تيان - انمىن الاڭىندا سالتاناتتى اسكەري پارات جانە بۇقارالىق شەرۋ وتكىزىلدى

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى

　　تيان - انمىن الاڭىندا سالتاناتتى اسكەري پارات جانە بۇقارالىق شەرۋ وتكىزىلدى

　　شي جينپيڭ ماڭىزدى ءسوز سويلەدى جانە پاراتتان وتەتىن اسكەري بولىمدەردى كوزدەن كەشىردى

　　لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتىناستى

　10 - ايدىڭ 1 - كۇنى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　10 - ايدىڭ 1 - كۇنى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى. سۋرەتتە: جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پاراتتان وتەتىن اسكەري بولىمدەردى كوزدەن كەشىردى. □ سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

　　10 - ايدىڭ 1 - كۇنى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى. سۋرەتتە: جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار تيان - انمىن مىنبەسىندە. □ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

　　10 - ايدىڭ 1 - كۇنى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلدى.□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

　　العا باسۋ ساپارىندا، ءبىز جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقتىڭ تۇلعالىق ورنىنا تاباندى بولىپ، جۇڭگوشا سوتسياليزم جولىنا تاباندى بولىپ، پارتيانىڭ نەگىزگى نازاريالارىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، اتقارىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، تىڭ تاريحي ۇلى ىستەردى تولاسسىز جارىققا شىعارامىز. ءبىز ”بەيبىت بىرلىككە كەلۋ، ءبىر ەل، ەكى ءتۇزىم“ باعىتىنا تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتى بولۋىن ساقتاپ، بۇعازدىڭ ەكى جاعالاۋى قارىم - قاتىناسىنىڭ بەيبىت دامۋىن ىلگەرىلەتىپ، بارشا جۇڭحۋا ۇلاندارىن ىنتىماقتاستىرىپ، وتاننىڭ بۇكىلدەي بىرلىككە كەلۋىن جۇزەگە اسىرۋ ءۇشىن ۇزدىكسىز كۇرەس جۇرگىزەمىز. ءبىز بەيبىت دامۋ جولىنا تاباندى بولىپ، ءوزارا تيىمدىلىك جاسايتىن، تەڭ يگىلىكتەنەتىن اشىق ستراتەگيا اتقارىپ، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز بىرگە ىلگەرىلەتەمىز. جۇڭگو حالىق ازاتتىق ارمياسى مەن حالىق قارۋلى ساقشى قوسىندارى حالىقتىڭ اسكەري قوسىنىندىق سيپاتىن، باستى ماقساتىن، قاسيەتىن ماڭگى ساقتاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋى، دۇنيە ءجۇزىنىڭ بەيبىتشىلىگىن باتىل قورعاۋى كەرەك.

 ايبىنى اسقاق 70 جىل، ۇدەرە العا تارتقان جاڭا ءداۋىر. 10 - ايدىڭ 1 - كۇنى تۇستەن بۇرىن، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى بەيجيڭ تيان - انمىن الاڭىندا سالتاناتپەن وتكىزىلىپ، 200 مىڭنان استام اسكەريلەر مەن بۇقارا سالتاناتتى اسكەري پاراتپەن جانە بۇقارالىق شەرۋمەن رەسپۋبليكانىڭ 70 جىلدىق مەرەيتويىن قۋانىشپەن قۇتتىقتادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى جانە پاراتتان وتەتىن اسكەري بولىمدەردى كوزدەن كەشىردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ قۇتتىقتاۋ جينالىسىن باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ، مەملەكەتتىڭ ورىنباسار ءتوراعاسى ۋاڭ چيشان قاتىناستى.

مەملەكەت مەرەكەسىنىڭ مەرەيلى ساتىندە، وتانىمىزدىڭ بايتاق دالاسىندا تاۋ - وزەندەر ايبىندى كوركىمەن اسقاقتادى، بارشا جۇرت شاتتىققا شومدى، استانا بەيجيڭ گۇل - بايشەشەككە ورانىپ، تۋ - جالاۋلار جەلبىرەدى.

اشىق اسپان، شۋاقتى كۇندە تيان - انمىن مىنبەسىنىڭ سالتاناتى مەن ايباتى ايشىقتالا ءتۇستى. مىنبەنىڭ قىزىل قابىرعاسىنىڭ ءدال ورتاسىنا ماۋ زىدۇڭ جولداستىڭ الىپ ءتۇستى سۋرەتى ىلىنگەن. مىنبە كەمەرىنىڭ استىنداعى 8 ۇلكەن قىزىل تۇمشالامالى شام ايرىقشا كوز تارتىپ، شىعىس - باتىس تەكشەنىڭ ۇستىندە 8 قىزىل تۋ جەلبىرەپ، مەرەيلى مەرەكەلىك رايدى ايشىقتاپ تۇر.

تيان - انمىن الاڭىندا الىپ ”قىزىل لەنتا“ تاقىرىپتىق كورىنىسى ايبىندى، جالىندى بەينەمەن كوزگە ءتۇسىپ، قىزىل گەننىڭ تاريحتى، رەالدىقتى، بولاشاقتى جالعايتىندىعىن مەڭزەيدى. حالىق قاھارماندار ەسكەرتكىشىنىڭ الدىندا ۇلى توڭكەرىس ارداگەرى سۇن جۇڭشان مىرزانىڭ سۋرەتى تىگىنەن قويىلعان، ”مەملەكەت مەرەكەسى“، ”1949“، ”2019“ دەگەن الىپ ستەرەولدى جازۋلار ايرىقشا مەن مۇندالايدى. تۇستەن بۇرىن ساعات 9دان 57 مينۋت وتكەندە، شات مەرەيلى مۋزيكا ءۇنى ىشىندە شي جينپيڭ قاتارلى پارتيا مەن مەملەكەت باسشىلارى تيان - انمىن مىنبەسىندەگى ءتوراعالار مىنبەسىنە كەلىپ، الاڭنىڭ سالتتى تاماشالاۋ تەكشەسىندەگى ءار سالا ۋاكىلدەرىنە قول بۇلعاپ قۇرمەت ءبىلدىردى. بۇكىل الاڭنان نايزاعايداي شاتىرلاعان شاپالاق ءۇنى كوتەرىلدى.

تيان - انمىن الاڭىنداعى الىپ ەلەكتروندىق ەكراننان ساعات ءتىلىنىڭ تەربەلگەن كەسكىنى شىقتى. 1949، 1959، 1969... 2019، ساعات ءتىلىنىڭ تەربەلەۋىنە ىلەسىپ، جىل ساندارى رەتىمەن كورىنىس بەردى. ۋاقىت مالىمدەيتىن ساعات قوڭىراۋى سوعىلىپ، ساعات ءدال 10 بولعاندا، قۇتتىقتاۋ جينالىسى باستالدى.

بۇكىل الاڭداعىلار ورىندارىنان تۇردى، قۇرمەت زەڭبىرەگى 70 رەت اتىلىپ، جەر - كوكتى جاڭعىرتتى، مەملەكەت تۋىن قورعاۋ اترەتىنىڭ كوماندير - جاۋىنگەرلەرى بەس جۇلدىزدى قىزىل تۋدى قورعاپ، ايبىندى دا نىق قاداممەن حالىق قاھارماندار ەسكەرتكىشىنەن الاڭنىڭ سولتۇستىك جانىنداعى تۋ شىعارۋ اۋماعىنا كەلدى. جۇڭگو حالىق ازاتتىق ارمياسىنىڭ بىرلەسكەن اسكەري وركەسترى ايبىندى «ەرىكتىلەر مارشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن بىركەلكى داۋىسپەن اسقاقتاتا شىرقادى، كوز تارتاتىن كورىكتى بەس جۇلدىزدى نارت قىزىل تۋ باياۋ كوتەرىلىپ، تيان - انمىن الاڭىنىڭ كەڭىستىگىندە جەلبىرەدى.

وسىدان سوڭ، شي جينپيڭ ماڭىزدى ءسوز سويلەدى. ول ەڭ الدىمەن، پارتيا ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس جانە ورتالىق اسكەري ىستەر كوميتەتى اتىنان ۇلتتىڭ تاۋەلسىزدىگى مەن حالىقتىڭ ازاتتىعى، مەملەكەتتىڭ بايۋ - قۇدىرەتتەنۋى مەن حالىقتىڭ باقىتى ءۇشىن وشپەس ەڭبەك كورسەتكەن بارلىق توڭكەرىستىك اعا بۋىندار مەن قۇرباندارعا تەرەڭ ساعىنىش ءبىلدىردى، بۇكىل ەلدەگى ءار ۇلت حالقى مەن ەل ءىشى - سىرتىنداعى وتاندى سۇيەتىن باۋىرلاستارعا ىستىق ىقىلاستى قۇتتى بولسىن ايتتى، جۇڭگونىڭ دامۋىنا كوڭىل بولگەن جانە قولداۋ كورسەتكەن ءار مەملەكەتتەگى دوستارعا شىن جۇرەكتەن العىس ايتتى.

شي جينپيڭ سوزىندە بىلاي دەپ اتاپ كورسەتتى: 70 جىلدىڭ الدىنداعى ءدال وسى كۇنى ماۋ زىدۇڭ جولداس وسى جەردە دۇنيە جۇزىنە جۇڭحۋا حالىق رەسپۋبليكاسىنىڭ قۇرىلعاندىعىن، جۇڭگو حالقىنىڭ وسىدان باستاپ ەڭسە كوتەرگەندىگىن سالتاناتپەن جاريالاعان بولاتىن. بۇل ۇلى وقيعا تاياۋ زاماننان بەرگى 100 نەشە جىلداعى جۇڭگونىڭ كەدەيلىكتەن، دارمەنسىزدىكتەن ارىلا الماعان، باسقالاردىڭ قورلاۋىنا ۇشىراعان ايانىشتى تاعدىرىن ءۇزىلدى - كەسىلدى وزگەرتىپ، جۇڭحۋا ۇلتىن ۇلى گۇلدەنۋدى جۇزەگە اسىرۋدىڭ داڭعىل جولىنا ءتۇسىردى. 70 جىلدان بەرى بۇكىل ەلدەگى ءار ۇلت حالقى ءبىر نيەت، ءبىر تىلەكتە بولا وتىرىپ، قاجىرلىلىقپەن كۇرەس جۇرگىزىپ، دۇنيە ءجۇزىن جالت قاراتقان ۇلى جەتىستىككە قول جەتكىزدى. بۇگىن سوتسياليستىك جۇڭگو دۇنيەنىڭ شىعىسىندا اسقاق تۇلعاسىمەن تۇر، ەشقانداي كۇش ءبىزدىڭ ۇلى وتانىمىزدىڭ ورنىن تەڭسەلتە المايدى، ەشقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىنا بوگەت بولا المايدى.

شي جينپيڭ بىلاي دەپ باسا دارىپتەدى: العا باسۋ ساپارىندا ءبىز جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقتىڭ تۇلعالىق ورنىنا تاباندى بولىپ، جۇڭگوشا سوتسياليزم جولىنا تاباندى بولىپ، پارتيانىڭ نەگىزگى نازاريالارىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، اتقارىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، تىڭ تاريحي ۇلى ىستەردى تولاسسىز جارىققا شىعارامىز. ءبىز ”بەيبىت بىرلىككە كەلۋ، ءبىر ەل، ەكى ءتۇزىم“ باعىتىنا تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتى بولۋىن ساقتاپ، بۇعازدىڭ ەكى جاعالاۋى قارىم - قاتىناسىنىڭ بەيبىت دامۋىن ىلگەرىلەتىپ، بارشا جۇڭحۋا ۇلاندارىن ىنتىماقتاستىرىپ، وتاننىڭ بۇكىلدەي بىرلىككە كەلۋىن جۇزەگە اسىرۋ ءۇشىن ۇزدىكسىز كۇرەس جۇرگىزەمىز. ءبىز بەيبىت دامۋ جولىنا تاباندى بولىپ، ءوزارا تيىمدىلىك جاسايتىن، تەڭ يگىلىكتەنەتىن اشىق ستراتەگيا اتقارىپ، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز بىرگە ىلگەرىلەتەمىز. جۇڭگو حالىق ازاتتىق ارمياسى مەن حالىق قارۋلى ساقشى قوسىندارى حالىقتىڭ اسكەري قوسىنىندىق سيپاتىن، باستى ماقساتىن، قاسيەتىن ماڭگى ساقتاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋى، دۇنيە ءجۇزىنىڭ بەيبىتشىلىگىن باتىل قورعاۋى كەرەك.

شي جينپيڭ بىلاي دەپ باسا دارىپتەدى: جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق رەسپۋبليكامىزدى ۇزدىكسىز ويداعىداي بەكەمدەپ، ويداعىداي دامىتىپ، ”قوس 100 جىلدىق“ كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز قۇلشىنا كۇرەس جۇرگىزۋ كەرەك.

شي جينپيڭنىڭ ءسوزى اياقتاعان كەزدە بۇكىل الاڭنان كوتەرىلگەن قىزۋ شاپالاق ءۇنى ۇزاق ۋاقىت تولاستامادى.

10نان 15 مينۋت وتكەندە، اسكەري پارات باستالىپ، بەلگى اسكەرلەر ورىندارىنا جايعاسىپ، اسكەري وركەستر اسكەري پارات كەرنايىن تارتتى. شي جينپيڭ حۇڭچي كوزدەن كەشىرۋ اۆتوموبيلىنە وتىرىپ، جينشۇي كوپىرىنەن ءوتىپ، چاڭ - ان كوشەسىنە شىقتى. اسكەري پاراتتىڭ باس قولباسشىسى، ورتا بولىك سوعىستىق رايونىنىڭ سىليڭيۋانى ي شياۋگۋاڭ پاراتتان وتەتىن اسكەري بولىمدەردىڭ قاتار تۇزەپ بولعاندىعىن مالىمدەدى، شي جينپيڭ كوزدەن كەشىرۋدى باستاۋ بۇيرىعىن بەردى. جۇڭگو كوممۋنيستىك پارتياسىنىڭ پارتيا تۋى، جۇڭحۋا حالىق رەسپۋبليكاسىنىڭ مەملەكەت تۋى، جۇڭگو حالىق ازاتتىق ارمياسىنىڭ ارميا تۋى پاراتتان وتەتىن اسكەري بولىمدەردىڭ ەڭ الدىندا جەلبىرەپ تۇردى، شي جينپيڭ اۆتوكولىكپەن پارتيا تۋىنىڭ، مەملەكەت تۋىنىڭ، ارميا تۋىنىڭ الدىنا كەلگەندە، تۋلارعا قاراپ قۇرمەت ءبىلدىردى.

ايبىندى دا اسقاق اسكەري مۋزيكا ءۇنى ىشىندە شي جينپيڭ اۆتوكولىكپەن كەڭ چاڭ - ان كوشەسىن بويلاپ، 15 جاياۋ شارشى قوسىندى، 32 قارۋ - جاراقتى شارشى قوسىندى رەتىمەن كوزدەن كەشىردى. پاراتتان وتەتىن 15 مىڭعا جۋىق كوماندير - جاۋىنگەر رەتتى قاتار تۇزەپ، ايباتتى ەر تۇلعالارىن ايگىلەدى، پاراتتان وتەتىن 580 قارۋ - جاراق كۇن شۇعىلاسىمەن جارقىراپ تۇردى. بۇل جۇڭگوشا سوتسياليزم جاڭا داۋىرگە وتكەننەن كەيىن مەملەكەت مەرەكەسىندە وتكەن تۇڭعىش اسكەري پارات، سونداي - اق رەسپۋبليكا قارۋلى كۇشتەرىنىڭ رەفورما جاسالىپ، قايتا سومدالۋىنان كەيىن العاش رەت تۇتاس تۇلعامەن بوي كورسەتۋى سانالادى.

كوزدەن كەشىرۋ اۆتوكولىگى باياۋ العا ءجۇرىپ وتىردى، بۇكىل ارمياداعى ساردارلار مەن ساربازداردىڭ كەۋدەسىن اسقاق سەزىم كەرنەدى. ”جولداستار، سالەمەتسىزدەر!“، ”جولداستار، جاپا شەكتىڭىزدەر!“ شي جينپيڭنىڭ ىقىلاستى سالەمى ارميانىڭ كوڭىل كۇيىن سەرپىلتتى. ”ءتوراعا، سالەمەتسىز!“، ”حالىق ءۇشىن قىزمەت ىستەيمىز!“ پاراتتان وتەتىن كوماندير - جاۋىنگەرلەردىڭ ءور داۋىستى جاۋابى اسپاندى جاڭعىرتتى. شي جينپيڭ اۆتوكولىكپەن تيان - انمىنعا قايتار جولدا پاراتتان وتەتىن كوماندير - جاۋىنگەرلەر بىركەلكى داۋىسپەن: ”پارتيانىڭ قولباسشىلىعىنا قۇلاق اسامىز! جەڭىستى شايقاس جۇرگىزەمىز! تاماشا ستيلدى ساقتايمىز!“ دەپ اسقاقتاتا ۇراندادى.

كوزدەن كەشىرۋ اياقتاعان سوڭ، شي جينپيڭ تيان - انمىن مىنبەسىنە شىقتى.

ساعات 10نان 43 مينۋتتا اۋەدەگى تۋ قورعاۋشىلار تىركەسپەلى قوسىنى اسكەري پاراتتىڭ قاتارعا ءبولىنىپ ءوتۋىنىڭ شىمىلدىعىن اشتى، 3 تىك ۇشاق جەكە - جەكە جۇڭگو كوممۋنيستىك پارتياسىنىڭ پارتيا تۋىن، جۇڭحۋا حالىق رەسپۋبليكاسىنىڭ مەملەكەت تۋىن، جۇڭگو حالىق ازاتتىق ارمياسىنىڭ ارميا تۋىن ءىلىپ، باسقا تىك ۇشاقتارمەن قاتارلاسا، تيان - انمىن الاڭىنىڭ كەڭستىگىنەن ۇشىپ ءوتتى. وسىدان سوڭ، 20 تىك ۇشاق ”70“ دەگەن الىپ جازۋ قۇراپ، جۇڭحۋا حالىق رەسپۋبليكاسى باسىپ وتكەن 70 جىلعى شۇعىلالى بارىستىڭ سيمۆولى بولدى.

تيان - انمىننىڭ الدىندا قۇرمەت قاراۋىلى شارشى قوسىنى پارتيا تۋىن، مەملەكەت تۋىن، ارميا تۋىن بيىك ۇستاپ، شىعىس چاڭ - ان كوشەسىن بويلاپ ارشىندى قاداممەن ءجۇرىپ كەلدى. ولاردىڭ سوڭىنان ارىنى اسقاق باسشى - قولباسشىلار شارشى قوسىنى، قۇرلىق ارميا شارشى قوسىنى، تەڭىز ارميا شارشى قوسىنى، اۋە ارميا شارشى قوسىنى، زىمىران ارميا شارشى قوسىنى ىلەسىپ، قۇرىش قورعاننىڭ ءداۋىر كەلبەتىن ايگىلەدى؛ ستراتەگيالىق جاردەم بەرۋ اسكەري بولىمدەرىنىڭ شارشى قوسىنى، بىرلەسكەن ارتقى شەپ قامتاماسىز ەتۋ اسكەري بولىمدەرىنىڭ شارشى قوسىنى، جوعارى مەكتەپ عىلمي زەرتتەۋ شارشى قوسىنى، اكىمشىلىك قىزمەتكەرلەر شارشى قوسىنى العاش رەت مەملەكەت مەرەكەسىن قۇتتىقتاۋ اسكەري پاراتىندا بوي كورسەتىپ، رەفورما ارقىلى ارميانى قۇدىرەتتەندىرۋدىڭ شىت جاڭا رايىن ايگىلەدى؛ قارۋلى ساقشى اسكەري بولىمدەرى شارشى قوسىنى نىق قادام تاستاپ، ادال قورعاۋشىنىڭ بورىش - جاۋاپكەرشىلىگىن بەينەلەدى؛ ايەل اسكەرلەر شارشى قوسىنى باتىر تۇلعالى ايباتتى بەينەمەن جەلەكتىلەردىڭ بورىكتىلەردەن قالىسپايتىن اسقاق ايبىنىن ايگىلەدى؛ زاپاس مىندەتتەگى اسكەري بولىمدەردىڭ شارشى قوسىنى، حالىق جاساقتارى شارشى قوسىنى اسكەري پارات الاڭىندا بوي كورسەتىپ، ەلىمىزدىڭ زاپاس كۇشتەر قۇرىلىسىنىڭ ءداۋىر كەلبەتىن ايگىلەدى؛ بەيبىتشىلىكتى قورعاۋ اسكەري بولىمدەرىنىڭ شارشى قوسىنىنىڭ ايباتتى ايبىنى جۇڭگو ارمياسىنىڭ بەيبىتشىلىك قالقانى رەتىندەگى ۇلەسى مەن كۇشىن ايگىلەدى... 15 جاياۋ شارشى قوسىنى شيراقى دا نىق قاداممەن تيان - انمىن الاڭىنان رەتىمەن ءوتىپ، وتاننىڭ جانە حالىقتىڭ كوزدەن كەشىرۋىن قابىلدادى.

نارت قىزىل 100 شايقاس تۋى جەلمەن جەلبىرەپ، شايقاس تۋ شارشى قوسىنى تيان - انمىن الاڭىندا بوي كورسەتتى. حالىق ارمياسىنىڭ گەن ارقاۋى ەشقاشان جويىلمايدى، ماڭگى جالعاسادى. موتورلار گۇرىلدەپ، جەر مەن كوكتى ءدۇر سىلكىندىردى. 32 قارۋ - جاراق شارشى قوسىنى قۇرلىقتا شايقاس جۇرگىزۋ، تەڭىزدە شايقاس جۇرگىزۋ، اۋە قورعانىسى جانە باسقارىلمالى بومبىنى بوگەۋ، ينفورماتسيالىق شايقاس جۇرگىزۋ، ادامسىز شايقاس جۇرگىزۋ، ارتقى شەپ جابدىقتاۋ جانە قامتاماسىز ەتۋ، ستراتەگيالىق سوققى بەرۋ سىندى 7 بولىككە ءبولىنىپ، بىرلەسكەن شايقاس قۇراماسى بويىنشا گۇرىلدەپ ءجۇرىپ كەلىپ، پاراتتى قابىلدادى. بۇل رەت پاراتتان وتكەن قارۋ - جاراقتىڭ بارلىعىن جۇڭگو جاساعان، ％40ى تۇڭعىش رەت بوي كورسەتتى. تانكى، سوعىس اۆتوموبيلدەرى، زەڭبىرەك، باسقارىلمالى بومبى، ۇشقىشسىز ۇشاق... مەملەكەتتىڭ يەلىك ۇقىعى مەن تۇتاستىعىن، تەرريتورياسىنىڭ بۇتىندىگىن قورعايتىن، ۇلتتىڭ ار - نامىسى مەن حالىقتىڭ تىنىشتىعىن قورعايتىن بۇل قارۋ - جاراقتار تيان - انمىن مىنبەسى الدىنان ءبىر - بىرلەپ ءوتىپ، قىزۋ شاپالاق ىركەس - تىركەس سوعىلىپ تۇردى.

كوك اسپاندا قانات قاعىپ، قىرانداي سامعادى. ساعات 11دەن 23 مينۋت مولشەرىندە، اۋەدەگى 11 تىركەسپەلى اترەت الىستان گۇرىلدەي ۇشىپ كەلگەندە، الاڭداعىلاردىڭ بارلىعىنىڭ كوز جانارى تيان - انمىن كەڭىستىگىنە قادالدى. باستاۋشى ۇشاقتار تىركەسپەلى اترەتى ءتۇرلى - ءتۇستى 7 جولاق تاستاپ، اۋەدەگى تىركەسپەلى اترەتتىڭ شىمىلدىعىن اشتى. الدىن الا ساقتاندىرۋ - قولباسشىلىق ەتۋ ۇشاقتارى تىركەسپەلى اترەتى، تەڭىزدە شارلاۋشى ۇشاقتار تىركەسپەلى اترەتى، تاسىمال ۇشاقتار تىركەسپەلى اترەتى، جاردەم بەرۋشى - قامتاماسىز ەتۋشى ۇشاقتار تىركەسپەلى اترەتى، بومبىلاۋشى ۇشاقتار تىركەسپەلى اترەتى، جانارماي قۇيۋشى - قۇيىپ الۋشى ۇشاقتار تىركەسپەلى اترەتى، كەمەلىك ۇشاقتار تىركەسپەلى اترەتى، جويعىش ۇشاقتار تىركەسپەلى اترەتى، قۇرلىقتىق - اۆياتسيالىق تۇتقيىل سوققى بەرۋ تىركەسپەلى اترەتى رەتىمەن تومەن كەڭىستىكتە ۇشىپ ءوتتى. جاتتىقتىرۋشى ۇشاقتار تىركەسپەلى اترەتى ءتۇرلى - ءتۇستى 7 جولاق تاستاپ، رەسپۋبليكانىڭ تۋعان كۇنىنە تىلەك ارنادى.

پاراتتان وتكەن اسكەري بولىمدەردىڭ قاتاڭ دا رەتتى اسكەري كەلبەتىن، باتىر دا اسقاق جاۋىنگەرلىك ايباتىن كورگەن شي جينپيڭ قاتارلى باسشى جولداستار ءالسىن - ءالى شاپالاق سوقتى، الاڭدا سالتتى تاماشالاپ وتىرعان ءار سالا ۋاكىلدەرىنىڭ جۇزدەرى جايناپ، شاپالاق ءۇنى تاسقىندادى.

ساعات 11دەن 32 مينۋت وتكەندە، الاڭداعى ەلەكتروندىق ەكراننان ”ۇلى جۇڭگو حالقى جاساسىن“، ”ۇلى جۇڭگو كوممۋنيستىك پارتياسى جاساسىن“، ”ۇلى جۇڭحۋا حالىق رەسپۋبليكاسى جاساسىن“ دەگەن ۇران سوزدەرى كورىنىپ، الاڭداعى حور ۇيىرمەسى «بۇگىن سەنىڭ تۋعان كۇنىڭ، جۇڭگو» ءانىن شىرقاپ، ”جۇڭگو ارمانىن ءبىر نيەتپەن تۇلعالاۋ“ تاقىرىبىنداعى بۇقارالىق شەرۋ باستالدى.

شەرۋ ”مەملەكەت قۇرۋ، شارۋاشىلىق قۇرۋ“، ”رەفورما جاساپ، ەسىك اشۋ“، ”ۇلى گۇلدەنۋ“ سىندى 3 تاراۋعا ءبولىنىپ، 100 مىڭ بۇقارادان، 70 اشەكەيلى اۆتوموبيلدەن قۇرالعان 36 شارشى توپ جانە 3 جاعدايات بويىنشا جۇرگىزىلىپ، جۇڭگو كوممۋنيستىك پارتياسىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ەڭسە كوتەرۋدەن، بايۋدان قۇدىرەتتەنۋگە قادام تاستاعان ۇلى ساپارىن ايگىلەپ، جۇڭگو كوممۋنيستىك پارتياسىنا، جۇڭحۋا حالىق رەسپۋبليكاسىنا دەگەن شىن جۇرەكتەن شىققان القاۋ مەن شىنايى، ىستىق سۇيىسپەنشىلىكتى بەينەلەدى.

ەڭ الدىمەن، الىپ مەملەكەت تۋىن بيىك ۇستاعان 1949 جاستان قۇرالعان مەملەكەت تۋى شارشى توبى كەلدى. 70 جىلدىڭ الدىندا ەڭ العاشقى بەس جۇلدىزدى قىزىل تۋ تيان - انمىن الاڭىندا باياۋ كوتەرىلگەن بولاتىن. ولاردىڭ ارتىنان 2019 جاستان قۇرالعان مەملەكەت مەرەكەسىنىڭ جىل بەلگىسى جانە مەملەكەت گەربى شارشى توبى ءجۇرىپ ءوتتى. 1949دان 2019عا دەيىنگى ساندار جاڭا جۇڭگونىڭ 70 جىلعى ۇدەرە العا باسقان جولىن ەستەلىككە الدى؛ قاسيەتتى مەملەكەت گەربى بارشا جۇڭگو حالقىنىڭ ار - نامىسى مەن كۇش - قۋاتىنىڭ سيمۆولى. «قىزىل تۋ جىرى» ورىندالىسىمەن قۇرمەتتى قوناقتار وتىرعان 21 اۆتوموبيلدەن قۇرالعان قۇرمەت ءبىلدىرۋ شارشى توبى باياۋ ءجۇرىپ ءوتتى. اۆتوموبيلدەرگە پارتيا مەن مەملەكەتتىڭ، ارميانىڭ اعا بۋىن باسشىلارىنىڭ تۋىس - تۋعاندارىنىڭ ۋاكىلدەرى، اعا بۋىن قۇرىلىسشىلاردىڭ جانە ولاردىڭ تۋىس - تۋعاندارىنىڭ ۋاكىلدەرى، جاڭا جۇڭگو قۇرىلۋدان بۇرىن توڭكەرىستىك قىزمەتكە قاتىناسقان قارت جاۋىنگەرلەردىڭ، اسكەري قوسىننان شەگىنگەن اعا بۋىن قاھارمان - ۇلگىلەردىڭ، حالىق جاساعى قاھارمان - ۇلگىلەرىنىڭ جانە الدىڭعى شەپكە قولداۋ كورسەتۋ ۇلگىلەرىنىڭ ۋاكىلدەرى وتىردى. ءۇمىتتى ۇلتتا قاھارمان بولماسا بولمايدى، بولاشاعى بار مەملەكەتتە اتويشى بولماسا بولمايدى. بۇگىن ءبىز وسىنداي تاسىلمەن رەسپۋبليكامىزدىڭ قاھارماندارى مەن اتويشىلارىنا قۇرمەت بىلدىرەمىز.

”مەملەكەت قۇرۋ، شارۋاشىلىق قۇرۋ“ اتتى 1 - تاراۋ ”بۇرىن بولماعان تىڭ ءورىس اشۋ“، ”قان توگىپ جىگەرلەنە شايقاس جۇرگىزۋ“، ”مەملەكەت قۇرۋ ۇلى ءىسى“، ”قوجايىن بولۋ“، ”قاجىرلىلىقپەن كۇرەس جۇرگىزۋ“ سىندى 5 شارشى توپتان قۇرالدى. ىستىق ىقىلاستى، شاتتىققا تولى بيلەر، ادەمى، تەرەڭ سەزىمدى اۋەندەر، التىنداي جارقىراعان وردەندەر، تاريحتى قايتا كوز الدىعا اكەلەتىن مۇسىندەر ادامداردىڭ وي - قيالىن بۇرىن بولماعان تىڭ ءورىس اشقان سول ساتكە، سوعىس ءتۇتىنى بۋداقتاعان سوناۋ كۇندەرگە، ءدۇبىرلى دۋمانعا تولى جىلدارعا جەتەلەدى. شەرۋ قوسىندارى ماۋ زىدۇڭنىڭ الىپ سۋرەتىن ورتاعا الىپ تيان - انمىن الاڭىنان وتكەن كەزدە، الاڭنان قىزۋ قول شاپالاق جانە الاقايلاعان ءۇن كوتەرىلدى. 1 - تاراۋ جاعدايات تۇرىندە ءجۇرىپ وتكەن ”جاستىق كوكتەم جاساسىن“ ىشىندە اياقتاپ، بوز بالالار مەن بالاۋسا قىزدار ۆەلوسيپەدپەن ارلى - بەرلى ءجۇرىپ، قىزىل ءتۇستى تورعىن جەلەك تولقىندانىپ، ارمان شەڭبەرىنە اينالىپ، جىلدار كورىنىسىن كەسكىندەدى.

”رەفورما جاساپ، ەسىك اشۋ“ اتتى 2 - تاراۋ ”شەشۋشى تالعام“، ”ءۇمىت دالاسى“، ”تاسقىنداعان كوكتەم تولقىنى“، ”داۋىرمەن بىرگە العا باسۋ“، ”ءبىر ەل، ەكى ءتۇزىم“، ”عاسىر اتتاۋ“، ”عىلمي دامۋ“، ”بىرلىك قامالىن ورناتۋ“، ”ارمانعا جەتكەن وليمپيادا “ سىندى 9 شارشى توپتان قۇرالدى. رەفورما جاساۋدىڭ، جاڭالىق اشۋدىڭ جالىندى ىنتاسى، قيىندىققا مويىماي العا باساتىن قايسارلىق، ارمان شىندىققا اينالعان قۋانىش شەرۋدەگى بۇقارانىڭ جۇزدەرىنەن مەن مۇندالاپ تۇردى. ءپىشىنى الۋان، تەرەڭ ماعىنالى اشەكەيلى اۆتوموبيلدەر، اسقاق، ءور داۋىستى، جىگەردى جانيتىن ۇراندار رەفورما جاساعان، ەسىك اشقاننان بەرگى ايبىندى تاراۋدى ايگىلەدى. شەرۋ قوسىندارى دىڭ شياۋپيڭنىڭ، جياڭ زىميننىڭ، حۋ جينتاۋدىڭ الىپ سۋرەتىن ورتاعا الىپ تيان - انمىن الاڭىنان وتكەن كەزدە، بۇكىل الاڭنان قىزۋ قول شاپالاق جانە الاقايلاعان ءۇن اۋىق - اۋىق كوتەرىلىپ تۇردى. 2 - تاراۋ جاعدايات تۇرىندە ءجۇرىپ وتكەن ”شىعىستاعى ايباتتى ارىستان“ ىشىندە اياقتاپ، جۇڭگو گۇڭفۋى مەن ارىستان ويناتۋ ونەرى تارتىمدى ۇندەسىپ، اسقاق ايبىندى بارابان قاعىسى ادامداردى جىگەرلەنە العا باسۋعا اسىقتىردى.

”ۇلى گۇلدەنۋ“ اتتى 3 - تاراۋ 18 شارشى توپتان قۇرالدى. شي جينپيڭنىڭ الىپ سۋرەتىن ورتاعا العان ”ۇلى گۇلدەنۋ“ شارشى توبى كورىنگەن كەزدە، قىزۋ شاپالاق جانە تاسقىنداعان الاقاي ءۇنى بۇكىل الاڭدى جاڭعىرتىپ، بۇقارالىق شەرۋدى شىرقاۋ شەگىنە جەتكىزدى. ىلە - شالا كەلىپ جەتكەن ”جاڭالىق اشۋ ارقىلى دەم بەرۋ“، ”وڭىرلەردى سايكەستىرۋ“، ”اۋىل - قىستاقتى گۇلدەندىرۋ“، ”دەموكراتيا جانە زاڭمەن جونگە سالۋ“، ”ۇلتتار ىنتىماعى“، ”تىلەك توعىستىرىپ، رۋح سومداۋ“، ”جۇڭحۋا مادەنيەتى“، ”ونەگە كورسەتىپ، ادام تاربيەلەۋ“، ”دەنە تاربيەدە قۋاتتى مەملەكەت“، ”كەدەيلىكتەن ارىلتۋدان قامال الۋ“، ”تاماشا تۇرمىس“، ”تۇنىق سۋ، جاسىل تاۋ“، ”ادامزاتتىڭ تاعدىرلاس ورتاق تۇلعاسى“، ”پارتيانى قاتاڭ جونگە سالۋ“، ”اۋەلگى ماقساتتى ۇمىتپاۋ“ سياقتى شارشى توپتار پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، ەكونوميكا، ساياسي، مادەنيەت، قوعام، ەكولوگيالىق وركەنيەت جانە پارتيا قۇرىلىسى سياقتى ءار سالادا جۇزەگە اسىرعان تاريحي وزگەرىستەرى مەن قول جەتكىزگەن تاريحي جەتىستىكتەرىن جان - جاقتى ايگىلەدى؛ ”جۇڭحۋا ۇلاندارى“ شارشى توبىندا، الىپ كۇنپىڭ پىشىنىندەگى اشەكەيلى اۆتوموبيل ءار قايسى ولكە، اۆتونوميالى رايون، قالا جانە شياڭگاڭ، اۋمىن، تايۋان اشەكەيلى اۆتوموبيلدەرىن باستاپ تيان - انمىننەن رەتىمەن ءجۇرىپ ءوتىپ، جۇڭحۋانىڭ بايتاق دالاسىنىڭ اسەم كەلبەتىن جانە رەفورما جاساۋدىڭ، دامۋدىڭ قاۋلاعان ومىرشەڭدىگىن تولىق ايگىلەدى؛ ”جەلكەن جايىپ، الىسقا ساپار شەگۋ“ شارشى توبى ”جۇڭگو“ اتتى الىپ كەمەنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى شۇعىلالى جاعانى بەتكە الىپ تولقىن جارا العا تارتقاندىعىن مەڭزەدى. 3 - تاراۋ جاعدايات تۇرىندە ءجۇرىپ وتكەن ”ءبىر تىلەكپەن ارمان قۋايىق“ ىشىندە شىمىلدىعىن جاۋىپ، 2019 پيونەردەن قۇرالعان جۇرىستىك وركەستر جۇڭگو پيونەرلەر وتريادىنىڭ ءانىن ورىنداپ، گۇلدەنۋ ارمانىنىڭ كۇش جالعاي كۇرەس جۇرگىزۋ بارىسىندا، ءسوز جوق، جۇزەگە اساتىندىعىن ءبىلدىردى.

بۇقارالىق شەرۋ اياقتاۋعا تاياعاندا، ەڭ سوڭعى شارشى توپ ”ۇلى وتان جاساسىن“ تيان - انمىنگە قاراي ءجۇردى. ”مەن جانە مەنىڭ وتانىم، ءبىر ءسات تە بولىنبەيمىن...“ دەگەن اسەرلى ءان، جان ەلىتەرلىك ءبي، جايناعان جۇزدەر وتان اناعا ەڭ ىستىق ماداق پەن ەڭ تاماشا تىلەكتەرىن ارنادى.

70 مىڭنان استام بەيبىتشىلىك كوگارشىنىنىڭ زەڭگىر كوككە قانات قاعىپ، 70 مىڭ شاردىڭ اۋەگە كوتەرىلۋىمەن، ”وتاندى جىرلايمىز“ اتتى ايبىندى مۋزيكا، ءان اۋەنى بۇكىل الاڭدا جاڭعىرىپ، شەرۋدە بولعان بۇقارا تيان - انمىن مىنبەسىنە قاراي الاقايلاپ قۇرمەت ءبىلدىردى، شي جينپيڭ قاتارلىلار ءار سالا جۇرتشىلىعىنا قول بۇلعاپ قۇرمەت ءبىلدىردى. مىنبەنىڭ ۇستىندەگىلەر مەن استىنداعىلار شىنايى سۇيىسپەنشىلىك توعىستىرعان جۇرەك كوپىرىن جالعاپ، الاڭ ءىشى - سىرتى شاتتىق اندەرىنىڭ، شادىمان ۇندەردىڭ تەڭىزىنە اينالىپ، جۇڭحۋا حالىق رەسپۋبليكاسىنىڭ 70 جىلدىق مەرەيتويىن بىرگە قۇتتىقتاپ، جۇڭگو مەن دۇنيە ءجۇزىنىڭ بولاشاعىنىڭ اناعۇرلىم كوركەم بولۋىن بىرگە تىلەدى.

قۇتتىقتاۋ جينالىسى 2 ساعات 40 مينۋتقا جالعاسىپ، ساعات 12دەن 40 مينۋت وتكەندە تولىق تابىسپەن اياقتادى.

قۇتتىقتاۋ جينالىسىنا قاتىناسقانداردان تاعى مىنالار بار: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، جياڭ زىمين، حۋ جينتاۋ، لي رۇيحۋان، ۋ باڭگو، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىليەلاڭجيە، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جانە چى حاۋتيان، جياڭ چۇنيۇن، ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ساۋ گاڭچۋان، زىڭ پەييان، ۋاڭ گاڭ، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، ۋاڭ حانبين، حى يۇڭ، دۋ چيڭلين، جاۋ حۇڭجۋ، پىڭ پەييۇن، لي تيەيىڭ، حى لۋلي، شۇي جيالۋ، جياڭ جىڭحۋا، گۋ شيۋليان، رىدي، ويۇنچيميك، حۋا جيانمين، چىن جىلي، جوۋ تيەنۇڭ، سىمايىل تىلەۋالدى، جياڭ شۋشىڭ، ساڭ گوۋي، ۋاڭ شىڭجۇن، چىن چاڭجى، يان جۇنچي، جاڭ پيڭ، شياڭباپيڭسو، جاڭ باۋۋىن، لياڭ گۋاڭليە، چاڭ ۋانچۋان، حان جۋبين، جيا چۇنۋاڭ، سۇڭ جيان، حۋ چيلي، ۋاڭ جۇڭيۇي، لي گۇيشيان، شۇي كۋاڭدي، جاڭ حۋايشي، لي مىڭ، لياۋ حۇي، باي ليچىن، چىن كۇييۋان، ابلەت ابدىرەشيت، لي جاۋجو، حۋاڭ مىڭفۋ، جاڭ مەييىڭ، جاڭ رۇڭميڭ، چيان يۇنلۋ، سۇن جياجىڭ، لي جينحۋا، جىڭ ۋانتۇڭ، دىڭ پۋفاڭ، چىن زۇڭشيڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، ۋاڭ جيارۇي، چي شۇيچۇن، ما پەيحۋا، ليۋ شياۋفىڭ، ۋاڭ چينمين، سونداي - اق لي زوچىڭ، مياۋ حۋا، جاڭ شىڭميڭ جانە فۋ چۋانيوۋ، يۇي يۇڭبو، ۋاڭ كى، چىن بيڭدى، لي جي - ناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان، اكىمگە تاعايىندالاتىن كانديدات حى يچىڭ.

بەيجيڭدەگى ورتالىقتىڭ پارتيا، ۇكىمەت، ارميا، بۇقارالىق ورىندارىنىڭ ءارقايسى تاراۋلارىنىڭ جاۋاپتىلارى، ساقا جولداستاردىڭ ۋاكىلدەرى، بەيجيڭدەگى ورتالىق كوميتەت مۇشەلەرى، ورتالىق كوميتەت كانديدات مۇشەلەرى، پارتيا 19 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ مەملەكەتتىك حالىق قۇرىلتاي ۋاكىلدەرى جانە مەملەكەتتىك ساياسي كەڭەس مۇشەلەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ ۋاكىلدەرى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ بەيجيڭدەگى مۇشەلەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنداعى قاتىستى جاۋاپتى جولداستار، مەملەكەت وردەنىنىڭ جانە مەملەكەت داڭق اتاعىنىڭ، ”1 - تامىز وردەنى“نىڭ يەگەرلەرى، مەملەكەتتىك وزاتتار مەن ۇلگىلەردىڭ ۋاكىلدەرى، بانچان ەردىني چۋەجيجيەبۋ Ⅺ، بۇكىل مەملەكەتتىك ءدىني ۇيىمداردىڭ نەگىزگى جاۋاپتىلارى، مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنا قاتىناسقان ۋاكىلدەر، مەملەكەتتىك از ۇلتتار ەكسكۋرسيا ۇيىرمەسىنىڭ مۇشەلەرى، بەيجيڭدەگى جۇڭگو عىلىم اكادەمياسىنىڭ اكادەميكتەرى جانە جۇڭگو ينجەنەريا اكادەمياسىنىڭ اكادەميكتەرى، شەتەلدە وقىپ وتانعا ورالعان تاڭداۋلى دارىندىلاردىڭ ۋاكىلدەرى، قايتىس بولعان ءبىر ءبولىم قارت كادرلاردىڭ جۇبايلارى، مەملەكەت بويىنشا ءتۇيىندى تۇردە قامقورلىق جاسالاتىن وبيەكتىلەر، استاناداعى ءار سالا ۋاكىلدەرى، جاي بۇقارا ۋاكىلدەرى، ت.ب جينالىسقا قاتىناستى.

بەيجيڭدەگى ماڭىزدى شەتەلدىك قوناقتار، ءار ەلدىڭ جۇڭگودا تۇراتىن ەلشىلەرى، شەتەلدىك ماماندار دا ۇسىنىسپەن جينالىسقا قاتىناستى.