1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن جوعارىلاتىپ، ورتاق تانىمدى اناعۇرلىم جاقسى ۇيىستىرىپ، حالىق ساياسي كەڭەس تۇزىمىنە ويداعىداي تاباندى بولىپ، حالىق ساياسي كەڭەس ىستەرىن ويداعىداي دامىتۋ كەرەك

日期:2019年09月23日
来源:新疆日报
【字体:

شي جينپيڭ ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ءسوز سويلەپ بىلاي دەپ باسا دارىپتەدى

ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن جوعارىلاتىپ، ورتاق تانىمدى اناعۇرلىم جاقسى ۇيىستىرىپ، حالىق ساياسي كەڭەس تۇزىمىنە ويداعىداي تاباندى بولىپ، حالىق ساياسي كەڭەس ىستەرىن ويداعىداي دامىتۋ كەرەك

  لي كىچياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، ۋاڭ ياڭ باسقاردى

9 - ايدىڭ 20 - كۇنى ورتالىقتىڭ ساياسي كەڭەس قىزمەتى ءماجىلىسى جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسى مەملەكەتتىك ساياسي كەڭەس زالىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. 

 9 - ايدىڭ 20 - كۇنى ورتالىقتىڭ ساياسي كەڭەس قىزمەتى ءماجىلىسى جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسى مەملەكەتتىك ساياسي كەڭەس زالىندا اشىلدى. شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جينالىسقا قاتىناستى. 

ورتالىقتىڭ ساياسي كەڭەس قىزمەتى ءماجىلىسى جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسى 9 - ايدىڭ 20 - كۇنى تۇستەن بۇرىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا داۋىردە حالىق ساياسي كەڭەس قىزمەتىن كۇشەيتۋدە جانە جاقسارتۋدا، جۇڭگوشا سوتسياليزمگە تاباندى بولۋ مەن دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى، ”قوس 100 جىلدىق“ كۇرەس نىساناسىن جۇزەگە اسىرۋعا قىزمەت وتەۋدى قىزمەت نەگىزگى جەلىسى، يدەيا - ساياسي جەتەكشىلىكتى كۇشەيتۋدى، ورتاق تانىمدى جاپپاي ۇيىستىرۋدى وزەكتى بۋىن ەتىپ، ىنتىماق پەن دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن ءوسىرىپ، ورتاق تانىمدى اناعۇرلىم جاقسى ۇيىستىرىپ، حالىق ساياسي كەڭەس تۇزىمىنە ويداعىداي تاباندى بولىپ، حالىق ساياسي كەڭەس ىستەرىن ويداعىداي دامىتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرۋ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرشىلىگىن ارقالاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، ىلگەرىلەي ءتۇسىپ جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا ۇلەس قوسۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى.

جينالىس ايبىندى مەملەكەت انىمەن باستالدى. قىزۋ قول شاپالاق ءۇنى ىشىندە، شي جينپيڭ ماڭىزدى ءسوز سويلەدى. ول ەڭ الدىمەن پارتيا ورتالىق كوميتەتى اتىنان، جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قىزۋ قۇتتىقتاپ، حالىق ساياسي كەڭەسىنە قاتىسۋشى پارتيا - توپتارعا، ۇيىمدارعا، ءار ۇلت، ءار سالا قايراتكەرلەرىنە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى چياۋميىن باۋىرلاستارعا ىزگى سالەم جولدادى.

شي جينپيڭ بىلاي دەپ باسا دارىپتەدى: حالىق ساياسي كەڭەس − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ءىس جۇزىندىك جاعدايىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالاداعى قايراتكەرلەرگە باسشىلىق ەتىپ ساياسي ءتۇزىم جاعىندا جۇرگىزگەن ۇلى جاسامپازدىعى. 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەس ىنتىماق پەن دەموكراتيا سىندى ەكى ۇلكەن نەگىزگى تاقىرىپتان جازباي، پارتيا مەن مەملەكەتتىڭ وزەكتى مىندەتىنە قىزمەت ەتىپ، جاڭا جۇڭگونى قۇرۋ جانە سوتسياليستىك توڭكەرىس، قۇرىلىس، رەفورما سىندى ءاربىر تاريحي مەزگىلدە توتەنشە ماڭىزدى رولىن ساۋلەلەندىردى.

شي جينپيڭ بىلاي دەپ اتاپ كورسەتتى: جۇڭگوشا سوتسياليزم جاڭا داۋىرگە وتكەندە، پارتيا ورتالىق كوميتەتى حالىق ساياسي كەڭەس قىزمەتى جونىندە ءبىر قىدىرۋ كەلەلى ورنالاستىرۋ جاساپ، حالىق ساياسي كەڭەس قىزمەتىنە ءبىر قىدىرۋ جاڭا تالاپتار قويدى، باستىسى، مىنا بىرنەشە جاقتار بار: ءبىرىنشى، پارتيانىڭ حالىق ساياسي كەڭەس قىزمەتىنە باسشىلىعىن كۇشەيتۋ، ەكىنشى، حالىق ساياسي كەڭەسىنىڭ سيپاتىن تۇراقتاندىرۋدى دۇرىس يگەرۋ، ءۇشىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرۋ، ءتورتىنشى، ەلىمىزدىڭ جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ، بەسىنشى، حالىقتىڭ تىلەگى مەن كۇشىن جاپپاي ۇيىستىرۋ، التىنشى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋ، جەتىنشى، حالىق ساياسي كەڭەس حالىق ءۇشىن بولۋعا تاباندى بولۋ، سەگىزىنشى، رەفورما جاساۋ، جاڭالىق اشۋ رۋحىمەن مىندەت وتەۋ قابىلەتى قۇرىلىسىن ىلگەرىلەتۋ. 70 جىلدىق اماليات حالىق ساياسي كەڭەس ءتۇزىمىنىڭ كوپ جاقتا وزگەشە باسىمدىققا يە ەكەنىن دالەلدەدى.

شي جينپيڭ بىلاي دەپ باسا دارىپتەدى: حالىق ساياسي كەڭەس كەڭەسۋ بارىسىندا كەڭ كولەمدە ىنتىماقتاسۋدى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەدى، ءارى تاريحي داستۇرگە مۇراگەرلىك ەتتى، ءارى ءداۋىر ەرەكشەلىگىن بەينەلەدى، ەلىمىزدىڭ سوتسياليستىك دەموكراتياسىنىڭ ىستەردى كوپ اقىلداسۋ، ىسكە جولىققاندا كوپ اقىلداسۋ، ءىس ىستەگەندە كوپ اقىلداسۋ ەرەكشەلىگى مەن باسىمدىعىن تولىق ايگىلەدى. پىكىرگە قۇلاق اسۋ، پىكىرگە باتىلدىقپەن قۇلاق اسۋ، اسىرەسە، باتىلدىقپەن سىندى قابىلداۋ، قىزمەتتى جاقسارتۋ − سەنىم بار ەكەندىگىنىڭ، كۇش - قۋات بار ەكەندىگىنىڭ بەينەسى. سوتسياليستىك كەڭەستىك دەموكراتيانى دامىتۋدا، دەموكراتيالىق ورتالىقتاندىرۋ ءتۇزىمىنىڭ باسىمدىعىن ويداعىداي قولدانىپ، ”ىنتىماق − سىن − ىنتىماق“ سىندى تاڭداۋلى ءداستۇردى ساۋلەلەندىرىپ، كەڭەسكە كەڭ جول اشىپ، كوپ پاراساتىن ساۋلەلەندىرىپ، تۇرلىشە يدەيالىق كوزقاراستاردىڭ تولىق بەينەلەنۋى مەن ىشكەرىلەي اۋىس - كۇيىس جاساۋىن جەبەۋ، باسقالارعا زورلاپ تاڭۋدان گورى ءوزارا قۇرمەت ەتەتىن، تەڭ تۇرعىدا كەڭەسەتىن، اركىم ءوز ءسوزىن سويلەۋدەن گورى قاعيداعا بويسۇناتىن، ءتارتىپتى تۇردە كەڭەسەتىن، اسىرا سىلتەمەي، قاسارىسپاي، كەشىرىمدى، سيىسىمدى بولاتىن، شىنايى نيەتپەن كەڭەسىپ ءارى اقتارىلا اڭگىمەلەسەتىن، اركىم ءوز كوزقاراسىن باياندايتىن، ءارى پاراساتتى، سالماعى بار، زاڭدى، ەرەجەگە نەگىزدەلگەن تاماشا كەڭەس رايىن قالىپتاستىرۋ كەرەك. ءتۇزىم، مەحانيزمدى كەمەلدەندىرىپ، شەشىم جاساۋدان بۇرىن كەڭەسۋ جانە شەشىمدى اتقارۋ بارىسىندا تياناقتاندىرۋ مەحانيزمىن كەمەلدەندىرىپ، كەڭەستىڭ قاتىناسۋ كولەمى، تالقى پرينسيبى، نەگىزگى ءتارتىبى، اۋىس - كۇيىس ءتاسىلى سياقتىلار جونىندە بەلگىلەمە جاساۋ كەرەك.

شي جينپيڭ بىلاي دەپ اتاپ كورسەتتى: جاڭا ءداۋىر شارت - جاعدايىندا، ءبىز ۇزدىكسىز العا ىلگەرىلەۋدە، ءسوز جوق، بۇكىل ەلدەگى ءار ۇلت حالقىنىڭ ۇلى ىنتىماعىن كۇشەيتىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرۋىمىز كەرەك. حالىق ساياسي كەڭەسىن ۇتىمدى قىزمەت ارقىلى پارتيانىڭ ءارقايسى قىزمەتتەرگە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى شەبىنە، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، جەتەكتەۋدىڭ، تاربيەلەۋدىڭ ماڭىزدى تۇعىرىنا، ورتاق يدەيالىق ساياسي نەگىزدە قايشىلىقتاردى شەشۋدىڭ جانە ورتاق تانىم ۇيىستىرۋدىڭ ماڭىزدى ارناسىنا قۇلشىنا اينالدىرۋ كەرەك. بىركەلكىلىك پەن كوپ تۇرلىلىكتىڭ قاتىناسىن دۇرىس ءبىر جاقتى ەتۋ كەرەك. بىركەلكىلىك ورتاق يدەيالىق ساياسي نەگىزدىڭ بىرلىگى، كوپ تۇرلىلىك مۇددەنىڭ كوپ نەگىزدىلىگىنىڭ، يدەيانىڭ كوپ تۇرلىلىگىنىڭ بەينەسى، كوپ تۇرلىلىككە قۇرمەت ەتۋ بارىسىندا بىركەلكىلىككە تالپىنۋ، ”ءبىر سىدىرعىلىققا“ بوي ۇرماۋ كەرەك. يدەيالىق ساياسي جەتەكشىلىكتى كۇشەيتۋدى ۇنەمىلىك يدەيالىق ساياسي قىزمەتپەن ۇشتاستىرىپ، پارىقتاردى ساقتاپ ورتاقتىققا ۇمتىلىپ، ۇقساستىقتاردى ۇيىستىرىپ، بوگدەلىكتى جويىپ، ءارقايسى پارتيا - توپتار، ۇيىمدار مەن ءار ۇلت، ءار سالا قايراتكەرلەرىنىڭ يدەيالىق جاقتا ورتاق العا ىلگەرىلەۋىن جەبەۋ كەرەك. حالىق ساياسي كەڭەس ءار سالا بۇقاراسىمەن كەڭ كولەمدە بايلانىس جاساپ جانە ولاردى جۇمىلدىرىپ، مۇشەلەردى نەگىزگى ساتىعا بارۋعا، ءار سالاداعى بۇقارانى ارالاۋعا شابىتتاندىرىپ جانە وعان قولداۋ كورسەتىپ، بۇقارانىڭ پىكىرى مەن ۇسىنىسىن دەر كەزىندە اڭىس ەتىپ، پارتيا مەن مەملەكەتتىڭ باعىت - ساياساتىن ىشكەرىلەي ۇگىتتەۋ كەرەك.

شي جينپيڭ بىلاي دەپ باسا دارىپتەدى: حالىق ساياسي كەڭەسىنىڭ جاڭاشا ساياسي پارتيا ءتۇزىمىن ناقتى اتقارۋداعى ماڭىزدى ساياسي فورما جانە ۇيىمدى فورما رەتىندەگى رولىن ساۋلەلەندىرىپ، ءارقايسى دەموكراتيالىق پارتيا - توپتاردىڭ ءوز پارتيا - توبىنىڭ اتىندا ساياسي كەڭەستە جاريالاعان پىكىرىنە، العا قويعان ۇسىنىسىنا مەحانيزمدىك ورنالاستىرۋ جاساۋ كەرەك. پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق قايراتكەرلەرىمەن، جاڭا قوعامدىق جىك قايراتكەرلەرىمەن قارىم - قاتىناس، بايلانىس جاساۋ مەحانيزمىن كەمەلدەندىرۋ كەرەك. پارتيانىڭ ۇلت ساياساتى مەن ءدىن ساياساتىن جان - جاقتى دايەكتىلەندىرۋ كەرەك. شياڭگاڭدىق، اۋمىندىق مۇشەلەردى ەرەكشە اكىمشىلىك رايون ۇكىمەتى مەن اكىمىنىڭ زاڭ بويىنشا بيلىك جۇرگىزۋىن قولداۋعا جەتەكتەپ، وتاندى سۇيەتىن، شياڭگاڭدى سۇيەتىن، اۋمىندى سۇيەتىن كۇشتەردى دامىتۋ، ۇلعايتۋ كەرەك. تايۋان ارالى ىشىندەگى قاتىستى پارتيا - توپتارمەن، ۇيىمدارمەن، قوعامدىق ۇيىمدارمەن، ءار سالا قايراتكەرلەرىمەن اۋىس - كۇيىستى، بارىس - كەلىستى كەڭەيتىپ، بۇعازدىڭ ەكى جاعالاۋىنىڭ توعىسا دامۋىنا دەم بەرۋ كەرەك. چياۋمين باۋىرلاستار ۋاكىلدەرىن ساياسي كەڭەستىڭ قيمىلدارىنا قاتىناسۋعا باۋراۋ كەرەك. سىرتقا قاراتىلعان بارىس - كەلىستى بەلسەندىلىكپەن ورىستەتىپ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋگە وڭ ەنەرگيا ازىرلەۋ كەرەك.

شي جينپيڭ بىلاي دەپ اتاپ كورسەتتى: ساياسي كەڭەس مۇشەلەرى ءارقايسى پارتيا - توپتار، ۇيىمدار مەن ءار ۇلت، ءار سالا قايراتكەرلەرىنىڭ ۋاكىلى رەتىندە، ءار جاقتاردىڭ بايسالدى ءماسليحاتتاسۋىنان جارىققا شىققان، ءار سالا بۇقاراسىنا ۋاكىل بولىپ مەملەكەت ىستەرىنە ات سالىسادى، مىندەت جاۋاپكەرشىلىك اتقارادى. بۇل − داڭق، ءتىپتى دە ماڭىزدىسى، جاۋاپكەرشىلىك. قالىڭ ساياسي كەڭەس مۇشەلەرى وتان ءۇشىن مىندەت اتقارۋ، حالىق ءۇشىن جاۋاپكەرشىلىكتى ادا ەتۋ ىنتا - ىقىلاسىنان جازباي، ءىستى كوڭىل تورىنە قويىپ، جاۋاپكەرشىلىك ارقالاپ، مۇشەلىك مىندەت جاۋاپكەرشىلىگىن مۇقيات اتقارىپ، يدەيالىق ورەسى مەن تانىم قابىلەتىن ۇزدىكسىز جوعارىلاتىپ، مىندەت اتقارۋ شەبەرلىگىن جان - جاقتى كۇشەيتۋ كەرەك. سوتسياليستىك وزەكتى قۇن كوزقاراسىن بەلسەندىلىكپەن امالياتتا ايگىلەپ، ءمورالدىق قۇلىقتى شىڭداپ، قاتاڭدىقپەن پاك بولىپ، ءوزىن تەجەپ، ونەگەلى ارەكەتتەرى ارقىلى جاڭا داۋىردەگى ساياسي كەڭەس مۇشەسىندىك كەلبەتىن ايگىلەۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار حالىق ساياسي كەڭەس قىزمەتىن ماڭىزدى ءىس قاراۋ كۇن تارتىبىنە ەنگىزىپ، ساياسي كەڭەستىڭ قىزمەتتەردى ۇيىمداستىرۋىنا، ورىستەتۋىنە ءتيىمدى شارت - جاعداي جاراتىپ، ساياسي كەڭەس باسشىلىق القاسىن ۇزدىكتەردى تاڭداپ كۇشەيتىپ سەپتەۋ كەرەك. پارتكومداعى نەگىزگى جاۋاپتى جولداستار ساياسي كەڭەستىڭ ماڭىزدى قيمىلدارىنا باستاماشىلدىقپەن قاتىناسىپ، باستاماشىلدىقپەن پارتيا سىرتىنداعى دوستارمەن كەڭ دوستاسۋ كەرەك. ساياسي كەڭەس پارتيا باسشىلىق گرۋپپاسى پارتيا ورتالىق كوميتەتىنىڭ كەلەلى باعىت - ساياساتتارى مەن شەشىمدەرىنىڭ، ورنالاستىرۋلارىنىڭ حالىق ساياسي كەڭەسىندە دايەكتىلەنۋىنە، تياناقتانۋىنا شىنايى كەپىلدىك ەتۋ كەرەك. ساياسي كەڭەس جۇيەسىندەگى پارتيا قۇرىلىسىن كۇشەيتۋ كەرەك.

ۋاڭ ياڭ جينالىستى باسقارعاندا بىلاي دەدى: باس شۋجي شي جينپيڭنىڭ ماڭىزدى ءسوزى پارتيا مەن مەملەكەت ىستەرى دامۋى جالپى جاعدايى وسكەلەڭ دەڭگەيىندە تۇرىپ، حالىق ساياسي كەڭەسىنىڭ 70 جىلدىق شۇعىلالى بارىسىن تەرەڭ سەزىممەن ەسكە الىپ، حالىق ساياسي كەڭەسىنىڭ جاڭا جۇڭگو قۇرۋدا جانە سوتسياليستىك توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلدەرىندە قوسقان ماڭىزدى ۇلەستەرىن جوعارى باعالاپ، پارتيا 18 - قۇرىلتايىنان بەرى حالىق ساياسي كەڭەس قىزمەتىنە قويىلعان ءبىر قىدىرۋ جاڭا تالاپتاردى جان - جاقتى قورىتىندىلاپ، جاڭا داۋىردەگى حالىق ساياسي كەڭەس قىزمەتىنىڭ بورىش - مىندەتىن، جالپى تالاپتارىن، كۇش سالۋ تۇيىندەرىن تەرەڭ بايىمداپ، جاڭا داۋىردەگى حالىق ساياسي كەڭەس ىستەرىنىڭ دامۋىنا اناعۇرلىم ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەپ بەردى. ءبىز، ءسوز جوق، مۇقيات ۇيرەنىپ، جەتە ءتۇسىنىپ، سانالى تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قاجىرلىلىقپەن بەرىلە ىستەپ، ءورىس اشا ەكپىندەي ىلگەرىلەپ، جاڭا داۋىردەگى حالىق ساياسي كەڭەس ىستەرى دامۋىنىڭ جاڭا تاراۋلارىن ۇزدىكسىز جازىپ، پارتيانىڭ جاڭا داۋىردەگى تاريحي بورىشىن جۇزەگە اسىرۋعا زەيىن - زەردە، كۇش - قۋات ۇيىستىرۋىمىز كەرەك.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ءىشىنارا ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى مەن كەزىندە مەملەكەتتىك ساياسي كەڭەستىڭ باسشىلىق مىندەتىن ارقالاعان ساقا جولداستار جينالىسقا قاتىناستى.

ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستارى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، بۇكىل مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى مەملەكەتتىك ساياسي كەڭەستىڭ تۇراقتى مۇشەلەرى، ءىشىنارا مۇشەلەرى، ءارقايسى ولكەلىك، اۆتونوميالى رايوندىق، قالالىق ساياسي كەڭەستەردىڭ، بىرلىكساپ ءبولىمىنىڭ جاۋاپتىلارى مەن قاتىستى جاقتاردىڭ ۋاكىلدەرى، ت.ب جينالىسقا قاتىناستى.