جەرگىلىكتى ۋاقىت 11 - ايدىڭ 14 - كۇنى مەملەكەت ءتوراعاسى شي جينپيڭ برازيليادا وڭتۇستىك افريكانىڭ زۇڭتۇڭى رامافوسامەن كەزدەستى. □ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
جەرگىلىكتى ۋاقىت 11 - ايدىڭ 14 - كۇنى مەملەكەت ءتوراعاسى شي جينپيڭ برازيليادا وڭتۇستىك افريكانىڭ زۇڭتۇڭى رامافوسامەن كەزدەستى.
شي جينپيڭ مىنانى اتاپ كورسەتتى: جۇڭگو مەن وڭتۇستىك افريكا بىردەي دامۋ جولىنداعى باستى ەلدەر جانە بازارى جاڭادان كوركەيگەن ەكونوميكالىق تۇلعالار، ىشتە ەكونوميكانى دامىتۋ، حالىق تۇرمىسىن جاقسارتۋداي كەلەلى مىندەتكە ءدوپ كەلسە، سىرتتا كوپ جاقتىلىقتى قورعاۋعا، سىڭار جاقتىلىق پەن زورەكەرلىك ىستەۋ، جابىرلەۋ ارەكەتتەرىنە قارسى تۇرۋعا تاباندى بولدى. جۇڭگو جاق وڭتۇستىك افريكامەن تىعىز ىستەستىك جاساپ، جۇڭگو مەن وڭتۇستىك افريكانىڭ جان - جاقتى ستراتەگيالىق سەرىكتەستىك قارىم - قاتىناسىن باتىل ويداعىداي قورعاۋدى، ويداعىداي دامىتۋدى قالايدى. ەكى جاق ستراتەگيالىق تىلدەسۋدى ۇزدىكسىز ساقتاپ، پارتيالار ارا بارىس - كەلىس پەن ەل باسقارۋ تاجىريبەلەرى جونىندە اۋىس - كۇيىس جاساۋدى كۇشەيتىپ، ءبىر - ءبىرىنىڭ وزەكتى مۇددەسىنە قاتىستى جانە ءجىتى قاداعالاپ وتىرعان كەلەلى ماسەلەلەردە ءوزارا ءتۇسىنىسىپ، ءوزارا قولداپ، ”جولداس ءارى باۋىرلاس بولۋ“داي ەرەكشە دوستىقتى جانە وسكەلەڭ ءوزارا سەنىمدىلىكتى بەكەمدەۋى قاجەت. ەكى جاق دامۋ ستراتەگياسىن ۇشتاستىرۋدى كۇشەيتىپ، ەكى جاقتى ساۋدا مەن قارجى قوسۋدى بەلسەنە كەڭەيتىپ، ءوندىرىس قۋاتى، كاسىپ سالاسى، نەگىزدىك قۇرىلعىلار قۇرىلىسى سياقتى سالالارداعى سەلبەستىكتى كەڭەيتىپ، ”ءبىر بەلدەۋ، ءبىر جول“دى بىرگە قۇرۋى قاجەت. جۇڭگو جاق وڭتۇستىك افريكا جاقپەن بىرگە قۇلشىنىپ، بريكس ەلدەرىنىڭ ىنتىماعى مەن سەلبەستىگىن كۇشەيتىپ، جۇڭگو - افريكا سەلبەستىك تالقى مىنبەرى قۇرىلىسىن ىلگەرىلەتىپ، كەلەلى حالىقارالىق جانە وڭىرلىك ماسەلەلەردە تىعىز تىلدەسۋدى، سايكەسۋدى ساقتاپ، حالىقارالىق ادىلدىك پەن تۋراشىلدىقتى قورعاۋدى قالايدى.
رامافوسا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى. ول مىنانى ءبىلدىردى: وڭتۇستىك افريكا جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قول جەتكىزگەن ۇلى تابىستارىن وسكەلەڭ القايدى، جۇڭگونىڭ دامۋىن، زورايۋىن تاباندىلىقپەن قولدايدى، حالىقاراداعى جۇڭگوعا قاراتىلعان سىڭار جاقتى زورەكەرلىك ىستەۋ، جابىرلەۋ ارەكەتتەرىنە جانە جۇڭگو كاسىپورىندارىنا جاسالعان ادىلەتسىز مامىلەگە باتىل قارسى تۇرادى، جۇڭگونىڭ ءوز يەلىك ۇقىعى مەن ورىندى ۇقىق - مۇددەسىن قورعاۋىن قولدايدى. وڭتۇستىك افريكا جۇڭگو كوممۋنيستىك پارتياسىمەن پارتيالار ارا اۋىس - كۇيىس جاساۋدى، ءوزارا ۇلگى الۋدى كۇشەيتۋدى قالايدى. وڭتۇستىك افريكا ەكى جاقتىڭ ەكونوميكا - ساۋدا، نەگىزدىك قۇرىلعىلار قۇرىلىسى، جاساندى زەردە سياقتى سالالارداعى سەلبەستىگىن كەڭەيتۋدى ءۇمىت ەتەدى، اناعۇرلىم كوپ جۇڭگو كاسىپورىندارىنىڭ وڭتۇستىك افريكاعا بارىپ قارجى قوسىپ شارۋاشىلىقتى كوركەيتۋىن قارسى الادى.
رامافوسا وڭتۇستىك افريكانىڭ كەلەر جىلى افريكا وداعىنىڭ كەزەكتى ءتوراعاسى بولۋ قىزمەتتەرى جونىندەگى ويىن تانىستىردى، جۇڭگو جاقپەن جۇڭگو - افريكا سەلبەستىك تالقى مىنبەرى قۇرىلىسىن كۇشەيتىپ، افريكانىڭ بەيبىتشىلىك پەن حاۋىپسىزدىكتى جۇزەگە اسىرۋىنا كومەك كورسەتىپ، جاڭا ونەركاسىپ توڭكەرىسىن قارسى الۋدى اسىعا كۇتەدى. وڭتۇستىك افريكا جۇڭگو جاقپەن دۇنيە جۇزىلىك ساۋدا ۇيىمى رەفورماسى جونىندە جانە حالىقارالىق ىستەردە تىلدەسۋدى، سايكەسۋدى ۇزدىكسىز كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن ويداعىداي قورعاۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
