1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

بارلىق حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، زاپاس مىندەتتەگى حالىق جاساقتارىنا كوكتەم مەرەكەسى بايلانىسىمەن باقىت تىلەدى

日期:2020年01月21日
来源:新疆日报
【字体:

شي جينپيڭ كوكتەم مەرەكەسى قارساڭىندا يۇنناندا تۇراتىن اسكەري بولىمدەردى كوزدەن كەشىردى، ولارعا امانداستى

بارلىق حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، زاپاس مىندەتتەگى حالىق جاساقتارىنا كوكتەم مەرەكەسى بايلانىسىمەن باقىت تىلەدى

  جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇنناندا تۇراتىن اسكەري بولىمدەردى كوزدەن كەشىرىپ، شەكارا قورعانىس ءبىرىنشى شەبىنە بارىپ، وفيتسەر - اسكەرلەرگە امانداسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارلىق حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، زاپاس مىندەتتەگى حالىق جاساقتارىنا شىن ىقىلاسپەن امانداستى جانە ولارعا كوكتەم مەرەكەسى بايلانىسىمەن باقىت تىلەدى. سۋرەتتە: 1 - ايدىڭ 19 - كۇنى شي جينپيڭ بەلگىلى شەكارا قورعانىس يىڭىندە وفيتسەر - اسكەرلەرمەن ىقىلاسپەن اڭگىمەلەسۋدە. 

جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 19 -، 20 - كۇندەرى يۇنناندا تۇراتىن اسكەري بولىمدەردى كوزدەن كەشىرىپ، شەكارا قورعانىس ءبىرىنشى شەبىنە بارىپ، وفيتسەر - اسكەرلەرگە امانداسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان بارلىق حالىق ازاتتىق ارمياسى كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - اسكەرلەرىنە، زاپاس مىندەتتەگى حالىق جاساقتارىنا شىن ىقىلاسپەن امانداستى جانە ولارعا كوكتەم مەرەكەسى بايلانىسىمەن باقىت تىلەدى.

جاڭا جىل كىرىسىمەن بار الاپتان تىڭ تىرشىلىك لەبى ەستى. تاۋى جاسىل، سۋى ءمولدىر يۇنناننىڭ بايتاق دالاسىنان تىرشىلىك تىنىسى جالىن اتادى. 1 - ايدىڭ 19 - كۇنى تۇستەن كەيىن ساعات 6 مولشەرىندە شي جينپيڭ ەلىمىزدىڭ باتىس وڭتۇستىك شەكاراسىن كۇزەتىپ تۇرعان بەلگىلى شەكارا قورعانىس يىڭىنە كەلىپ، جاۋىنگەرلەر جاتاقحاناسىنا كىرىپ، كوپشىلىكپەن ىقىلاسپەن اڭگىمەلەسىپ، ولاردىڭ قىزمەت جانە تۇرمىس جاعدايىن تاپتىشتەي سۇرادى. يىڭنىڭ ەمحاناسىندا شي جينپيڭ قاتىستى جاعدايلار جونىندەگى تانىستىرۋدى تىڭدادى، شەكارا قورعانىس اسكەري ءبولىمىنىڭ ەمدەۋ شارت - جاعدايىنىڭ ۇزدىكسىز جاقسارىپ، كوماندير - جاۋىنگەرلەردىڭ كۇندەلىكتى قاجەتىن ءونىمدى تۇردە قامتاماسىز ەتە الاتىندىعىن بىلگەندە شي جينپيڭ ەرەكشە ءسۇيىندى.

كەشكى تاماق ۋاقىتى بولىپ قالدى، اسپازدار بانىنىڭ جاۋىنگەرى اسحانادا اس ازىرلەۋدىڭ قاربالاستىعىندا ءجۇر. شي جينپيڭ اسحاناعا كەلىپ اسكەري ءبولىمنىڭ تاماق جاعدايىن تەكسەرىپ، قۋىرماشتاردىڭ كوپ تۇرلىلىگىن كوردى، شي جينپيڭنىڭ جۇزىنەن ءسۇيىنىش مەن مۇندالادى. ول اسكەري بولىمگە مەرەكە كەزىندەگى تۇرمىستى ورنالاستىرىپ، جاۋىنگەرلەردىڭ كوكتەم مەرەكەسىن شات - شادىمان، بەرەكەلى، حاۋىپسىز وتكىزۋىنە مۇمكىندىك جاساۋدى تاپسىردى.

شي جينپيڭ شەكارا قورعانىس ءبىرىنشى شەبىندە مىندەت اتقارىپ جاتقان وفيتسەر - اسكەرلەردى ەسىنەن ءبىر ءسات شىعارعان جوق، ارنايى بەينە جازبا ارقىلى قاتىستى اسكەري بولىمنەن حال سۇرادى. بەلگىلى مينا تازالاۋ، جارىلعىشتاردى الاستاۋ ۇلكەن اترەتىنىڭ مىندەت وتەۋ بولىمشە اترەتى − ”مينا تازالاۋداعى قاھارمان جاۋىنگەر“ دۋ فۋگو تۇرعان اسكەري ءبولىم، شەكارادا مينا تازالاۋ مىندەتىن تالاي رەت ايتارلىقتاي ورىنداعان. شي جينپيڭ ولاردىڭ مينا قاتەرىن الاستاۋعا، شەكارا وڭىردەگى حالىقتىڭ اماندىعىنا شىنايى كەپىلدىك ەتۋگە قوسقان ماڭىزدى ۇلەسىن تولىق تۇراقتاندىرىپ، ولاردى حاۋىپسىزدىك قورعانۋ قىزمەتىن بارىنشا ىجداعاتتىلىقپەن ويداعىداي ىستەپ، مينا تازالاۋ، جارىلعىشتاردى الاستاۋ جۇمىسىن دەن قويا ۇيىمداستىرىپ، پارتيا مەن حالىققا تاعى دا تىڭ ەڭبەك سىڭىرۋگە جىگەرلەندىردى. بەلگىلى شەكارا قورعانىس بولىمشە اترەتى شەكارا قازىعىنداعى كەزەكشىلىك وتەۋ ءتۇيىنىنىڭ الدىندا رەتتى قاتار تۇزەپ، ءتوراعا شي جينپيڭگە كەزەكشىلىك وتەۋ جاعدايىن باياندادى. شەكارا قورعانىس وفيتسەر - اسكەرلەرىنىڭ تاسقىنداعان رۋحىن، جالىندى جاۋىنگەرلىك جىگەرىن كورگەن شي جينپيڭ ايرىقشا قۋاندى. ول مىنالاردى ءبىلدىردى: كوپشىلىك جاپا شەكتىڭىزدەر، شەكارانى باسقارۋدىڭ، شەكارانى مەڭگەرۋدىڭ ءبىرىنشى شەبىندە شايقاس جاساعان سىزدەر داڭقتى بورىش، كەلەلى جاۋاپكەرشىلىك ارقالاپ وتىرسىزدار، بارىنشا ساقتىق كۇيدى ساقتاپ، شەكارا قورعانىسىنداعى كەزەكشىلىك مىندەتتى ىجداعاتتىلىقپەن ۇيىمداستىرىپ، شەكارا ءوڭىردىڭ حاۋىپسىزدىگى مەن ورنىقتىلىعىن جانە حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن ويداعىداي قورعاڭىزدار.

قىزۋ قول شاپالاق ءۇنى ىشىندە، شي جينپيڭ شەكارا قورعانىس يىڭىندەگى جانە مينا تازالاۋ، جارىلعىشتاردى الاستاۋ ۇلكەن اترەتى مىندەت بولىمشە اترەتىندەگى ءبىر ءبولىم وفيتسەر - اسكەرلەرمەن بىرگە ەستەلىك سۋرەتكە ءتۇستى. وفيتسەر - اسكەرلەر ءتوراعا شي جينپيڭنىڭ جانىندا قاۋمالاپ تۇرىپ، باقىت پەن قۋانىشقا شومدى.

1 - ايدىڭ 20 - كۇنى تۇستەن بۇرىن شي جينپيڭ كۇنميڭدە يۇنناندا تۇراتىن اسكەري بولىمدەردەگى ورىنباسار شىدان جوعارى مىندەتتەگى باسشى كادرلاردى جانە تۋان دارەجەلى ورىندارداعى نەگىزگى باسشىلاردى شىن ىقىلاسپەن قابىلدادى. شي جينپيڭ سوزىندە بىلاي دەپ اتاپ كورسەتتى: وتكەن ءبىر جىلدا يۇنناندا تۇراتىن اسكەري بولىمدەر پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن باتىل دايەكتىلەندىرىپ، قىزمەتتەردى تىڭعىلىقتى ىلگەرىلەتىپ، كەلەلى مىندەتتەردى ايتارلىقتاي ورىنداپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا، جەرگىلىكتى ورىننىڭ ەكونوميكالىق، قوعامدىق دامۋىنا كومەكتەسۋگە ماڭىزدى ۇلەس قوستى.

شي جينپيڭ بىلاي دەپ باسا دارىپتەدى: بيىل − ەلىمىز جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدا شەشۋشى شايقاس جاسايتىن جىل ءارى ارميامىزدىڭ مەملەكەت قورعانىسى مەن ارميا قۇرىلىسىنىڭ 2020 - جىلعى نىسانا - مىندەتتەرىن جۇزەگە اسىراتىن جىل، ءار جاقتاعى مىندەتتەر جاپالى دا اۋىر. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، ارميانى ساياسي جاقتان قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋگە، زاڭ بويىنشا ارميانى جونگە سالۋعا تاباندى بولىپ، بورىش، جاۋاپكەرشىلىك ارقالاۋدى كۇشەيتىپ، كۇشتى شوعىرلاندىرا قيىندىقتاردان قامال الىپ، قىزمەتتىڭ تياناقتانۋىن مىقتى يگەرىپ، پارتيا مەن حالىق جۇكتەگەن مىندەتتەردى باتىلدىقپەن ورىنداۋ كەرەك.

شۇي چيلياڭ قاتارلىلار قيمىلعا قاتىناستى.