شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى
كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ”قوس 100 جىلدىق“ كۇرەس نىساناسىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك
ۋاڭ حۋنيڭ قاتىناستى
9 - ايدىڭ 3 - كۇنى 2019 - جىلعى كۇزگى وقۋ ماۋسىمىندا ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى ورتالىق پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەدى.□سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
■كوممۋنيستەردىڭ كۇرەسىندە باعدار، تۇرعى، پرينسيپ بولادى، ۇلكەن بەتالىس − جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە مىزعىماي تاباندى بولۋ. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ وزەكتى مۇددەسى مەن كەلەلى پرينسيبىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىز حالقىنىڭ ءتۇبىرلى مۇددەسىنە زيان جەتكىزەتىن ءتۇرلى حاۋىپ - قاتەر، سىن - سايىستار، ەلىمىزدىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا زيان جەتكىزەتىن ءار ءتۇرلى حاۋىپ - قاتەر، سىن - سايىستار اتاۋلى كەلسە بولعانى، ءبىز، ءسوز جوق، باتىل كۇرەسۋىمىز، سونىمەن قاتار، ءسوز جوق، كۇرەس جەڭىسىنە قول جەتكىزۋىمىز كەرەك.
■باسشى كادرلار قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان ءوتىپ، كۇردەلى دە قيان - كەسكى كۇرەس بارىسىندا بوران - شاشىندى باستان وتكەرىپ، ءومىردى تانىپ، تۇلعانى سومداپ، لاۋلاعان وتقا كۇيمەيتىن ناعىز التىن بولىپ سومدالۋ كەرەك. پارتيانىڭ جاسامپاز نازارياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ماركستىك تۇرعىنى، كوزقاراستى، ءادىستى يگەرىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ يدەيالىق نەگىزىن بەكەمدەۋ كەرەك، نازاريالىق جاقتان سەرگەك بولعاندا عانا، ساياسي جاقتان باتىل بولىپ، كۇرەس جۇرگىزگەندە سەنىمدى، قايراتتى بولۋعا بولادى. ەلەۋلى كۇرەستەر بارىسىندا شىڭدالۋدان جازباۋ، قيىنشىلىق نەعۇرلىم زور، قايشىلىق نەعۇرلىم كوپ جەر، جاعداي نەعۇرلىم قيان - كەسكى، احۋال نەعۇرلىم كۇردەلى كەز باتىلدىقتى شىنىقتىرىپ، جىگەردى جانىپ، قابىلەتتى كۇشەيتە تۇسەدى. باسشى كادرلار ءتۇرلى كۇرەسكە ىرىقتىلىقپەن ات سالىسىپ، ۇلكەن دۇرىس پەن ۇلكەن بۇرىس الدىندا باتىل پوزيتسيا ءبىلدىرىپ، قايشىلىق، قاقتىعىس الدىندا قيىندىققا قارسى باتىل اتتانىپ، داعدارىس، قيىنشىلىق الدىندا باتىلدىقپەن كوكىرەك كەرە العا شىعىپ، بۇرىس ستيل، تەرىس پيعىل الدىندا باتىل كۇرەس جۇرگىزۋدەن تايىنباۋ كەرەك.
2019 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى 9 - ايدىڭ 3 - كۇنى تۇستەن بۇرىن ورتالىق پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: قالىڭ كادرلار، اسىرەسە، جاس كادرلار قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان ءوتىپ، كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قايسارلىقپەن كۇرەس جۇرگىزۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ وقۋ باستاۋ سالتىنا قاتىناستى.
شي جينپيڭ بىلاي دەپ اتاپ كورسەتتى: ماركسيزمنىڭ جارىققا شىعۋى مەن دامۋىنىڭ، سوتسياليستىك مەملەكەتتىڭ دۇنيەگە كەلۋى مەن دامۋىنىڭ بارىسى كۇرەس ماشاقاتىنا تولى. جۇڭگو كوممۋنيستىك پارتياسىنىڭ قۇرىلۋى، جۇڭحۋا حالىق رەسپۋبليكاسىنىڭ قۇرىلۋى، رەفورما جاساۋ، ەسىك اشۋدى جولعا قويۋ، جاڭا داۋىردەگى جۇڭگوشا سوتسياليزم ءىسىن ىلگەرىلەتۋدىڭ بارلىعى كۇرەس بارىسىندا دۇنيەگە كەلدى، كۇرەس بارىسىندا دامىدى، كۇرەس بارىسىندا زورايىپ جەتىلدى. بۇگىنگى دۇنيە ءجۇزى عاسىردا بولماعان زور وزگەرىس ىشىندە تۇر، پارتيامىز باسشىلىق ەتكەن ۇلى كۇرەس، ۇلى ينجەنەريا، ۇلى ءىس، ۇلى ارمان ايبىندى تۇردە جۇرىلۋدە، رەفورما، دامۋ، ورنىقتىلىق مىندەتى جاپالى دا اۋىر، ءبىز تاپتىرماس تاريحي ورايعا ءدوپ كەلىپ وتىرمىز، سونداي - اق ءبىر قىدىرۋ كەلەلى حاۋىپ - قاتەر مەن سىناقتارعا دا ءدوپ كەلىپ وتىرمىز. پارتيامىز بەلگىلەگەن نىسانا، مىندەتتەردى جەڭىسپەن جۇزەگە اسىرۋ ءۇشىن، ءسوز جوق، كۇرەس رۋحىن ساۋلەلەندىرىپ، كۇرەس قابىلەتىن كۇشەيتۋىمىز كەرەك.
شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اساتىن شارۋا ەمەس. ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەستەر جۇرگىزۋ كەرەك. العا باسۋ جولىندا ءبىز ءدوپ كەلەتىن حاۋىپ - قاتەر، سىناقتار تەك بارعان سايىن كۇردەلەسە تۇسەدى، ءتىپتى، ويعا دا كەلمەيتىن اساۋ تولقىندارعا جولىعامىز. ءبىز ءدوپ كەلەتىن ءار ءتۇرلى كۇرەس قىسقا ۋاقىتتىق ەمەس، قايتا ۇزاق ۋاقىتقا جالعاسادى، بۇل كەم دەگەندە ءبىزدىڭ ەكىنشى 100 جىلدىق كۇرەس نىسانانى جۇزەگە اسىرۋىمىزدىڭ جالپى بارىسىمەن بايلانىسىپ جاتادى. ءسوز جوق، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، كۇرەس جىگەرىن نىعايتىپ، قاتاڭ جاعداي مەن كۇرەس مىندەتى الدىمىزدا تۇرعان شاقتا جىگەردى مۇقالتپاي، باتىلدىقپەن اتويلاپ، ەرلىكپەن شايقاسىپ، جەڭىسكە جەتۋ كەرەك.
شي جينپيڭ بىلاي دەپ باسا دارىپتەدى: كوممۋنيستەردىڭ كۇرەسىندە باعدار، تۇرعى، پرينسيپ بولادى، ۇلكەن بەتالىس − جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە مىزعىماي تاباندى بولۋ. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ وزەكتى مۇددەسى مەن كەلەلى پرينسيبىنە زيان جەتكىزەتىن ءار ءتۇرلى حاۋىپ - قاتەر، سىن - سايىستار، ەلىمىز حالقىنىڭ ءتۇبىرلى مۇددەسىنە زيان جەتكىزەتىن ءتۇرلى حاۋىپ - قاتەر، سىن - سايىستار، ەلىمىزدىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا زيان جەتكىزەتىن ءار ءتۇرلى حاۋىپ - قاتەر، سىن - سايىستار اتاۋلى كەلسە بولعانى، ءبىز، ءسوز جوق، باتىل كۇرەسۋىمىز، سونىمەن قاتار، ءسوز جوق، كۇرەس جەڭىسىنە قول جەتكىزۋىمىز كەرەك. ءبىز وي - سانانى ەرەكشە سەرگەك ۇستاپ، تۇرعىدا ەرەكشە تاباندى بولىپ، دۇرىس كۇرەس بەتالىسىن مىقتاپ يگەرىپ، ءار ءتۇرلى كەلەلى كۇرەس سىنىنىڭ الدىندا ”كوشپەلى بۇلت كوز الدىمىزدى توسار دەپ قورىقپاۋىمىز“، ”تۇيدەك بۇلتتار كوشسە دە قايىسپاي ەركىن تۇرۋىمىز“ كەرەك.
شي جينپيڭ بىلاي دەپ اتاپ كورسەتتى: ءبىز كوممۋنيستەردىڭ كۇرەسى ەجەلدەن قايشىلىقتار مەن ماسەلەلەردى، حاۋىپ - قاتەرلەر مەن سىن - سايىستاردى بەتكە العان. قازىرگى كەزدە جانە بۇدان بىلايعى ءبىر مەزگىلدە ەلىمىزدىڭ دامۋى ءار ءتۇرلى حاۋىپ - قاتەر مەن سىن - سايىستار ۇزدىكسىز قوردالانا تۇسەتىن، ءتىپتى، شوعىرلى تۇردە كورىنىس بەرەتىن مەزگىلگە قادام قويادى، ءدوپ كەلەتىن كەلەلى كۇرەستەر ازايمايدى، ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى جانە مەملەكەت قورعانىسى مەن ارميا قۇرىلىسى، شياڭگاڭ، اۋمىن، تايۋان قىزمەتى، ديپلوماتيالىق قىزمەت، پارتيا قۇرىلىسى سياقتى جاقتاردىڭ بارلىعىندا بولادى، ونىڭ ۇستىنە بارعان سايىن كۇردەلىلەسە تۇسەدى. باسشى كادرلاردا ءشوپتىڭ سىبدىرىنان بۇعىنىڭ وتكەنىن بىلەتىن، قاراعايدىڭ گۋىلىنەن جولبارىستىڭ كەلگەنىن بىلەتىن، جاپىراقتىڭ ءتۇسىنىڭ وزگەرۋىنەن كۇز تۇسكەنىن بىلەتىن ءىستىڭ قىلپىنا قاراپ ءمانى مەن دامۋ اۋقىمىن ءبىلۋ قابىلەتى بولۋى، كومەسكى حاۋىپ - قاتەرگە عىلمي تۇجىرىم جاساۋى، حاۋىپ - قاتەردىڭ قايدا ەكەنىن، قانداي فورمادا بەينەلەنگەنىن، دامۋ اۋقىمىنىڭ قانداي ەكەنىن ءبىلىپ، كۇرەسۋگە تيىستىلەرىمەن كۇرەسۋى كەرەك.
شي جينپيڭ بىلاي دەپ باسا دارىپتەدى: كۇرەستىڭ ءوزى ءبىر ونەر، كۇرەس جۇرگىزۋگە شەبەر بولۋ كەرەك. ءار ءتۇرلى كەلەلى كۇرەستەردە ءبىز تاۋقىمەت تانىمىن كۇشەيتۋ مەن ستراتەگيالىق تاباندىلىقتى ساقتاۋدىڭ بىرلىگىنە، ستراتەگيالىق تۇجىرىم جاساۋ مەن تاكتيكالىق كەسىم جاساۋدىڭ بىرلىگىنە، كۇرەس جۇرگىزۋ بارىسى مەن كۇرەستىڭ ناقتى ءونىمىنىڭ بىرلىگىنە تاباندى بولۋىمىز كەرەك. باسشى كادرلار ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ادا ەتىپ، شاقىرعاندا كەلە الۋى، كەلگەندە شايقاسا الۋى، شايقاسقاندا، ءسوزسىز، جەڭۋى كەرەك.
شي جينپيڭ بىلاي دەپ اتاپ كورسەتتى: ستراتەگياعا، ادىسكە باسا ءمان بەرىپ، كۇرەس ونەرىنە ءمان بەرۋ كەرەك. باستى قايشىلىقتى يگەرىپ، قايشىلىقتىڭ باستى جاعىن يگەرىپ، قيسىندى، ءتيىمدى، ۇستامدى بولۋدان جازباي، كۇرەس ءتاسىلىن ۇيلەسىمدى تاڭداپ، كۇرەس ىڭعايىن يگەرىپ، پرينسيپتىك ماسەلەدە تيتتەي دە جول بەرمەۋ، ءادىس - امالدىق ماسەلەدە يكەمدى دە ۇتىمدى بولۋ كەرەك. جاعداي سۇرانىسىنا ساي، ۋاقىتتى، شەكتى، ءونىمدى يگەرىپ، كۇرەس ءادىس - امالىن دەر كەزىندە رەتتەۋ كەرەك. ىنتىماقتاسۋعا بولاتىن بارلىق كۇشپەن ىنتىماقتاسىپ، بارلىق بەلسەندى فاكتورلاردى جۇمىلدىرىپ، كۇرەس بارىسىندا ىنتىماققا تالپىنىپ، كۇرەس بارىسىندا سەلبەسۋگە ۇمتىلىپ، كۇرەس بارىسىندا تەڭ يگىلىككە قول جەتكىزۋ كەرەك.
شي جينپيڭ بىلاي دەپ باسا دارىپتەدى: كۇرەس رۋحى، كۇرەس قابىلەتى تۋادا بولعان ەمەس. باسشى كادرلار قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان ءوتىپ، كۇردەلى دە قيان - كەسكى كۇرەس بارىسىندا بوران - شاشىندى باستان وتكەرىپ، ءومىردى تانىپ، تۇلعانى سومداپ، لاۋلاعان وتقا كۇيمەيتىن ناعىز التىن بولىپ سومدالۋ كەرەك. پارتيانىڭ جاسامپاز نازارياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ماركستىك تۇرعىنى، كوزقاراستى، ءادىستى يگەرىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ يدەيالىق نەگىزىن بەكەمدەۋ كەرەك، نازاريالىق جاقتا سەرگەك بولعاندا عانا، ساياسي جاقتا تاباندى بولىپ، كۇرەس جۇرگىزگەندە سەنىمدى، قايراتتى بولۋعا بولادى. ەلەۋلى كۇرەستەر بارىسىندا شىڭدالۋدان جازباۋ، قيىنشىلىق نەعۇرلىم زور، قايشىلىق نەعۇرلىم كوپ جەر، جاعدايى نەعۇرلىم قيان - كەسكى، احۋالى نەعۇرلىم كۇردەلى كەز باتىلدىقتى شىنىقتىرىپ، جىگەردى جانىپ، قابىلەتتى كۇشەيتە تۇسەدى. باسشى كادرلار ءتۇرلى كۇرەسكە ىرىقتىلىقپەن ات سالىسىپ، ۇلكەن دۇرىس پەن ۇلكەن بۇرىس الدىندا باتىل پوزيتسيا ءبىلدىرىپ، قايشىلىق، قاقتىعىس الدىندا قيىندىققا قارسى باتىل اتتانىپ، داعدارىس، قيىنشىلىق الدىندا باتىلدىقپەن كوكىرەك كەرە العا شىعىپ، بۇرىس ستيل، تەرىس پيعىل الدىندا باتىل كۇرەس جۇرگىزۋدەن تايىنباۋ كەرەك.
شي جينپيڭ بىلاي دەپ اتاپ كورسەتتى: قوعام قايشىلىق قوزعالىسى بارىسىندا العا باسادى، قايشىلىق بولادى ەكەن كۇرەس بولادى. باسشى كادرلار مەيلى قايسى ورىندا، قانداي مىندەت وتەسەدە، جاۋاپكەرشىلىكتى باتىلدىقپەن ارقالاپ، قيىندىقتاردان قامال الۋى، ءارى قولباسشى، ءارى جاۋىنگەر بولۋى، قاجىماس كۇرەس رۋحىن، مويىماس كۇرەس جىگەرىن، ەرەن كۇرەس قابىلەتىن جەتىلدىرۋى جانە ساقتاۋى كەرەك. قىزمەت بارىسىندا بىزگە كەزىگەتىن كۇرەستەر كوپ جاقتى بولادى، رەفورما جاساۋ، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى جونگە سالۋ، ەل باسقارۋ، ارميانى جونگە سالۋ بارلىعى كۇرەس رۋحىن ساۋلەلەندىرۋدى، كۇرەس قابىلەتىن جوعارىلاتۋدى قاجەت ەتەدى. پارتيانى جاپپاي قاتاڭ جونگە سالۋ، ماركسيزمنىڭ يدەولوگيا سالاسىنداعى جەتەكشىلىك ورنىنا تاباندى بولۋ، رەفورمانى جاپپاي تەرەڭدەتۋ، قامداۋ جاعىنداعى قۇرىلىمدىق رەفورمانى ىلگەرىلەتۋ، جوعارى ساپالى دامۋدى ىلگەرىلەتۋ، فينانس سالاسىنداعى كومەسكى حاۋىپتەردى جويۋ، حالىق تۇرمىسىن قامتاماسىز ەتۋ جانە جاقسارتۋ، كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋ، ەكولوگيالىق ورتانى جونگە سالۋ، ەلەۋلى تابيعي اپاتتارعا توتەپ بەرۋ، مەملەكەتتى زاڭ بويىنشا جاپپاي جونگە سالۋ، توپتىق وقيعالاردى ءبىر جايلى ەتۋ، قارا، سۇرقيا كۇشتەرگە سوققى بەرۋ، مەملەكەتتىڭ حاۋىپسىزدىگىن قورعاۋ، ت. ب جاقتاردا تۇگەلدەي كۇرەس جۇرگىزۋگە باتىل، كۇرەس جۇرگىزۋگە شەبەر بولۋ كەرەك. باسشى كادرلار كۇرەس جۇرگىزۋگە باتىل، كۇرەس جۇرگىزۋگە شەبەر جاۋىنگەر بولۋ كەرەك.
چىن شي وقۋ باستاۋ سالتىن باسقاردى ءارى ءسوز سويلەدى. ول مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ءتۇبىرلى مىندەت، بارلىق قىزمەتتىڭ نەگىزگى تاقىرىبى، نەگىزگى ارقاۋى ساناپ، سانالىلىقپەن ىرىقتى ۇيرەنىپ، دەر كەزىندە ىلەسە ۇيرەنىپ، ءىس جۇزىندىكپەن بىرلەستىرە ۇيرەنىپ، شىنايى بەرىلە، شىنايى اتقارا ۇيرەنىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداپ، كۇرەس رۋحىن ساۋلەلەندىرىپ، كۇرەس قابىلەتىن جوعارىلاتىپ، اۋەلگى ماقساتتى جانە بورىشتى ءوز قىزمەت ورنىندا، ءاربىر ءسوز - ارەكەتتە تياناقتاندىرىپ، ”قوس 100 جىلدىق“ كۇرەس نىساناسىن ىسكە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا ءتيىستى ۇلەس قوسۋ كەرەك.
ديڭ شۋەشياڭ، حۋاڭ كۇنميڭ وقۋ باستاۋ سالتىنا قاتىناستى.
2019 - جىلدىق كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنداعى كۋرسانتتار وقۋ باستاۋ سالتىنا قاتىناستى، ورتالىقتىڭ قاتىستى تاراۋلارىنداعى جاۋاپتى جولداستار وقۋ باستاۋ سالتىنا سىرتتاي قاتىناستى.
