شي جينپيڭ 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى ءارى ماڭىزدى ءسوز سويلەدى
حالىقارالىق بىرلەسىپ ساقتانۋدى، بىرلەسىپ تىزگىندەۋدى ءونىمدى تۇردە ورىستەتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ الەمدىك توسقاۋىل شايقاسىن باتىل تۇردە ويداعىداي جۇرگىزۋدى دارىپتەدى ماكرولىق ەكونوميكالىق ساياساتتى سايكەستىرۋدى كۇشەيتۋگە، دۇنيە ءجۇزى ەكونوميكاسىنىڭ قۇلدىراۋىنان ساقتانۋعا ۇندەدى ۋاڭ حۋنيڭ سەرىك بولىپ قاتىناستى
3 - ايدىڭ 26 - كۇنى مەملەكەت ءتوراعاسى شي جينپيڭ بەيجيڭدە 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى ءارى «ىندەتكە قول ۇستاسا قارسى اتتانىپ، ۋاقىتتىق قيىنشىلىقتى بىرگە جەڭەيىك» دەگەن تاقىرىپتا ماڭىزدى ءسوز سويلەدى.
3 - ايدىڭ 26 - كۇنى مەملەكەت ءتوراعاسى شي جينپيڭ بەيجيڭدە 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى ءارى «ىندەتكە قول ۇستاسا قارسى اتتانىپ، ۋاقىتتىق قيىنشىلىقتى بىرگە جەڭەيىك» دەگەن تاقىرىپتا ماڭىزدى ءسوز سويلەدى.
مەملەكەت ءتوراعاسى شي جينپيڭ 3 - ايدىڭ 26 - كۇنى كەشتە بەيجيڭدە 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنە قاتىناستى ءارى «ىندەتكە قول ۇستاسا قارسى اتتانىپ، ۋاقىتتىق قيىنشىلىقتى بىرگە جەڭەيىك» دەگەن تاقىرىپتا ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: توسىننان كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو ۇكىمەتى، جۇڭگو حالقى قيىندىق پەن قاتەردەن تايسالماي، حالىقتىڭ ءومىرىنىڭ حاۋىپسىزدىگى مەن دەنساۋلىعىن باستان - اياق ءبىرىنشى ورىنعا قويىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ جالپى تالابىنا ساي، جالپى حالىقتى اتتانىسقا كەلتىرۋگە، بىرلەسىپ ساقتانۋعا، بىرلەسىپ تىزگىندەۋگە، اشىق، جاريا بولۋعا تاباندى بولىپ، ىندەتكە قارسى تۇرۋدىڭ حالىقتىق شايقاسىن جۇرگىزدى. قاجىرلىلىقپەن قۇلشىنىپ، زور بوداۋ بەرۋدىڭ ناتيجەسىندە، قازىر جۇڭگونىڭ ەل ىشىندە ىندەتتەن ساقتانۋ - تىزگىندەۋ جاعدايى ۇزدىكسىز جاقسارىپ، ءوندىرىس، تۇرمىس ءتارتىبى جەدەل قالپىنا كەلۋدە، ءبىراق قىراعىلىقتى تيتتەي دە بوساڭسىتۋىمىزعا بولمايدى. كەزەكتە ىندەت بۇكىل جەر شارىندا تارالۋدا، حالىقارالىق قوعامعا ەڭ قاجەتتىسى، سەنىمدى بەكەمدەپ، ءبىر نيەتپەن سەلبەسىپ، ىنتىماقتاسا توتەپ بەرىپ، ادامزاتتىڭ وسى رەتكى ەلەۋلى جۇقپالى اۋرۋمەن كۇرەسىنىڭ جەڭىسىنە قول ۇستاسا قول جەتكىزۋ. جۇڭگو جاق ادامزات تاعدىرلاس ورتاق تۇلعا ۇستانىمىنان جازباي، باسقا ەلدەرگە قولىنان كەلگەنىنشە كومەك كورسەتىپ، دۇنيە ءجۇزى ەكونوميكاسىنىڭ ورنىقتىلىعىنا ۇلەس قوسۋدى قالايدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ سەرىك بولىپ قاتىناستى.
شي جينپيڭ الدىمەن مىنانى ءبىلدىردى: جۇڭگو جاق توتەنشە قيىنشىلىقتا قالعان ساتتە، حالىقارالىق قوعامنىڭ كوپتەگەن مۇشەلەرى جۇڭگو جاققا ىزگى نيەتتى كومەك بەردى جانە قولداۋ كورسەتتى، ءبىز قاشاندا ەسىمىزدە بەرىك ساقتايمىز ءارى بۇل دوستىقتى قاستەرلەيمىز.
شي جينپيڭ بىلاي دەپ اتاپ كورسەتتى: ەلەۋلى جۇقپالى اۋرۋلار − بۇكىل ادامزاتتىڭ جاۋى. جاڭا تيپتى ايدارشا ۆيرۋس وكپە قابىنۋ ىندەتى بۇكىل جەر شارىندا تارالىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنا وراسان زور قاتەر ءتوندىرىپ، بۇكىل جەر شارىنىڭ الەۋمەتتىك دەنساۋلىق ساقتاۋ حاۋىپسىزدىگىنە وراسان زور سىن - سايىس اكەلدى. شي جينپيڭ ءماجىلىستىڭ كەڭەستىك تاقىرىبى جونىندە 4 دارىپتەمەنى العا قويدى.
ءبىرىنشى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ الەمدىك توسقاۋىل شايقاسىن باتىل تۇردە ويداعىداي جۇرگىزۋ. 20 ەل توبىنىڭ دەنساۋلىق ساقتاۋ مينيسترلەرىنىڭ ءماجىلىسىن ەرتەرەك اشىپ، ينفورماتسيادان ورتاق پايدالانۋدى كۇشەيتىپ، ءدارى، ۆاكسينا زەرتتەۋ - اشۋ، ىندەتتەن ساقتانۋ سەلبەستىگىن ورىستەتىپ، ىندەتتىڭ شەكارا اسىپ تارالۋىنان ءونىمدى تۇردە ساقتانىپ، الەۋمەتتىك دەنساۋلىق ساقتاۋ جۇيەسى ءالسىز وركەندەۋ جولىنداعى ەلدەردىڭ توتەپ بەرۋ قابىلەتىن جوعارىلاتۋىنا قول ۇستاسا كومەكتەسۋ كەرەك. مەن 20 ەل توبىنىڭ ىندەتكە قارسى تۇرۋ بويىنشا كومەك بەرۋ دارىپتەمەسىن العا قويىپ، دۇنيە جۇزىلىك دەنساۋلىق ساقتاۋ ۇيىمىنىڭ قولداۋىندا ينفورماتسيا بايلانىسىن، ساياسات سايكەستىگىن، ارەكەت سەلبەستىگىن كۇشەيتۋدى ۇسىنامىن. جۇڭگو جاق ادامزات تاعدىرلاس ورتاق تۇلعا ۇستانىمىنان جازباي، ءار ەلمەن ساقتانۋ - تىزگىندەۋدىڭ ءونىمدى ادىستەرىنەن ورتاق پايدالانىپ، ءدارى جانە ۆاكسينانى بىرلەسىپ زەرتتەۋ - اشۋدى ءارى ىندەت تاراعان مەملەكەتتەرگە قولىنان كەلگەنىنشە كومەك بەرۋدى قالايدى.
ەكىنشى، حالىقارالىق بىرلەسىپ ساقتانۋدى، بىرلەسىپ تىزگىندەۋدى ءونىمدى تۇردە ورىستەتۋ. جۇڭگو جاق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بويىنشا ينتەرنەتتەگى ءبىلىم ورتالىعىن قۇردى، ونى بارلىق مەملەكەتكە اشىق ۇستايدى. ءار ەلدىڭ كۇشىن بىرىكتىرىپ، بىرگە سەلبەسىپ، ءدارى، ۆاكسينا، تەكسەرۋ جاقتارىنداعى عىلمي زەرتتەۋدەن قامال الۋدى جەدەلدەتۋ كەرەك. وڭىرلىك الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ بايلانىس مەحانيزمىن ورناتۋدى قاراستىرۋ كەرەك.
ءۇشىنشى، حالىقارالىق ۇيىمداردىڭ رول اتقارۋىن بەلسەنە قولداۋ. جۇڭگو جاق دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرىپ، عىلمي، ۇيلەسىمدى ساقتانۋ - تىزگىندەۋ شارالارىن بەلگىلەۋىن قولدايدى. مەن مىنانى ۇسىنىس ەتەمىن: 20 ەل توبى دۇنيە جۇزىلىك دەنساۋلىق ساقتاۋ ۇيىمىنا سۇيەنىپ، ىندەتتەن ساقتانۋ - تىزگىندەۋگە قاتىستى ينفورماتسيالاردى ورتاق پايدالانۋدى كۇشەيتىپ، جان - جاقتى، جۇيەلى، ءونىمدى ساقتانۋ - تىزگىندەۋ باعدارناماسىن جالپىلاستىرۋ كەرەك. 20 ەل توبىنىڭ بايلانىس جاساۋ، سايكەستىرۋ رولىن ساۋلەلەندىرىپ، لايىقتى كەزدە الەمدىك الەۋمەتتىك دەنساۋلىق ساقتاۋ حاۋىپسىزدىگى بويىنشا جوعارى دارەجەلىلەر ءماجىلىسىن وتكىزۋ كەرەك.
ءتورتىنشى، حالىقارالىق ماكرولىق ەكونوميكالىق ساياساتتى سايكەستىرۋدى كۇشەيتۋ. ءار ەل ماكرولىق ساياساتتىڭ تەڭگەرۋ تەبىنىن سەلبەسە كۇشەيتىپ، دۇنيە ءجۇزى ەكونوميكاسىن قۇلدىراۋدان ساقتاۋى كەرەك.
پارمەندى، ءونىمدى قازىنا جانە اقشا ساياساتىن اتقارىپ، بۇكىل جەر شارى فينانس بازارىنىڭ ورنىقتىلىعىن قورعاۋ، بۇكىل جەر شارى كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋ كەرەك. جۇڭگو حالىقارالىق بازاردى ءدارى شيكىزاتتارى، تۇرمىستىق قاجەتتى بۇيىمدار، ىندەتتەن ساقتانۋ زاتتىق ماتەريالدارى سياقتى ونىمدەرمەن قامداۋدى ارتتىرادى. ءالسىز قاۋىمدى قورعاپ، حالىقتىڭ نەگىزگى تۇرمىسىن قامتاماسىز ەتۋ كەرەك. جۇڭگو بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارىپ، تاباندىلىقپەن رەفورمانى كەڭەيتىپ، ەسىكتى ايقارا اشىپ، بازارعا كىرۋ رۇقساتىن كەڭەيتىپ، تيجارات - ساۋدا ورتاسىن ۇزدىكسىز ساپالىلاندىرىپ، يمپورتتى بەلسەنە كەڭەيتىپ، سىرتقا قارجى قوسۋدى كەڭەيتىپ، دۇنيە ءجۇزى ەكونوميكاسىنىڭ ورنىقتىلىعىنا ۇلەس قوسادى.
شي جينپيڭ مىناعان ۇندەدى: 20 ەل توبى مۇشەلەرى ورتاق شارا قولدانىپ، كەدەن سالىعىن ازايتىپ، كەشىرىپ، قامالدى كۇشىنەن قالدىرىپ، ساۋدانى ىركىلىسسىزدەندىرىپ، پارمەندى سيگنال تاراتىپ، دۇنيە ءجۇزى ەكونوميكاسىنىڭ قالپىنا كەلۋ ارىنىن ارتتىرۋى كەرەك. 20 ەل توبىنىڭ ارەكەت جوسپارىن جاساۋى ءارى ىندەتكە قارسى تۇرۋ ماكرولىق ساياساتىن سايكەستىرۋ جونىندە دەر كەزىندە قاجەتتى مەحانيزمدىك بايلانىس جانە ورنالاستىرۋ جاساۋى كەرەك.
شي جينپيڭ سوڭىندا بىلاي دەپ باسا دارىپتەدى: وسى شەشۋشى ساتتە، ءبىز سىن - سايىسقا بەتپە - بەت كەلىپ، جەدەل قيمىلداۋىمىز كەرەك. ءبىز قيىندىقتى بىلەك بىرىكتىرە جەڭىپ، ءوزارا قارايلاساتىن، ءوزارا كومەكتەسەتىن بولساق بولعانى، ءسوز جوق، ىندەتتى تۇبەگەيلى جەڭىپ، ادامزاتتىڭ دامۋىنىڭ اناعۇرلىم جارقىن بولاشاعىن قارسى الاتىندىعىمىزعا كامىل سەنەمىن .
بيىل 20 ەل توبىنا ءتوراعا ەل ساۋد ارابياسىنىڭ پاتشاسى سالمان ەل باسىلارى كەڭەسىن باسقاردى. 20 ەل توبىنىڭ مۇشەلەرى مەن سيلى قوناق ەلدەردىڭ باسشىلارى، سونداي - اق دۇنيە جۇزىلىك دەنساۋلىق ساقتاۋ ۇيىمى، بىرلەسكەن مەملەكەتتەر ۇيىمى، حالىقارالىق اقشا قور ۇيىمى، دۇنيە بانكەسى سياقتى حالىقارالىق ۇيىمداردىڭ جاۋاپتىلارى كەڭەسكە قاتىناستى.
ءار جاق سوزدەرىندە بىلاي دەپ ەسەپتەدى: جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزى كولەمىندە تەز تارالىپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىنە اۋىر قاتەر ءتوندىرىپ قانا قويماي، بۇكىل جەر شارى ەكونوميكاسىنا، فينانسىنا، ساياسيىنا دا وراسان زور كەرەناۋ ىقپال تۋدىردى. بۇكىل ادامزاتقا كەلگەن وسى ورتاق داعدارىس الدىندا، ءارقانداي ءبىر ەلدىڭ ءوز قامىن عانا كۇيىتتەۋىنە بولمايدى، حالىقارالىق قوعام وتكەندەگى ءارقانداي مەزگىلدەگىدەن دە ىنتىماقتاسۋعا جانە سەلبەسۋگە اناعۇرلىم مۇقتاج، دەرەۋ سايكەستى، پارمەندى ارەكەت قولدانىپ، ىندەتتىڭ تارالۋىن ءونىمدى تۇردە ءۇزىپ، ءدارى جانە ۆاكسينا زەرتتەۋ - اشۋ سياقتى عىلمي زەرتتەۋ سەلبەستىگىن كۇشەيتىپ، ناۋقاستاردى قۇتقارۋ - ەمدەۋ سەرپىنىن ارتتىرىپ، حالىق جۇرتشىلىعىنىڭ ءومىرىنىڭ حاۋىپسىزدىگى مەن دەنساۋلىعىن پارمەندى تۇردە قورعاۋ كەرەك. ءونىمدى قازىنا جانە اقشا ساياساتىن قولدانىپ، بۇكىل جەر شارىنىڭ قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتىپ، بۇكىل جەر شارىنىڭ فينانس ورنىقتىلىعىن قورعاپ، دۇنيە ءجۇزى ەكونوميكاسىنىڭ تەز قالپىنا كەلۋىن جەبەپ، ىندەتتىڭ ەكونوميكاعا، قوعامعا تۋدىراتىن زيانىن بار كۇشپەن ازايتۋ كەرەك. ءار جاق دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن قولداپ، وركەندەۋ جولىنداعى ەلدەر مەن ءالسىز قاۋىمنىڭ توتەپ بەرۋ قابىلەتىن جوعارىلاتۋىنا كومەكتەسۋگە ۋادە بەردى.
ەل باسىلارى كەڭەسى «20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىنىڭ مالىمدەمەسىن» جاريالادى.
ديڭ شۋەشياڭ، ليۋ حى، ياڭ جيەچى، ۋاڭ ي، شياۋ جيە، حى ليفىڭ قاتارلىلار قاتىناستى.
20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىن ساۋد ارابياسى باسقارىپ وتكىزدى، كەڭەس بەينەجازبا فورماسىمەن وتكىزىلدى، كەڭەستىڭ ماقساتى بۇكىل جەر شارىنىڭ ىندەتكە سەلبەسە توتەپ بەرۋىن ىلگەرىلەتۋ، دۇنيە ءجۇزى ەكونوميكاسىن ورنىقتىرۋ بولىپ تابىلادى.
