1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

ءبىر تۇلعالاندىرۋ مەن جوعارى ساپالى بولۋدى مىقتى ۇستاپ ءتۇيىندى قىزمەتتەردى ويداعىداي يگەرىپ، چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋدە ناتيجەلەرگە ۇزدىكسىز قول جەتكىزۋ كەرەك

日期:2020年08月24日
来源:新疆日报
【字体:

شي جينپيڭ چاڭجياڭ اتىراۋىن ءبىر تۇلعالاندىرا دامىتۋدى تىڭعىلىقتى ىلگەرىلەتۋ اڭگىمە ماجىلىسىندە بىلاي دەپ باسا دارىپتەدى

ءبىر تۇلعالاندىرۋ مەن جوعارى ساپالى بولۋدى مىقتى ۇستاپ ءتۇيىندى قىزمەتتەردى ويداعىداي يگەرىپ، چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋدە ناتيجەلەرگە ۇزدىكسىز قول جەتكىزۋ كەرەك

حان جىڭ قاتىناستى ءارى ءسوز سويلەدى

8 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىفيدا چاڭجياڭ اتىراۋىن ءبىر تۇلعالاندىرا دامىتۋدى تىڭعىلىقتى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 20 - كۇنى حىفيدا چاڭجياڭ اتىراۋىن ءبىر تۇلعالاندىرا دامىتۋدى تىڭعىلىقتى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: چاڭجياڭ اتىراۋى ءوڭىرىنىڭ مەملەكەتتىڭ ەكونوميكالىق، قوعامدىق دامۋىنداعى ورنى مەن رولىن تەرەڭ تانىپ، چاڭجياڭ اتىراۋىن ءبىر تۇلعالاندىرا دامىتۋدا ءدوپ كەلگەن جاڭا جاعداي، جاڭا تالاپتارمەن ۇشتاستىرىپ، نىسانانى باعدار ەتۋدىڭ، ماسەلەنى باعدار ەتۋدىڭ بىرلىگىنە تاباندى بولىپ، ءبىر تۇلعالاندىرۋ مەن جوعارى ساپالى بولۋ سىندى ەكى تەتىكتى مىقتى ۇستاپ ءتۇيىندى قىزمەتتەردى ويداعىداي يگەرىپ، شىنايى يگەرىپ، ناقتى ىستەپ، قاجىرلىلىقپەن ىستەپ، چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋدە ناتيجەلەرگە ۇزدىكسىز قول جەتكىزۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋ باسشىلىق گرۋپپاسىنىڭ باستىعى حان جىڭ اڭگىمە ماجىلىسكە قاتىناستى ءارى ءسوز سويلەدى.

  شي جينپيڭ انحۇيدا تەكسەرۋ - زەرتتەۋ جۇرگىزگەن كەزدە وسى رەتكى اڭگىمە ءماجىلىستى ارنايى اشتى. اڭگىمە ماجىلىستە شاڭحاي قالالىق پارتكومنىڭ شۋجيى لي چياڭ، جياڭسۋ ولكەلىك پارتكومنىڭ شۋجيى لوۋ چينجيان، جىجياڭ ولكەلىك پارتكومنىڭ شۋجيى چى جۇن، انحۇي ولكەلىك پارتكومنىڭ شۋجيى لي جينبين، چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋ باسشىلىق گرۋپپاسىنىڭ ورىنباسار باستىعى حى ليفىڭ ءسوز سويلەپ، ءوز ءىس جۇزىندىك جاعدايلارىمەن ۇشتاستىرىپ، قىزمەت جاعدايىن تۇرلىشە تۇرعىدان تانىستىرىپ، پىكىر مەن ۇسىنىستار قويدى.

  كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: چاڭجياڭ اتىراۋىن ءبىر تۇلعالاندىرا دامىتۋ ستراتەگياسى اتقارىلعان ءبىر جىلدان استام ۋاقىتتان بەرى، 3 ولكە، ءبىر قالا جانە قاتىستى تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، قىزمەتتەردى مىقتى يگەردى، كوپتەگەن جارقىن تۇيىندەر جارىققا شىقتى. ءبىرىنشى، پارتيا ورتالىق كوميتەتىنىڭ ستراتەگيالىق ويىن جەتە ۇعىنىپ، چاڭجياڭ اتىراۋىن ءبىر تۇلعالاندىرا دامىتۋدى مەملەكەتتىڭ وڭىرلىك دامۋ جالپىلىق ستراتەگياسىنىڭ جالپى جاعدايىنا قويا وتىرىپ ءبىر تۇتاس جوسپارلاپ، جوبالاپ، بۇكىل ەل دامۋىنىڭ سەرپىندى، جاندى ارتۋ ۇيەگى، جوعارى ساپالى دامۋ ۇلگى رايونى، وسىزاماندانۋدى الدىمەن نەگىزىنەن جۇزەگە اسىرۋعا جەتەكتەۋ رايونى، ءوڭىردى ءبىر تۇلعالاندىرا دامىتۋدان ۇلگى كورسەتۋ رايونى، رەفورما جاساۋ، ەسىك اشۋدىڭ جاڭا ءورىسى سىندى ستراتەگيالىق ورنىمەن تىعىز بايلانىستىردى. ەكىنشى، تاسىلگە، ادىسكە جاڭالىق ەنگىزىپ، ءتۇيىندى سالالار مەن ءتۇيىندى وڭىرلەردىڭ سەرپىلىسىن ارقاۋ ەتىپ، ءتۇيىن ارقىلى اۋماقتى جەتەكتەپ ءبىر تۇلعالاندىرۋ اياق الىسىن جەدەلدەتتى. ءۇشىنشى، ستراتەگيانى اتقارۋدىڭ جەتىستىكتەرى جارىققا شىقتى، جوبالاۋ ساياساتى جۇيەسىنىڭ ”تۇلعالىق تىرەكتەرى“ العاشقى قادامدا تۇلعالاندى، كوپ ساتىلى قىزمەت مەحانيزمىنىڭ ونىمدىلىگى ساۋلەلەندىرىلدى، وسى رەتكى ىندەتتەن ساقتانۋ - تىزگىندەۋ جانە ەكونوميكانى قالپىنا كەلتىرۋ بارىسىندا ءبىر تۇلعالاندىرۋ مەحانيزمى مەن ۇلاستىرۋ، تۇتاستىرۋ نەگىزدىك قۇرىلعىلارى رولىن ساۋلەلەندىردى. جالپى العاندا، چاڭجياڭ اتىراۋىن ءبىر تۇلعالاندىرا دامىتۋدىڭ جاڭا جاعدايى قالىپتاسىپ كەلەدى. بۇل پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دۇرىس ەكەندىگىن، ءار جاقتىڭ پارمەندى تۇردە تياناقتاندىرعاندىعىن تۇسىندىرەدى.

  شي جينپيڭ بىلاي دەپ باسا دارىپتەدى: قاتاڭ دا كۇردەلى جاعدايعا مەڭزەس، چاڭجياڭ اتىراۋىن ءبىر تۇلعالاندىرا دامىتۋدى اناعۇرلىم جاقسى ىلگەرىلەتۋ ءۇشىن، ءسوز جوق، چاڭجياڭ اتىراۋى ءوڭىرىنىڭ مەملەكەتتىڭ ەكونوميكالىق، قوعامدىق دامۋىنداعى ورنى مەن رولىن جەتە تانۋ كەرەك. ءبىرىنشى، جاڭا دامۋ ارناسىن الدىمەن قالىپتاستىرۋ. الەمدىك بازار تارايعان كەزەكتەگى سىرتقى ورتادا، ءبىز، ءسوز جوق، ءوز ءىسىمىزدى كۇش - قۋاتتى شوعىرلاندىرا جاقسى ىستەپ، ەل ىشىندەگى ايرىقشا كەڭ كولەمدى بازار باسىمدىعىن ساۋلەلەندىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋىمىز كەرەك. چاڭجياڭ اتىراۋى ءوڭىرى دارىندىلاردىڭ توپتالۋى، عىلىم - تەحنيكالىق دەڭگەيى جوعارى بولۋ، جاساۋ كاسىبىنىڭ وركەندەۋى، كاسىپ تىزبەگىنىڭ، قامداۋ تىزبەگىنىڭ سالىستىرمالى تۇردە كەمەلدى بولۋى جانە بازار كومەسكى كۇشىنىڭ زور بولۋى سياقتى كوپتەگەن باسىمدىقتاردى ساۋلەلەندىرىپ، جاڭا دامۋ ارناسىن قالىپتاستىرۋدىڭ جولىن بەلسەنە قاراستىرۋى كەرەك. ەكىنشى، ەلىمىزدىڭ عىلىم - تەحنيكا مەن كاسىپ سالاسىندا جاڭالىق اشۋىنىڭ جول باستاۋشىسى بولۋعا باتىلدىق ەتۋ. قازىر جاڭا كەزەكتى عىلىم - تەحنيكا توڭكەرىسى مەن كاسىپ سالاسىنىڭ جاڭالانۋىندا جەدەل وزگەرىستەردىڭ جارىققا شىعۋى ەلىمىزدىڭ عىلىم - تەحنيكادا جاڭالىق اشۋ قابىلەتىن جەدەل جوعارىلاتۋدىڭ كوكەي تەستىلىگىن ونان ارى كورنەكتىلەندىردى. شاڭحاي مەن چاڭجياڭ اتىراۋى ءوڭىرى ساپالى ونىمدەرمەن قامداپ قانا قويماي، ونان دا ماڭىزدىسى، جوعارى دەڭگەيلى عىلىم - تەحنيكامەن قامداپ، بۇكىل ەلدىڭ جوعارى ساپالى دامۋىنا تىرەك بولۋى كەرەك. ءۇشىنشى، رەفورما جاساۋ، ەسىك اشۋدىڭ تىڭ ءورىسىن جەدەل قالىپتاستىرۋ. تاياۋدان بەرى، ەكونوميكانىڭ جاھاندانۋى ءتيىمسىز جاعدايعا تاپ بولدى، نەعۇرلىم وسىنداي بولعان سايىن، ءبىز سولعۇرلىم ادامزات تاعدىرلاس ورتاق تۇلعا تۋىن بيىك ۇستاپ، ەكونوميكانىڭ جاھاندانۋىن تاباندىلىقپەن قورعاۋىمىز جانە وعان جەتەكشىلىك ەتۋىمىز كەرەك. چاڭجياڭ اتىراۋى ءوڭىرى رەفورما جاساۋدىڭ، ەسىك اشۋدىڭ العى شەبى بولىپ كەلەدى. حالىقاراداعى بىرەگەي ولشەمگە تۋرالانىپ، شارۋاشىلىق - ساۋدا ورتاسىن جاقسارتىپ، اشىق، قىزمەت وتەيتىن، جاڭالىق اشاتىن، جوعارى ءونىمدى دامۋ ورتاسى ارقىلى ەل ءىشى - سىرتىنداعى دارىندىلار مەن كاسىپورىنداردى ىرگە تەبۋگە باۋراپ، ساۋدا مەن قارجى قوسۋدىڭ قولايلىلاسۋىن ىلگەرىلەتىپ، حالىقارالىق بازار مەن ەل ءىشى بازارىن تۇتاستىراتىن ماڭىزدى كوپىرگە اينالۋعا قۇلشىنۋ كەرەك.

  شي جينپيڭ بىلاي دەپ اتاپ كورسەتتى: چاڭجياڭ اتىراۋىن ءبىر تۇلعالاندىرا دامىتۋ ستراتەگياسىن اتقارۋدا ءبىر تۇلعالاندىرۋ مەن جوعارى ساپالى بولۋ سىندى ەكى تەتىكتى مىقتى ۇستاپ، ءبىر تۇلعالاندىرۋ وي جەلىسى مەن شاراسى ارقىلى اكىمشىلىك قامالدى تالقانداپ، ساياساتتى سايكەستىرۋدى جوعارىلاتىپ، فاكتورلاردىڭ اناعۇرلىم كەڭ كولەمدە ىركىلىسسىز جىلجۋىنا مۇمكىندىك جاساۋ كەرەك، بۇل وڭىرلەردىڭ سالىستىرمالى باسىمدىعىن ساۋلەلەندىرىپ، اناعۇرلىم ۇيلەسىمدى جۇمىس ءبولىسىن جۇزەگە اسىرىپ، اناعۇرلىم قۋاتتى بىرىككەن كۇش ۇيىستىرىپ، جوعارى ساپالى دامۋدى جەبەۋگە ءتيىمدى.

  ءبىرىنشى، چاڭجياڭ اتىراۋى ءوڭىرى ەكونوميكاسىنىڭ جوعارى ساپالى دامۋىن ىلگەرىلەتۋ. 3 ولكە، ءبىر قالا ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرۋ العى شارتىندا، پارتيا ورتالىق كوميتەتى شىعارعان ساياساتتاردى ويداعىداي تياناقتاندىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەۋ، ”التىنى قامتاماسىز ەتۋ“ مىندەتىن جاپپاي تياناقتاندىرۋدا بۇكىل ەلدىڭ الدىڭعى لەگىندە ءجۇرۋى كەرەك. قيىنشىلىقتان قۇتقارۋ شارالارىنىڭ نەگىزگى ساتىعا تىكە جەتۋىنە، بازار تۇلعالارىنا تىكە يگىلىك جەتكىزۋىنە شىنايى كەپىلدىك ەتىپ، فينانس كاپيتالىن جاساۋ كاسىبىن جانە ورتا، شاعىن، ۇساق كاسىپورىنداردى ءتۇيىندى تۇردە قولداۋعا جەتەكتەۋ كەرەك. سيفرلى ەكونوميكانىڭ باسىمدىعىن ساۋلەلەندىرىپ، كاسىپ سالاسىنىڭ سيفرلانىپ، زەردەلىلەنىپ تيپ وزگەرتۋىن جەدەلدەتىپ، كاسىپ تىزبەگىنىڭ، قامداۋ تىزبەگىنىڭ تۇراقتىلىعى مەن باسەكەلىك قابىلەتىن جوعارىلاتۋ كەرەك. كەلەلى نىسان قۇرىلىستارىن جەدەل ىلگەرىلەتىپ، ءونىمدى قارجى قوسۋ قاجەتىن جارىققا شىعارۋ كەرەك.

  ەكىنشى، عىلىم - تەحنيكادان قامال الۋ سەرپىنىن كۇشەيتۋ. جاڭالىق اشۋ ىرىقتىلىعىن، دامۋ ىرىقتىلىعىن، ءسوز جوق، ءوز قولىمىزدا مىقتاپ يگەرۋىمىز كەرەك. 3 ولكە، ءبىر قالا عىلىم - تەحنيكا كۇشتەرىن توپتاپ، نازاردى ينتەگرالدى تىزبەك، بيولوگيالىق ءدارى، جاساندى زەردە سياقتى ءتۇيىندى سالالار مەن شەشۋشى بۋىندارعا شوعىرلاندىرىپ، ەرتەرەك قامال الۋ كەرەك. ءبىر توپ ورتا، شاعىن، ۇساق عىلىم - تەحنيكالىق كاسىپورىنداردىڭ جاڭالىق اشا دامۋىن قولداۋ كەرەك.

  ءۇشىنشى، چاڭجياڭ اتىراۋىنداعى قالالاردىڭ دامۋ ساپاسىن جوعارىلاتۋ. چاڭجياڭ اتىراۋى وڭىرىندەگى قالالار اشۋ قۇرىلىسىن ەرتە باستاعان، كونە قالا رايوندارى كوپ، جاڭارتۋ مىندەتى وتە اۋىر، بۇل بۇقارانىڭ ءتول مۇددەسى مەن قالانىڭ ۇزاق بولاشاقتىق دامۋىنا سايادى، قانشا قيىن بولسا دا امالىن تاۋىپ شەشۋ كەرەك. سونىمەن بىرگە، جاپپاي شاعۋعا، جاپپاي قۇرىلىس جۇرگىزۋگە بولمايدى، تاريحي مادەنيەت پەن قالانىڭ كەلبەتىن ويداعىداي قورعاۋعا كوڭىل ءبولىپ، ”قالالاردىڭ ءبىر - بىرىنە ۇقساپ كەتۋىنەن، عيماراتتاردىڭ ءبىر - بىرىنەن اينىماي قالۋىنان“ ساقتانۋ كەرەك. ورايدان پايدالانىپ ءۇي الىپساتارلىعىمەن شۇعىلدانۋدان باتىل ساقتانىپ، ءۇيدىڭ ساتۋعا ەمەس، وتىرۋعا ارنالعان سيپاتىنا تيتتەي دە مىزعىماستان تاباندى بولىپ، باياندى مەحانيزمدى تياناقتاندىرىپ، قورا - جاي بازارىنىڭ ورنىقتى، اقاۋسىز دامۋىنا شىنايى كەپىلدىك ەتۋ كەرەك.

  ءتورتىنشى، دامۋى كەنجە وڭىرلەردەگى جوعارى ساپالى دامۋدىڭ قوزعاۋشى قۋاتىن كۇشەيتۋ. ءبىر تۇلعالاندىرۋداعى ماڭىزدى ماقساتتاردىڭ ءبىرى وڭىرلەر دامۋىنداعى بىركەلكىسىزدىك ماسەلەسىن شەشۋ. دامۋ ايىرماشىلىعى كوبىنەسە دامۋ كەڭىستىگىنەن كورىنىس بەرەدى. قاتىستى تاراۋلار دامۋى كەنجە وڭىرلەرگە باعىتتاي وتىرىپ اناعۇرلىم ءدال شارالار شىعارىپ، اتقارىپ، وسى وڭىرلەردىڭ چاڭجياڭ اتىراۋىنىڭ ءبىر تۇلعالانا جوعارى ساپالى دامۋ اياق الىسىنا ىلەسۋىن ىلگەرىلەتۋ كەرەك. دارقاندىق بارلىعىن قۇشاعىنا سيدىرادى. تۇرلىشە وڭىرلەردىڭ ەكونوميكالىق شارت - جاعدايىنىڭ، جاراتىلىستىق شارت - جاعدايىنىڭ بىركەلكى بولماۋى وبيەكتيۆ ءومىر سۇرەدى، ايتالىق، قالا مەن اۋىل - قىستاق، جازىق جەر مەن تاۋلى ءوڭىر، كاسىپ سالاسى دامىتىلاتىن ءوڭىر مەن ەكولوگياسى قورعالاتىن ءوڭىر اراسىندا ايىرماشىلىقتار بار، مۇنداعى بىركەلكىلىكتى قاراپايىم، مەحانيكالى تۇردە تۇسىنۋگە بولمايدى. دامۋدىڭ بىركەلكى بولماۋى ماسەلەسىن شەشۋدە ەكونوميكالىق زاڭدىلىقتارعا، جاراتىلىستىق زاڭدىلىقتارعا ۇيلەسۋ، سول جەردىڭ ىڭعايىنا قاراي ىستەپ، تۇرلەر بويىنشا جەتەكشىلىك ەتۋ، وبيەكتيۆ ايىرماشىلىقتى مويىنداۋ كەرەك، بارلىعىن ءبىر تاياقپەن ايداۋعا بولمايدى.

  بەسىنشى، پۋدۇڭنىڭ جوعارى دەڭگەيدە رەفورما جاساۋىن، ەسىك اشۋىن ىلگەرىلەتۋ. بيىل شاڭحايدىڭ پۋدۇڭىنىڭ يگەرىلگەندىگىنىڭ، ەسىك اشقاندىعىنىڭ 30 جىلدىعى، پۋدۇڭنىڭ رەفورمانى جۇيەلى، شوعىرلى، سايكەستى، جوعارى ءونىمدى جۇرگىزۋ، جوعارى دەڭگەيدە، تۇزىمدىك تيپتە ەسىك اشۋ، الەمدىك بايلىقتاردى جايعاستىرۋ قابىلەتىن نىعايتۋ، قالانىڭ وسىزاماندانعان جونگە سالۋ دەڭگەيىن جوعارىلاتۋ سياقتى جاقتاردا الدىمەن ىسكە كىرىسىپ، الدىمەن سىناق ەتۋىنە، بەلسەنە ىزدەنىس جاساۋىنا، تاجىريبە جاراتۋىنا قولداۋ كورسەتۋ شاڭحايدى جانە چاڭجياڭ اتىراۋىن ءبىر تۇلعالاندىرا جوعارى ساپالى دامىتۋدا، ءتىپتى، ەلىمىزدىڭ سوتسياليستىك وسىزامانداندىرۋ قۇرىلىسىندا ماڭىزدى ستراتەگيالىق مانگە يە. شاڭحاي ەركىن ساۋدا سىناق رايونى لينگاڭ جاڭا اۋماعى قۇرىلىسى قىزمەتىن ۇزدىكسىز ويداعىداي ىستەپ، تاجىريبە اتىزىندىق رولىن تولىق ساۋلەلەندىرۋ كەرەك. شاڭحاي حالىقارالىق فينانس ورتالىعى قۇرىلىسىن ويداعىداي يگەرىپ، چاڭجياڭ اتىراۋى مەن بۇكىل ەل ەكونوميكاسىنىڭ جوعارى ساپالى دامۋىنا قولداۋ كورسەتۋ كەرەك.

  التىنشى، چاڭجياڭ اتىراۋى ءوڭىرىنىڭ جاسىل دامۋ نەگىزىن بەكەمدەۋ. چاڭجياڭ اتىراۋى ءوڭىرى − چاڭجياڭ ەكونوميكالىق بەلدەۋىنىڭ سەركەسى، ەكونوميكالىق دامۋدا الدىڭعى لەكتە جۇرۋمەن بىرگە، ەكولوگيانى قورعاۋدا جانە ەكولوگيالىق قۇرىلىستا جاقسى باستاماشى بولۋ كەرەك. چاڭجياڭنىڭ ەكولوگيالىق ورتاسىن قورعاۋدى، قالپىنا كەلتىرۋدى كورنەكتى ورىنعا قويىپ، ەكولوگيالىق ورتاعا قاتىستى كورنەكتى ماسەلەلەردى رەتتەۋ - تۇزەتۋدى مىقتاپ يگەرىپ، قالا - قالاشىقتارداعى لاس سۋلار مەن قوقىستاردى ءبىر جاقتى ەتۋدى ىلگەرىلەتىپ، حيميا ونەركاسىپتىك لاستانۋدى، اۋىل شارۋاشىلىعىنداعى بەتتىك لاستانۋدى، كەمە - قايىقتاردىڭ لاستاۋىن جانە قالدىق كەندەردى، قويمالاردى جونگە سالۋدى كۇشەيتۋ كەرەك. تايحۋ كولى اينالاسىنداعى قالا، اۋىلدارداعى ورگانيكالىق جاراقسىز زاتتاردى ءبىر جاقتى ەتۋدى، پايدالانۋدى ىلگەرىلەتىپ، جەلىلەس سايكەستى قامتاماسىزداندىرۋ شارالارىن قالىپتاستىرىپ، چاڭجياڭ اتىراۋى ءوڭىرىنىڭ ەكولوگيالىق ورتاسىن بىرگە قورعاۋ، بىرلەسىپ جونگە سالۋ ءۇشىن پايدالانۋ ۇلگىسىن ۇسىنىپ، بۇكىل ەلدەگى ورگانيكالىق جاراقسىز زاتتاردى ءبىر جاقتى ەتۋگە، پايدالانۋعا ۇلگى بولۋ كەرەك. چاڭجياڭ وزەنىندە بالىق اۋلاۋعا تيىم سالۋ − جالپى جاعداي ءۇشىن، ۇرپاقتار ءۇشىن جوسپارلانعان ماڭىزدى شەشىم. وزەن بويىنداعى ءارقايسى ولكە، قالالار مەن قاتىستى تاراۋلار ءبىر تۇتاس جوسپارلاۋدى، سايكەسۋدى كۇشەيتىپ، ساياسات - شارالاردى اشالاپ، تۇلعالىق جاۋاپكەرشىلىكتى ناقتىلاندىرىپ، بالىق اۋلاۋدان شەگىنگەن بالىقشىلاردىڭ جۇمىستانۋىن جانە تۇرمىسىن قامتاماسىز ەتۋ كەرەك. زاڭ اتقارۋدى، باقىلاۋ - باسقارۋدى كۇشەيتىپ، زاڭسىز اۋلاۋ ءىس - ارەكەتتەرىنە قاتاڭ سوققى بەرىپ، بالىق اۋلاۋعا تيىم سالۋ قىزمەتىندە تىڭعىلىقتى ناتيجەگە قول جەتكىزۋگە تالپىنۋ كەرەك.

  جەتىنشى، نەگىزگى الەۋمەتتىك قىزمەت وتەۋلەردىڭ قولايلى بولۋىن جانە ودان تەڭ يگىلىكتەنۋدى جەبەۋ. حالىق تۇرمىسىنا پايدالى ىستەردى كوبىرەك جوسپارلاپ، حالىق تۇرمىسىنداعى الاڭ - ۋايىمداردى كوبىرەك شەشىپ، ءبىر تۇلعالانىپ دامۋ بارىسىنداعى حالىق تۇرمىسىنىڭ ولقىلىقتارىن تولىقتاۋ كەرەك. 3 ولكە، ءبىر قالا وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ تاجىريبەلەرىمەن بىرلەستىرىپ، چاڭجياڭ اتىراۋى ءوڭىرىنىڭ سەلبەستىك مەحانيزمىنەن پايدالانىپ، الەۋمەتتىك دەنساۋلىق ساقتاۋ سياقتى ەلەۋلى، توسىن وقيعالار بويىنشا توتەنشە جاعدايعا توتەپ بەرۋ جۇيەسىن ورناتىپ، مەديتسينالىق، دەنساۋلىق ساقتاۋ زاتتىق ماتەريالدارىن زاپاس ساقتاۋدى كۇشەيتۋ كەرەك. ءبىر تۇتاس نەگىزگى ەمدەۋ قامسىزداندىرۋى ساياساتىن اتقارۋدى ىلگەرىلەتىپ، ءدارى - دارمەك ءتىزىمىنىڭ، دياگنوز قويۋ جانە ەمدەۋ تۇرلەرىنىڭ، مەديتسينالىق قىزمەت وتەۋ قۇرىلعىلارى ءتىزىمىنىڭ ءبىر تۇتاس بولۋىن جوسپارلى تۇردە بىرتىندەپ جۇزەگە اسىرۋ كەرەك. قوعامدىق قامتاماسىزداندىرۋ كارتچكاسىن دانەكەر ەتىپ، تۇرعىندارعا ”ءبىر كارتچكامەن“ قىزمەت وتەۋ جونىندە ىزدەنىس جاساپ، جول قاتىناسىمەن ساپارعا شىعۋ، ساياحات جانە سەيىل - سەرۋەن، مادەنيەتتەن اسەر الۋ سياقتى جاقتاردا ”ءبىر قالالىق مامىلەنى“ الدىمەن جۇزەگە اسىرۋ كەرەك. سونىمەن بىرگە، قالا مەن اۋىلدا نەگىزگى ساتىنى جونگە سالۋدىڭ ولقىلىقتارىن تولىقتاۋ، جاراتىلىستىق اپاتتاردان قورعانۋ قابىلەتىن جوعارىلاتۋ جاعىندا كۇش سالىپ، ناقتى ناتيجەگە جەتۋ كەرەك.

  شي جينپيڭ بىلاي دەپ باسا دارىپتەدى: پارتيانىڭ باعداردى مەڭگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتىن جانە تاباندىلىعىن جوعارىلاتىپ، چاڭجياڭ اتىراۋىن ءبىر تۇلعالاندىرىپ دامىتۋعا پارمەندى ساياسي قامتاماسىزدىق ازىرلەۋ كەرەك. ءبىر تۇلعالاندىرىپ دامىتۋ ستراتەگياسىن اتقارۋ بارىسىندا دارىندىلاردى بايقاۋ، دارىندىلاردى جەتىلدىرۋ، دارىندىلاردى ىستەتۋ كەرەك. ساياسي ولشەمدى ءبىرىنشى ولشەم ەتۋگە تاباندى بولىپ، كادرلار قوسىنىنىڭ ساياسي جاقتا سەنىمدى بولۋىنا، تياناقتى بولۋىنا، الاڭسىز بولۋىنا شىنايى كەپىلدىك ەتۋ كەرەك. كادرلار ءتۇزىمى رەفورماسىن تەرەڭدەتىپ، قابىلەتتىلەر ىستەيتىن، ۇزدىكتەر سيلاناتىن، توعىشارلار توپتان قالاتىن، ناشارلار قاتاردان قالاتىن دۇرىس بەتالىس قالىپتاستىرۋدى ىلگەرىلەتۋ كەرەك. چاڭجياڭ اتىراۋىن ءبىر تۇلعالاندىرىپ دامىتۋعا ۇيلەسەتىن كادر اۋىس - كۇيىس مەحانيزمىن ورناتۋ جونىندە ىزدەنىس جاساۋ كەرەك. كاسىپورىنداردا پارتيا ۇيىمدارىن جۇيەلىلەندىرۋ قۇرىلىسىن كۇشەيتىپ، پارتيا ۇيىمىنىڭ كاسىپورىننىڭ شەشىم قابىلداۋىنا قىزمەت وتەۋ، بازار اشۋ، تەحنيكالاردى جاڭالاۋ، ونىمدىلىكتى جوعارىلاتۋ سياقتى جاقتارداعى رولىن ساۋلەلەندىرىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن كاسىپورىننىڭ دامۋ باسىمدىعىنا اينالدىرۋ كەرەك. جالپىلىق مەنشىككە جاتپايتىن ەكونوميكالىق ۇيىمداردا پارتياعا مۇشە قابىلداۋعا ءمان بەرىپ، پارتيا مۇشەلەرىن تاربيەلەۋ، باسقارۋ قىزمەتىن ويداعىداي ىستەپ، ولاردى اۆانگارد ۇلگىلىك رولىن ساۋلەلەندىرۋگە جەتەكتەۋ كەرەك.

  شي جينپيڭ بىلاي دەپ اتاپ كورسەتتى: چاڭجياڭ اتىراۋىن ءبىر تۇلعالاندىرىپ دامىتۋ ءبىر كۇندىك شارۋا ەمەس، بىزدە تاريحي سابىرلىلىق تا، ۋاقىتپەن جارىساتىن كوكەي تەستىلىك سەزىم دە بولۋ كەرەك، ۇزاق بولاشاقتى جوسپارلاۋمەن بىرگە، قازىرگى ىستەردى دە تىندىرۋىمىز كەرەك. باسشىلىق گرۋپپا ۇلكەن باعداردى، ۇلكەن پرينسيپتىك وتكەلدى ويداعىداي يگەرىپ، پارتيا ورتالىق كوميتەتىنىڭ ورنالاستىرۋلارىنىڭ، شەشىمدەرىنىڭ تىڭعىلىقتى تياناقتانۋىنا شىنايى كەپىلدىك ەتۋ كەرەك. 3 ولكە، ءبىر قالا مەن قاتىستى تاراۋلار پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، جۇرەكتىلىكپەن جاۋاپكەرشىلىك ارقالاپ، ىرىقتىلىقپەن ىسكەرلىك كورسەتىپ، باتىلدىقپەن قامال الۋ كەرەك. ءىس جۇزىندىكتى شىعار ءتۇيىن ەتىپ، ”14 - بەسجىلدىق“ مەزگىلىندەگى چاڭجياڭ اتىراۋىن ءبىر تۇلعالاندىرىپ دامىتۋ جوسپارىن اتقارۋ جوباسىن جاساپ، اناعۇرلىم مول جەتىستىككە ۇزدىكسىز قول جەتكىزۋ كەرەك.

  حان جىڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ستراتەگيالىق يدەياسىن ىشكەرىلەي ۇيرەنىپ، ءتۇسىنىپ، ءبىر تۇلعالاندىرۋ جانە جوعارى ساپالى دامۋ سىندى ەكى تەتىكتى مىقتى ۇستاپ، چاڭجياڭ اتىراۋىن ءبىر تۇلعالاندىرىپ دامىتۋدى ىلگەرىلەتۋدە اناعۇرلىم كەسەك ناتيجەگە قول جەتكىزۋ كەرەك. بۇكىل ەل بويىنشا جوعارى ساپالى دامۋدىڭ ۇلگى رايونىن قالىپتاستىرۋعا كۇش سالىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكانىڭ ورنىقتى اينالىمىن ساقتاپ، كاسىپ سالالالارىن ساپالىلاندىرۋدى، دارەجەسىن جوعارىلاتۋدى جەدەلدەتۋ كەرەك. جوعارى ساپادا جاڭالىق اشۋدى كۇش سالا ىلگەرىلەتىپ، شەشۋشى، وزەكتى تەحنيكالاردىڭ ءبىر توبىنان شوعىرلى تۇردە قامال الىپ، ءتول جاسامپازدىقتى، تەحنيكالىق جاڭالىق اشۋدى جانە كاسىپ سالاسىندا جاڭالىق اشۋدى سايكەستىرە ىلگەرىلەتىپ، عىلىم - تەحنيكادا جاڭالىق اشۋدىڭ جانە جاساۋ كاسىبىندەگى زەرتتەۋ - اشۋدىڭ تىڭ ءورىسىن قالىپتاستىرۋ كەرەك. جوعارى دەڭگەيدە ەسىك اشۋدى كۇش سالا ىلگەرىلەتىپ، ەركىن ساۋدا سىناق رايونىنىڭ جوعارى ساپالى دامۋىن جەبەپ، جوعارى دەڭگەيدە ەسىك اشۋ تۇعىرىن قالىپتاستىرىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن كەمەلدەندىرۋ كەرەك. جوعارى ونىمدىلىكپەن سايكەسۋدى بارىنشا كۇشەيتىپ، ءبىر تۇلعالاندىرۋدىڭ ءتۇزىلىس - مەحانيزمىن كەمەلدەندىرىپ، ەكولوگيالىق ورتانى بىرگە قورعاۋدى، بىرلەسىپ جونگە سالۋدى كۇشەيتىپ، نەگىزگى الەۋمەتتىك قىزمەت وتەۋلەردىڭ قولايلى بولۋىن جانە ودان تەڭ يگىلىكتەنۋدى جەبەۋ كەرەك.

  ديڭ شۋەشياڭ، ليۋ حى، چىن شي، ۋاڭ يۇڭ، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، قالالارداعى جاۋاپتى جولداستار اڭگىمە ماجىلىسكە قاتىناستى.