نەگىزگى تاقىرىپتىق تاربيەنى جاڭا باستاما ەتىپ، بۇكىل پارتيانىڭ اۋەلگى ماقساتتى ۇمىتپاۋىن، بورىشتى ەستە بەرىك ساقتاۋىن ۇزدىكسىز ىلگەرىلەتۋ كەرەك

日期：2020年01月10日

来源：新疆日报

【字体：大中小】

شي جينپيڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا بىلاي دەپ باسا دارىپتەدى

لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، ۋاڭ چيشان قاتىناستى، ۋاڭ حۋنيڭ باسقاردى

”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسى 1 - ايدىڭ 8 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى جانە ماڭىزدى ءسوز سويلەدى. ول بىلاي دەپ باسا دارىپتەدى: پارتيامىز ءارقاشان حالىقتىڭ جاقتاۋى مەن قولداۋىنا يە بولۋ، جۇڭحۋا ۇلتىنىڭ ماڭگىلىك ۇلى ءىسىن ورىنداۋ ءۇشىن، ءسوز جوق، ءارقاشان اۋەلگى ماقسات پەن بورىشتى ۇمىتپاي، پارتيانىڭ العاباسارلىق سيپاتىن السىرەتەتىن، پارتيانىڭ كىرشىكسىزدىگىن بۇلدىرەتىن فاكتورلاردى باتىل جويۋ، پارتيانىڭ دەنەسىنە جابىسقان ۋلى مەرەزدەردى باتىل الاستاۋ، اۋەلگى ماقسات پەن بورىشقا قايشى كەلەتىن، پارتيانىڭ ىرگەسىن شايقالتاتىن حاۋىپ - قاتەرلەردەن باتىل ساقتانۋ كەرەك. بۇكىل پارتيا وسى رەتكى نەگىزگى تاقىرىپتىق تاربيەنى جاڭا باستاما ەتىپ، پارتيانىڭ وزىنە توڭكەرىس جاساۋىن ۇزدىكسىز تەرەڭدەتىپ، بۇكىل پارتيانىڭ اۋەلگى ماقساتتى ۇمىتپاۋىن، بورىشتى ەستە بەرىك ساقتاۋىن ۇزدىكسىز ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان جينالىسقا قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسىنىڭ باستىعى ۋاڭ حۋنيڭ جينالىستى باسقاردى.

شي جينپيڭ بىلاي دەپ اتاپ كورسەتتى: بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ − پارتيا 19 - قۇرىلتايى جاساعان ماڭىزدى شەشىم. پارتيا ورتالىق كوميتەتى بۇعان ايرىقشا ءمان بەرىپ، دەن قويا دايىندالىپ، جان - جاقتىلى ۇيىمداستىردى. بىلتىر 5 - ايدىڭ سوڭىنان باستاپ، نەگىزگى تاقىرىپتىق تاربيە جوعارىدان تومەنگە قاراي 2 توپ بويىنشا جۇرگىزىلىپ، قازىر نەگىزىنەن اياقتادى. ءار دارەجەلى پارتيا ۇيىمدارى پارمەندى ىلگەرىلەتتى، قالىڭ پارتيا مۇشەلەرى، كادرلار بەلسەنە ات سالىستى، حالىق بۇقاراسى ىستىق ىقىلاسپەن قولداۋ كورسەتتى، تۇتاس نەگىزگى تاقىرىپتىق تاربيەنىڭ ەرەكشەلىگى ايقىن بولىپ، تىڭعىلىقتى دا قاۋىرت جۇرگىزىلىپ، مەجەلى نىساناعا جەتىپ، ماڭىزدى جەتىستىككە قول جەتكىزدى. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، امالياتتا ايگىلەپ، تانىمدى، سەنىمدى، ارەكەتتى بىرلىككە كەلتىرۋ قابىلەتىن جوعارىلاتىپ، اۋەلگى ماقساتتان اينىماۋدىڭ، بورىش ارقالاۋدىڭ يدەيالىق سانالىلىعى مەن ارەكەت سانالىلىعىن كۇشەيتىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ىلگەرىلەتىپ، بۇقارا ەڭ اسىعىپ وتىرعان، ەڭ الاڭداپ وتىرعان، ەڭ ىنتىزار بولىپ وتىرعان ماسەلەلەردى بەلسەنە شەشىپ، ستيلى پاك، سالتى دۇرىس ساياسي ەكولوگيانى نارلەندىرىپ، پارتيانىڭ ىرگەسىن شايقالتۋى مۇمكىن، پارتيا ىستەرىنە كەدەرگى بولۋى مۇمكىن بولعان كەيبىر فاكتورلاردى جويدى. بۇل رەتكى نەگىزگى تاقىرىپتىق تاربيە − جاڭا داۋىردەگى پارتيانىڭ وزىنە توڭكەرىس جاساۋىنىڭ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋدىڭ جاندى امالياتى، بۇكىل پارتيانىڭ يدەياداعى بىرلىگىن، ساياسيداعى ىنتىماعىن، ارەكەتتەگى بىركەلكىلىگىن جەبەپ، پارتيامىزدىڭ ”ءتورت ۇلى“نى ءبىر تۇتاس جوسپارلاۋى، ”قوس 100 جىلدىق“ كۇرەس نىساناسىن جۇزەگە اسىرۋ ءۇشىن يدەيالىق جاقتا، ساياسي جاقتا، ۇيىمدىق جاقتا، ستيل جاعىندا پارمەندى اتتانىسقا كەلتىردى.

شي جينپيڭ بىلاي دەپ باسا دارىپتەدى: بۇل رەتكى نەگىزگى تاقىرىپتىق تاربيە پارتيا ىشىندەگى بۇدان بۇرىنعى ءار رەتكى شوعىرلى تاربيەنىڭ تاجىريبەسىن قورىتىندىلاپ، جاڭا داۋىردە پارتيا ىشىندە شوعىرلى تاربيە ورىستەتۋ جونىندە تىڭ ىزدەنىس جاساپ، جاڭا تاجىريبە توپتادى. بىرىنشىدەن، نازاردى نەگىزگى تاقىرىپقا شوعىرلاندىرىپ، نەگىزگى جەلىمەن تىعىز بايلانىستىرىپ، ۇيرەنۋ - تاربيە، تەكسەرۋ - زەرتتەۋ، ماسەلەلەردى قاداعالاۋ، رەتتەۋ - تۇزەتۋدى تياناقتاندىرۋ نەگىزگى تاقىرىپتى، نەگىزگى جەلىنى، باس تالاپتى تىعىز ارقاۋ ەتە وتىرىپ ورىستەتىلىپ، ۇيرەنۋ مەن ىستەۋدىڭ ءبىر - بىرىنەن قول ءۇزۋى ماسەلەسىن جەڭىپ، پارتيا ىشىندەگى شوعىرلى تاربيەنىڭ اۋساي كەتپەۋىنە شىنايى كەپىلدىك ەتتى. ەكىنشىدەن، جوعارى ارقىلى تومەنگە جەتەكشىلىك ەتىپ، ۇلگى كورسەتىپ، باستاماشى بولىپ، ”شەشۋشى ازشىلىق“ ارقىلى ”باسىم كوپشىلىك“كە ۇلگى كورسەتىپ جانە ولاردى جەتەكتەپ، دەن قويا ۇيىمداستىرىپ، جوسپارلاپ، جاۋاپكەرشىلىكتى تياناقتاندىرۋدى ىلگەرىلەتىپ، سوڭىنا دەيىن دايەكتىلەندىرۋدى، تىڭعىلىقتى تياناقتاندىرۋدى ورىندادى. ۇشىنشىدەن، جاندى تۇردە توعىستىرىپ، ءبىر تۇلعادا ىلگەرىلەتىپ، ۇيرەنۋ مەن ىستەۋدى بىرلەستىرىپ، تەكسەرۋ مەن تۇزەتۋدى ساباقتاستىرىپ، ءبىر جاعىنان ۇيرەنىپ، ءبىر جاعىنان زەرتتەپ، ءبىر جاعىنان تەكسەرىپ، ءبىر جاعىنان تۇزەتىپ، نەگىزگى تاقىرىپتىق تاربيەنىڭ ساپاسىن جوعارىلاتىپ، پارتيا ىشىندەگى شوعىرلى تاربيەنىڭ جالپى تۇلعالىق ناتيجەسىن ءوسىردى. تورتىنشىدەن، ماسەلەلەردى ءجىتى قاداعالاپ، دالمە - ءدال رەتتەپ - تۇزەتىپ، ءبىر - بىردەن ىلگەرىلەتىپ، تياناقتاندىرىپ، ماسەلەلەر شەشىلمەيىنشە تەبىندى بوساڭسىتپاي، تۇبەگەيلى شەشىلمەيىنشە تىنباي، بۇقارا مويىندامايىنشا دامىلداماي، قول جەتكىزگەن ناتيجەنىڭ امالياتتىڭ، حالىقتىڭ، تاريحتىڭ سىنىنان وتۋىنە شىنايى كەپىلدىك ەتتى. بەسىنشىدەن، قاتاڭ باقىلاپ، ناقتى جەتەكشىلىك ەتىپ، ىشكى جانە سىرتقى جاقتا بىردەي كۇش جۇمساپ، ساياساتتى زەرتتەۋ مەن جەتەكشىلىك ەتۋدى كۇشەيتىپ، دارەجە بويىنشا، تۇرلەر بويىنشا ىلگەرىلەتىپ، جاۋاپكەرشىلىكتى قاتايتىپ، ناقتىلاپ، اشىق جۇرگىزۋگە تاباندى بولىپ، بۇقارانى ات سالىسۋعا، باقىلاۋعا، باعا بەرۋگە شاقىردى. التىنشىدان، جالعان ناتيجەدەن كۇش سالا ساقتانىپ، ناقتى ونىمدىلىككە تالپىنىپ، فورماشىلدىققا، تورەشىلدىككە قارسى تۇرۋدى كورنەكتى تالاپ ەتىپ، نەگىزگى تاقىرىپتىق تاربيەنى ”نەگىزگى ساتىنىڭ اۋىرتپالىعىن جەڭىلدەتۋ جىلى“نىڭ ءتۇرلى تالاپتارىن تياناقتاندىرۋمەن بىرلەستىرىپ، نەگىزگى ساتى كادرلارىنىڭ ءىس تىندىراتىن، ناتيجە شىعاراتىن مۇمكىندىكتەرىن فورماشىلدىقتىڭ بۇعاۋىنان بوساتىپ، قىزمەتتى تىڭعىلىقتى، تياناقتى ىستەدى. ناتيجەلەردى تولىق تۇراقتاندىرۋمەن بىرگە، ورىن تەپكەن ماسەلەلەردى دە سەرگەكتىكپەن كورە بىلگەن ءجون، جاقسى باستاپ، جاقسى اياقتاۋ، تىڭعىلىقتى ىستەپ، تياناقتى ناتيجەگە جەتۋ، پارتيانى جاپپاي قاتاڭ جونگە سالۋ تالابىن شىنايى تۇردە ناقتى تياناقتاندىرۋ كەرەك.

شي جينپيڭ بىلاي دەپ اتاپ كورسەتتى: پارتيامىز حالىقتى باستاپ كوپتەگەن جاڭا تاريحي ەرەكشەلىكتەرگە يە ۇلى كۇرەس جۇرگىزۋدە، ءسوز جوق، پارتيانىڭ ءوز - وزىنە توڭكەرىس جاساۋىن ۇزدىكسىز تەرەڭدەتىپ، بۇكىل پارتيانىڭ اۋەلگى ماقساتتى ۇمىتپاۋىن، بورىشتى ەستە بەرىك ساقتاۋىن ۇزدىكسىز ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى، ءسوز جوق، پارتيا قۇرىلىسىن كۇشەيتۋدىڭ ماڭگىلىك تاقىرىبى جانە بارشا پارتيا مۇشەلەرىنىڭ، كادرلاردىڭ ومىرلىك تاقىرىبى ەتىپ تۇراقتى يگەرۋ، بوساڭسىتپاۋ كەرەك. پارتيانىڭ اۋەلگى ماقساتى مەن بورىشى − پارتيانىڭ سيپاتىنىڭ، ءتۇبىرلى ماقساتىنىڭ، مۇرات - سەنىمىنىڭ، كۇرەس نىساناسىنىڭ شوعىرلى بەينەلەنۋى، ول پارتيامىزدى ماڭگى اينىماۋعا ىنتالاندىرىپ، پارتيامىزدى قاجىرلىلىقپەن العا باسۋعا جەبەپ كەلەدى. ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ۇنەمى يدەيا - ساياسي جاقتان دەنساۋلىق تەكسەرۋگە، ۇزدىكسىز تۇردە ءوزىنىڭ اۋەلگى ماقساتىن سۇراپ، اۋەلگى ماقساتتان اينىماۋعا، ۇزدىكسىز تۇردە بورىشتان بۇلجىماۋعا، بورىش ارقالاۋعا، قاي - قاشان دا اۋەلگى ماقساتتا بەرىك بولۋعا، بورىشتى وتەۋگە تاربيەلەۋ، جەتەكتەۋ كەرەك. پارتيانىڭ جاسامپاز نازاريالارىمەن اۋەلگى ماقساتتى نارلەندىرىپ، بورىشقا جەتەكشىلىك ەتىپ، پارتيانىڭ تەڭدەسسىز تاريحىنان اۋەلگى ماقساتتى ىزدەپ تاۋىپ، بورىشقا ىنتالاندىرىپ، پارتيانىڭ ىشكى ساياسي تۇرمىسىن قاتايتۋ بارىسىندا اۋەلگى ماقساتتى شىڭداپ، بورىشتى شىنايى ءتۇيسىنىپ، اۋەلگى ماقسات پەن بورىشتى قايراتتانا العا باساتىن، ءورىس اشىپ، جاڭالىق اشاتىن رۋحاني كۇشكە جانە دەن قويا، قاجىرلىلىقپەن ىستەيتىن، شىنايى يگەرىپ، شىنداپ ىستەيتىن تۇپكىلىكتى قوزعاۋشى كۇشكە اينالدىرۋ كەرەك.

شي جينپيڭ بىلاي دەپ اتاپ كورسەتتى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، ماركسيزمنىڭ جۇڭگوشالانعان ەڭ جاڭا جەتىستىگىمەن يدەيانى بىرلىككە كەلتىرۋ، ەرىك - جىگەردى بىرلىككە كەلتىرۋ، ارەكەتتى بىرلىككە كەلتىرۋ كەرەك. تەك يدەيالىق جاقتان پارتيا قۇرۋعا، نازاريالىق جاقتان پارتيانى كۇشەيتۋگە تاباندى بولعاندا عانا، اۋەلگى ماقساتتى ۇمىتپاۋدا اناعۇرلىم سانالى بولۋعا، بورىش ارقالاۋدا اناعۇرلىم بەكەم بولۋعا بولادى. پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى يدەيانى قارۋلاندىرۋدىڭ ماڭىزدىسى ىشىندەگى ماڭىزدىسى ەتىپ، ماركسيزمنىڭ نەگىزگى قاعيداسىن ۇيرەنۋمەن ساباقتاستىرىپ، پارتيا تاريحىمەن، جاڭا جۇڭگو تاريحىمەن، رەفورما جاساۋ، ەسىك اشۋ تاريحىمەن، سوتسياليزمنىڭ دامۋ تاريحىمەن ۇشتاستىرىپ، جاڭا داۋىردەگى ءبىزدىڭ ۇلى كۇرەس جۇرگىزۋىمىزدىڭ، ۇلى ينجەنەريانى قۇرۋىمىزدىڭ، ۇلى ىستەردى ىلگەرىلەتۋىمىزدىڭ، ۇلى ارماندى جۇزەگە اسىرۋىمىزدىڭ باي امالياتىمەن بايلانىستىرىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىنا كوپ كۇش سالىپ، يدەيانى ازات ەتۋ بارىسىندا يدەيانى بىرلىككە كەلتىرىپ، تانىمدى تەرەڭدەتۋ بارىسىندا تانىمدى جوعارىلاتىپ، دايەكتىلەندىرۋدەگى، تياناقتاندىرۋداعى يدەيالىق سانالىلىق پەن ارەكەت سانالىلىعىن شىنايى كۇشەيتۋ كەرەك.

شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، ماسەلەگە دۇرىس قاراۋ باتىلدىعى مەن پىشاق ءدۇزىن ىشكە قاراتۋداي سانالىلىق ارقىلى پارتيانىڭ وزىنە توڭكەرىس جاساۋىن ۇزدىكسىز ىلگەرىلەتۋ كەرەك. باتىلدىقپەن ماسەلەگە بەتپە - بەت كەلۋ، جۇرەكتىلىكپەن قاتەلىكتى تۇزەتۋ − پارتيامىزدىڭ كورنەكتى ەرەكشەلىگى جانە ابزالدىلىعى. قۇدىرەتتى ساياسي پارتيا − وزىنە توڭكەرىس جاساۋ بارىسىندا شىڭدالعان. بۇكىل پارتيا، ءسوز جوق، وسكەلەڭ توڭكەرىستىك مۇراتتى جانە تاسقىنداعان توڭكەرىستىك ەرىكتى باستان - اياق ساقتاپ، سىن جانە ءوز - وزىنە سىن ايتۋ سىندى وسى وتكىر قارۋدان ويداعىداي پايدالانىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى تىنباي ويداعىداي يگەرىپ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوزىن جوعارىلاتۋ قابىلەتىن ۇزدىكسىز كۇشەيتىپ، پارتيامىزدى اناعۇرلىم پارمەندى، تەبىندى ەتىپ قۇرىپ شىعۋى كەرەك.

شي جينپيڭ بىلاي دەپ اتاپ كورسەتتى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، كۇرەس جاساۋ رۋحىن ساۋلەلەندىرىپ، باتىلدىقپەن جاۋاپكەرشىلىك ارقالاۋ، ىسكەرلىك كورسەتۋ كەرەك. پارتيامىز مەملەكەت ىشكى دۇربەلەڭ مەن سىرتقى شاپقىنشىلىققا ۇشىراعان، ۇلت حاۋىپ - قاتەر مەن قيىنشىلىقتا قالعان ساتتە دۇنيەگە كەلگەن، دۇنيەگە كەلە سالىسىمەن كۇرەس جۇرگىزۋ تاڭباسى باسىلدى، باسىپ وتكەن جولىندا كۇرەس جۇرگىزۋ بارىسىندا تىرشىلىك تاپتى، دامۋعا يە بولدى، جەڭىسكە قول جەتكىزدى. بۇكىل پارتيا، ءسوز جوق، بەيبىت كۇندە دە بەيعام بولماي، ءومىر ءسۇرۋ بارىسىندا ءولىمدى ۇمىتپاي، قۋانىشتى كۇندە دە قام - قايعىنى ۇمىتپاي، قاشاندا ساق بولىپ، رۋحتى ۇزدىكسىز جەلپىنتىپ، جاڭا تاريحي ەرەكشەلىككە يە كوپتەگەن ۇلى كۇرەستەردى جۇرەكتىلىكپەن جۇرگىزدى. قالىڭ پارتيا مۇشەلەرى، كادرلار ىستىق - سۋىقتى باستان وتكەرۋ، ومىرگە ارالاسۋ بارىسىندا ىسكەرلىگىن جەتىلدىرىپ، ءوزىن سومداپ، جاۋاپكەرشىلىك ارقالاپ، ىسكەرلىك كورسەتەتىن بەرىك ومىرتقانى، قۇرىش يىقتى، ناعىز قابىلەتتى شىڭداپ، ەلەۋلى سىن - سايىستارعا توتەپ بەرۋ، ەلەۋلى حاۋىپ - قاتەرلەرگە قارسى تۇرۋ، ەلەۋلى كەدەرگىلەردى جەڭۋ، ەلەۋلى قايشىلىقتاردى شەشۋ بارىسىندا اتويلاپ الدا ءجۇرۋ، ەڭبەڭ ءسىڭىرىپ، ەسە قوسۋ كەرەك.

شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، پارتيانىڭ ىشكى ءتۇزىمىن كەمەلدەندىرىپ جانە دامىتىپ، باياندى مەحانيزم قالىپتاستىرۋ كەرەك. پارتيا 19 - كەزەكتى ورتالىق كوميتەتى ءتورتىنشى جالپى ماجىلىسىندە اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتۋ العا قويىلدى. جۇيەلى ويلاۋعا، ديالەكتيكالىق ويلاۋعا، تومەنگى شەكتە ويلاۋعا تاباندى بولۋ، ماسەلەنى شەشۋگە تاباندى بولۋمەن بىرگە، قولايلى بولۋعا تاباندى بولىپ، ناقتى، جارامدى شارا قولدانىپ، ماسەلەنىڭ تالماۋ جەرىنە ءدال تيگىزۋ كەرەك؛ نىسانانى باعدار ەتۋگە تاباندى بولۋمەن بىرگە، ءىس جۇزىندىكتى تياناق ەتۋگە تاباندى بولىپ، پارتيا ورتالىق كوميتەتىنىڭ تالاپتارىن تياناقتاندىرۋدى، امالياتتىق قاجەتتى قاناعاتتاندىرۋدى، نەگىزگى ساتىنىڭ تىلەگىن ۇيلەستىرۋدى بىرلىككە كەلتىرۋ؛ جاڭالىق اشا دامۋعا تاباندى بولۋمەن بىرگە، ورگانيكالى ۇشتاستىرۋعا تاباندى بولىپ، پارتيانىڭ ىشكى زاڭ ەرەجەلەرىمەن، تۇزىمدەرىمەن توعىستىرىپ، ساباقتاستىرىپ، تاباندى بولۋعا تيىستىلەرىنە تاباندى بولۋ، كەمەلدەندىرۋگە تيىستىلەرىن كەمەلدەندىرۋ، قۇرۋعا تيىستىلەرىن قۇرۋ، تياناقتاندىرۋعا تيىستىلەرىن تياناقتاندىرۋ كەرەك. بۇكىل پارتيا، ءسوز جوق، ءتۇزىم تانىمىن كۇشەيتىپ، ءتۇزىمدى سانالى تۇردە ارداقتاپ، ءتۇزىمدى قاتاڭ اتقارىپ، ءتۇزىمدى باتىل قورعاپ، عۇزىرەتتىلىگى جوعارى ءونىمدى تۇزىمدەردى اتقارۋ مەحانيزمىن اقاۋسىزداندىرىپ، ءتۇزىمنىڭ اتقارىلۋىن باقىلاۋدى كۇشەيتىپ، اۋلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىنىڭ ناقتىلانۋىن، تياناقتانۋىن ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، باسشىلىق ورگاندار مەن باسشى كادرلار باستاماشى بولۋعا تاباندى بولۋ كەرەك. اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا باسشىلىق ورگاندار مەن باسشى كادرلار، ءسوز جوق، ۇلگى بولۋ، الدا ءجۇرۋ كەرەك. جاعداي نەعۇرلىم قاتاڭ، كۇردەلى بولعان سايىن، باسشىلىق ورگاندار مەن باسشى كادرلاردىڭ تاباندىلىقتى سولعۇرلىم ساقتاپ، العان بەتىنەن قايتپاۋىن سولعۇرلىم قاجەت ەتەدى، مىندەت نەعۇرلىم جاپالى، اۋىر بولعان سايىن، باسشىلىق ورگاندار مەن باسشى كادرلاردىڭ باتىلدىقپەن الدا ءجۇرۋىن، شىنايى ىستەپ، جاۋاپكەرشىلىك ارقالاۋىن سولعۇرلىم قاجەت ەتەدى. ءار دارەجەلى باسشىلىق ورگاندار مەن باسشى كادرلار باستاماشىلدىقپەن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ءار ۇلت حالقىن ىنتىماقتاستىرىپ، باستاپ، العا باسۋ جولىنداعى ءتۇرلى قيىندىقتار مەن بوگەتتەردى جۇرەكتىلىكپەن جەڭۋ كەرەك.

ۋاڭ حۋنيڭ ءماجىلىستى باسقارعاندا مىنالاردى ءبىلدىردى: باس شۋجي شي جينپيڭ جاريالاعان ماڭىزدى سوزىندە، جاڭا داۋىردەگى پارتيا مەن مەملەكەت ىستەرىنىڭ دامۋ جالپى جاعدايى جانە ستراتەگيالىق تۇرعىسىنان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى قول جەتكىزگەن باستى ناتيجەلەردى تولىق تۇراقتاندىرىپ، نەگىزگى تاقىرىپتىق تاربيە جەتىستىگىن بەكەمدەۋ، كەڭەيتۋ، پارتيانىڭ وزىنە توڭكەرىس جاساۋىن ۇزدىكسىز تەرەڭدەتۋ، بۇكىل پارتيانىڭ اۋەلگى ماقسات پەن بورىشتى ۇمىتپاۋىن ۇزدىكسىز ىلگەرىلەتۋ جونىندە جاپپاي ورنالاستىرۋ جاسادى، ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ ءمانى زور، يدەياسى تەرەڭ، مازمۇنى باي، وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا، جەتەكشىلىك سيپاتقا يە. بۇكىل پارتياداعى جولداستار مۇقيات ۇيرەنىپ، ءتۇسىنىپ، ۇزدىكسىز ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، پارتيامىزدىڭ تاسقىنداعان ومىرشەڭدىك كۇش پەن قۇدىرەتتى جاۋىنگەرلىك قۋاتتى ماڭگى ساقتاۋىنا شىنايى كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى پارتيالى ورىنباسار كوميتەت باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى پارتيالى ورىنباسار ءتوراعالار ماجىلىسكە قاتىناستى.

ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسىنىڭ مۇشەلەرى، ورتالىق پەن مەملەكەت ورگاندارىنداعى ءارقايسى تاراۋلاردىڭ، ءارقايسى حالىقتىق ۇيىمداردىڭ، ورتالىق باسقاراتىن فينانس كاسىپورىندارىنىڭ، ورتالىق باسقاراتىن كاسىپورىنداردىڭ، ورتالىق باسقاراتىن جوعارى مەكتەپتەردىڭ، ارميانىڭ قاتىستى ورىندارىنىڭ جاۋاپتى جولداستارى، ورتالىقتىڭ 2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە جەتەكشىلىك ەتۋ گرۋپپاسىنىڭ، شارلاۋ، قۋزاۋ - جەتەكشىلىك ەتۋ گرۋپپاسىنىڭ باستىقتارى، ورىنباسار باستىقتارى سياقتىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ولكە، اۆتونوميالى رايون، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ، سونداي - اق ءارقايسى قالالاردىڭ (ايماق، وبلىس، امىك)، اۋدانداردىڭ (قالا، رايون، حوشىن)، ازاتتىق ارميانىڭ جانە قارۋلى ساقشى بولىمدەرىنىڭ تۋان دارەجەلىدەن جوعارى ورىندارىنداعى باسشىلىق القاسىنىڭ مۇشەلەرى جانە توتە قاراستى ءارقايسى تاراۋلارداعى جاۋاپتى جولداستار بولىمشە ءماجىلىس الاڭىندا ماجىلىسكە قاتىناستى.

责任编辑：哈斯提尔