شي جينپيڭ انحۇيدا قىزمەت تەكسەرگەندە بىلاي دەپ باسا دارىپتەدى
رەفورما جاساۋعا، ەسىك اشۋعا تاباندى بولىپ، جوعارى ساپالى دامۋعا تاباندى بولىپ، كورىكتى انحۇيدى جەدەل قۇرۋدا تىڭ، اناعۇرلىم زور ىلگەرىلەۋشىلىككە قول جەتكىزۋ كەرەك
8 - ايدىڭ 18 - كۇنىنەن 21 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ انحۇي ولكەسىندە قىزمەت تەكسەردى. سۋرەتتە: 8 - ايدىڭ 19 - كۇنى تۇستەن كەيىن شي جينپيڭ حىفي قالاسى فيدۇڭ اۋدانى شىباليانۋي ەكولوگيالىق سازدىعى تاسقىن سۋىن ىركۋ اۋماعىنداعى چاۋحۋ كولىنىڭ ۇلكەن بوگەنىندە تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ شايقاسىندا قۇربان بولعان جولداستاردىڭ وتباسىنداعىلارعا، تاسقىننان ساقتانۋ، تاسقىنعا قارسى اتتانۋدىڭ ءبىرىنشى شەبىندەگىلەرگە، وزات تيپتەردىڭ ۋاكىلدەرىنە جانە تاسقىنعا قارسى اتتانىپ، حاۋىپتەن اراشالاۋعا قاتىناسقان اسكەري بولىمدەردەگى كوماندير - جاۋىنگەرلەرگە شىن ىقىلاسپەن امانداسىپ، حال سۇرادى.
8 - ايدىڭ 18 - كۇنىنەن 21 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ انحۇي ولكەسىندە قىزمەت تەكسەردى. سۋرەتتە: 8 - ايدىڭ 19 - كۇنى تۇستەن بۇرىن شي جينپيڭ ما - انشان قالاسىنداعى جۇڭگو باۋ - ۋ ماگاڭ توبىندا كاسىپورىنداعى ەڭبەك ۇلگىلەرىنىڭ، جۇمىسشىلاردىڭ ۋاكىلدەرىمەن ىقىلاسپەن اڭگىمەلەسۋدە.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا انحۇيدا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتىلەندىرىپ، تياناقتاندىرىپ، جاڭا دامۋ ۇستانىمىن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، رەفورما جاساۋعا، ەسىك اشۋعا تاباندى بولىپ، جوعارى ساپالى دامۋعا تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ءۇش ءىرى قامال الۋ شايقاسىن ويداعىداي جۇرگىزىپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن قالىپتاستىرۋدا اناعۇرلىم ۇلكەن ىسكەرلىك كورسەتىپ، كورىكتى انحۇيدى جەدەل قۇرۋدا تىڭ، اناعۇرلىم زور ىلگەرىلەۋشىلىككە قول جەتكىزۋ كەرەك.
8 - ايداعى جياڭحۋاي دالاسى، شىجىعان ىستىق كۇن. 8 - ايدىڭ 18 - كۇنىنەن 21 - كۇنىنە دەيىن شي جينپيڭ انحۇي ولكەلىك پارتكومنىڭ شۋجيى لي جينبيننىڭ، ولكە باستىعى لي گويىڭنىڭ سەرىك بولۋىندا ىلگەرىندى - كەيىندى فۋياڭ، ما - انشان، حىفي قاتارلى جەرلەرگە بارىپ، تاسقىننان ساقتانۋدىڭ، اپاتتان قۇتقارۋدىڭ ءبىرىنشى شەبى، اۋىل - قىستاق، كاسىپورىن، توڭكەرىستىك ەسكەرتكىش سارايى سياقتىلاردى ىشكەرىلەي ارالاپ، اپاتقا ۇشىراعان بۇقاراعا جانە تاسقىننان ساقتانۋدىڭ، اپاتتان قۇتقارۋدىڭ ءبىرىنشى شەبىندەگىلەرگە امانداسىپ، ولاردان حال سۇراپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، تاسقىننان ساقتانۋدى، اپاتتان قۇتقارۋدى جانە اپاتتان كەيىنگى قالپىنا كەلتىرۋدى، قايتا قۇرۋدى كۇشەيتۋ، چاڭجياڭ اتىراۋىن ءبىر تۇلعالاندىرىپ دامىتۋدى ىلگەرىلەتۋ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدى جوسپارلاۋ جونىندە تەكسەرۋ - زەرتتەۋ جۇرگىزدى.
8 - ايدىڭ 18 - كۇنى تۇستەن كەيىن شي جينپيڭ الدىمەن فۋياڭ قالاسى فۋنان اۋدانى ۋاڭجيابا توسپا تيەگىنە كەلىپ، انحۇي ولكەسىنىڭ تاسقىننان ساقتانۋ قىزمەتى جانە ۋاڭجيابا توسپاسىنىڭ تيەگىن اعىتىپ تاسقىن سۋىن ءبولىپ اعىزۋ جاعدايى جونىندەگى تانىستىرۋدى تىڭدادى. ۋاڭجيابا توسپا تيەگى مىڭ شاقىرىمدىق حۋايحى وزەنىندەگى ”ءبىرىنشى تيەك“ دەگەن اتقا يە. بيىل 7 - ايدىڭ 20 - كۇنى ۋاڭجيابا توسپا تيەگى اراعا 13 جىل سالىپ قايتا اعىتىلىپ، قاۋىرت تاسقىن كەزىنەن باسقا ۋاقىتتا قىسىمدى جەڭىلدەتۋ فۋنكتسياسىن ءونىمدى ساۋلەلەندىردى. ۋاڭجيابا توسپاسىنىڭ تاسقىننان ساقتانۋ، تاسقىنعا قارسى اتتانۋ كورمە زالىندا شي جينپيڭ حۋايحى وزەنىن جونگە سالۋ تاريحى جانە حۋايحى وزەنى الابىنداعى تاسقىننان ساقتانۋ، تاسقىنعا قارسى اتتانۋ قىزمەتى جاعدايىمەن ەگجەي - تەگجەيلى تانىستى. ول بىلاي دەپ باسا دارىپتەدى: حۋايحى وزەنى جاڭا جۇڭگو قۇرىلعان سوڭ جالپى بەتتىك جۇيەلى جونگە سالىنعان العاشقى ۇلكەن وزەن. 70 جىلدان بەرى، حۋايحى وزەنىن جونگە سالۋ ايتارلىقتاي ناتيجەگە قول جەتكىزىپ، تاسقىننان ساقتانۋ جۇيەسى بارعان سايىن كەمەلدەندى، تاسقىننان ساقتانۋ، تاسقىنعا قارسى اتتانۋ، اپاتتان ساقتانۋ، اپات زيانىن ازايتۋ قابىلەتى ۇزدىكسىز جوعارىلادى. حۋايحى وزەنىن جونگە سالۋدىڭ تاجىريبەلەرىن ويداعىداي قورىتىندىلاپ، ”14 - بەسجىلدىق“ مەزگىلىندەگى حۋايحى وزەنىن جونگە سالۋ جوباسىن مۇقيات جوسپارلاۋ كەرەك.
وسىدان كەيىن شي جينپيڭ سول ماڭداعى حۇڭلياڭ چەمودان - سومكە شەكتى سەرىكتەستىگىنە كەلىپ، فۋنان اۋدانىنىڭ جۇمىستاندىرۋ ارقىلى كەدەيلەردى سۇيەمەلدەۋ جانە اپات سەبەبىنەن كەدەيلەسۋدەن، قايتا كەدەيلەسۋدەن ساقتانۋ جاعدايىمەن تانىستى، سونداي - اق سەحتاعى ءوندىرىس جەلىسىن كورىپ شىعىپ، جۇمىسشى - قىزمەتكەرلەرمەن ىقىلاستى تۇردە اڭگىمەلەستى. شي جينپيڭ كاسىپورىننان قيىنشىلىقتى جەڭىپ، اپات اكەلگەن زياننىڭ ورنىن قايتا تولتىرۋدى ءۇمىت ەتتى. ول ءار دارەجەلى پارتكومدار مەن ۇكىمەتتەردەن سۇيەمەلدەۋ سەرپىنىن ارتتىرىپ، كاسىپورىنداردىڭ قيىن وتكەلدەن وتۋىنە جاردەمدەسىپ، اپاتقا ۇشىراعان بۇقارانىڭ، قيىنشىلىعى بار بۇقارانىڭ جۇمىستانۋىن قامتاماسىز ەتۋدى تالاپ ەتتى.
كەدەيلەردى سۇيەمەلدەۋ سەحىنان شىققاننان كەيىن شي جينپيڭ مىڭۋا تاسقىن سۋىن ىركۋ اۋماعىنداعى ساۋجي قالاشىعى ليمين قىستاعى شيتيانپو تەكشەسىنە شىعىپ قىزمەت تەكسەردى، تەكسەرۋ - زەرتتەۋ جۇرگىزدى. تاسقىن سۋ قايتقان سوڭ، تەكشە ماڭىنداعى ەگىنجايلار قاربالاستىققا ءتۇستى، قىستاق تۇرعىندارى شاپشاڭ قيمىلداپ كولشىكتەن تىكەندى تۇڭعيىق ءدانىن جيناپ، سۋ قايتقان جەرلەرگە تولىقتاپ كوكونىس ەكتى. شي جينپيڭ تاقتا قىرىمەن ءجۇرىپ ەگىنجايدىڭ ىشىنە دەيىن كىرىپ، ەڭبەك ىستەپ جاتقان اۋىلداستاردان ءوندىرىستىڭ قالپىنا كەلۋ جاعدايىن ۇعىستى. ول بىلاي دەپ اتاپ كورسەتتى: جەردىڭ جاعدايىنا قاراي ىستەپ، شاپشاڭ ەگىپ، تولىقتاپ ەگىپ، اپات زيانىن مۇمكىندىگىنشە ەڭ تومەنگى شەككە ءتۇسىرىپ، كۇزدە اۋەلگىدەي جاقسى ءتۇسىم الۋعا ۇمتىلۋ كەرەك. تاسقىن سۋىن ىركۋ اۋماعىنىڭ ەرەكشەلىگىنە نەگىزدەلە وتىرىپ بۇقارانىڭ ءوندىرىس، تۇرمىسىن ورنالاستىرىپ، ارتىقشىلىعىن ساۋلەلەندىرىپ، ولقىلىعىن تولىقتاۋ، سونىمەن بىرگە اۋىلداستاردى بىرتىندەپ كوشىپ شىعۋعا جەتەكتەپ جانە ىنتالاندىرىپ، تاسقىن سۋىن ىركۋ اۋماعىنداعى حالىقتىڭ ەندى ارتپاۋىنا شىنايى كەپىلدىك ەتۋ كەرەك.
شي جينپيڭ ىلە - شالا شيتيانپو تەكشەسىنە شىعىپ، قىستاق كەلبەتىنە كوز جۇگىرتتى ءارى قىستاق تۇرعىندارىنىڭ ۇيلەرىنە كىرىپ، ولاردىڭ وتباسى تابىسى، اپات زيانى، ءوندىرىستى قالپىنا كەلتىرۋى سياقتى جاعدايلارىمەن تانىستى. شي جينپيڭ بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر مەملەكەتتىڭ بەلگىلەمەسى بويىنشا، قاتىستى تولەم قارجىلارىن جەدەل تۇردە تىڭعىلىقتى تياناقتاندىرۋ، سونداي - اق تومەنگى شەكتەن تۇسىرمەي قامتاماسىز ەتۋ سياقتى كومەكتەسۋ - سۇيەمەلدەۋ شارالارىن ورتاعا قويىپ، اپاتقا ۇشىراعان بۇقارانىڭ نەگىزگى تۇرمىسىنىڭ ىقپالعا ۇشىراماۋىنا شىنايى كەپىلدىك ەتۋ كەرەك.
تەكشەدەن تۇسەردە قىستاق تۇرعىندارى جاپا - تارماعاي باس شۋجيمەن امانداستى. شي جينپيڭ اۋىلداستارعا بىلاي دەدى: مەن اپات رايونىنداعى بۇقارانىڭ قامىن كوپ ويلايمىن، بۇل جولى اۋىلداستارعا ارنايى امانداسۋعا كەلىپ، پارتكوم مەن ۇكىمەتتىڭ كومەگىندە كوپشىلىكتىڭ تۇرمىسىنىڭ بىرتىندەپ قالپىنا كەلگەندىگىن، وندىرىستە ءوزىن قۇتقارۋدى بەلسەنە ورىستەتكەندىگىن كورىپ، الاڭسىز بولدىم. اۋىلداستاردىڭ ءوز كۇشتەرىنە سۇيەنىپ ۇزدىكسىز قۇلشىنىپ، تۇرمىستارىن ونان ارى شالقىتا ءتۇسۋىن ءۇمىت ەتەمىن.
8 - ايدىڭ 19 - كۇنى تۇستەن بۇرىن شي جينپيڭ ما - انشان قالاسىنا بارىپ قىزمەت تەكسەردى، تەكسەرۋ - زەرتتەۋ جۇرگىزدى. شۋەجياۋا ەكولوگيالىق باقشاسى چاڭجياڭ وزەنىنىڭ جاعاسىنا ورنالاسقان، ۇزاقتان بەرى وندا بەتالدى قۇرىلىستار سالىنىپ، لاس سۋلار كەلسە - كەلمەس جايىلىپ جاتاتىن، رەتتەۋ - جونگە سالۋ ارقىلى قازىر بۇل جەر بۇقارانىڭ وزەن جاعالاپ، سۋ ساعالاپ، جاسىل مانات ارالايتىن كورىكتى جاعاجايىنا اينالعان. شي جينپيڭ ما - انشان قالاسىنىڭ چاڭجياڭ وزەنى جاعالاۋىن جالپىلىق رەتتەۋ - جونگە سالۋ جانە ەكولوگيالىق ورتاسىن قورعاۋ، قالپىنا كەلتىرۋ، چاڭجياڭ وزەنىندە 10 جىل بالىق اۋلاۋعا تيىم سالۋ سياقتى قىزمەتتەردىڭ تياناقتانۋ جاعدايىمەن ەگجەي - تەگجەيلى تانىستى، سونداي - اق وزەن جاعاسىنا بارىپ چاڭجياڭ وزەنىنىڭ سۋ جاعدايىن جانە جاعالاۋداعى ەكولوگيالىق ورتانى كوزدەن كەشىردى. شي جينپيڭ بىلاي دەپ باسا دارىپتەدى: ەكولوگيالىق ورتانى قورعاۋ مەن ەكونوميكانى دامىتۋ قايشىلىقتى، قاراما - قارسى قاتىناس ەمەس، قايتا ديالەكتيكالىق بىرلىك قاتىناسى بولىپ تابىلادى. ەكولوگيانى ويداعىداي قورعاپ، ەكولوگيانىڭ ارتىقشىلىعىن ساۋلەلەندىرگەندە عانا، جوعارى ساپالى دامۋدى جۇزەگە اسىرۋعا بولادى. چاڭجياڭ وزەنىندە 10 جىل بالىق اۋلاۋعا تيىم سالۋ جوسپارىن اتقارۋدا قاتىستى قىزمەتتەردى تىڭعىلىقتى ورىنداپ، قالىڭ بالىقشىلاردىڭ جاعاعا شىعۋدى قالاۋىنا، جاعاعا شىعا الۋىنا، جاعاعا شىققان سوڭ ورنىعىپ قالا الۋىنا، بايي الۋىنا مۇمكىندىك جاساۋ كەرەك. چاڭجياڭ وزەنى ەكونوميكالىق بەلدەۋى قۇرىلىسىندا جاپپاي قورعاۋدى ورتاق يگەرۋ، جاپپاي اشۋمەن اينالىسپاۋ كەرەك. چاڭجياڭ وزەنىن ايالاۋ، چاڭجياڭ وزەنىن قورعاۋ تانىمىن كۇشەيتىپ، ”حالىق چاڭجياڭ وزەنىن قورعايتىن، چاڭجياڭ وزەنى حالىقتى باقىتقا كەنەلتەتىن“ تاماشا اينالىمدى جۇزەگە اسىرىپ، ”كوك وزەن شىعىسقا جوڭكىلە اققان“ تاماشا كورىنىستى قايتا كوز الدىعا اكەلۋ كەرەك.
ما - انشان قالاسى بولات - تەمىر كاسىبىمەن قۇرىلعان، بولات - تەمىر كاسىبىمەن گۇلدەنگەن. شي جينپيڭ جۇڭگو باۋ - ۋ ماگاڭ توبىنا كەلىپ، كاسىپورىننىڭ ءوندىرىس، شارۋاشىلىق جۇرگىزۋ جاعدايىمەن تانىسىپ، ءتۇيىندى ونىمدەر كورسەتىلىمىن كورىپ شىقتى. وسىدان سوڭ شي جينپيڭ ساپالى قورىتپا مەتال شىبىق ماتەريالدارى سەحىنا كىرىپ، قىزدىرۋ پەشى، العاشقى يلەمدىك ورناق، ورتاڭعى يلەمدىك ورناق سياقتىلاردىڭ جۇمىس جاعدايىن كورىپ شىقتى. سەحتىڭ سىرتىندا كاسىپورىننىڭ ەڭبەك ۇلگىلەرى، جۇمىسشى ۋاكىلدەرى باس شۋجيدىڭ كەلگەنىن كورىپ، قىزۋ شاپالاق سوقتى. شي جينپيڭ كوپشىلىكپەن ىقىلاستى تۇردە سالەمدەستى. ول بىلاي دەپ اتاپ كورسەتتى: ىندەت تۋىلعاننان بەرى، ماگاڭ توبى قيىنشىلىقتى ەڭسەرىپ، جۇمىستى، ءوندىرىستى الدىمەن قالپىنا كەلتىردى، الدىڭعى جارتى جىلداعى ءونىم مولشەرى مەن شارۋاشىلىق كىرىسى سايكەس مەزگىلدەگىگە سالىستىرعاندا ”بىردەي ءوسۋدى“ جۇزەگە اسىردى. مەملەكەت مەنشىگىندەگى كاسىپورىندار رەفورماسىن تەرەڭدەتۋ جانە چاڭجياڭ اتىراۋىن ءبىر تۇلعالاندىرىپ دامىتۋدى ىلگەرىلەتۋ سىندى كەلەلى ورايدى مىقتاپ يگەرىپ، جاڭا ماتەريالداردى، جاڭا تەحنيكالاردى زەرتتەۋ - اشۋدى كۇشەيتىپ، تەحنيكالىق دەڭگەيى جوعارى، قوسىمشا قۇنى جوعارى اناعۇرلىم كوپ جاڭا ونىمدەر اشىپ، ءوندىرىپ، بازارداعى باسەكەلىك قابىلەتتى كۇشەيتۋ كەرەك. ەڭبەك ۇلگىلەرى رەسپۋبليكامىزعا ەڭبەگى سىڭگەن ەگەيلەر، ەڭبەك ۇلگىلەرى رۋحىن زور كۇشپەن اسقاقتاتۋ كەرەك.
8 - ايدىڭ 19 - كۇنى تۇستەن كەيىن شي جينپيڭ حىفي قالاسى فيدۇڭ اۋدانى شىباليانۋي ەكولوگيالىق سازدىعى تاسقىن سۋىن ىركۋ اۋماعىنىڭ چاۋحۋ كولى ۇلكەن بوگەنىنىڭ لوجياتۋان بولىگىندە قىزمەت تەكسەردى. بيىل تاسقىن مەزگىلى كىرگەننەن بەرى، چاۋحۋ كولىنىڭ سۋ دەڭگەيى تاريحتاعى ەڭ جوعارى ماننەن تالاي رەت استى، حىفي قالاسى تاسقىن سۋىن ىركۋ ءۇشىن شىباليانۋي مەن ونىڭ ماڭىنداعى توسپا اۋماعىن ىرىقتىلىقپەن ىسكە قوستى. شي جينپيڭ چاۋحۋ كولىنىڭ سۋ جاعدايىن زەر سالا كورىپ شىعىپ، چاۋحۋ كولىن اينالدىرا وراعان نەگىزگى توسپا اۋىزدارىنىڭ تاسقىن سۋىن ءبولىپ اعىزۋ، سونداي - اق توڭىرەگىندەگى سازدىقتىڭ تاسقىن سۋىن ىركۋ، چاۋحۋ كولىنىڭ جان - جاقتى جونگە سالىنۋ جاعدايى جونىندەگى مالىمەتتى تىڭداپ، تاسقىننان ساقتانۋ زاتتىق ماتەريالدارى مەن ۇلكەن بوگەننىڭ بەكەمدەلۋ جاعدايىن ۇعىستى. ول بىلاي دەپ باسا دارىپتەدى: سازدىقتىڭ تاسقىن سۋىن ىركۋ اۋماعى رەتىندەگى ورنىنان جانە جوباسىنان جازباي، ەكولوگيالىق سازدىقتاعى تاسقىن سۋىن ىركۋ اۋماعىنىڭ تاسقىن سۋىن جىبەرۋ - ىركۋ يقۋاتى مەن ەكولوگيانى قورعاۋ يقۋاتىن تەزىرەك قالپىنا كەلتىرۋ كەرەك. ول بىلاي دەپ اتاپ كورسەتتى: قازىر وڭتۇستىكتەگى قاتىستى جەرلەر تاسقىننان ساقتانۋ، اپاتتان قۇتقارۋ قىزمەتىن ۇزدىكسىز ويداعىداي يگەرۋى، سونىمەن بىرگە قوسالقى اپاتتان قاتاڭ ساقتانۋى كەرەك. سولتۇستىكتەگى قاتىستى جەرلەر تۋىلۋى مۇمكىن بولعان تاسقىن جاعدايىنا بايلانىستى ساقتىق پەن قورعانىستى كۇشەيتىپ، تاسقىننان ساقتانۋ، اپاتتان قۇتقارۋ قىزمەتتەرىن جاپپاي تياناقتاندىرىپ، تاسقىن مەزگىلىنەن امان - ەسەن وتۋگە، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.
ۇلكەن بوگەندە شي جينپيڭ تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ كۇرەسىندە قۇربان بولعان جولداستاردىڭ وتباسىنداعىلارعا، تاسقىننان ساقتانۋ، تاسقىنعا قارسى اتتانۋ ءبىرىنشى شەبىندەگىلەرگە، وزات تيپتەردىڭ ۋاكىلدەرىنە جانە اپاتقا قارسى اتتانۋ، حاۋىپتەن اراشالاۋعا قاتىناسقان اسكەري بولىمدەردىڭ كوماندير - جاۋىنگەرلەرىنە شىن ىقىلاسپەن امانداسىپ، ولاردان حال سۇرادى ءارى بۇكىل ەلدەگى تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋدىڭ ءبىرىنشى شەبىندە ەرلىكپەن شايقاس جاساپ جاتقان جولداستارعا شىنايى سالەم جولدادى. ول بىلاي دەپ باسا دارىپتەدى: بيىل تاسقىن مەزگىلى كىرگەننەن بەرى، وڭتۇستىك پەن سولتۇستىكتەگى داريا، وزەن - كولدەردە سۋ دەڭگەيى ساقتىق دەڭگەيىنەن اسقان قاتەرلى جاعداي ىركەس - تىركەس جارىققا شىقتى. قالىڭ كادرلار مەن بۇقارا جانە حالىق ازاتتىق ارمياسى، قارۋلى ساقشى كوماندير - جاۋىنگەرلەرى پارتيا مەن ۇكىمەتتىڭ ۇندەۋىنە باتىل ءۇن قوسىپ، جاپا شەگۋدەن، شارشاپ - شالدىعۋدان، قۇربان بولۋدان قورىقپايتىن رۋحاني كۇرەس جىگەرىن اسقاقتاتىپ، تاسقىننان ساقتانۋ، اپاتتان قۇتقارۋدىڭ ءبىرىنشى شەبىندە تاپجىلماي تۇرىپ، كوپتەگەن وزات تيپتەر مەن اسەرلى ىستەر جارىققا شىقتى، جۇڭگو حالقىنىڭ ەل بىرلىگىنەن بەرىك قامال تۇرعىزۋ، قايسارلىقپەن كۇرەسۋ، باتىل جەڭىسكە جەتۋدەي باتىرلىعىن ايگىلەپ، تاسقىن مەيىرىمسىز بولعانىمەن، ادامدا مەيىرىم بولاتىن ۇلى سۇيىسپەنشىلىكتى جازدى. پارتيا مەن حالىق سىزدەرگە العىس ايتادى!
سول كۇنى تۇستەن كەيىن شي جينپيڭ حىفيدا انحۇي جاڭالىق اشۋ سارايىن ەكسكۋرسيالاپ، انحۇيدىڭ عىلىم - تەحنيكادا جاڭالىق اشۋدى ىلگەرىلەتۋدە جانە ستراتەگيالىق جاڭا وركەندەگەن كاسىپتەردى دامىتۋدا قول جەتكىزگەن بەلسەندى ىلگەرىلەۋشىلىكتەرىن تۇراقتاندىراتىندىعىن ءبىلدىردى. ول بىلاي دەپ اتاپ كورسەتتى: انحۇيدىڭ چاڭجياڭ اتىراۋىنىڭ ءبىر تۇلعالانا دامۋىمەن جەدەل توعىسىپ، قارىشتاپ دامۋدى جۇزەگە اسىرۋىنىڭ تەتىگى جاڭالىق اشۋعا سۇيەنۋدە. جاڭالىق اشۋدىڭ نەگىزىن ونان ارى بەكەمدەپ، عىلىم - تەحنيكا جەتىستىكتەرىن يگىلىككە جاراتۋدى جەدەلدەتىپ، جاڭا وركەندەگەن كاسىپتەردى جەدەل جەتىلدىرىپ، تاباندىلىقپەن ۇزاق ۋاقىت ەڭبەك ەتۋ كەرەك.
چاڭجياڭنان ءوتۋ شايقاسىنىڭ ەسكەرتكىش سارايى چاۋحۋ كولىنىڭ جاعاسىندا. 71 جىلدىڭ الدىندا حالىق بۇقاراسىنىڭ زور كۇشپەن قولداۋىندا حالىق ازاتتىق ارمياسى چاڭجياڭداعى تابيعي بوگەتتى ءبىر جولدا بۇزىپ ءوتىپ، بۇكىل جۇڭگونى ازات ەتۋگە شارت - جاعداي ازىرلەدى. شي جينپيڭ ەسكەرتكىش سارايىن ەكسكۋرسيالاپ، سول كەزدەگى توڭكەرىس تاريحىن ەسكە الدى. ول بىلاي دەپ باسا دارىپتەدى: حۋايحاي شايقاسىنىڭ جەڭىسىنە بۇقارانىڭ قول اربامەن قاۋىرت جۇمىس ىستەۋىنىڭ ارقاسىندا قول جەتتى، چاڭجياڭنان ءوتۋ شايقاسىنىڭ جەڭىسىنە بۇقارانىڭ كىشكەنە قايىقتارمەن تاسىمال جۇمىسىن قاۋىرت جۇرگىزۋىنىڭ ارقاسىندا قول جەتتى. ءارقانداي ۋاقىتتا ءبىز اۋەلگى ماقساتتى ۇمىتپاۋىمىز، بورىشتى ەستە بەرىك ساقتاۋىمىز، حالىق سىندى ءتۇپ توركىندى ۇمىتپاي، حالىقتىڭ ماڭگى ادال قىزمەتشىسى بولۋىمىز كەرەك. وتانشىلدىق تاربيەنى جاپپاي ورىستەتىپ، ادامداردىڭ تاريح پەن حالىقتىڭ نە ءۇشىن جۇڭگو كوممۋنيستىك پارتياسىن تاڭداعانىن، نە ءۇشىن، ءسوز جوق، جۇڭگوشا سوتسياليزم جولىمەن بۇلجىماي ءجۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرەكتىگىن ىشكەرىلەي تۇسىنۋىنە مۇمكىندىك جاساۋىمىز كەرەك.
8 - ايدىڭ 21 - كۇنى تۇستەن بۇرىن شي جينپيڭ انحۇي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، انحۇيدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، انحۇيداعى قالىڭ كادرلار مەن بۇقارانىڭ ونان ارى يدەيانى ازات ەتىپ، ءورىس اشا قۇلشىنا ىلگەرىلەپ، مىندەتتىڭ ماڭىزدىلىعىن ءبىلۋىن، ماڭىزدى مىندەتتى ارقالاي ءبىلۋىن، قامال الىپ قيىندىقتاردى جەڭىپ، جاپپاي دوڭگەلەك داۋلەتتى قوعام ورناتۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا ءتىپتى زور ۇلەس قوسۋىن ءۇمىت ەتتى.
شي جينپيڭ بىلاي دەپ باسا دارىپتەدى: كەزەكتە تاسقىننان ساقتانۋ، اپاتتان قۇتقارۋ مىندەتى ءالى دە وتە جاپالى، ءار دارەجەلى پارتكومدار مەن ۇكىمەتتەر شارشاپ - شالدىعۋدان قورىقپاۋ، ۇزدىكسىز شايقاس جاساۋ ستيلىن ساۋلەلەندىرىپ، تاسقىننان ساقتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىن جاقسى ىستەپ، اپاتقا ۇشىراعان كاسىپورىنداردىڭ جۇمىستى، ءوندىرىستى قالپىنا كەلتىرۋىن قولداۋ كەرەك. ىندەت، اپات سەبەبىنەن كەدەيلەسۋدەن، قايتا كەدەيلەسۋدەن ساقتانۋدى كورنەكتى ورىنعا قويىپ، كەدەيلەردى دالمە - ءدال سۇيەمەلدەۋگە تاباندى بولىپ، باعىتتامالى تۇردە كومەكتەسۋ، سۇيەمەلدەۋ كەرەك. ساقتانۋدى نەگىز ەتۋگە، ساقتانۋ، قارسى اتتانۋ، قۇتقارۋدى ۇشتاستىرۋعا تاباندى بولىپ، ”14 - بەسجىلدىق“ جوبامەن ۇشتاستىرىپ، نازاردى وزەن - كولدەردىڭ حاۋىپسىزدىگىنە، ەكولوگيالىق ورتانىڭ حاۋىپسىزدىگىنە، قالالاردىڭ تاسقىننان ساقتانۋ حاۋىپسىزدىگىنە شوعىرلاندىرىپ، نەگىزدىك، توراپتىق كەلەلى نىسانداردان ءبىر توبىن جوبالاپ سالۋ كەرەك. استىق حاۋىپسىزدىگى جاۋاپكەرشىلىگىن باتىل تۇردە ورنىقتىلىقپەن ارقالاپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، اۋىل - قىستاقتىڭ ءۇش كاسىپ سالاسىنىڭ توعىسپالى دامۋىن جەبەپ، اۋىل شارۋاشىلىعىنىڭ ساپاسى مەن ونىمدىلىگىن جانە باسەكەلىك قۋاتىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: دامۋدىڭ كەزەڭدىك جاڭا ەرەكشەلىكتەرىن، جاڭا تالاپتارىن ىشكەرىلەي يگەرىپ، تۇلعالىق ەكونوميكانى ناقتىلاندىرۋدى، كۇشەيتۋدى، ساپالىلاندىرۋدى نەگىزگى قامال الۋ بەتالىسى ەتۋگە تاباندى بولىپ، ءبىر جاعىنان، ءداستۇرلى كاسىپتەردىڭ تيبىنىڭ وزگەرىپ، دارەجەسىنىڭ جوعارىلاۋىن يگەرىپ، ەندى ءبىر جاعىنان، ستراتەگيالىق جاڭا وركەندەگەن كاسىپتەردىڭ دامۋىن، زورايۋىن يگەرىپ، جاساۋ كاسىبىنىڭ جەدەل تۇردە سيفرلانا، جەلىلەنە، زەردەلىلەنە دامۋىن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ تۇراقتىلىعى مەن وسىزاماندانۋ دەڭگەيىن جوعارىلاتۋ كەرەك. ىشكى سۇرانىستى كەڭەيتۋ سىندى ستراتەگيالىق نەگىزگى ءتۇيىندى مىقتاپ يگەرىپ، جاڭا دامۋ جەلىسىن قالىپتاستىرۋدىڭ ۇتىمدى جولىن قۇلشىنا قاراستىرۋ كەرەك. دۇنيە ءجۇزىنىڭ بىرەگەي دەڭگەيىنە تۋرالاپ، الدىڭعى لەكتە ىزدەنىس جاساۋدى جانە كورەگەندىكپەن جايعاستىرۋدى كۇشەيتىپ، شەشۋشى وزەكتى تەحنيكالاردان قامال الۋ سەرپىنىن كۇشەيتۋ كەرەك. رەفورمانىڭ تىڭ سەرپىلىس جانە باستاۋ رولىن ويداعىداي ساۋلەلەندىرىپ، رەفورماعا سۇيەنە وتىرىپ دامۋداعى بوگەتتەردى بۇزۋ، دامۋ باسىمدىلىعىن توپتاۋ، دامۋ قوزعاۋشى كۇشىن ارتتىرۋ كەرەك. ءبىر تۇلعالاندىرۋ جانە جوعارى ساپا سىندى ەكى كىلت سوزبەن مىقتاپ بايلانىستىرىپ، ءتۇيىندى سالالاردىڭ ءبىر تۇلعالانۋ قۇرىلىسىن ىشكەرىلەي ىلگەرىلەتۋ، چاڭجياڭ اتىراۋىنىڭ ءبىر تۇلعالانا دامۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: حالىقتى وزەك ەتكەن دامۋ يدەياسىن مىقتاپ ورناتىپ، حالىق تۇرمىسى ينجەنەريالارىن تىڭعىلىقتى ىلگەرىلەتىپ، كاسىپورىندارعا كومەكتەسەتىن، اۋىرتپالىقتى جەڭىلدەتەتىن، جۇمىس ورىندارىن ورنىقتىراتىن، جۇمىستانۋدى كەڭەيتەتىن اناعۇرلىم كوپ قولداۋ سيپاتتى شارالاردى شىعارىپ، جوعارى مەكتەپ بىتىرگەن وقۋشىلار، شارۋا جۇمىسكەرلەر، قوسىننان شەگىنگەن اسكەريلەر، اپاتقا ۇشىراعان بۇقارا سياقتى ءتۇيىندى قاۋىمنىڭ جۇمىستانۋ قىزمەتىن كورنەكتى تۇردە ويداعىداي ىستەپ، قيىنشىلىقتان قۇتقارىپ كاسىپورىندارعا تيىمدىلىك جاساۋ ساياساتىن ويداعىداي تياناقتاندىرىپ، بازار تۇلعالارىنىڭ ومىرشەڭدىگىن قورعاۋ جانە قاۋلاتۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋ ادىلدىگىن جەبەۋ كەرەك. قازىرگى كومەكتەسۋ - سۇيەمەلدەۋ ساياساتىنىڭ جالپى تۇلعالىق تۇراقتىلىعىن ساقتاپ، جاپپاي كەدەيلىكتەن ارىلتۋ مەن اۋىل - قىستاقتى گۇلدەندىرۋدىڭ ءونىمدى تۇردە جالعاسۋىن ۇزدىكسىز ىلگەرىلەتۋ، كەدەي وڭىرلەردىڭ جاپپاي گۇلدەنۋگە بەت الۋىن ىلگەرىلەتۋ كەرەك. ىندەتتەن ساقتانۋ - تىزگىندەۋ، قۇتقارۋ - ەمدەۋ كەلەلى ءتۇزىلىس - مەحانيزمىن كەمەلدەندىرىپ، الەۋمەتتىك دەنساۋلىق ساقتاۋ بويىنشا توتەنشە جاعدايدى باسقارۋ جۇيەسىن اقاۋسىزداندىرۋ كەرەك. قوعامدىق جونگە سالۋ مەن قىزمەت وتەۋدىڭ سالماعىنىڭ نەگىزگى ساتىعا ويىسۋىن ىلگەرىلەتىپ، نەگىزگى ساتىنىڭ قوعام اماندىعىن جان - جاقتى جونگە سالۋىن كەمەلدەندىرۋ كەرەك.
شي جينپيڭ بىلاي دەپ اتاپ كورسەتتى: حالىق − پارتيامىزدىڭ بيلىك جۇرگىزۋ نەگىزى. جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋ، تاسقىنعا قارسى اتتانىپ، حاۋىپتەن اراشالاۋ كۇرەسى پارتيامىز قاشاندا حالىق ءۇشىن بيلىك جۇرگىزسە، حالىققا سۇيەنىپ بيلىك جۇرگىزسە بولعانى، بارلىق جەردە جەڭىسكە جەتە الاتىندىعىن تاعى دا كورسەتتى. ءار دارەجەلى باسشىلىق القاسى مەن باسشى كادرلار پارتيانىڭ باس ماقساتىن امالياتتا ايگىلەپ، بۇقارالىق كوزقاراستى مىقتاپ ورناتىپ، فورماشىلدىقتى، تورەشىلدىكتى باتىل تيۋى كەرەك. قالىڭ پارتيا مۇشەلەرىن، كادرلاردى مۇرات - سەنىمدى نىعايتۋعا تاربيەلەپ، جەتەكتەپ، ساياسيداعى دۇرىس پەن بۇرىستى پارىقتاۋ، ساياسي تاباندىلىقتى ساقتاۋ، ساياسي جاعدايدى مەڭگەرۋ، ساياسي حاۋىپ - قاتەردەن قورعانۋ قابىلەتىن ۇزدىكسىز جوعارىلاتۋ كەرەك. شىرىكتەسۋگە قارسى تۇرۋدا شەكتەلگەن ءوڭىر بولماۋدان، تۇتاس قامتۋدان، استە راقىم ەتپەۋدەن جازباي، شىرىكتەسۋگە باتىلدىق ەتكىزبەيتىن، شىرىكتەسۋگە مۇمكىندىك بولمايتىن، شىرىكتەسۋدى ويىنا المايتىن ءتۇزىلىس - مەحانيزم قۇرىلىسىن ءبىر تۇتاس ىلگەرىلەتىپ، پارتيانى جاپپاي قاتاڭ جونگە سالۋدىڭ نەگىزگى ساتى ءبىرىنشى شەبىنە، بۇقاراعا قاراي كەڭەيۋىن ىلگەرىلەتىپ، دۇرىس سالتتى اسقاقتاتۋ، ساياسيدا سەرگەك بولۋ كەرەك.
ديڭ شۋەشياڭ، ليۋ حى، چىن شي، ۋاڭ يۇڭ، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، جاڭ يوۋشيا قاتىستى قيمىلدارعا قاتىناستى.
