جۇڭگو قىزىل كرەست قوعامىنىڭ 11 - قۇرىلتايى 9 - ايدىڭ 2 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا ۋاكىلدەرمەن ىقىلاسپەن كەزدەسىپ، ولاردان شىنايى حال سۇراپدى ءارى ولاردى قىزۋ قۇتتىقتاپ، ادامگەرشىلىك، سۇيىسپەنشىلىك، ۇلەس قوسۋ رۋحىن ساۋلەلەندىرىپ، رەفورما جاساپ، جاڭالىق جاراتىپ، قايراتتانا ۇمتىلىپ، قىزىل كرەست ىستەرىنىڭ دامۋىنا تىڭ دا اناعۇرلىم زور ۇلەس قوسۋعا شابىتتاندىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى، مەملەكەتتىڭ ورىنباسار ءتوراعاسى ۋاڭ چيشان كەزدەسۋدە بىرگە بولدى ءارى ءماجىلىستىڭ اشىلۋ سالتىنا قاتىناستى.
تۇستەن بۇرىن ساعات 10 دا شي جينپيڭ قاتارلىلار حالىق سارايىنىڭ سولتۇستىك زالىنا كەلدى، زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەرمەن ىقىلاسپەن قول الىسىپ، ءالسىن - ءالى اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.