1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شينجياڭداعى ءار ۇلت حالقىنىڭ ىنتىماقتى، قايراتتانا العا باسقان قادامىن ءارقانداي كۇش بوگەي المايدى

日期:2019年12月11日
来源:新疆日报
【字体:

مەملەكەتتىك كەڭەس اقپارات كەڭسەسى اقپار جاريالاۋ ءماجىلىسىن وتكىزىپ، شينجياڭنىڭ ورنىقتىلىق، دامۋ جاعدايلارىن تانىستىردى

شينجياڭداعى ءار ۇلت حالقىنىڭ ىنتىماقتى، قايراتتانا العا باسقان قادامىن ءارقانداي كۇش بوگەي المايدى

  12 - ايدىڭ 9 - كۇنى مەملەكەتتىك كەڭەس اقپارات كەڭسەسى اقپار جاريالاۋ ءماجىلىسىن وتكىزىپ، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، شينجياڭ قاشقار ايماقتىق پارتكومنىڭ ورىنباسار شۋجيى، قاشقار ايماقتىق اكىمشىلىك مەكەمەسىنىڭ ءۋاليى پارحات روزىلاردى شينجياڭنىڭ ورنىقتىلىعىنا، دامۋىنا قاتىستى جاعدايلاردى تانىستىرۋعا ءارى تىلشىلەردىڭ سۇراۋىنا جاۋاپ بەرۋگە ۇسىنىس ەتتى. 

مەملەكەتتىك كەڭەس اقپارات كەڭسەسى 12 - ايدىڭ 9 - كۇنى تۇستەن بۇرىن اقپار جاريالاۋ ءماجىلىسىن وتكىزىپ، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىردى، اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنيازدى، شينجياڭ قاشقار ايماقتىق پارتكومنىڭ ورىنباسار شۋجيى، قاشقار ايماقتىق اكىمشىلىك مەكەمەسىنىڭ ءۋاليى پارحات روزىنى شينجياڭنىڭ ورنىقتىلىعىنا، دامۋىنا قاتىستى جاعدايلاردى تانىستىرۋعا، سونداي - اق تىلشىلەردىڭ سۇراۋىنا جاۋاپ بەرۋگە ۇسىنىس ەتتى. اقپار جاريالاۋ ءماجىلىسىنىڭ ماتىندىك ەستەلىگى تومەندەگىدەي:

مەملەكەتتىك كەڭەس اقپارات كەڭسەسى اقپارات مەكەمەسىنىڭ باستىعى، اقپارات مالىمدەمەشىسى حۋ كايحۇڭ: حانىمدار، مىرزالار، كوپشىلىك قايىرلى تاڭ. مەملەكەتتىك كەڭەس اقپارات كەڭسەسىنىڭ بۇگىن وتكىزىپ وتىرعان اقپار جاريالاۋ ماجىلىسىنە قاتىناسۋلارىڭىزدى قارسى الامىز. بۇگىن، ءبىز شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مىرزانى؛ اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ مىرزانى؛ اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز مىرزانى؛ شينجياڭ قاشقار ايماقتىق پارتكومنىڭ ورىنباسار شۋجيى، قاشقار ايماقتىق اكىمشىلىك مەكەمەسىنىڭ ءۋاليى پارحات روزى مىرزانى ەرەكشە قۋانىشپەن وسىندا ۇسىنىس ەتىپ وتىرمىز. ولار كوپشىلىككە شينجياڭنىڭ ورنىقتىلىعىنا، دامۋىنا قاتىستى جاعدايلاردى تانىستىرادى، سونداي - اق كوپشىلىكتىڭ سۇراۋىنا جاۋاپ بەرەدى.

الدىمەن، شوكىرات زاكىر ءتوراعانى تانىستىرۋ جاساۋعا ۇسىنىس ەتەيىك.

شوكىرات زاكىر: راقىمەت. حانىمدار، مىرزالار، اقپارات قۇرالدارىنداعى دوستار، سالەمەتسىزدەر. وسىندا اقپارات قۇرالدارىنداعى دوستارمەن كەزدەسكەنىمە توتەنشە قۋانىشتىمىن. ۇزاق ۋاقىتتان بەرى، سىزدەر شينجياڭ قىزمەتىنە ايرىقشا كوڭىل ءبولىپ، زور كۇشپەن قولداۋ كورسەتىپ كەلدىڭىزدەر. وسى ارادا، مەن شينجياڭ ۇيعۇر اۆتونوميالى رايونى اتىنان كوپشىلىككە شىن جۇرەكتەن العىس بىلدىرەمىن.

شينجياڭ − جۇڭگونىڭ باتىس بولىگىندەگى ءبىر جارقىراعان مەرۋەرت، ”ءبىر بەلدەۋ، ءبىر جول“دىڭ ماڭىزدى ءتۇيىنى. پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ، شينجياڭنىڭ ەكونوميكالىق، قوعامدىق دامۋىنا قولداۋ كورسەتەتىن ءبىرسىپىرا ەرەكشە ساياساتتار بەلگىلەدى، ورتالىق قازىنا شينجياڭعا جىلىنا 400 ميلليارد يۋانعا جۋىق قارجىنى اۋىستىرىپ تولەپ كەلەدى، بۇكىل ەلدەگى 19 ولكە، قالا شينجياڭعا باعىتتامالى كومەكتەسۋ قىزمەتىن ورىستەتىپ، شينجياڭعا جىلىنا 15 ميلليارد يۋانعا جەتەتىن كومەك قارجى قوسىپ كەلەدى. پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت كادر - جۇرتشىلىعى بىرگە ىنتىماقتاسا كۇرەس جۇرگىزىپ، بىرگە گۇلدەنىپ، دامىپ، شينجياڭدا قوعامى ورنىقتى بولعان، ەكونوميكاسى دامىعان، ۇلتتارى ىنتىماقتى، ءدىن تاتۋ بولعان، حالىق تۇرمىسى جاقسارعان، تىنىش ءومىر، شات - شادىمان تىرشىلىك كەشكەن اسا تاماشا جاعداي اشتى.

شينجياڭنىڭ بۇگىنگى تىنىشتىعى، بەرەكەلىلىگى وڭاي قولعا كەلگەن جوق. وتكەن ءبىر مەزگىلدە، شينجياڭدا زورلىقتى كۇش، لاڭكەستىك ارەكەتتەر كوپ، ءجيى تۋىلىپ، ءار ۇلت بۇقاراسىنىڭ ءومىر ءسۇرۋ ۇقىعى مەن دامۋ ۇقىعى اۋىر اياق استى ەتىلدى. ءبىز سوتسياليستىك زاڭمەن جونگە سالۋ تۋىن بيىك ۇستاپ، زورلىقتى كۇش، لاڭكەستىك قىلمىستارعا زاڭ بويىنشا قاتاڭ سوققى بەرۋمەن بىرگە، قاينارىنان جونگە سالۋعا دا ءمان بەرىپ، حالىق تۇرمىسىن كۇش سالا جاقسارتۋ، زاڭمەن جونگە سالۋ ۇگىت - تاربيەسىن كۇشەيتۋ، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرىپ كومەكتەسۋ، سۇيەمەلدەۋ، تاربيەلەۋ سياقتى كوپ ءتۇرلى ءتاسىل ارقىلى لاڭكەستىككە قارسى تۇرۋ، ۇشقارىلىقتى الاستاۋ قىزمەتىن ىشكەرىلەي ورىستەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەرىك نەگىز قالادىق. قازىرگە دەيىن، شينجياڭدا ۇدايى 3 جىل زورلىقتى كۇش، لاڭكەستىك دەلوسى (وقيعاسى) تۋىلماي، ۇشقارىلىقتىڭ سىنالاپ كىرۋى ءونىمدى تەجەلىپ، قوعام اماندىعى جاعدايى ايتارلىقتاي جاقسارىپ، ءار ۇلت حالقى تىنىش ءومىر، شات - شادىمان تىرشىلىك كەشىپ، تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى.

ءبىز ەكونوميكانى جوعارى ساپالى دامىتۋ ستراتەگيالىق نىساناسىنا تاباندى بولىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن مۇقيات دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكانىڭ ۇزدىكسىز اقاۋسىز دامۋىن ساقتادىق. پارتيا 18 - قۇرىلتايىنان بەرى، شينجياڭ ءوڭىرىنىڭ ءوندىرىس جالپى ءونىم قۇنى جىلىنا ورتا ەسەپپەن %8.5 ءوسىپ، قالا، اۋىل تۇرعىندارىنىڭ جان باسىندىق قولداعى تابىسى جىلىنا ورتا ەسەپپەن جەكە - جەكە %8.4، %8.2 ارتتى. 2018 - جىلى شينجياڭ شەكارا ءىشى - سىرتى ساياحاتشىلارىنان 150 ميلليون ادام (رەت) قابىلداپ، سايكەس مەزگىلدەگىدەن %40.1 ارتتى، بيىل الدىڭعى 10 ايدا قابىلداعان ساياحاتشىلار 200 ميلليون ادامنان (رەت) اسىپ، سايكەس مەزگىلدەگىدەن %42.6 ارتتى.

ءبىز باستان - اياق حالىقتىڭ تاماشا تۇرمىسقا دەگەن تالپىنىسىن كۇرەس نىسانامىز ەتىپ، دامۋدى حالىق تۇرمىسىن جاقسارتۋعا، جەرگىلىكتى ورىنعا تيىمدىلىك جاساۋعا، ىنتىماقتى نىعايتۋعا بۇلجىماي تياناقتاندىرىپ، ادەتتەگى الەۋمەتتىك مەجە ەسەپ شىعىسىنىڭ %70تەن كوبىن حالىق تۇرمىسىن قامتاماسىز ەتۋگە جانە جاقسارتۋعا جۇمساپ، دامۋ جەتىستىكتەرىنەن ءار ۇلت حالقىن اناعۇرلىم كوپ، اناعۇرلىم ءادىل يگىلىكتەندىردىك. ءبىز جۇمىستاندىرۋدى ءبىرىنشى ورىنعا قويۋعا، وقۋ - اعارتۋدى الدىمەن جۇرگىزۋگە تاباندى بولىپ، ءار ۇلت بۇقاراسىنىڭ سالاماتتىق دەڭگەيىن كۇش سالا جوعارىلاتىپ، قوعامدىق قامتاماسىزداندىرۋ جۇيەسىن ۇزدىكسىز كەمەلدەندىردىك. ءبىز كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىنا تاباندى بولىپ، بۇكىل رايون كۇشىن جۇمىلدىرىپ، كەدەيلىكتەن ارىلتۋدان قامال الۋ شايقاسىن ويداعىداي جۇرگىزدىك. 2014 - جىلدان بەرى، جيىنى 2 ميلليون 385 مىڭ 300 كەدەي حالىقتىڭ كەدەيلىكتەن ارىلۋى جۇزەگە اسىپ، كەدەيلىكتىڭ تۋىلۋ مولشەرى 2014 - جىلدىڭ باسىنداعى %22.84تەن %6.51كە تومەندەدى.

ءبىز ۇلتتىق وڭىرلىك اۆتونوميا ءتۇزىمىن جاپپاي تياناقتاندىرىپ، «جۇڭحۋا حالىق رەسپۋبليكاسىنىڭ ۇلتتىق وڭىرلىك اۆتونوميا زاڭىن» تياناقتاندىرىپ، ءار ۇلت حالقىنىڭ مەملەكەت ىستەرىن باسقارۋعا تەڭ تۇرعىدا ات سالىسۋ ۇقىعىن جانە ءوز ءوڭىرىنىڭ، ءوز ۇلتىنىڭ ىستەرىن ءوزى باسقارۋ ۇقىعىن قامتاماسىز ەتتىك. شينجياڭدا ءار كەزەك اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى، اۆتونوميالى رايوننىڭ ءتوراعاسى، اۆتونوميالى رايوندىق ساياسي كەڭەستىڭ ءتوراعاسى تۇگەلدەي از ۇلت كادرلارى بولدى، اۆتونوميالى وبلىستاردىڭ باستىقتارى، اۆتونوميالى اۋدانداردىڭ اكىمدەرى تۇگەلدەي وڭىرلىك اۆتونوميا جۇرگىزەتىن ۇلتتىڭ ازاماتتارىنان بولدى، باسىم كوپ ساندى ايماقتاردىڭ (قالا) ءۋاليى (قالا باستىعى) از ۇلت كادرلارىنان بولدى، اۋداندارداعى (قالا، رايون) پارتيا، ۇكىمەت ورىندارىنىڭ ءبىرىنشى باسشىلارىنان جايشىلىقتا بىرەۋى از ۇلت كادرلارىنان بولدى؛ اۆتونوميالى رايوندىق 13 - كەزەكتى حالىق قۇرىلتايى ۋاكىلدەرىنىڭ ىشىندە از ۇلت ۋاكىلدەرى %62.1ىن، اۆتونوميالى رايوندىق 13 - كەزەكتى ساياسي كەڭەس مۇشەلەرىنىڭ ىشىندە از ۇلت مۇشەلەر %46.7ىن ۇستادى. ءبىز ءار ۇلتتىڭ تاڭداۋلى ءداستۇرلى مادەنيەتىن زاڭ بويىنشا قورعاپ جانە جالعاستىرىپ، اسقاقتاتىپ، ءار ۇلتتىڭ ءوز ۇلت ءتىل - جازۋىن قولدانۋ جانە دامىتۋ ۇقىعىن زاڭ بويىنشا قامتاماسىز ەتتىك، از ۇلت ءتىل - جازۋى ءادىليا، اكىمشىلىك، وقۋ - اعارتۋ، اقپارات - باسپا ءسوز، راديو - تەلەۆيزيا، كينو، ينتەرنەت سياقتى سالالاردا، سونداي - اق كۇندەلىكتى تۇرمىستا كەڭ قولدانىلدى. ءبىز ۇلتتار ىنتىماعىن باتىل قورعاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلت بۇقاراسىن اناردىڭ دانىندەي تىعىز ۇيىسۋعا جەتەكتەدىك.

ءبىز ەلىمىزدىڭ نەگىزگى زاڭىنداعى ”ازاماتتاردا ءدىني سەنىم ەركىندىگى بولادى“ دەيتىن بەلگىلەمەگە قاتاڭ بويسۇنىپ، دىنگە سەنەتىن ازاماتتاردىڭ دىنگە سەنبەيتىن ازاماتتار سياقتى ساياسي، سونداي - اق ەكونوميكا، قوعام، مادەنيەت سياقتى جاقتاردا تەڭ ۇقىقتان يگىلىكتەنۋىنە شىنايى كەپىلدىك ەتتىك. ءدىن ىستەرىن زاڭ بويىنشا باسقارۋعا تاباندى بولىپ، دەربەس، ءوزىن - ءوزى باسقارۋ، ءوز جۇمىسىن ءوزى جۇرگىزۋ پرينسيبىنە تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنان جازباي، ءدىندى سوتسياليستىك قوعامعا ۇيلەسۋگە بەلسەنە جەتەكتەدىك. ءبىز ءدىني ورىندار مەن ءدىني قيمىل شارت - جاعدايلارىن كۇش سالا جاقسارتىپ، ءدىني قايراتكەرلەرگە كوڭىل ءبولۋدى جانە ولاردى باۋلۋدى كۇشەيتىپ، دىنگە سەنەتىن بۇقارانىڭ قالىپتى ءدىني قاجەتىن ۇزدىكسىز قاناعاتتاندىردىق.

جۋىقتا امەريكا پارلامەنتى قاۋىم پالاتاسى ايتىلمىس ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلدادى، بۇل حالىقارالىق زاڭدار مەن حالىقارالىق قاتىناسىنىڭ نەگىزگى ولشەمىنە ورەسكەل قايشىلىق جاسادى، جۇڭگونىڭ ىشكى ىسىنە دورەكىلىكپەن كيلىككەندىك. ءبىزدىڭ شينجياڭدا لاڭكەستىككە قارسى تۇرۋ، ۇشقارىلىقتى الاستاۋ شارالارىن قولدانۋىمىزدىڭ دۇنيە جۇزىندەگى كوپتەگەن ەلدەردىڭ، سونىڭ ىشىندە امەريكانى قامتىعان ەلدەردىڭ لاڭكەستىككە قارسى تۇرۋ، ۇشقارىلىقتى الاستاۋ شارالارىنان ماندىك جاقتا پالەندەي ايىرماشىلىعى جوق. امەريكاداعى كەيبىرەۋلەر يدەولوگياداعى سىڭار جاقتى كوزقاراستى تاستاعانى، لاڭكەستىككە قارسى تۇرۋ، ۇشقارىلىقتى الاستاۋ ماسەلەسىندە ”قوس ولشەم“ قولدانباعانى ءجون، بۇل تەك ولاردىڭ ءبىر ميلليارد 400 ميلليون جۇڭگو حالقىنىڭ قارسى جاعىنا شىعۋىنا، حالىقارالىق قوعامنىڭ قارسى جاعىنا شىعۋىنا، ادامزاتتىڭ ءمورالى مەن ار - ۇجدانىنىڭ قارسى جاعىنا شىعۋىنا اپارىپ سوعادى. شينجياڭنىڭ ورنىقتىلىق، دامۋ، گۇلدەنۋ ۇدەرىسىن، شينجياڭداعى ءار ۇلت حالقىنىڭ ىنتىماقتاسا، قايراتتانا العا باسقان قادامىن ەشقانداي كۇش بوگەي المايدى.

مەن وسىنشالىق تانىستىرىپ وتەيىن. راقىمەت!

حۋ كايحۇڭ: شوكىرات زاكىر ءتوراعانىڭ تانىستىرۋىنا راقىمەت. ەندى سۇراۋ قويۋلارىڭىزعا بولادى، سۇراۋ قويۋدان بۇرىن وزدەرىڭىز ۋاكىل بولىپ وتىرعان اقپارات قۇرىلىمىن اتاپ وتۋلەرىڭىزدى سۇرايمىز.

ورتالىق راديو - تەلەۆيزيا باس ستانسياسى ورتالىق تەلەۆيزياسىنىڭ ءتىلشىسى: شوكىرات زاكىر ءتوراعا جاڭا شينجياڭدا ءۇرتىس 3 جىل زورلىقتى كۇش، لاڭكەستىك دەلوسى تۋىلماعاندىعىن ايتىپ ءوتتىڭىز. مەنىڭ سۇرايىن دەگەنىم، شينجياڭنىڭ ورنىقتىلىق پايداسىنىڭ ەكونوميكالىق دامۋدا قانداي ناقتى بەينەلەرى بار؟

شوكىرات زاكىر: سۇراۋىڭىزعا راقىمەت. بۇل ماسەلەگە مەن اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنيازدى جاۋاپ بەرۋگە ۇسىنىس ەتەمىن.

ەركىن تۇنياز: ءتىلشى دوسىمىزدىڭ سۇراۋىنا راقىمەت. كوپشىلىككە ايان، دۇنيە جۇزىندەگى ءارقانداي ءبىر مەملەكەتتىڭ قۇرىلىسى مەن دامۋى ورنىقتى حالىقارالىق جانە ەل ءىشى ورتاسىن قاجەت ەتەدى، ورنىقتىلىق − دامۋدىڭ العى شارتى جانە كەپىلى، دامۋ − ورنىقتىلىقتىڭ نەگىزى جانە تىرەگى. شينجياڭداعى ءار ۇلت كادر - جۇرتشىلىعى مىنانى تەرەڭ سەزىنىپ وتىر: بۇرىن زورلىقتى كۇش، لاڭكەستىك وقيعالار ءجيى تۋىلىپ، ءدىني ۇشقارى يدەيا ءورشىپ، قوعام تياناقسىز بولىپ، دامۋ تۋرالى اۋىز اشۋ مۇلدە مۇمكىن بولمادى، ءتىپتى قول جەتكىزگەن دامۋ جەتىستىكتەرىنىڭ ءوزى دە جوعالايىن دەدى. قازىر قوعام جاراسىمدى، ورنىقتى بولىپ، ەكونوميكانىڭ دامۋىنا شارت - جاعداي ازىرلەپ، ورنىقتىلىقتىڭ پايداسى ۇزدىكسىز جارىققا شىقتى. 2017 - جىلى شينجياڭنىڭ ءوندىرىس جالپى ءونىم قۇنى تۇڭعىش رەت تريلليون يۋاننان اسىپ، ءبىر تريلليون 92 ميلليارد 9 ميلليون يۋانعا جەتىپ، %7.6 ارتتى؛ قالا - قالاشىق، اۋىل - قىستاق تۇرعىندارىنىڭ جان باسىندىق قولداعى تابىسى جەكە - جەكە 30 مىڭ 775 يۋانعا، 11 مىڭ 45 يۋانعا جەتىپ، جەكە - جەكە %8.1، %8.5 ارتتى. 2018 - جىلى ءوندىرىس جالپى ءونىم قۇنى ءبىر تريلليون 200 ميلليارد يۋاننان اسىپ، ءبىر تريلليون 219 ميلليارد 908 ميلليون يۋانعا جەتىپ، %6.1 ارتتى، قالا - قالاشىق، اۋىل - قىستاق تۇرعىندارىنىڭ جان باسىندىق قولداعى تابىسى جەكە - جەكە 32 مىڭ 764 يۋانعا، 11 مىڭ 975 يۋانعا جەتىپ، جەكە - جەكە %6.5، %8.4 ارتتى. بيىل الدىڭعى 3 توقساندا، ءوندىرىس جالپى ءونىم قۇنى سايكەس مەزگىلدەگىدەن %6.1، قالا - قالاشىق، اۋىل - قىستاق تۇرعىندارىنىڭ جان باسىندىق قولداعى تابىسى جەكە - جەكە %5.6، %9.5 ارتتى. اسىرەسە، ورنىقتىلىق پەن دامۋدىڭ ”كورسەتكىشى“ سانالاتىن ساياحات كاسىبىندە ”شارق ۇرا“ دامۋ جارىققا شىعىپ، 2017 - جىلى قابىلداعان ساياحاتشى سانى تۇڭعىش رەت ءجۇز ميلليون ادامنان (رەت) اسىپ، 107 ميلليون ادامعا (رەت) جەتىپ، ساياحات كىرىسى 182 ميلليارد 200 ميلليون يۋاندى قۇراپ، ارتۋ قارقىنى تۇگەلدەي %30تەن استى؛ 2018 - جىلى قابىلداعان ساياحاتشى سانى 150 ميلليون ادامنان (رەت) اسىپ، ساياحات كىرىسى 257 ميلليارد 971 ميلليون يۋاندى قۇراپ، ارتۋ قارقىنى تۇگەلدەي %40تەن استى؛ بيىل 1 - ايدان 10 - ايعا دەيىن قابىلداعان ساياحاتشى سانى 200 ميلليون ادامنان (رەت)، ساياحات كىرىسى 300 ميلليارد يۋاننان اسىپ، سايكەس مەزگىلدەگىدەن %40تىڭ ۇستىندە ارتتى. شينجياڭداعى ءار ۇلت حالقى ”ورنىقتىلىق − قۇت، بىلىقپالىق − جۇت“ ەكەنىن تەرەڭ سەزىندى، بۇكىل رايونداعى حالىق شينجياڭنىڭ باياندى ورنىقتىلىعىن بار كۇشىمەن ساقتايدى، شەكارا ءىشى - سىرتىنداعى ءارقانداي كۇشتىڭ شينجياڭداعى ءار ۇلت حالقىنىڭ باتىل سەنىمى مەن بەكىمىنە توسقاۋىل بولۋى مۇمكىن ەمەس ءارى ونداي ىستەۋگە ۇقىعى دا جوق، راقىمەت.

ەكونوميكا گازەتىنىڭ ءتىلشىسى: ءتوراعا جاڭا شينجياڭ الەۋمەتتىك مەجە ەسەپ شىعىسى ۇلەسىنىڭ %70تەن كوبىن حالىق تۇرمىسىن قامتاماسىز ەتۋگە جانە جاقسارتۋعا جۇمساعانىن ايتتىڭىز. مەنىڭ سۇراۋىم: شينجياڭنىڭ حالىق تۇرمىسىن جاقسارتۋ جاعىندا بۇقارانىڭ وقۋ وقي الۋىن، اۋرۋ كورسەتە الۋىن شىنايى قامتاماسىز ەتەتىن قانداي ناقتى جاڭاشىل شارالارى بار؟ راقىمەت.

شوكىرات زاكىر: راقىمەت. شينجياڭ ۇيعۇر اۆتونوميالى رايونى حالىقتى وزەك ەتكەن دامۋ يدەياسىنا تاباندى بولىپ، دامۋدى حالىق تۇرمىسىن جاقسارتۋعا تياناقتاندىردى، جەرگىلىكتى ورىنعا تيىمدىلىك جاساۋعا تياناقتاندىردى، ىنتىماقتى نىعايتۋعا تياناقتاندىردى. ادەتتەگى الەۋمەتتىك مەجە ەسەپ شىعىسىنىڭ %70تىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولىپ، جۇمىستاندىرۋ، وقۋ - اعارتۋ، ەمدەۋ سياقتىلاردى ءتۇيىن ەتكەن حالىققا ءتيىمدى 9 ينجەنەريانى ۇزدىكسىز ىلگەرىلەتتى. بۇل ءبىزدىڭ حالىق تۇرمىسىن جاقسارتۋ قىزمەتىن ىلگەرىلەتۋدەگى كورنەكتى ءتۇيىنىمىز، ءار ۇلت بۇقاراسىنىڭ تابىس سەزىمى، باقىت سەزىمى جانە حاۋىپسىزدىك سەزىمى تۇگەلدەي ايتارلىقتاي كۇشەيدى.

جۇمىستاندىرۋ جاعىن الىپ ايتساق، جوعارى مەكتەپ تاۋىسقان ستۋدەنتتەرىنىڭ جۇمىستانۋىنا قىزمەت وتەۋدى جانە ونى قامتاماسىز ەتۋدى كۇشەيتىپ، قالا - قالاشىق تۇرعىندارىن جۇمىستاندىرۋ قىزمەتىن كۇش سالا مىقتى ۇستاپ، اۋىل - قىستاق ارتىق ەڭبەككۇشتەرىن باسقا كاسىپكە ويىستىرىپ جۇمىستاندىرۋدى زور كۇشپەن ورىستەتتىك، اسىرەسە، اۋىر كەدەي وتباسىلارىنداعى ەڭبەككۇشتەردى باسقا كاسىپكە ويىستىرىپ جۇمىستاندىرۋعا ءمان بەرىپ، بۇقارانى شارۋاشىلىق قۇرۋعا جانە جۇمىستاندىرۋعا جەتەكتەۋگە ىنتالاندىردىق، سونداي - اق شينجياڭنىڭ وڭتۇستىك شينجياڭىنداعى 4 ايماق - وبلىستاعى ارتىق ەڭبەككۇشتەردى جۇمىستاندىرۋ جوسپارىن جەدەل اتقارىپ، ءبىز ءار وتباسىنان كەمىندە ءبىر ادامنىڭ جۇمىستانۋىن جۇزەگە اسىردىق.

وقۋ - اعارتۋ جاعىندا، ءبىز وقۋ - اعارتۋدى الدىمەن جۇرگىزۋگە تاباندى بولىپ، كەدەي وتباسىنداعى وقۋشىلارعا قارجىلاي كومەك بەرۋ سەرپىنىن ارتتىرىپ، 9 جىلدىق مىندەتتى وقۋ - اعارتۋمەن جاپپاي قامتۋدى جۇزەگە اسىردىق. بۇنىمەن قوسا، شينجياڭنىڭ وڭتۇستىك شينجياڭ وڭىرىندە مەكتەپكە دەيىنگى 3 جىلدىق وقۋ - اعارتۋمەن جانە ورتا مەكتەپتى قامتىعان 12 جىلدىق نەگىزدىك وقۋ - اعارتۋمەن جاپپاي قامتۋدى جۇزەگە اسىرىپ، ءار بالانىڭ تۇگەلدەي وقۋ وقي الۋىنا، جاقسى وقۋ وقۋىنا مۇمكىندىك جاساۋعا قۇلشىندىق.

ەمدەۋ جاعىندا، ءبىز ءار جىلى جالپى حالىقتىڭ دەنساۋلىعىن تەكسەرۋ قىزمەتىن ورىستەتىپ، 133 مىڭ تۋبەركۋلەز ناۋقاستى قۇتقارۋ - ەمدەۋ قىزمەتىن كۇش سالا شەشىپ، ونىڭ 56 مىڭ 900دەن استامىن ەمدەپ جازدىق. قالا، اۋىل تۇرعىندارىنىڭ جازاتايىم زاقىمدالۋ قامسىزداندىرۋىنىڭ، قالا - قالاشىق قىزمەتشىلەرىنىڭ سالماقتى ناۋقاس قامسىزداندىرۋىنىڭ قامتۋ كولەمى 100 پايىزعا جەتتى.

قوعامدىق قامتاماسىزداندىرۋ جاعىندا، ءبىز جالپى حالىقتى قامسىزداندىرۋعا قاتىناستىرۋ جوسپارىن اتقارىپ، نەگىزگى زەينەتكەرلىك قامسىزداندىرۋى، ەمدەۋ قامسىزداندىرۋى، جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋى جانە تۋىت قامسىزداندىرۋى ءتۇزىمىن كەمەلدەندىرىپ، جۇمىس ۇستىندە جارالانۋ قامسىزداندىرۋى قورىن اۆتونوميالى رايون دارەجەسىندە ءبىر تۇتاس جوسپارلاۋدى باستاپ، بۇكىل رايون بويىنشا ءبىر تۇتاس قوعامدىق قامسىزداندىرۋ الەۋمەتتىك قىزمەت وتەۋ تۇعىرىن جاپپاي ىلگەرىلەتىپ، ولكە اتتاپ سىرت جەردە ەمدەلۋ مەن نەگىزگى ەمدەۋ قامسىزداندىرۋىنىڭ، سالماقتى ناۋقاس قامسىزداندىرۋىنىڭ ەسەبىن تىكەلەي ءبىر ەسەپپەن جابۋدى جۇزەگە اسىردىق.

بەيقۇت ءۇي جاعىندا، ياعني تۇرعىن ءۇي جاعىندا ءبىز بيىل اۋىل - قىستاقتا 212 مىڭ 700 بەيقۇت ءۇي سالىپ، قالا - قالاشىقتاعى لاشىق وڭىرلەردى وزگەرتۋ بويىنشا 154 مىڭ 900 ءۇيدىڭ قۇرىلىسىن باستادىق، ءسويتىپ، جىلدىق نىسانا - مىندەتتى ورىنداپ بولدىق نەمەسە اسىرا ورىندادىق.

بۇل ءبىزدىڭ حالىق تۇرمىسىن قامتاماسىز ەتۋ جانە جاقسارتۋ جاعىنداعى كەيبىر ناقتى شارالارىمىز. راقىمەت.

جۇڭگو - اراب جاساندى سەرىك تەلەۆيزياسىنىڭ ءتىلشىسى: امەريكا پارلامەنتى قاۋىم پالاتاسى جۋىقتا «2019 - جىل ۇيعۇر ادامدىق ۇقىقتارى ساياسات زاڭ جوباسىن» ماقۇلدادى، بۇعان ءسىز قالاي قارايسىز؟ راقىمەت.

شوكىرات زاكىر: ءتىلشىنىڭ سۇراۋىنا راقىمەت. امەريكانىڭ ايتىلمىس «2019 - جىل ۇيعۇر ادامدىق ۇقىقتارى ساياسات زاڭ جوباسى» شىندىقپەن ساناسپاي، اق پەن قارانى شاتاستىرىپ، شينجياڭ قوعامى جاراسىمدى، ورنىقتى بولعان، گۇلدەنىپ دامىعان، ءار ۇلت بۇقاراسى تىنىش ءومىر، شات - شادىمان تىرشىلىك كەشكەن رەالدىقتى كورمەي، شينجياڭنىڭ ادامدىق ۇقىق جاعدايىنا جانە جۇڭگو ۇكىمەتىنىڭ شينجياڭدى جونگە سالۋ ساياساتىن بۇرمالاپ، كۇيە جاعىپ جانە قيسىنسىز جازعىرىپ، حالىقارالىق زاڭ مەن حالىقارالىق قارىم - قاتىناس زاڭىنىڭ نەگىزگى ولشەمدەرىن ورەسكەل اياق استى ەتىپ، جۇڭگونىڭ ىشكى ىسىنە دورەكىلىكپەن كيلىكتى، ءبىز بۇنى كوپە - كورنەۋ زورەكەرلىك ارەكەت دەپ بىلەمىز. بۇعان شينجياڭ ۇيعۇر اۆتونوميالى رايونى جانە شينجياڭداعى ءار ۇلت حالقى قاتاڭ ايىپتايدى جانە باتىل قارسىلىق بىلدىرەدى.

وتكەن ءبىر مەزگىل ۋاقىتتان بەرى، شينجياڭ لاڭكەستىكتىڭ، ءدىني ۇشقارىلىقتىڭ، بولشەكتەۋشىلىكتىڭ زيانىنا مەيلىنشە ۇشىرادى، تولىقسىز ساناققا قاراعاندا، 1990 - جىلدان 2016 - جىلدىڭ سوڭىنا دەيىن، شينجياڭدا مىڭداعان زورلىقتى كۇش، لاڭكەستىك دەلوسى جانە وقيعاسى تۋىلىپ، قىرۋار بەيكۇنا بۇقارانىڭ ءولىم - ءجىتىمىن جانە قيساپسىز مال - مۇلىك شىعىنىن تۋدىرعان. مەن وسى ورايدا، كوپشىلىككە ءبىر بولىك قىسقا بەينەجازبا قويىپ بەرەيىن.

وسى بەينەجازبا ارقىلى مەن كوپشىلىكتىڭ سول كەزدە شينجياڭدا تۋىلعان جان تۇرشىگەرلىك زورلىقتى كۇش، لاڭكەستىك قىلمىسى، سونداي - اق ونىڭ تۋدىرعان اۋىر زيانى جونىندە ءبىر تىكە تۇسىنىككە يە بولاتىندىعىنا سەنەمىن. وسىنداي اۋقىم جانە جاعداي الدىندا، ءبىزدىڭ شينجياڭ ۇيعۇر اۆتونوميالى رايوندىق حالىق ۇكىمەتىمىز زورلىقتى كۇش، لاڭكەستىك قىلمىستىق ارەكەتتەرىنە باتىل سوققى بەردى، سونىمەن بىرگە قاينارىنان جونگە سالۋعا باسا ءمان بەرىپ، لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ورىستەتىپ، ءار ۇلت حالىق بۇقاراسىنىڭ تىرشىلىك ۇقىعى، ءومىر ءسۇرۋ ۇقىعى، دامۋ ۇقىعى سياقتى نەگىزگى ادامدىق ۇقىعىنا ەڭ جوعارى شەكتە كەپىلدىك ەتتى. كەزەكتە شينجياڭدا ءۇرتىس 3 جىل زورلىقتى كۇش، لاڭكەستىك دەلوسى تۋىلمادى، قوعامدىق جالپى جاعداي ورنىقتى بولدى، حالىق تىنىش ءومىر، شات - شادىمان تىرشىلىك كەشتى. شينجياڭداعى ءار ۇلت حالقىنىڭ باس اماندىعى حاۋىپسىزدىگى لاڭكەستىكتىڭ اۋىر حاۋىپ - قاتەرىنە ۇشىراعان كەزدە، امەريكا ەستىمەگەن كىسىمسىدى، قازىر شينجياڭنىڭ قوعامى ورنىقتى بولىپ، دامىپ، ءار ۇلت حالقى تىنىش ءومىر، شات - شادىمان تىرشىلىك كەشكەندە امەريكا كەرىسىنشە شىرقى كەتىپ، شينجياڭعا كۇيە جاعىپ، سوقتىقتى ءارى «2019 - جىل ۇيعۇر ادامدىق ۇقىقتارى ساياسات زاڭ جوباسىن» شىعارىپ، ايتىلمىس شينجياڭعا ساياتىن ماسەلەدەن پايدالانىپ، جۇڭگونىڭ ۇلت قاتىناسىنا ىرتكى سالدى، شينجياڭنىڭ گۇلدەنۋىن، ورنىقتىلىعىن ءبۇلدىردى، جۇڭگونىڭ دامۋىن، زورايۋىن شاۋجايلادى، ”جات نيەتى جۇرتقا ايپاراداي اشىلدى“ دەۋگە بولادى.

سونىمەن بىرگە، مەن وسى ورايدا مىنانى قايتالاي باسا دارىپتەي كەتەيىن: شينجياڭ ماسەلەسىندە، ەڭ ءسوز سويلەۋ ۇقىعى بارلار شينجياڭداعى ءار ۇلت حالقى، شينجياڭدى بىلىقتىراتىن ءارقانداي قاسكۇنەمدىكتىڭ بارلىعى ىسكە اسپايدى، امەريكانىڭ ءارقانداي وسەك - اياڭى، جالا جابۋى جانە داتتاۋى شينجياڭنىڭ ادامدىق ۇقىق ىستەرىنىڭ دامۋ، العا باسۋ رەالدىعىن جوققا شىعارا المايدى، شينجياڭداعى ءار ۇلت حالقىنىڭ ىنتىماقتاسا العا باسۋ اياق الىسىن توسا المايدى، تىپتەن شينجياڭنىڭ دامۋ، گۇلدەنۋ ۇردىسىنە كەدەرگى بولا المايدى. راقىمەت.

اۋمىن گازەتىنىڭ ءتىلشىسى: سىزدەن سۇرايىن، شينجياڭدا تاربيەلەۋ - باۋلۋ ورتالىعىن قۇرۋدىڭ زاڭدىق نەگىزى نە، قانداي ونىمدىلىككە قول جەتكىزدى؟ راقىمەت.

شوكىرات زاكىر: بۇل ماسەلەگە ءبىزدىڭ اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ جاۋاپ بەرسىن.

شۇي حايرۇڭ: شينجياڭ شينجياڭدى زاڭمەن جونگە سالۋعا تاباندى بولىپ، زاڭمەن جونگە سالۋ وي جەلىسى مەن زاڭمەن جونگە سالۋ ءتاسىلىن بەلسەنە قولدانۋ ارقىلى وسى قىزمەتتەردى ورىستەتتى. ءبىزدىڭ تاربيەلەۋ - باۋلۋ ورتالىعىن قۇرۋداعى زاڭدىق نەگىزىمىز «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، سونداي - اق «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ءادىسى»، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى». وسى 3 زاڭعا، زاڭ ەرەجەگە نەگىزدەلىپ، ءبىز مەكتەپتىڭ ەرەجە - تۇزىمدەرىنەن ۇلگى الىپ، تاربيەلەۋ - باۋلۋ ورتالىعىنىڭ باسقارۋ ءادىسىن كەمەلدەندىرىپ، وقىتۋ كۇشىن زاڭ، بەلگىلەمە بويىنشا سەپتەدىك، ”ءۇشتى ۇيرەنۋ، ءبىردى الاستاۋ“ ساباعىن زاڭ، بەلگىلەمە بويىنشا اشتىق، وقىتۋ جۇيەسىن زاڭ بويىنشا ورناتتىق، تاربيەلەنۋشىلەردىڭ زاڭدى ۇقىق - مۇددەسىن زاڭ، بەلگىلەمە بويىنشا قامتاماسىز ەتتىك. تۇتاس باۋلۋ قىزمەتى تاماشا ونىمدىلىككە قول جەتكىزىپ، ءۇش ەڭ جوعارى شەكتى جۇزەگە اسىردى، ايتالىق، لاڭكەستىك، ءدىني ۇشقارىلىق زاڭعا قايشى نەمەسە قىلمىستىق ارەكەتى بار ادامداردى ەڭ جوعارى شەكتە قۇتقاردىق؛ لاڭكەستىكتى، ءدىني ۇشقارىلىقتى تۋدىرۋ ءوسىپ - ءوربۋ توپىراعى مەن شارت - جاعدايىن ەڭ جوعارى شەكتە جويدىق؛ ازاماتتاردىڭ نەگىزگى ۇقىعىنىڭ لاڭكەستىكتىڭ، ءدىني ۇشقارىلىقتىڭ زيانداۋىنا ۇشىراماۋىنا ەڭ جوعارى شەكتە قامتاماسىز ەتتىك.

بۇل ارادا مەن كوپشىلىكپەن بىرنەشە اڭگىمەنى بىرگە بولىسەيىن. 1 - اڭگىمە، تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ءدىلشات، ول ىلگەرى ءبىر شارۋالار ساياجايى تيجاراتىن جۇرگىزەتىن، كىرىسى جاقسى بولاتىن، تاماشا تۇرمىس كەشىرىپ جاتقان - دى. كەيىن كەلە ول ءدىني ۇشقارى يدەيامەن جۇعىمدالعاننان كەيىن، جات دىندەگىلەر ورىك اعاشىنىڭ استىندا تاماق جەسە، ونىڭ جەمىس باعىن ارامدايدى دەپ قاراپ، سونىمەن اۋلا ساياجايىن جاۋىپ، جەمىس اعاشىن كەسىپ تاستاپ، تۇرمىسى مۇشكىل كۇيدە قالادى. تاربيەلەۋ - باۋلۋ ورتالىعىندا ۇيرەنۋگە قاتىناسقاننان كەيىن، ول ءدىني ۇشقارى يدەيانىڭ زيانىن تانىپ جەتىپ، ۇشقارى يدەيانىڭ ونىڭ تۇرمىسىن ويرانداعانىنا قاتتى اشىنادى، وقۋ تاۋىسقاننان كەيىن ول اۋلا ساياجايىن قايتادان اشادى، ساۋداسى دا وتە جاقسى بولادى ءارى تۇرمىسقا دەگەن سەنىمىن قايتا مازداتادى. بۇل اڭگىمە بىزگە: تاربيەلەنۋشىلەردىڭ ءدىني ۇشقارى يدەياسى ۇتىمدى الاستالعاندىعىن اڭعارتادى. 2 - اڭگىمە، تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى بۇزۇھرا روزى تاربيەلەۋ - باۋلۋ ورتالىعىنان ۇيرەنگەن كەستەشىلىك تەحنيكاسىنان پايدالانىپ، جەرگىلىكتى ۇكىمەتتىڭ كومەگىندە قولونەر كەستەشىلىك كاسىپتىك سەلبەستىك كووپەراتيۆىن اشىپ، ءوزىنىڭ جۇمىستانۋ ماسەلەسىن شەشۋمەن بىرگە، تاعى جەرگىلىكتى ورىنداعى 30 نەشە قىستاق تۇرعىنىن جۇمىستانىپ، كىرىستەرىن ارتتىرۋعا، كەدەيلىكتەن ورنىقتى ارىلۋعا جەتەكتەدى. بۇل اڭگىمە بىزگە تاربيەلەۋ - باۋلۋ ورتالىعىنداعى تاربيەلەنۋشىلەردىڭ جالپىلىق ساپاسى جوعارىلاپ، قوعامعا ۇلەس قوساتىن جارامدى دارىندىعا اينالعاندىعىن اڭعارتادى. 3 - اڭگىمە، تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ءزورام ابدۇيۇسۇپ تاربيەلەنىپ - باۋلىنعاننان كەيىن، ول ءدىني ۇشقارى يدەيانىڭ بۇعاۋىنان قۇتىلىپ، ءوز ءۇيىنىڭ اۋلاسىن تاپ - تازا جيىستىرۋمەن بىرگە، تاعى كورشىلەرىمەن بىرگە قىستاقتىڭ ورتاسىن تازالاپ، قىستاق جاعىنان تازالىقتان، وركەنيەتتەن ۇلگى كورسەتەتىن وتباسى بولىپ باعالانادى. بۇل مىسالدار بىزگە تاربيەلەۋ - باۋلۋ ورتالىعىندا تاربيەلەنۋشىلەردىڭ وسى زامانعى وركەنيەتتى تۇرمىسقا تالپىنىپ، تۇتاس قوعامدىق سالتتىڭ كورنەكتى جاقسارۋىنا دەم بەرگەندىگىن اڭعارتادى.

جوعارىداعى 3 اڭگىمەدەگى ىستەر شينجياڭدا ساناپ تاۋىسقىسىز. مىنە وسىنداي بولعاندىقتان، شينجياڭداعى ءار ۇلت حالقى تاربيەلەۋ - باۋلۋ قىزمەتى بولماسا، بۇگىنگى تىنىش، ورنىقتى تۇرمىس بولمايتىندىعىن تىكەلەي سەزىندى، بۇكىل شينجياڭداعى ءار ۇلت حالقىنىڭ بارلىعى تاربيەلەۋ - باۋلۋ قىزمەتىن جاپپاي قولدادى. وتكەن جىلدىڭ سوڭىنان بەرى تاربيەلەۋ - باۋلۋ ورتالىعىن 91 ەلدىڭ 70 نەشە ۇيىرمە - گرۋپپاداعى 1000 نەشە ادامى ەكسكۋرسيالادى، ولار شەتەل ءمانساپتىلارىن، جۇڭگودا تۇراتىن ەلشىلەردى، اقپارات قۇرالدارىنىڭ تىلشىلەرىن جانە ءدىني قايراتكەرلەردى قامتىدى، ولار جابال مىنالاردى ءبىلدىردى: ءوز كوزىمىزبەن كورگەن شينجياڭنىڭ جاعدايى امەريكا مەن باتىستىڭ ايتقاندارىمەن بۇكىلدەي ۇقسامايدى، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ ءادىسى بىرلەسكەن مەملەكەتتەر ۇيىمىنىڭ لاڭكەستىككە سوققى بەرۋ، نەگىزگى ادامدىق ۇقىقتى قورعاۋ باس ماقساتى مەن پرينسيبىنە بۇكىلدەي ۇيلەسەدى، تولىق تۇراقتاندىرۋعا جانە ۇيرەنۋگە، ۇلگى الۋعا تاتيدى. راقىمەت.

امەريكا مەملەكەتتىك راديو سەرىكتەستىگىنىڭ ءتىلشىسى: بيىل 3 - ايدا ءتوراعا شوكىرات زاكىر، جالپى جاقتان العاندا تاربيەلەۋ - باۋلۋ ورتالىعىنداعى تاربيەلەنۋشىلەر سانى بارعان سايىن ازايىپ، بولاشاقتا قوعام ولاردى ەندىگارى قاجەت ەتپەيتىن بولعان كەزدە، وسى تاربيەلەۋ - باۋلۋ ورتالىعى بىرتىندەپ جوعالاتىندىعىن بىلدىرگەن بولاتىن. مەنىڭ سۇراۋىم: ءسىزدىڭ بولجامىڭىزعا نەگىزدەلگەندە، قازىرگى تاربيەلەۋ - باۋلۋ ورتالىعىندا تاعى قانشا تاربيەلەنۋشى بار، تاربيەلەۋ - باۋلۋ ورتالىعى قاي ۋاقىتتان باستاپ كۇشىن جويادى؟ راقىمەت.

شوكىرات زاكىر: بۇل ماسەلەگە مەن جاۋاپ بەرەيىن. شينجياڭدا زورلىقتى كۇش، لاڭكەستىك ارەكەتتەرىنىڭ كوپ تۋىلۋ، ءجيى تۋىلۋ قاتاڭ جاعدايى نەگىزىندە، ءبىز كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرىپ، كاسىپتىك شەبەرلىككە تاربيەلەۋ - باۋلۋ قىزمەتىن ورىستەتتىك. كاسىپتىك شەبەرلىككە تاربيەلەۋ - باۋلۋعا قاتىناسقان ادام سانى وزگەرىس كۇيىندە بولادى، كىرەتىندەر دە، شىعاتىندار دا بار. شەكارا سىرتىنداعى ءىشىنارا اقپارات قۇرالدارىنىڭ شينجياڭنىڭ تاربيەلەۋ - باۋلۋ ورتالىعىنداعى تاربيەلەنۋشىلەردى ”ءبىر ميلليوننىڭ ۇستىندە نەمەسە 2 ميلليون“ دەپ اتاۋى شىلعي وتىرىك، زارەدەي نەگىزى جوق. كەزەكتە ”ءۇشتى ۇيرەنۋ، ءبىردى الاستاۋ“ بويىنشا تاربيەلەۋ - باۋلۋعا قاتىناسقان تاربيەلەنۋشىلەر تۇگەلدەي وقۋ تاۋىسىپ، ۇكىمەتتىڭ كومەگىندە ورنىقتى جۇمىستانۋدى جۇزەگە اسىردى، تۇرمىس ساپاسى جاقسارىپ، باقىتتى تۇرمىس كەشىردى.

اماليات مىنانى دالەلدەدى: كاسىپتىك شەبەرلىككە تاربيەلەۋ - باۋلۋ ورتالىعىن قۇرۋ − جۇڭگو شينجياڭىنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىن زاڭ بويىنشا ورىستەتۋدەگى ءونىمدى ىزدەنىسى. كەلەر قادامدا نەگىزگى ساتى كادر - بۇقاراسىنىڭ ساپاسىن جوعارىلاتۋ تىلەگىن قاناعاتتاندىرۋ ءۇشىن، ءبىز تىلەگىنە قۇرمەت ەتۋ، ءوزى تاڭداۋ، تۇرگە ءبولىپ باۋلۋ، كەلىپ - كەتۋ ەركىن بولۋ پرينسيبىن نەگىزگە الىپ، تىلەگى، سۇرانىسى بار قىستاق كادرلارى، اۋىل - قىستاق پارتيا مۇشەلەرى، ەگىنشى - مالشىلار، ورتالاۋ، تولىق ورتا مەكتەپتى تاۋىسىپ، جۇمىستانباعاندار سياقتىلارعا كۇندەلىكتى، ارنايىلانعان، ۇدايىلانعان، اشىق تاربيەلەۋ - باۋلۋ جۇرگىزەمىز. مەملەكەتتە ءبىر تۇتاس قولدانىلاتىن ءتىل - جازۋ، زاڭ بىلىمدەرى، كاسىپتىك شەبەرلىك سياقتىلارعا ءتۇيىندى باۋليمىز، باۋلۋ مازمۇنىنا ساي، ۋاقىتىن ۇزارتۋعا دا، قىسقارتۋعا دا بولادى. راقىمەت.

CGTN ءتىلشىسى: حابارعا قاراعاندا، شينجياڭ مۇسىلمان بۇقاراسىنىڭ ءدىني سەنىم ەركىندىگىن شەكتەدى، بۇل كەڭ كولەمدە ءىشىنارا مەشىتتەردى شاعۋدى ءارى مۇسىلمانداردىڭ ورازا ايىندا ورازا ۇستاۋىنا شەكتەمە قويۋدى قامتيدى، سونداي - اق ۇكىمەت قولدامايتىن ءىشىنارا ءدىني قايراتكەرلەر قاماۋعا الىندى دەلىنگەن. وسى ماسەلەلەر ساقتالىپ وتىر ما، جوق پا؟ راقىمەت.

شوكىرات زاكىر: بۇل ماسەلەگە ورىنباسار ءتوراعا ەركىن تۇنياز جاۋاپ قايتارسىن.

ەركىن تۇنياز: بۇل ءتىلشى دوسىمىزدىڭ قويعان سۇراۋىنا راقىمەت. ءسىزدىڭ يە بولعان حابارىڭىزدىڭ قايسى اقپارات قۇرالدارىندا حابارلانعاندىعىن بىلمەدىم، بۇل بۇكىلدەي اق پەن قارانى شاتاستىرعاندىق، شىندىقتى ويدان قۇراستىرعاندىق. ءدىني سەنىم ەركىندىگىنە قۇرمەت ەتۋ جانە ونى قورعاۋ ەلىمىزدىڭ ءبىر نەگىزگى ساياساتى، ەلىمىزدىڭ نەگىزگى زاڭىندا ازاماتتاردىڭ ءدىني سەنىم ەركىندىگى بار، مەملەكەت قالىپتى ءدىني قيمىلداردى قورعايدى دەپ بەلگىلەنگەن. مەملەكەتتىك كەڭەس جاريالاعان «ءدىن ىستەرى ەرەجەسى» جانە «شينجياڭ ۇيعۇر اۆتونوميالى رايونىنىڭ ءدىن ىستەرى ەرەجەسى» وسى ءبىر نەگىزگى زاڭ رۋحىن تولىق ايگىلەيدى.

شينجياڭدا ءبىز پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىردىك، دىنگە سەنەتىن ازاماتتار دىنگە سەنبەيتىن ازاماتتارمەن ۇقساس ساياسي، ەكونوميكا، قوعام، مادەنيەت سياقتى جاقتارداعى ۇقىقتاردان تەڭ يگىلىكتەنەدى، ازاماتتار دىنگە سەنۋ نەمەسە دىنگە سەنبەۋ سەبەپتى كەمسىتۋگە نەمەسە ءادىل بولماعان مامىلەگە ۇشىراعان جوق. ءىسلام ءدىنى شينجياڭدا جالعاستىرىلدى جانە اقاۋسىز دامىدى، شينجياڭدا قازىر 20 مىڭنان استام مەشىت، 29 مىڭنان استام ءىسلام ءدىنى وقىتۋشى - قىزمەتكەرلەرى بار، اۆتونوميالى رايوننىڭ ايماق، وبلىس، قالالارىندا، اۋدان، قالا، رايوندارىندا ءار دارەجەلى ءىسلام ءدىنى قوعامىنان جالپى 103ى بار، ءىسلام ءدىنى شۋەيۋانى، سونداي - اق قاشقار، حوتان جانە ىلە سياقتى جەرلەردە 8 بولىمشە شۋەيۋان جانە شينجياڭ ءىسلام ءدىنى مەكتەبى سىندى 10 ءدىني شۋەيۋانى، مەكتەبى اشىلدى، ءار جىلى بەلگىلى مولشەردە تولىق كۋرس، جوعارى تەحنيكۋم، ورتا تەحنيكۋم بويىنشا وقۋشى قابىلدايدى. وقىتۋ جۇرگىزۋ كولەمى 3000 ادامنان استى، قازىر مەكتەپتەگى وقۋشى 1000 ادامنان اسادى. دىنگە سەنەتىن بۇقارانىڭ ءدىني بىلىمدەرگە يە بولۋ جولى ۇزدىكسىز كەڭەيدى، حانزۋ ءتىلى، ۇيعۇر ءتىلى، قازاق ءتىلى، قىرعىز ءتىلى سياقتى 4 ءتۇرلى تىلدە «قۇران كارىم»، «بۇحاري حاديستەرىنىڭ ناقتى ەستەلىككە الىنعان جاۋھارلارى» قاتارلى ءدىني كلاسسيكالىق كىتاپتاردى اۋدارىپ باسپادان شىعاردى، مۇسىلمانداردىڭ قاجىلىق پارىزىن وتەۋى تولىق قامتاماسىز ەتىلدى، ءار جىلى ۇشاق جالعا الىپ مۇسىلمان قاۋىمىن ساۋد ارابياسىنا مەكەگە بارىپ قاجىشىلاۋعا ۇيىمداستىرىپ وتىردى، ۇكىمەت قاجىشىلاعاندارعا ەمدەۋ، اۋدارماشىلىق سياقتى جاقتاردان قارجىلاي كومەك كورسەتتى ءارى ۇيىرمەمەن ىلەسىپ، قىزمەت وتەۋ، قامتاماسىزداندىرۋ قىزمەتىن ويداعىداي ىستەپ، قاجىشىلاۋ قيمىلىنىڭ حاۋىپسىز، ءتارتىپتى بولۋىنا شىنايى كەپىلدىك ەتتى. قازىرگە دەيىن شينجياڭنان 50 مىڭنان استام مۇسىلمان قاۋىمى ساۋد ارابياسىنا قاجىشىلاي باردى.

ءسىز الگىندە ايتقان كەڭ كولەمدە مەشىتتەردى شاعىپ - كوشىرۋ ماسەلەسىندە شينجياڭدا ايتىلمىس كەڭ كولەمدە مەشىتتەردى شاعىپ - كوشىرۋ ماسەلەسى جوق بولىپ عانا قويماي، قايتا شينجياڭداعى ءار دارەجەلى ۇكىمەتتەر مەشىتتەردىڭ الەۋمەتتىك قىزمەت وتەۋ شارت - جاعدايىن ۇزدىكسىز جاقسارتىپ، ”جەتىنى جەتكىزۋ، ەكى بولۋ، توعىزدى سەپتەۋ“دى اتقاردى. ”جەتىنى جەتكىزۋ، ەكى بولۋ“ دەگەنىمىز سۋدى، ەلەكتردى، جولدى، گازدى، حابار - بايلانىستى، راديو - تەلەۆيزوردى، مادەنيەت كىتاپ ءۇيىن مەشىتتەرگە جەتكىزۋ، مۇنىڭ ىشىندە جۇما مەشىتىندە دارەت الۋ قۇرىلعىسى بولۋ، سۋمەن شاياتىن دارەتحانا بولۋ دەگەندى كورسەتەدى؛ ”توعىزدى سەپتەۋ“ دەگەنىمىز ءدارى - دارمەك قىزمەت وتەۋى، ەلەكتروندىق ەكران، كومپيۋتەر، ەلەكتر جەلدەتكىش نەمەسە اۋا رەتتەگىش، ءورت ءسوندىرۋ، ورتتەن ساقتانۋ قۇرىلعىسى، تابيعي گاز، اۋىز سۋ جابدىعى، اياق كيىم قاپتاۋىش نەمەسە اياق كيىم قاپتاۋىش ماشينا، زات ساقتاۋ سورەسى قاتارلىلاردى سەپتەۋدى كورسەتەدى، بۇل دىنگە سەنەتىن بۇقارانىڭ ناماز وقۋىن بارىنشا قولايلىلاستىرىپ، قالىڭ ءدىني قايراتكەرلەر مەن دىنگە سەنەتىن بۇقارانىڭ قارسى الۋىنا بولەندى.

شىندىق ءدىني سەنىم ەركىندىگى ساياساتىنىڭ شينجياڭدا جالپى بەتتىك تياناقتاندىرىلىپ، مۇسىلمان قاۋىمىنىڭ ءدىني سەنىم ەركىندىگى ۇقىعىنىڭ زاڭ بويىنشا قامتاماسىز ەتىلىپ، قالىپتى ءدىني قاجەتتەرىنىڭ ءونىمدى قاناعاتتاندىرۋعا يە بولعاندىعىن دالەلدەدى. ءدىن ماسەلەسىندە ءتۇستى كوزىلدىرىك تاعىپ، ”قوس ولشەم“ قولداناتىن باتىس ساياساتپازدارى مەن اقپارات قۇرالدارىنىڭ جۇڭگونىڭ ءدىن ساياساتى مەن ءدىني سەنىم ەركىندىگى جاعدايىنا دۇرىس قاراپ، ءدىن ماسەلەسىنەن پايدالانىپ باسقا ەلدەردىڭ ىشكى ىسىنە كيلىگۋدى توقتاتۋىن ءۇمىت ەتەمىز، راقىمەت.

جاپونيا يۋمەري اقپاراتىنىڭ ءتىلشىسى: جۋىقتا حالىقارالىق تەكسەرۋشى تىلشىلەر وداعى ICJCتىڭ شينجياڭ جونىندەگى ”ىشكى حۇجات“تى يەلەگەنى تۋرالى حابار بەرىلىپ، ”شينجياڭنىڭ قاماۋ لاگەرى باسقارۋ ۇلگىسىن پاش ەتتى“ دەلىندى، وسى حۇجاتتىڭ شىن - جالعاندىعىن اشىق ايتىپ بەرە الاسىز با؟ ەگەر حۇجات جالعان بولىپ شىقسا، بۇنداي تۇجىرىمنىڭ نەگىزى نە؟ راقىمەت.

شوكىرات زاكىر: بۇل ماسەلەگە تۇراقتى مۇشە شۇي حايرۇڭدى جاۋاپ بەرۋگە ۇسىنىس ەتەمىن.

شۇي حايرۇڭ: شينجياڭدا ايتىلمىس ”قاماق لاگەرى“ مۇلدە ءومىر سۇرمەگەندىگىن قايتالاي باسا دارىپتەگىم كەلەدى. «نيۋ - يورك ۋاقىت گازەتى»، حالىقارالىق تەكسەرۋشى تىلشىلەر وداعى سياقتى شەكارا سىرتىنداعى اقپارات قۇرالدارى مەن ۇيىمدار تاراتقان ايتىلمىس حابار شينجياڭنىڭ تاربيەلەۋ - باۋلۋ ورتالىعىن جانە لاڭكەستىككە قارسى تۇرۋ، ۇشقارىلىقتى الاستاۋ قىزمەتىن سۇرقيالىلىقپەن بۇرمالاعاندىق، كۇيە جاققاندىق. ءبىز بۇعان قاتاڭ نارازىلىق بىلدىرەمىز جانە باتىل قارسى تۇرامىز. ءبىزدىڭ شينجياڭدى جونگە سالۋ ساياساتىمىز اشىق، ءادىل ءارى بۇدان باستان - اياق جازبادىق، ءبىزدىڭ پارتيامىز بەن ۇكىمەتىمىز حالىقتى وزەك ەتۋدەي دامۋ ۇستانىمىنا تاباندى بولىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋدا، جۇڭگو شينجياڭىنا قاراتىلعان ءارقانداي شابۋىل مەن كۇيە جاعۋدىڭ جانە وسەك - اياڭ تاراتىپ، جالا جابۋدىڭ ءبارى ارامتەر بولعاندىق. شينجياڭداعى ءار ۇلت كادر - بۇقارانىڭ قوعام ورنىقتىلىعى مەن باياندى تىنىشتىقتى جۇزەگە اسىرۋ جولىندا جاساعان قاجىرلى قۇلشىنىستارى حالىقارالىق قوعامنىڭ ءادىل باعاسىنا يە بولۋعا ءتيىس. راقىمەت.

شينحۋا اگەنتتىگىنىڭ ءتىلشىسى: شينجياڭ، اسىرەسە، وڭتۇستىك شينجياڭ ءوڭىرى از ۇلتتار شوعىرلى قونىستانعان ءوڭىر، سونداي - اق مەملەكەتىمىز تۇراقتاندىرعان شوعىرلانا تۇتاسىپ جاتقان ەرەكشە كەدەي ءوڭىر. كەدەيلىكتەن ارىلتۋدان قامال الۋ مىندەتى ەرەكشە اۋىر. قازىر شينجياڭدا قانشا كەدەي اۋدان، قانشا كەدەي جان سانى بار، كەدەيلىكتەن ارىلتۋدان قامال الۋ بارىسىندا تاعى قانداي قيىنشىلىقتار مەن سىن - سايىستار بار؟ راقىمەت.

شوكىرات زاكىر: بۇل ماسەلەگە شينجياڭ قاشقار ايماقتىق پارتكومنىڭ ورىنباسار شۋجيى، قاشقار ايماقتىق اكىمشىلىك مەكەمەسىنىڭ ءۋاليى پارحات روزىنى جاۋاپ بەرۋگە ۇسىنىس ەتەمىن.

پارحات روزى: شينجياڭ كەدەيلەردى دالمە - ءدال سۇيەمەلدەۋ نەگىزگى جالپى جوباسىنا تاباندى بولىپ، كەدەيلىكتەن دالمە - ءدال ارىلتۋدان قامال الۋ شايقاسىن باتىلدىقپەن جاقسى جۇرگىزدى. بيىل جىل باسىنان بەرى، ”ەكىدەن تارىقتىرماۋ، ءۇشتى قامتاماسىزداندىرۋ“دى مىقتى ۇستاپ، ”جەتى ءبىر توپ“، ”ۇشتە سەرپىندى ارتتىرۋ“دى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋدا شەشۋشى ىلگەرىلەۋشىلىككە قول جەتكىزدى. 2014 - جىلدان 2018 - جىلعا دەيىن بۇكىل رايوندا جالپى 588 مىڭ 700 وتباسىن، 2 ميلليون 314 مىڭ 700 كەدەي جان سانىنىڭ كەدەيلىكتەن قۇتىلۋى، 2131 كەدەي قىستاقتىڭ تىزىمنەن شىعارىلۋى، 13 كەدەي اۋداننىڭ كەدەيلىك قالپاعىن الىپ تاستاۋى جۇزەگە اسىرىلدى، كەدەيلىكتىڭ تۋىلۋ مولشەرى 2014 - جىلدىڭ باسىنداعى %22.84تەن %6.51كە تومەندەدى.

ءبىز نازاردى كەدەي جان سانىنا ۇزدىكسىز شوعىرلاندىرىپ، جەرگىلىكتى جاعدايعا قاراي ءىس ىستەپ، دالمە - ءدال شارا جۇرگىزىپ، بۇكىل رايوننىڭ كۇش - قۋاتىمەن كەدەيلىكتەن ارىلتۋدان قامال الۋ شايقاسىن جاقسى جۇرگىزىپ، 2020 - جىلى بارلىق كەدەي جان سانىنىڭ دەر كەزىندە كەدەيلىكتەن قۇتىلۋىن جۇزەگە اسىرۋدى ىلگەرىلەتىپ، بۇكىل ەلدەگى ءار ۇلت حالقىمەن بىرگە جاپپاي دوڭگەلەك داۋلەتتى قوعام قۇرامىز. راقىمەت.

پاكيستان اگەنتتىگىنىڭ ءتىلشىسى: جاقىنعى جىلداردان بەرى، بۇكىل الەمنىڭ حاۋىپسىزدىك جاعدايى كۇن سايىن كۇردەلىلەسىپ، حالىقارالىق لاڭكەستىككە قارسى تۇرۋدىڭ قىسىمى ۇزدىكسىز ارتۋدا. كوز الدا شينجياڭنىڭ حاۋىپسىزدىگى، ورنىقتىلىعى جاعدايىنىڭ قانداي ەكەندىگىن تانىستىرا كەتسەڭىز.

شوكىرات زاكىر: ءتىلشىنىڭ سۇراۋىنا ايرىقشا راقىمەت. شينجياڭدا ءۇرتىس 3 جىل زورلىقتى كۇش، لاڭكەستىك دەلو (وقيعا) تۋىلعان جوق، ءدىني ۇشقارىلىقتىڭ سىنالاپ كىرۋى دە ءونىمدى تەجەلىپ، قوعام اماندىعى جاعدايى كورنەكتى جاقساردى، ءار ۇلت تەرەزەسى تەڭ، ىنتىماقتى، ءدىن تاتۋ، ۇيلەسىمدى، حالىق تىنىش تا جاراسىمدى تۇرمىس كەشىرۋدە. ءار ۇلت بۇقاراسى جالپى بەتتىك قولداپ وتىر، كوپتەگەن ادامداردىڭ بارلىعى شينجياڭنىڭ بۇگىنگى ورنىقتى اسا تاماشا جاعدايىنىڭ وڭاي - وسپاق قولعا كەلمەگەندىگىن تىكە سەزىنە الادى، قوعامنىڭ ورنىقتىلىعىنا دەگەن رازىلىق دارەجەسى زور دارەجەدە ارتتى. ءبىز مۇنداي اسا تاماشا جاعدايدىڭ ۇزدىكسىز جالعاسۋىن ءۇمىت ەتەمىز. راقىمەت.

جەر شارى ۋاقىت گازەتى اعىلشىنشا باسىلىمىنىڭ ءتىلشىسى: شينجياڭ حالىقارالىق ادامدىق ۇقىق ۇيىمدارىنىڭ، باتىس مەملەكەتتەرىنىڭ جۇڭگودا تۇراتىن ەلشىلەرىنىڭ جانە شەتەل تىلشىلەرىنىڭ شينجياڭعا بارىپ تىلشىلىك جاساۋىنا رۇقسات ەتە مە، جوق پا؟ راقىمەت.

شوكىرات زاكىر: بۇل سۇراۋعا تۇراقتى مۇشە شۇي حايرۇڭدى جالعاستى جاۋاپ بەرۋگە ۇسىنىس ەتەمىن.

شۇي حايرۇڭ: شينجياڭ جاقسى جەر، ءار ۇلت حالقى قىزۋ ىنتالى، قوناعۋار كەلەدى، ءبىز قۇشاعىمىزدى كەڭ اشا تۇس - تۇستان كەلگەن قوناقتاردى قارسى الامىز. قۇددى ”الىستان دوستار ىزدەپ كەلسە، زور قۋانىش“ دەگەندەي. الگىندە مەن ايتىپ ءوتتىم، ءىس جۇزىندە 2018 - جىلدىڭ سوڭىنان بەرى، ءبىز 91 مەملەكەتتى قامتىعان 70 نەشە ۇيىرمە - گرۋپپانىڭ 1000 نەشە ادامىن شينجياڭدى ەكسكۋرسيالاۋعا ۇسىنىس ەتتىك. ولار جاپپاي شينجياڭدا كورگەن، ەستىگەن جاعدايلارىنىڭ امەريكا مەن باتىستىڭ كەيبىر ساياساتپازدارى مەن اقپارات قۇرالدارى ايتقان جاعدايلارعا مۇلدە ۇقسامايتىندىعىن ءبىلدىردى. ۇعىسۋعا قاراعاندا، جۇڭگونىڭ سىرتقى ىستەر تاراۋلارى بىرلەسكەن مەملەكەتتەر ۇيىمىنىڭ ادامدىق ۇقىق جوعارى دارەجەلى ءمانساپتىلارىن الدەقاشان كوپ رەت ۇسىنىس ەتتى، قازىر دە بىرلەسكەن مەملەكەتتەر ۇيىمى جاقپەن ۇزدىكسىز ءجيى قارىم - قاتىناستى ساقتاپ كەلەدى. امەريكا، باتىس جاقتىڭ كەيبىر ەلدەرى، ءبىر جاقتان، جۇڭگو جاق بىرلەسكەن مەملەكەتتەر ۇيىمىنىڭ ءمانساپتىلارىن شينجياڭعا ساپارلاي كەلۋىنە رۇقسات ەتۋى كەرەك دەسە، ەندى ءبىر جاقتان، شينجياڭعا ساپارلاپ كەلىپ كەتكەن بىرلەسكەن مەملەكەتتەر ۇيىمىنىڭ جوعارى دارەجەلى ءمانساپتىلارىن قامتىعان ءمانساپتىلارىنا قىسىم ءتۇسىردى جانە بوگەت جاسادى. مەنىڭشە، مۇنداي تاسىلدە جاسىرىن ساياسي ماقسات بار.

شينجياڭ اشىق ءوڭىر، ءبىز ءار ەل، ءار جاقتىڭ جۇڭگونىڭ يەلىك ۇقىعىنا قۇرمەت ەتىپ، جۇڭگونىڭ زاڭىنا بويسۇنىپ، تەپە - تەڭ مامىلە جاساۋ العى شارتىندا شينجياڭعا ەكسكۋرسيالاۋىن، شينجياڭدا ساپاردا بولۋىن قارسى الامىز. راقىمەت.

حۋ كايحۇڭ: ۋاقىت بايلانىسىمەن ەڭ سوڭعى سۇراۋدى قويىڭىزدار.

شياڭگاڭ ەكونوميكا باعدار گازەتىنىڭ ءتىلشىسى: شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىن تەزدەتۋ جاعىنداعى اياق الىسى قانداي؟ راقىمەت.

شوكىرات زاكىر: ءسىزدىڭ بۇل سۇراۋىڭىزعا قۋانا جاۋاپ بەرەمىن. شينجياڭ مەملەكەتتىڭ ”ءبىر بەلدەۋ، ءبىر جول“ باستاماسىن مۇقيات تياناقتاندىرىپ، ”ءبىر پورت، ەكى ءوڭىر، بەس ۇلكەن ورتالىق، شەكارا وتكەلى ەكونوميكالىق بەلدەۋىن“ باستى تۇتقا ەتتى، بۇل جاعدايلاردان كوپشىلىكتىڭ دەرلىكتەي حابارى بارلىعىنا سەنەمىن. ”ءبىر پورت“ دەگەنىمىز ءۇرىمجى حالىقارالىق قۇرلىقتىق جول پورتى، زاتتاردى جيناۋ - شوعىرلاندىرۋ، باقشا قۇرۋ، كاسىپتەردى شوعىرلاندىرۋ سىندى دامۋ ورنى بويىنشا، قۇرلىقتىق جول پورتىن قۇرۋدى جىبەك جولى ەكونوميكالىق بەلدەۋى وزەكتى رايونىنىڭ بەلگى سيپاتتى قۇرىلىسى ەتۋگە قۇلشىنۋدا. قازىر ءبىز جۇڭگو - ەۆروپا كەزەكشى پويەزى (ءۇرىمجى) شوعىرلاندىرۋ - جيناۋ ورتالىعىن ىسكە قوستىق، شينجياڭنان باتىسقا اتتاناتىن حالىقارالىق زات تاسىمال كەزەكشى پويەزىنىڭ قاتىناۋى 3000 كەزەكتەن استى. ”ەكى ءوڭىر“ دەگەنىمىز شينجياڭنىڭ قورعاس ەكونوميكالىق اشۋ ءوڭىرىن، قاشقار ەكونوميكالىق اشۋ ءوڭىرىن كورسەتەدى، بىرەۋى شينجياڭنىڭ سولتۇستىگىندە، بىرەۋى شينجياڭنىڭ وڭتۇستىگىندە، بۇل ەكى اشۋ ءوڭىرى مەملەكەت بەرگەن ەرەكشە تيىمدىلىك ساياساتىنا ارقا سۇيەپ، كاسىپتەردى شوعىرلاندىرۋ - جيناۋ قابىلەتىن جوعارىلاتىپ، ”ەكى ءوڭىر“دى شينجياڭنىڭ وڭتۇستىگى مەن سولتۇستىگىندەگى ەكى ماڭىزدى تياناق جانە جاڭالىق اشۋداعى، دامۋداعى ۇلگى ءوڭىر ەتىپ قۇرۋعا كۇش سالۋدا. ”بەس ۇلكەن ورتالىق“، ياعني شينجياڭنان باتىسقا بەتتەگەن قۇرلىقتىق جول وتكەلىندە ءۇرىمجىنى وزەك ەتىپ، قاتىناس تورابى ورتالىعىن، ساۋدا، زات اينالىمى ورتالىعىن، مادەنيەت، عىلىم - تەحنيكا، وقۋ - اعارتۋ ورتالىعىن جانە وڭىرلىك فينانس ورتالىعىن قۇرۋ، سونداي - اق ورتا ازياداعى ەمدەۋ قىزمەت وتەۋ ورتالىعىن قامتۋ. سونىمەن بىرگە، ءبىر توپ كەلەلى نەگىزدىك قۇرىلعىلار قۇرىلىسى نىساندارىن، كەلەلى ەكونوميكالىق، قوعامدىق سەلبەستىك نىساندارىن ىلگەرىلەتۋ تياناقتاندىرىلىپ، ءونىمىن كورسەتتى. قازىر شينجياڭدا حالىقتىق اۆياتسيا ۇشاق جايىنان جالپى 21ى بار، ونىڭ ۇستىنە ۇزدىكسىز سالىنۋ ۇستىندە، تەمىر جول قاتىناۋ ارالىعى 6000 كيلومەتردەن اسىپ، بۇكىل شينجياڭداعى 14 ايماق - وبلىس - قالا اراسىنداعى جوعارى قارقىندى تاس جول تۇگەلدەي تۇتاستىرىلدى، لانجوۋ - شينجياڭ جوعارى قارقىندى تەمىر جولى ىسكە قوسىلعالى دا بىرنەشە جىل بولدى. بيىل 1 - ايدان 10 - ايعا دەيىن ءبىزدىڭ سىرتقى ساۋدا، يمپورت - ەكسپورت جالپى سومامىز سايكەس مەزگىلدەگىدەن %28 ارتىپ، مەجەمەن تۇتاس جىلداعى ارتۋى %20تەن جوعارى ورەنى ساقتايدى. ءبىز جىبەك جولى ەكونوميكالىق بەلدەۋى دامۋعا جاڭالىق اشۋ ارقىلى دەم بەرۋ سىناق ءوڭىرىن قۇرىپ، 130 نەشە ءوندىرىس، ءبىلىم بەرۋ، زەرتتەۋ قۇرىلىمىن شوعىرلاندىرىپ، بىلتىر تۇتاس جىلدا بۇكىل وڭىرلىك ستراتەگيالىق سيپاتتى جاڭادان گۇلدەنگەن كاسىپتەردىڭ ارتۋ قۇنى سايكەس مەزگىلدەگىدەن %13 ارتىپ، جوعارى، جاڭا تەحنيكالىق جاساۋ كاسىبىنىڭ ارتۋ قۇنى %33 ارتتى. شينجياڭ 98 مەملەكەتپەن جانە وڭىرمەن شەكارا اتتاعان حالىق اقشاسى جۇمىسىن ورىستەتتى، پاكيستان حابيب بانكەسى دە شينجياڭدا قۇرىلىم ورناتتى، جۇڭگو - قازاقستان قورعاس حالىقارالىق شەكارا سەلبەستىك ورتالىعى قازاقستان اقشاسى تەڭگەنى ناق اقشا بويىنشا شەكارادان وتكىزىپ تاسۋدى جۇزەگە اسىردى. بۇدان سىرت، شينجياڭداعى 12 شيپاحانا شاڭحاي سەلبەستىك ۇيىمى شيپاحانالار سەلبەستىك وداعىنا كىرىپ، توڭىرەكتەگى مەملەكەتتەرمەن الىس ارالىقتان ەمدەۋ قىزمەت وتەۋى تۇعىرىن قۇردى. 4 جىلدان بەرى، ءبىز شەتەل ازاماتتىعىنداعى ناۋقاستاردان جالپى 20 مىڭ ادام - رەتتەن ارتىق ناۋقاس قابىلداپ، دياگنوز قويدىق. شەكارا وتكەل ەكونوميكالىق بەلدەۋى مەملەكەت دارەجەلى سىرتقا اشىلعان 19 شەكارا وتكەلىنە ارقا سۇيەي، يمپورت - ەكسپورت تاۋارلارىن وڭدەۋ كاسىبى، شەكارا (شەكارا اتتاعان) ساياحاتى، شەكارا تۇرعىندارى ءوزارا بازار ساۋداسى، ەلەكتروندىق ساۋدا ىستەرى سياقتى سىرتقا باعىتتالعان شارۋاشىلىقتى كۇش سالا دامىتىپ، ”وتكەل ەكونوميكاسى“نىڭ ”كاسىپ سالاسى ەكونوميكاسى“نا، ”شەكارا وتكەلى ەكونوميكاسى“نا قاراي بۇرىلىس جاساۋىن ىلگەرىلەتىپ، شينجياڭنىڭ وڭىرلىك ابزالدىلىعىن، بايلىق ابزالدىلىعىن ەكونوميكالىق ابزالدىلىققا اينالدىرۋعا كۇش سالدىق. مىنە بۇل ءبىزدىڭ ”ءبىر بەلدەۋ، ءبىر جول“ قۇرىلىسىندا، اسىرەسە، شينجياڭنىڭ قۇرلىقتاعى جىبەك جولى ەكونوميكالىق بەلدەۋى ابزالدىلىعىنان پايدالانىپ تىندىرعان كەيبىر قىزمەتتەرىمىز. بۇدان بىلاي ءبىز جىبەك جولى ەكونوميكالىق بەلدەۋىنىڭ باتىسقا شىعارىلاتىن وتكەلىندەگى وزەكتى رايون قۇرىلىسىن ۇزدىكسىز كەڭەيتە تۇسەمىز. راقىمەت!

حۋ كايحۇڭ: بۇگىنگى اقپار جاريالاۋ ءماجىلىسى وسىمەن اياقتالدى. 4 اقپار جاريالاۋشىعا راقىمەت. ءتىلشى دوستارعا راقىمەت.