڭ سوڭىندا بىلاي دەپ باسا دارىپتەدى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى، ءبىر مەزگىل ۋاقىت ىشىندە ءبىزدىڭ باس قوسۋىمىزعا بوگەت بولعانىمەن، ءبىراق ول قىزمەت وتەۋ ساۋداسىنىڭ دامۋ قادامىن توسا المايدى، ءبىزدىڭ قول ۇستاسا بىرگە ىلگەرىلەۋ، سەلبەسىپ بىرگە يگىلىككە كەنەلۋ سەنىمىمىز بەن ارەكەتىمىزدى توسا المايدى! ءبىز ءبىر نيەتپەن سەلبەسىپ، قول ۇستاسا العا ىلگەرىلەپ، ادامزات تاريحىنداعى وسى جاپالى مەزگىلدەن نىق قاداممەن ءوتىپ، دۇنيە ءجۇزىنىڭ اناعۇرلىم كوركەم كەلەشەگىن بىرگە قارسى الايىق!