1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ كاسىپكەرلەر اڭگىمە ءماجىلىسىن باسقارىپ اشتى

日期:2020年07月23日
来源:新疆日报
【字体:

شي جينپيڭ كاسىپكەرلەر اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى

  بازار تۇلعالارىنىڭ ومىرشەڭدىك كۇشىن قاۋلاتىپ، كاسىپكەرلەر رۋحىن اسقاقتاتىپ، كاسىپورىنداردىڭ اناعۇرلىم زور رول ساۋلەلەندىرىپ، اناعۇرلىم زور دامۋدى جۇزەگە اسىرۋىن ىلگەرىلەتۋ كەرەك

  ۋاڭ ياڭ، ۋاڭ حۋنيڭ، حان جىڭ قاتىناستى

  7 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە كاسىپكەرلەر اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. 

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 21 - كۇنى تۇستەن كەيىن بەيجيڭدە كاسىپكەرلەر اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: رەفورما جاساپ، ەسىك اشقاننان بەرى، ەلىمىز سوتسياليستىك بازار شارۋاشىلىعى ءتۇزىلىسىن بىرتىندەپ ورناتتى جانە ۇزدىكسىز كەمەلدەندىردى، بازار جۇيەسى ۇزدىكسىز دامىدى، ءتۇرلى بازار تۇلعالارى قاۋلاپ ءوستى. جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكاسى مەن دۇنيە ءجۇزى ەكونوميكاسىن اسا زور سوققىعا ۇشىراتىپ، ەلىمىزدە كوپتەگەن بازار تۇلعالارى بۇرىن بولماعان قىسىمعا ءدوپ كەلدى. بازار تۇلعالارى − ەكونوميكانىڭ كۇش دانەكەرى، بازار تۇلعالارىن ساقتاۋدىڭ ءوزى قوعامدىق وندىرگىش كۇشتەردى ساقتاعاندىق. بازار تۇلعالارىن ءتۇرلى ءادىس - امالدارمەن ويداعىداي قورعاپ، بازار تۇلعالارىنىڭ ومىرشەڭدىك كۇشىن قاۋلاتىپ، كاسىپكەرلەر رۋحىن اسقاقتاتىپ، كاسىپورىنداردىڭ اناعۇرلىم زور رول ساۋلەلەندىرىپ، اناعۇرلىم زور دامۋدى جۇزەگە اسىرۋىن ىلگەرىلەتىپ، ەكونوميكانىڭ دامۋىنا نەگىزگى كۇش توپتاۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى.

  اڭگىمە ماجىلىستە حايكاڭ ۋيشى سيفرلى تەحنيكا جارنا شەكتى سەرىكتەستىگىنىڭ القا باستىعى، پارتكوم شۋجيى چىن زۇڭنيان، جۇڭگو جۇڭحۋا توبى شەكتى سەرىكتەستىگىنىڭ القا باستىعى، پارتيا باسشىلىق گرۋپپاسىنىڭ شۋجيى نيڭ گاۋنيڭ، ۋحان گاۋدى ينفرا قىزىل ساۋلە جارنا شەكتى سەرىكتەستىگىنىڭ القا باستىعى حۋاڭ لي، گى - ىر جارنا شەكتى سەرىكتەستىگىنىڭ القا باستىعى جياڭ بين، شاڭحاي پينحاي قوناق ءۇيىنىڭ باس ديرەكتورى جاۋ شيانجىن، ميكروسوفت الەمدىك بىلىكتى ورىنباسار باس جوراسى، ميكروسوفت ازيا - تىنىق مۇحيت زەرتتەۋ - اشۋ توبىنىڭ ءتوراعاسى حۇڭ شياۋۋىن، پاناسونيك ەلەكتر جابدىقتارى (جۇڭگو) شەكتى سەرىكتەستىگىنىڭ باس جوراسى جاۋ بيڭدي قاتارلى 7 كاسىپكەر ۋاكىلى ىلگەرىندى - كەيىندى ءسوز سويلەپ، كەزەكتەگى ەكونوميكالىق جاعداي، بازار تۇلعالارىن قورعاۋ، عىلىم - تەحنيكالىق جاڭالىق اشۋدى كۇشەيتۋ، كاسىپورىن رەفورماسىن تەرەڭدەتۋ، دارىندىلاردى باۋراۋ، ويداعىداي پايدالانۋ، ”14 - بەسجىلدىق“ جوبا قۇرىلىسى سياقتىلار جونىندە پىكىر جانە ۇسىنىستار قويدى. ءسوز ۇستىندە شي جينپيڭ ءىشىنارا ماسەلەلەر جونىندە كوپشىلىكپەن ءالسىن - ءالى ىشكەرىلەي اڭگىمەلەسىپ وتىردى، اڭگىمە قىزۋ دا جاندى ءوتتى.

  كوپشىلىكتىڭ ءسوزىن مۇقيات تىڭداعان سوڭ، شي جينپيڭ ماڭىزدى ءسوز سويلەدى. ول مىنالاردى ءبىلدىردى: بۇكىل ەل كولەمىندە جوعارىدان تومەنگە دەيىن بىرگە قۇلشىنۋدىڭ ناتيجەسىندە، قازىر ەلىمىز ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزىپ، ەكونوميكالىق دامۋدا ورنىقتى جاقسارۋ اۋقىمى جارىققا شىعىپ، ىندەتتەن ساقتانۋ - تىزگىندەۋ جانە ەكونوميكانى قالپىنا كەلتىرۋدە دۇنيە ءجۇزىنىڭ الدىڭعى لەگىنەن بوي كورسەتتى، جاعداي مەجەدەگىدەن جاقسى بولدى. ءبىز سەنىمدى ارتتىرىپ، قيىندىقتان تايسالماي العا ۇمتىلىپ، ىندەت تۋدىرعان زياننىڭ ورنىن تولتىرۋعا قۇلشىنىپ، تۇتاس جىلداعى ەكونوميكالىق دامۋدا جاقسى ناتيجەلەرگە قول جەتكىزۋگە ۇمتىلۋىمىز كەرەك.

  شي جينپيڭ بىلاي دەپ اتاپ كورسەتتى: بازار تۇلعالارى − ەلىمىزدىڭ ەكونوميكالىق قيمىلدارىنىڭ نەگىزگى قاتىسۋشىلارى، جۇمىستانۋ ورايىمەن نەگىزگى قامداۋشىلار، تەحنيكا العاباسارلىعىنىڭ نەگىزگى ىلگەرىلەتۋشىلەرى، مەملەكەتتىڭ دامۋىندا توتەنشە ماڭىزدى رول اتقارۋدا. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، ءار دارەجەلى پارتكومدار مەن ۇكىمەتتەردىڭ باسشىلىعىندا، ءار ءتۇرلى بازار تۇلعالارى ىندەتكە توتەپ بەرۋدىڭ حالىقتىق شايقاسىنا بەلسەنە قاتىناسىپ، ىنتىماقتاسا سەلبەسىپ، قامال الىپ قيىندىقتاردى جەڭىپ، قۇلشىنا وزدەرىن قۇتقاردى، سونىمەن قاتار ىندەتتەن ساقتانۋ - تىزگىندەۋگە پارمەندى زاتتىق ماتەريالدىق تىرەك ازىرلەدى. شي جينپيڭ قالىڭ مەملەكەت مەنشىگىندەگى كاسىپورىنداردىڭ، حالىق باسقارۋىنداعى كاسىپورىنداردىڭ، شەتەل قارجىلاندىرعان كاسىپورىنداردىڭ، شياڭگاڭ، اۋمىن، تايۋان قارجىلاندىرعان كاسىپورىنداردىڭ، جەكە ساۋدا - ونەركاسىپشىلەردىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋعا قوسقان ۇلەسىنە شىن جۇرەكتەن العىس ايتتى.

  شي جينپيڭ بىلاي دەپ باسا دارىپتەدى: پارتيا ورتالىق كوميتەتى ”التىنى ورنىقتىرۋ“ قىزمەتىن تىڭعىلىقتى ويداعىداي ىستەۋدى، ”التىنى قامتاماسىز ەتۋ“ مىندەتىن تياناقتاندىرۋدى ايقىن العا قويدى، وڭىرلەر، تاراۋلار بازار تۇلعالارىن قورعاۋ جونىندە ءبىر قىدىرۋ ساياساتتار مەن شارالاردى شىعاردى، ساياساتتىق قولداۋ سەرپىنىن كۇشەيتىپ، بازار تۇلعالارىنىڭ ومىرشەڭدىك كۇشىن قاۋلاتىپ، قالىڭ بازار تۇلعالارىنىڭ قالىپتى ءومىر ءسۇرىپ قانا قويماي، اناعۇرلىم زور دامۋدى جۇزەگە اسىرۋىنا مۇمكىندىك جاساۋ كەرەك. ءبىرىنشى، قيىنشىلىقتان قۇتقارىپ، كاسىپورىندارعا تيىمدىلىك جاساۋ ساياساتىن ويداعىداي تياناقتاندىرۋ. اناعۇرلىم بەلسەندى، ۇتىمدى قازىنا ساياساتىن، اناعۇرلىم ورنىقتى، يكەمدى اقشا ساياساتىن ويداعىداي اتقارىپ، ماكرولىق ساياساتتىڭ باعىتتامالىلىعى مەن ونىمدىلىگىن كۇشەيتۋ كەرەك. ۇزدىكسىز تۇردە سالىقتى ازايتىپ، اقىنى تومەندەتىپ، جالداۋ اقىسىن ازايتىپ، ءوسىمدى تومەندەتىپ، قيىنشىلىقتان قۇتقارۋ شارالارىنىڭ نەگىزگى ساتىعا تىكە جەتۋىنە، بازار تۇلعالارىنا تىكە تيىمدىلىك جەتكىزۋىنە شىنايى كەپىلدىك ەتۋ كەرەك. بازار تۇلعالارىنا فينانستىق قولداۋدى كۇشەيتىپ، جالپىعا ءتيىمدى فينانستى دامىتىپ، ءونىمدى ەكسپورت تاۋارلارىن قولداپ، ەل ءىشى بازارىن اشۋ كەرەك. ەكىنشى، بازارلانعان، زاڭمەن جونگە سالىنعان، حالىقارالانعان شارۋاشىلىق - ساۋدا ورتاسىن قالىپتاستىرۋ. ازاماتتىق زاڭناما مەن قاتىستى زاڭداردى، زاڭ ەرەجەلەردى ويداعىداي اتقارىپ، مەملەكەت مەنشىگىندەگى، حالىق باسقارۋىنداعى، شەتەل قارجىلاندىرعان كاسىپورىندار سياقتى ءار ءتۇرلى مەنشىكتەگى كاسىپورىنداردىڭ مال - مۇلىك ۇقىعى مەن دەربەس شارۋاشىلىق ۇقىعىن زاڭ بويىنشا تەڭ تۇرعىدا قورعاپ، بازارعا كىرۋ رۇقساتىنىڭ ۇنامسىز ءتىزىمى ءتۇزىمىن جاپپاي اتقارىپ، شەتەل ساۋداگەرلەرى قارجى قوسۋ زاڭىن ويداعىداي اتقارىپ، بازارعا كىرۋ رۇقساتىن كەڭەيتىپ، ساۋدا مەن قارجى قوسۋدىڭ قولايلىلاسۋىن ىلگەرىلەتۋ كەرەك. ءۇشىنشى، ۇكىمەت پەن ساۋدا اراسىندا ەتەنە، پاك قاتىناس ورناتۋ. ءار دارەجەلى باسشى كادرلار كاسىپورىندارمەن بۇكپەسىز قارىم - قاتىناس جاساپ، كاسىپكەرلەردىڭ ويىن، قينالىسىن ءتۇسىنۋى، كاسىپورىندارعا ساياتىن ساياساتتاردى بەلگىلەۋدە كاسىپكەرلەردىڭ پىكىرلەرى مەن ۇسىنىستارىن كوبىرەك تىڭداۋى، سونىمەن قاتار ۇقىق - اقشا ساۋداسى، ساۋدا پاراقورلىعى سياقتى ماسەلەلەردىڭ ۇكىمەت پەن ساۋدا قاتىناسىنا جانە شارۋاشىلىق - ساۋدا ورتاسىنا زيان جەتكىزۋىنەن باتىل ساقتانۋى كەرەك. ساپالى الەۋمەتتىك قىزمەت وتەۋمەن اناعۇرلىم كوپ قامداۋ كەرەك. كاسىپكەرلەردىڭ قايتپاس تاباندىلىقپەن باياندى كاسىپپەن اينالىسىپ، جۇڭگو بازارىنا تامىر تارتىپ، جۇڭگو بازارىن ىشكەرىلەي باپتاۋىن قولداۋ كەرەك. ءتورتىنشى، جەكە ساۋدا - ونەركاسىپشىلەردىڭ دامۋىن قولداۋعا بارىنشا ءمان بەرۋ. جەكە ساۋدا - ونەركاسىپشىلەردىڭ جالداۋ اقىسى، سالىق اقى، قوعامدىق قامسىزداندىرۋ، قارجى توپتاۋ جاقتارىنداعى قيىن ماسەلەلەردى شەشۋىنە بەلسەنە كومەكتەسىپ، اناعۇرلىم تىكە، اناعۇرلىم ءونىمدى ساياساتتىق كومەكپەن، سۇيەمەلدەۋمەن قامداۋ كەرەك.

  شي جينپيڭ بىلاي دەپ اتاپ كورسەتتى: رەفورما جاساپ، ەسىك اشقاننان بەرى، جۇرەكتى، باتىل جاڭالىق اشا الاتىن كاسىپكەرلەردىڭ مول شوعىرى قاۋلاپ جەتىلىپ، ايقىن داۋىرلىك ەرەكشەلىككە، ۇلتتىق ەرەكشەلىككە، دۇنيە جۇزىلىك دەڭگەيگە يە جۇڭگو كاسىپكەرلەر قوسىنى قالىپتاستى. كاسىپكەرلەر كاسىپورىنداردى قازىرگى قيىنشىلىقتاردى جەڭىپ، اناعۇرلىم نۇرلى بولاشاققا بەت الۋعا جەتەكتەۋ ءۇشىن، كاسىپكەرلەر رۋحىن اسقاقتاتىپ، وتاندى ءسۇيۋ، جاڭالىق اشۋ، ادالدىق، قوعامدىق جاۋاپكەرشىلىك جانە حالىقارالىق كوز ايا سياقتى جاقتاردا وزدەرىن ۇزدىكسىز ءوسىرىپ، جاڭا داۋىردە جاڭا دامۋ ارناسىن ورناتۋدىڭ، وسىزاماندانعان ەكونوميكا جۇيەسىن قۇرۋدىڭ، جوعارى ساپالى دامۋدى ىلگەرىلەتۋدىڭ جالىندى كۇشىنە اينالۋعا قۇلشىنۋ كەرەك. وتانشىلدىق سۇيىسپەنشىلىكتى كۇشەيتىپ، كاسىپورىننىڭ دامۋىن مەملەكەتتىڭ گۇلدەنۋىمەن، ۇلتتىڭ كوركەيۋىمەن، حالىقتىڭ باقىتىمەن تىعىز ۇشتاستىرۋى، ىرىقتىلىقپەن مەملەكەت ءۇشىن جاۋاپكەرشىلىك ارقالاپ، مەملەكەتتىڭ قامىن ويلاۋى كەرەك، كاسىپورىندى ايانباي تالپىنۋعا، بىرەگەي بولۋعا قۇلشىنۋعا باستاپ، ساپاسى اناعۇرلىم جاقسى، ونىمدىلىگى اناعۇرلىم جوعارى، باسەكەلىك قابىلەتى اناعۇرلىم كۇشتى، ىقپال كۇشى اناعۇرلىم زور دامۋدى جۇزەگە اسىرۋى كەرەك. جۇرەكتىلىكپەن جاڭالىق اشىپ، جاڭالىق اشا دامۋداعى ىزدەنىس جاساۋشىلاردان، ۇيىمداستىرۋشىلاردان، جەتەكشىلەردەن بولۋى، وندىرىستە ۇيىمداستىرۋ جاعىنان جاڭالىق اشۋدى، تەحنيكا جاعىنان جاڭالىق اشۋدى، بازار جاعىنان جاڭالىق اشۋدى جۇرەكتىلىكپەن ىلگەرىلەتىپ، تەحنيكالىق زەرتتەۋ - اشۋعا جانە ادام كۇشى كاپيتالىنا ۇسىنىلىم سالۋعا ءمان بەرىپ، قىزمەتكەرلەردىڭ جاسامپازدىق قابىلەتىن ءونىمدى جۇمىلدىرىپ، كاسىپورىندى قۋاتتى جاڭالىق اشۋ تۇلعاسى ەتىپ قالىپتاستىرۋعا قۇلشىنۋ كەرەك. ادالدىقتى ساقتاۋدىڭ، زاڭعا بويسۇنۋدىڭ ونەگەسى بولىپ، بۇكىل قوعامنىڭ ءمورال ساپاسى مەن وركەنيەت دەڭگەيىن وسىرۋگە باستاماشى بولۋى كەرەك. قوعامدىق جاۋاپكەرشىلىك ارقالاپ، جۇمىس ورىندارىن ورنىقتىرۋعا قۇلشىنىپ، قىزمەتكەرلەردىڭ دەنساۋلىعىنا كوڭىل ءبولىپ، قىزمەتكەرلەرمەن قول ۇستاسا وتىرىپ قيىن وتكەلدەن بىرگە ءوتۋ كەرەك. حالىقارالىق كوز ايانى كەڭەيتىپ، جۇڭگونى تياناق ەتىپ، دۇنيە جۇزىنە كوز جىبەرىپ، حالىقارالىق بازاردىڭ بەتالىسى مەن سۇرانىس ەرەكشەلىكتەرىن يگەرۋ قابىلەتىن جوعارىلاتىپ، حالىقارالىق ەرەجەلەردى يگەرۋ قابىلەتىن جوعارىلاتىپ، حالىقارالىق بازاردى اشۋ قابىلەتىن جوعارىلاتىپ، حالىقارالىق بازارداعى حاۋىپ - قاتەرلەردەن ساقتانۋ قابىلەتىن جوعارىلاتىپ، كاسىپورىندى اناعۇرلىم جوعارى دەڭگەيدە سىرتقا ەسىك اشۋ بارىسىندا اناعۇرلىم جاقسى دامۋدى جۇزەگە اسىرۋعا جەتەكتەۋ كەرەك.

  شي جينپيڭ بىلاي دەپ باسا دارىپتەدى: قورعامپازدىق باس كوتەرگەن، دۇنيە ەكونوميكاسى تۇرالاعان، جاھاندىق بازار تارايعان كەزەكتەگى سىرتقى ورتادا ءبىز، ءسوز جوق، كۇشتەردى شوعىرلاندىرىپ ءوز ءىسىمىزدى جاقسى ىستەپ، ەل ىشىندەگى ايرىقشا كەڭ كولەمدى بازار باسىمدىعىن تولىق ساۋلەلەندىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن بىرتىندەپ قالىپتاستىرىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن جوعارىلاتىپ، عىلىم - تەحنيكادا جاڭالىق اشۋدى زور كۇشپەن العا ىلگەرىلەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، بولاشاق دامۋدىڭ جاڭا باسىمدىعىن قالىپتاستىرۋىمىز كەرەك. ەل ىشىندەگى ۇلكەن اينالىمدى نەگىزگى تۇلعا ەتۋ استە ەسىكتى جاۋىپ الىپ جابىق كۇيدە جۇمىس جۇرگىزۋ دەگەندىك ەمەس، قايتا ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردىڭ اناعۇرلىم ويداعىداي تۇتاسۋىن، حالىقارا جانە ەل ءىشى سىندى ەكى بازاردان، ەكى بايلىقتان اناعۇرلىم ويداعىداي پايدالانىپ، اناعۇرلىم پارمەندى باياندى دامۋدى جۇزەگە اسىرۋىمىز كەرەك. ۇزاق بولاشاقتان قاراعاندا، ەكونوميكانىڭ جاھاندانۋى ءالى دە تاريح اعىنى بولىپ تابىلادى، ءار ەل جۇمىس ءبولىسى بويىنشا سەلبەسۋ، ءبىر - بىرىنە پايدا جەتكىزىپ، تەڭ يگىلىككە كەنەلۋ − ۇزاق ۋاقىتتىق بەتالىس. ءبىز تاريحتىڭ دۇرىس جاعىندا تۇرىپ، تاباندىلىقپەن رەفورمانى تەرەڭدەتىپ، ەسىك اشۋدى كەڭەيتىپ، عىلىم - تەحنيكا سالاسىنداعى اشىق سەلبەستىكتى كۇشەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىمىز، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك.

  شي جينپيڭ بىلاي دەپ اتاپ كورسەتتى: ”14 - بەسجىلدىق“ كەزەڭى جاپپاي دوڭگەلەك داۋلەتتى قوعام ورناتۋ نەگىزىندە سوتسياليستىك وسىزاماندانعان مەملەكەتتى جالپى بەتتىك قۇرىپ شىعۋ جاڭا ساپارىن باستاۋدىڭ العاشقى بەسجىلدىعى، ونىڭ ماڭىزى توتەنشە زور. قاتىستى جاقتار كاسىپكەرلەر ۋاكىلدەرى ورتاعا قويعان پىكىرلەر مەن ۇسىنىستاردى مۇقيات زەرتتەپ، قابىلداۋ كەرەك. بىرگە قۇلشىنۋ ارقىلى قالىڭ كاسىپورىندار مەن جەكە ساۋدا - ونەركاسىپشىلەردىڭ، ءسوز جوق، ەلىمىزدىڭ سوتسياليستىك وسىزامانداندىرۋ ۇردىسىندە اناعۇرلىم زور رول ساۋلەلەندىرىپ، اناعۇرلىم زور دامۋدى جۇزەگە اسىراتىندىعىنا سەنەمىن.

  ديڭ شۋەشياڭ، ليۋ حى، ياڭ جيەچى، حۋاڭ كۇنميڭ، يوۋ چۋان، ۋاڭ يۇڭ، ۋاڭ ي، حى ليفىڭ اڭگىمە ماجىلىسكە قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جاۋاپتى جولداستار، مەملەكەت مەنشىگىندەگى كاسىپورىنداردىڭ، حالىق باسقارۋىنداعى كاسىپورىنداردىڭ، شەتەل قارجىلاندىرعان كاسىپورىنداردىڭ، شياڭگاڭ، اۋمىن، تايۋان قارجىلاندىرعان كاسىپورىنداردىڭ، جەكە ساۋدا - ونەركاسىپشىلەردىڭ ۋاكىلدەرى، ت . ب اڭگىمە ماجىلىسكە قاتىناستى.