1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى بەيجيڭدە وتكىزىلدى

日期:2020年09月05日
来源:新疆日报
【字体:

جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ بايلانىسىمەن

جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى بەيجيڭدە وتكىزىلدى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان سالتقا قاتىناستى

  9 - ايدىڭ 3 - كۇنى تۇستەن بۇرىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىنا كەلىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ بايلانىسىمەن جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتىنا قاتىناستى. سۋرەتتە: شي جينپيڭ گۇل شارباقتاردىڭ تورعىن لەنتالارىن رەتتەۋدە.

  9 - ايدىڭ 3 - كۇنى تۇستەن بۇرىن شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىنا كەلىپ، جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ بايلانىسىمەن جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتىنا قاتىناستى.

  تاريحتى ەستەن شىعارماي، قۇربانداردى ساعىنا ەسكە الىپ، بەيبىتشىلىكتى قاستەرلەپ، بولاشاققا ءورىس اشايىق. 9 - ايدىڭ 3 - كۇنى تۇستەن بۇرىن جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ بايلانىسىمەن جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىندا وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ءار سالا ۋاكىلدەرىمەن بىرگە سالتقا قاتىناستى.

  بەيجيڭ باتىس قالا ماڭى لۋگوۋچياۋ كوپىرى قاسىنداعى ۋانپيڭچىڭنىڭ ىشىندە جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايى اسقاق تا ايبىندى كورىنەدى. ەسكەرتكىش سارايىنىڭ الدىنداعى الاڭدا بەس جۇلدىزدى نارت قىزىل تۋ اسقاق جەلبىرەپ، ”تاۋەلسىزدىك، ەركىندىك وردەنى“ ءمۇسىنى ايرىقشا كوز تارتادى. ەسكەرتكىش سارايىنىڭ الدىڭعى ەسىگىنىڭ جوعارى جاعىنا ”جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە تۇسىرەمىز“ دەگەن كەرمە تۋ ىلىنگەن. قاقپانىڭ ەكى جاعىندا ءۇش ارميانىڭ ايبىندى قۇرمەت قاراۋىلى مىلتىقتارىن سەرت ۇستاپ تۇر.

  ساعات 9دان 57 مينۋت وتكەندە شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار وسى اراعا كەلدى. شي جينپيڭ قاتارلىلار جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىنىڭ الدىنداعى تۇعىردا ىززەتپەن تۇردى. جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەردىڭ جانە جاپون شاپقىنشىلارىنا قارسى سوعىس قولباسشىلارى تۋىس - تۋعاندارىنىڭ ۋاكىلدەرى، جاپون شاپقىنشىلارىنا قارسى سوعىستاعى قۇرباندار وتباسىلارىنىڭ ۋاكىلدەرى، جۇڭگو حالقىنىڭ جاپون شاپقىنشىلارىنا قارسى سوعىس جەڭىسىنە ۇلەس قوسقان حالىقارالىق دوستار وتباسىلارىنىڭ ۋاكىلدەرى، ازاتتىق ارميا جانە قارۋلى ساقشى اسكەري بولىمدەرىندەگى كوماندير - جاۋىنگەرلەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى ەسكەرتكىش سارايىنا قاراپ ءۇنسىز تۇردى.

  جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى جانە جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر، ساقا جولداستار، استاناداعى ءار سالا جۇرتشىلىق جەكە - جەكە قۇرمەتپەن ۇسىنعان 7 گۇل شارباق ءبىر قاتارعا ءتىزىلىپ، ەسكەرتكىش سارايىنىڭ الدىنداعى تۇعىرعا قويىلدى. گۇل شارباقتاعى قىزىل لەنتاعا ”جۇڭگو حالقىنىڭ جاپون شاپقىنشىلارىنا قارسى سوعىسىندا ەرلىكپەن قۇربان بولعان قۇرباندار ماڭگى جاسايدى“ دەگەن ءسوز جازىلعان.

  ساعات 10دا جاپون شاپقىنشىلارىنا قارسى سوعىس قۇرباندارىنا گۇل شارباق قويۋ سالتى باستالدى.

  جۇڭگو حالىق ازاتتىق ارمياسىنىڭ اسكەري وركەسترى ايبىندى «ەرىكتىلەر مارشىن» ورىندادى، تۇتاس الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. ”قوزعال! قۇل بولعىسى كەلمەگەن جان! جان - تانىمىزبەن سوعايىق جاڭا ۇلى قورعان...“ اسقاق اۋەن لۋگوۋچياۋ كوپىرى ماڭىن كەرنەپ، جۇرتتىڭ ەسىنە جۇڭحۋا پەرزەنتتەرىنىڭ جاۋعا بىرگە كەكتەنىپ، وتانعا تونگەن حاۋىپكە بىرگە اتتانعان سوعىستى جىلداردى قايتالاي ءتۇسىرىپ، جۇڭحۋا ۇلتىنىڭ قايىسپاس قايسارلىقپەن، باتىرلىقپەن جاپون شاپقىنشىلارىنا قارسى سوعىسقا اتتانعان ۇلى رۋحىن ەستەرىنە ءتۇسىردى.

  مەملەكەت ءانى شىرقالىپ بولدى. بۇكىل الاڭداعىلار تىنىشتىققا شومىپ، جۇڭگو حالقىنىڭ جاپون شاپقىنشىلارىنا قارسى سوعىستا ەرلىكپەن قۇربان بولعان قۇرباندارعا ءۇنسىز ازا ءبىلدىردى.

  ءۇنسىز ازا ءبىلدىرۋ اياقتاعان سوڭ، اسكەري وركەستر تەرەڭ سەزىمگە تولى «گۇل قويۋ مۋزيكاسىن» ورىندادى، 14 قۇرمەت قاراۋىلى 7 گۇل شارباقتى كوتەرىپ، جۇڭگو حالقىنىڭ جاپون شاپقىنشىلارىنا قارسى سوعىس ەسكەرتكىش سارايىنىڭ الدىنداعى زالعا باياۋ كىرىپ، گۇل شارباقتاردى جۇڭحۋا ۇلتىنىڭ ىنتىماقتاسىپ جاپون شاپقىنشىلارىنا قارسى سوعىس جاساعاندىعىنىڭ سيمۆولى بولعان ۇلكەن بەدەرلى ناقىش ”قۇرىش قورعاننىڭ“ الدىنا اپارىپ قويدى.

  شي جينپيڭ قاتارلىلار باسپالداققا باياۋ شىعىپ، ەسكەرتكىش سارايىنىڭ الدىنداعى زالعا بارىپ، گۇل شارباقتاردىڭ الدىندا كوز الماي قاراپ تۇردى. قىپ - قىزىل، ءتىپ - تىك شامدار، قۇلپىرا اشىلعان لانحۋا گۇلى، جۇپار ءيىسى اڭقىپ، قۇلپىرا جايناعان بايحى گۇلى جاپون شاپقىنشىلارىنا قارسى سوعىس قۇرباندارىنا دەگەن شەكسىز ساعىنىشتى، وسكەلەڭ قۇرمەتتى ايگىلەپ تۇر.

  شي جينپيڭ الدىعا ءوتىپ، گۇل شارباقتاردىڭ تورعىن لەنتالارىن مۇقيات رەتتەدى.

  ىلە - شالا باسقا باسشى جولداستار مەن ءار سالا ۋاكىلدەرى رەتىمەن ەسكەرتكىش سارايىنىڭ الدىڭعى زالىنا كىرىپ گۇل قويدى.

  ساي چي سالتتى باسقاردى. ديڭ شۋەشياڭ، شۇي چيلياڭ، جاڭ يوۋشيا، چىن شي، حۋاڭ كۇنميڭ، جاڭ چۇنشيان، شياۋ جيە، ما بياۋ، سونداي - اق لي زوچىڭ، مياۋ حۋا، جاڭ شىڭمين سالتقا قاتىناستى.

  ورتالىقتىڭ پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ت.ب سالتقا قاتىناستى.