جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اڭگىمە ءماجىلىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىردى، شي جينپيڭ ماڭىزدى ءسوز سويلەپ بىلاي دەپ باسا دارىپتەدى
جاڭا داۋىردە جاپون شاپقىنشىلارىنا قارسى سوعىستىڭ ۇلى رۋحىنا مۇراگەرلىك ەتىپ جانە ونى اسقاقتاتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جاسايىق
لي كىچياڭ، لي جانشۋ، ۋاڭ ياڭ قاتىناستى، ۋاڭ حۋنيڭ باسقاردى
9 - ايدىڭ 3 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى بەيجيڭ حالىق سارايىندا اڭگىمە ءماجىلىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اڭگىمە ماجىلىسكە قاتىناستى ءارى ماڭىزدى ءسوز سويلەدى.
جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى 9 - ايدىڭ 3 - كۇنى تۇستەن كەيىن حالىق سارايىندا اڭگىمە ءماجىلىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ بىلاي دەپ باسا دارىپتەدى: جۇڭگو حالقى جاپون شاپقىنشىلارىنا قارسى سوعىستىڭ ايبىندى بارىسىندا جاپون شاپقىنشىلارىنا قارسى سوعىستىڭ ۇلى رۋحىن جەتىلدىرىپ، دۇنيە جۇزىنە ەلدىڭ گۇلدەنۋى مەن جويىلۋىندا ءار ادامنىڭ جاۋاپكەرشىلىگى بار دەگەن وتانشىلدىق سۇيىسپەنشىلىكتى، ولىمنەن قورىقپايتىن، ولسە دە باس يمەيتىن ۇلتتىق جىگەردى، جاۋىزدىقتان جاسقانبايتىن، سوڭىنا دەيىن قاندى سوعىس جۇرگىزەتىن قاھارماندىق جىگەردى، قايىسپاس، مىزعىماس ءسوزسىز جەڭىسكە جەتۋ سەنىمىن ايگىلەدى. جاپون شاپقىنشىلارىنا قارسى سوعىستىڭ ۇلى رۋحى جۇڭگو حالقىنىڭ اسا قىمباتتى رۋحاني بايلىعى، جۇڭگو حالقىن بارلىق قيىندىقتى، حاۋىپ - قاتەردى، كەدەرگىلەردى جەڭۋگە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋگە ماڭگى ىنتالاندىرادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ اڭگىمە ماجىلىسكە قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ اڭگىمە ءماجىلىستى باسقاردى.
شي جينپيڭ سوزىندە بىلاي دەپ اتاپ كورسەتتى: بۇگىن ءبىز وسى ارادا ايبىندى جينالىس وتكىزىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرىپ وتىرمىز. 75 جىلدىڭ الدىنداعى وسى كۇنى، جۇڭگو حالقى دۇنيە جۇزىندەگى حالىقتارمەن بىرگە مويىماس جىگەر جانە ەرلىكپەن كۇرەس جۇرگىزۋ ارقىلى فاشيزمدى تۇبەگەيلى جەڭىپ، ادىلەت زۇلىمدىقتى جەڭگەن، جارىق قاراڭعىلىقتى جەڭگەن، العاباسارلىق كەرتارتپالىقتى جەڭگەن ۇلى جەڭىسكە قول جەتكىزدى. 75 جىلدىڭ الدىنداعى وسى كۇنى، جۇڭگو حالقى 14 جىل قاجىماي - تالماي ەرلىكپەن قاندى شايقاس جۇرگىزۋ ارقىلى قانقۇيلى جاپون ميليتاريزم شاپقىنشىلارىن جەڭىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسىنە قول جەتكىزدى. بۇل تاياۋ زاماننان بەرى جۇڭگو حالقىنىڭ سىرتقى جاۋدىڭ شاپقىنشىلىعىنا قارسى تۇرۋدا جالعاسقان ۋاقىتى ەڭ ۇزاق، كولەمى ەڭ زور، قۇرباندىق بەرۋى ەڭ كوپ بولعان ۇلت ازاتتىق كۇرەسى ءارى تۇڭعىش رەت تولىق جەڭىسكە جەتكەن ۇلت ازاتتىق كۇرەسى. بۇل ۇلى جەڭىس جۇڭحۋا ۇلتىنىڭ تاياۋ زاماننان بەرى اۋىر داعدارىسقا كىرىپتار بولۋدان ۇلى گۇلدەنۋگە قاراي بەت الۋىنىڭ تاريحي بۇرىلىس ءتۇيىنى ءارى دۇنيە جۇزىلىك فاشيزمگە قارسى سوعىس جەڭىسىنىڭ ماڭىزدى قۇرامداس بولىگى، جۇڭگو حالقىنىڭ جەڭىسى، ءارى دۇنيە ءجۇزى حالقىنىڭ جەڭىسى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭحۋا ۇلتى تاريحىنا ماڭگى جازىلادى، ادامزاتتىڭ ادىلەتتى ىستەرىنىڭ تاريحىنا ماڭگى جازىلادى.
شي جينپيڭ جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان بۇكىل ەلدەگى جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا، وتانشىل قايراتكەرلەرگە جانە جاپون شاپقىنشىلارىنا قارسى سوعىس قولباسشىلارىنا، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن تاريحي ەڭبەك سىڭىرگەن ەل ءىشى - سىرتىنداعى جۇڭحۋا ۇلاندارىنا وسكەلەڭ قۇرمەت ءبىلدىردى، جۇڭگو حالقىنىڭ جاپون شاپقىنشىلارىنا قارسى سوعىسىنا قولداۋ كورسەتكەن جانە كومەكتەسكەن شەتەل ۇكىمەتتەرىنە جانە حالىقارالىق دوستارعا شىن جۇرەكتەن العىس ايتتى، جەڭىس ءۇشىن ەرلىكپەن قۇربان بولعان بارلىق ارداگەرلەرگە، شاپقىنشىلاردىڭ قىناداي قىرعىنداۋىنا اياۋسىز ۇشىراپ قازا بولعاندارعا قايعىلى ازا ءبىلدىردى.
شي جينپيڭ بىلاي دەپ باسا دارىپتەدى: 18 - قىركۇيەك وقيعاسىنان كەيىن جۇڭگو حالقىنىڭ چاڭبايشان تاۋى مەن حيلۇڭجياڭ وزەنى اراسىندا قاجىماس قارسىلىق كورسەتۋى جۇڭگو حالقىنىڭ جاپون شاپقىنشىلارىنا قارسى سوعىسىنىڭ باستاماسىنا اينالدى، سونىمەن بىرگە دۇنيە جۇزىلىك فاشيزمگە قارسى سوعىستىڭ شىمىلدىعىن اشتى. 7 - شىلدە وقيعاسىنان كەيىن، شاپقىنشىلىققا قارسى سوققى بەرۋ، وتاندى جويىلۋدان قۇتقارۋ جۇڭگوداعى ءارقايسى پارتيا - توپتاردىڭ، ءار ۇلتتىڭ، ءارقايسى تاپتىڭ، ءارقايسى جىكتىڭ، ءارقايسى ۇيىمداردىڭ جانە شەتەلدەگى حۋاچياۋلاردىڭ، حۋارىنداردىڭ ورتاق ەرىك - جىگەرى مەن ارەكەتىنە اينالىپ، جۇڭگو وسىدان كەيىن بۇكىل ۇلتتىڭ جاپون شاپقىنشىلارىنا قارسى سوعىس كەزەڭىنە ءوتتى ءارى دۇنيە جۇزىلىك فاشيزمگە قارسى سوعىستىڭ شىعىستاعى نەگىزگى سوعىس مايدانىن اشتى. جاپون شاپقىنشىلارىنا قارسى جاپالى دا ەرەسەن سوعىس بارىسىندا بۇكىل جۇڭحۋا ۇلاندارى مەملەكەتتىڭ ءومىر ءسۇرۋى ءۇشىن شايقاس جۇرگىزدى، ۇلتتىڭ گۇلدەنۋى ءۇشىن شايقاس جۇرگىزدى، ادامزاتتىڭ ادىلەتى ءۇشىن شايقاس جۇرگىزدى، قوعامنىڭ كەڭ كولەمدە اتتانىسقا كەلتىرىلۋى، ۇلتتىڭ تەرەڭ ويانۋى، كۇرەسكەرلىك ەرىك - جىگەرىنىڭ قاجىماستىعى، ءسوز جوق جەڭۋ سەنىمىنىڭ بەرىكتىگى بۇرىن بولماعان جوعارى دەڭگەيگە جەتتى. جۇڭگو حالقى قۇرىشتاي مويىماس قايسارلىقتارىمەن كۇشتى جاۋدى جەڭىپ، جان - تانىمەن قۇرىش قورعان سوعىپ، الدىڭعىلاردىڭ ءىزىن سوڭعىلار باسىپ ەل باسىنا تونگەن حاۋىپكە قارسى اتتانىپ، دۇنيەنى ءدۇر سىلكىندىرگەن، اسەرلى دە عالامات تاريحي ايبىندى داستان جازدى.
شي جينپيڭ بىلاي دەپ اتاپ كورسەتتى: جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جاپون ميليتاريزمىنىڭ جۇڭگونى وتارلاۋ، قۇلدانۋ قاسكۇنەمدىگىن تۇبەگەيلى تالقانداپ، مەملەكەتتىڭ يەلىك ۇقىعى مەن تەرريتوريا تۇتاستىعىن پارمەندى تۇردە قورعاپ، تاياۋ زاماننان بەرگى سىرتقى شاپقىنشىلىققا قارسى تۇرۋدا شايقاس سايىن جەڭىلگەن ۇلتتىق قورلىقتان تۇبەگەيلى ارىلتتى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭگونىڭ دۇنيە جۇزىندەگى ءىرى ەلدىك ورنىن قايتادان تۇراقتاندىردى، جۇڭگو حالقى دۇنيە جۇزىندەگى بەيبىتشىلىكتى سۇيەتىن حالىقتاردىڭ قۇرمەتىنە بولەندى، جۇڭحۋا ۇلتى وسكەلەڭ ۇلتتىق بەدەلگە يە بولدى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى جۇڭگو حالقىنىڭ ۇلت تاۋەلسىزدىگىنە، ەركىندىگىنە، ازاتتىعىنا ۇمتىلۋ ەرىك - جىگەرىن بەكەمدەپ، بايىرعى جۇڭگونىڭ قايتا تۇلەپ قاناتتانۋ، لاۋلاعان ورتتە قايتا سومدالۋداي تاريحي جاڭا جورىعىن باستادى.
شي جينپيڭ بىلاي دەپ باسا دارىپتەدى: جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى وتانشىلدىقتى وزەك ەتكەن ۇلت رۋحىنىڭ ۇلى جەڭىسى، جۇڭگو كوممۋنيستىك پارتياسىنىڭ مىزعىماس تىرەكتىك رولىن ساۋلەلەندىرۋىنىڭ ۇلى جەڭىسى، بۇكىل ۇلتتىڭ ەل بىرلىگىنەن بەرىك قامال تۇرعىزىپ جاپون شاپقىنشىلارىنا ەرلىكپەن قارسى سوعىس جۇرگىزۋىنىڭ ۇلى جەڭىسى، جۇڭگو حالقىنىڭ فاشيزمگە قارسى وداقتاس ەلدەرمەن، سونداي - اق ءار ەل حالىقتارىمەن تىزە قوسا سوعىس جۇرگىزۋىنىڭ ۇلى جەڭىسى.
شي جينپيڭ بىلاي دەپ اتاپ كورسەتتى: جۇڭگو مەن جاپونيا كورشى. جۇڭگو مەن جاپونيانىڭ باياندى بەيبىت، دوستىق قارىم - قاتىناسىن ساقتاۋ ەكى ەل حالقىنىڭ ءتۇبىرلى مۇددەسىنە ۇيلەسەدى، ازيانىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ قاجەتىنە ۇيلەسەدى. جاپون ميليتاريزمىنىڭ شاپقىنشىلىق تاريحىنا دۇرىس مامىلەدە بولۋ مەن ءوزىن - ءوزى تەرەڭدەي تەرگەۋى جۇڭگو - جاپونيا قارىم - قاتىناسىن ورناتۋدىڭ جانە دامىتۋدىڭ ماڭىزدى ساياسي نەگىزى. الدىڭعىدان ساباق الىپ، كەيىنگىگە عيبىرات ەتۋ. ءبىزدىڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىن ەسكە ءتۇسىرۋىمىز تاريحتى اينا ەتىپ، بولاشاققا بەت الىپ، بەيبىتشىلىكتى بىرگە قاستەرلەپ، بەيبىتشىلىكتى بىرگە قورعاپ، جۇڭگو مەن جاپونيا ەكى ەل حالقىنىڭ ۇرپاقتار بويى دوس بولۋىنا مۇمكىندىك تۋدىرۋ، دۇنيە جۇزىندەگى ءار ەل حالقىنىڭ بەيبىتشىلىكتەن، تىنىشتىقتان ماڭگى يگىلىكتەنۋىنە مۇمكىندىك جاساۋ ءۇشىن بولىپ تابىلادى.
شي جينپيڭ بىلاي دەپ باسا دارىپتەدى: جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەن 75 جىلدان بەرى جۇڭگودا اسا كەرەمەت وزگەرىستەر تۋىلدى. جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرا باستاپ كوركەيۋ جولىندا قۇلشىنىپ، قاجىرلىلىقپەن شارۋاشىلىق قۇرىپ، بۇكىل الەمدى جالت قاراتقان دامۋ تابىستارىن جاراتىپ، جۇڭگوشا سوتسياليزم جولىن ءساتتى اشتى، جۇڭگوشا سوتسياليزم جاڭا داۋىرگە ءوتتى، كەدەيلىكتەن ارىلتۋدان قامال الۋ شايقاسىنىڭ، جاپپاي دوڭگەلەك داۋلەتتى قوعام ورناتۋدىڭ جەڭىسى الدىمىزدا تۇر، جۇڭحۋا ۇلتىنىڭ ۇلى گۇلدەنۋى جارقىن بولاشاقتى قارسى الدى.
شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ، ءسوز جوق، جۇڭگوشا سوتسياليزم جولىمەن جۇرۋگە تاباندى بولۋ، ءسوز جوق، حالىقتى وزەك ەتۋگە تاباندى بولۋ، ءسوز جوق، كۇرەس جۇرگىزۋ رۋحىنا تاباندى بولۋ، ءسوز جوق، بەيبىت دامۋ جولىمەن مىزعىماي ءجۇرۋ كەرەك. ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسىنىڭ تاريحىن بۇرمالاۋعا، جۇڭگو كوممۋنيستىك پارتياسىنىڭ سيپاتى مەن باس ماقساتىن جيرەنىشتى ەتىپ كورسەتۋگە ۇرىنۋىنا جۇڭگو حالقى استە جول بەرمەيدى! ءارقانداي ادامنىڭ، ءارقانداي كۇشتىڭ جۇڭگوشا سوتسياليزم جولىن بۇرمالاۋعا جانە وزگەرتۋگە، جۇڭگو حالقىنىڭ سوتسياليزم قۇرۋداعى ۇلى ناتيجەسىن تەرىسكە شىعارۋعا جانە جيرەنىشتى ەتىپ كورسەتۋگە ۇرىنۋىنا جۇڭگو حالقى استە جول بەرمەيدى! ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسى مەن جۇڭگو حالقىن ايىرۋعا، قارسىلاستىرۋعا ۇرىنۋىنا جۇڭگو حالقى استە جول بەرمەيدى! ءارقانداي ادامنىڭ، ءارقانداي كۇشتىڭ زورەكەرلىك تاسىلمەن ولاردىڭ ەركىن جۇڭگوعا زورلاپ تاڭۋعا، جۇڭگونىڭ العا باسۋ بەتالىسىن وزگەرتۋگە، جۇڭگو حالقىنىڭ ءوزىنىڭ تاماشا تۇرمىسىن جاراتۋ قۇلشىنىسىنا كەدەرگىلىك جاساۋعا ۇرىنۋىنا جۇڭگو حالقى استە جول بەرمەيدى! ءارقانداي ادامنىڭ، ءارقانداي كۇشتىڭ جۇڭگو حالقىنىڭ بەيبىت تۇرمىسى مەن دامۋ ۇقىعىن بۇلدىرۋگە، جۇڭگو حالقىنىڭ وزگە ەلدەر حالقىمەن بولعان اۋىس - كۇيىسىن، سەلبەستىگىن بۇلدىرۋگە، ادامزاتتىڭ بەيبىتشىلىك پەن دامۋ وسكەلەڭ ىستەرىن بۇلدىرۋگە ۇرىنۋىنا جۇڭگو حالقى استە جول بەرمەيدى!
ۋاڭ حۋنيڭ اڭگىمە ءماجىلىسىن باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، مازمۇنى باي، ەرەكشە كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا جانە جەتەكشىلىك سيپاتقا يە، ءبىز، ءسوز جوق، مۇقيات ۇيرەنىپ، ءتۇسىنىپ، شىنايى دايەكتىلەندىرۋىمىز، تياناقتاندىرۋىمىز كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا العا باسىپ، دەن قويا قايسارلىقپەن ىستەپ، سانسىزداعان قۇرباندار اشقان ۇلى ىستەردى ۇزدىكسىز العا ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جاڭا داۋىردەگى جۇڭگوشا سوتسياليزم ۇلى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ جولىندا تىنباي كۇرەس جۇرگىزۋىمىز كەرەك.
اڭگىمە ماجىلىستە ورتالىق پارتيا تاريحى مەن حۇجاتتار زەرتتەۋ ورنىنىڭ باستىعى چۇي چيڭشان، ورتالىق اسكەري ىستەر كوميتەتىنىڭ مۇشەسى، ورتالىق اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا، جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ ۋاكىلى ۋاڭ ىنتيان، جاستار مەن وقۋشىلاردىڭ ۋاكىلى چيان ليڭشياۋ ىلگەرىندى - كەيىندى ءسوز سويلەدى.
ديڭ شۋەشياڭ، ۋاڭ چىن، شۇي چيلياڭ، جاڭ يوۋشيا، حۋاڭ كۇنميڭ، ساي چي، چىن جۋ، شياۋ جيە، جاڭ چيڭلي اڭگىمە ماجىلىسكە قاتىناستى.
جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ جانە جاپون شاپقىنشىلارىنا قارسى سوعىس قولباسشىلارىنىڭ تۋىس - تۋعاندارىنىڭ ۋاكىلدەرى، جاپون شاپقىنشىلارىنا قارسى سوعىس قۇرباندار وتباسىلارىنىڭ ۋاكىلدەرى، ورتالىقتىڭ پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، جۇڭگو حالقىنىڭ جاپون شاپقىنشىلارىنا قارسى سوعىس جەڭىسىنە ۇلەس قوسقان حالىقارالىق دوستار وتباسىلارىنىڭ ۋاكىلدەرى، استانانىڭ ءار سالاسىنداعى بۇقارانىڭ ۋاكىلدەرى سياقتىلار اڭگىمە ماجىلىسكە قاتىناستى.
