چىن چۋانگو، شوكىرات زاكىر جۇندۇڭ ەكونوميكالىق، تەحنيكالىق اشۋ رايونىندا تەكسەرۋ - زەرتتەۋ جۇرگىزدى ءارى ۇستىندە جۇمىس جۇرگىزىپ، كاسىپورىننىڭ دامۋىنداعى قيىن ماسەلەلەردى شەشتى
نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
اۋەلگى ماقساتتى ۇمىتپاۋ بورىشتى ەستە بەرىك ساقتاۋ
8 - ايدىڭ 5 - كۇنى، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شينجياڭ جۇندۇڭ ەكونوميكالىق، تەحنيكالىق اشۋ رايونىنا بارىپ تەكسەرۋ - زەرتتەۋ جۇرگىزدى. سۋرەتتە: چىن چۋانگو، شوكىرات زاكىر جۇندۇڭ ەكونوميكالىق، تەحنيكالىق اشۋ رايونىنداعى ءىشىنارا كاسىپورىن جاۋاپتىلارىمەن اڭگىمەلەسىپ، كاسىپورىنداردىڭ دامۋداعى قيىن ماسەلەلەرىن ۇستىندە شەشتى. □ سۋرەتتى ءتىلشىمىز سۇي جىجيان تۇسىرگەن
8 - ايدىڭ 5 - كۇنى، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شينجياڭ جۇندۇڭ ەكونوميكالىق، تەحنيكالىق اشۋ رايونىنا بارىپ تەكسەرۋ - زەرتتەۋ جۇرگىزىپ، تىڭعىلىقتى ورىستەتىلىپ جاتقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن تىعىز ۇشتاستىرىپ، كاسىپورىنداردىڭ ءوندىرىس ءبىرىنشى شەبىنە ىشكەرىلەي بارىپ، كاسىپورىنداردىڭ دامۋىنا تۇساۋ بولعان قيىن ماسەلەلەردى سول جەردىڭ وزىندە ۇعىسىپ، كاسىپورىنداردىڭ دامۋىنداعى قيىن ماسەلەلەرىن ۇستىندە شەشتى.
جۇندۇڭ ەكونوميكالىق، تەحنيكالىق اشۋ رايونى، نەگىزىنەن، جۇندۇڭ كومىر الابى جوسپارلاپ قۇرعان وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونىنا سۇيەنەدى. چىن چۋانگو، شوكىرات زاكىر جۇندۇڭ ەنەرگيا سارايىنا بارىپ، جۇندۇڭنىڭ ەنەرگيا بايلىعىن اشۋ، پايدالانۋ، جوعارى، جاڭا عىلىم - تەحنيكانى قولدانۋ، جاڭا ماتەريالداردى زەرتتەپ ءوندىرۋ، تۇتاس كاسىپ تىزبەگىنىڭ دامۋىن ىلگەرىلەتۋ سياقتى قاتىستى جاقتاردان جاسالعان تانىستىرۋلاردى تىڭدادى. چىن چۋانگو بىلاي دەدى: شينجياڭنىڭ وڭىرلىك باسىمدىعىن، بايلىق باسىمدىعىن شىن مانىندە ويداعىداي ساۋلەلەندىرىپ، عىلىم - تەحنيكا جەتىستىكتەرىن كادەگە جاراتۋ سەرپىنىن ارتتىرىپ، ەنەرگيا باسىمدىعىن ەكونوميكانىڭ جوعارى ساپالى دامۋىن ىلگەرىلەتەتىن باسىمدىققا اينالدىرۋعا قۇلشىنۋ كەرەك.
كولەمدى وسى زامانعى كومىر حيميا ونەركاسىپ كاسىپورنى − شينجياڭ گوتاي شينحۋا حيميا ونەركاسىپ شەكتى جاۋاپكەرشىلىك سەرىكتەستىگىنىڭ زاۆود رايونىنا بارعاندا، قازان، كۇبى قاتار - قاتار ءتىزىلىپ، ءوندىرىس ءتارتىپتى ءجۇرىلىپ جاتىپتى. چىن چۋانگو، شوكىرات زاكىر ءوندىرىستى باسقارۋ بولىمىندە كاسىپورىن جاۋاپتىلارىنان جانە ءبىرىنشى شەپتەگى جۇمىسشى - قىزمەتكەرلەردەن ءوندىرىس تەحنيكاسى، وزىندىك قۇندى مەڭگەرۋ، كاسىپ سالاسىن ۇزارتۋ سياقتى جاعدايلاردى ەگجەي - تەگجەيلى سۇراپ ۇعىسىپ، كاسىپورىننىڭ كوپ ءتۇرلى ونىمدەرىنىڭ ءوندىرىس تەحنيكاسىنىڭ ەلىمىزدە، حالىقارادا وزىق دەڭگەيدە تۇرعاندىعىن، جەرگىلىكتى ورىنداعى 2000نان استام ادامدى ىرىقتىلىقپەن جۇمىسقا قابىلداپ، ورنىقتى جۇمىستاندىرعاندىعىن، ماڭىنداعى اۋدان، قالالارمەن كەدەيلىكتەن ارىلتۋ، سۇيەمەلدەۋ، جۇپ قۇراۋ قيمىلدارىن بەلسەنە ورىستەتكەندىگىن تولىق تۇراقتاندىردى. چىن چۋانگو بىلاي دەدى: شينجياڭنىڭ ءتىپتى دە جاقسى، ءتىپتى دە تەز دامۋىن بۇلجىماي ىلگەرىلەتىپ، دامۋدى يگەرۋ، حالىق تۇرمىسىنا تيىمدىلىك جاساۋ ارقىلى بۇقارانىڭ ىستەيتىن جۇمىسى بولۋىنا، كىرىس كىرگىزە الۋىنا، ءتىپتى دە كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە بولەنىپ، رەفورما جاساۋ، دامۋ جەتىستىكتەرى ارقىلى ءار ۇلت حالىق بۇقاراسىنا يگىلىك جەتكىزۋگە مۇمكىندىك جاساۋ كەرەك.
سانجى - گۋچۋان 1100KV± ەرەكشە جوعارى كەرنەۋلى تۇراقتى توكتى جەتكىزۋ ينجەنەرياسى بۇكىل دۇنيە جۇزىندەگى ۇقساس ينجەنەريالاردىڭ ىشىندە ەلەكتر كەرنەۋ دارەجەسى ەڭ جوعارى، جەتكىزۋ سيىمدىلىعى ەڭ ۇلكەن، ارالىعى ەڭ ۇزاق، تەحنيكاسى ەڭ وزىق. چىن چۋانگو، شوكىرات زاكىر وسى ينجەنەريانىڭ سانجىداعى ەلەكتر اۋىستىرۋ ستانسياسىنا بارىپ، نىساننىڭ اياق الىسى، سىناق رەتىندە جۇمىس جۇرگىزۋ سياقتى جاعدايلارىن كوزبە - كوز تەكسەردى. چىن چۋانگو بىلاي دەدى: جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، وسىزاماندانعان ەكونوميكالىق جۇيەنى قۇراتىن ستراتەگيالىق تىرەك. شەشۋشى، وزەكتى تەحنيكا جاعىنان دەربەس جاڭالىق اشۋعا تولىق سۇيەنىپ، الدىمەن دامىتۋ ارتىقشىلىعىن جەدەل قالىپتاستىرىپ، ەكونوميكالىق، قوعامدىق دامۋدى جاڭا قوزعاۋشى كۇشپەن قامداۋ كەرەك.
تەكسەرۋ - زەرتتەۋ بارىسىندا، چىن چۋانگو، شوكىرات زاكىر جۇندۇڭ ەكونوميكالىق، تەحنيكالىق اشۋ رايونىنداعى ءىشىنارا كاسىپورىنداردىڭ جاۋاپتىلارىمەن اڭگىمە ءماجىلىس وتكىزىپ، كاسىپورىنداردىڭ قيىن ماسەلەلەرىن ىشكەرىلەي ۇعىسىپ، پىكىر - ۇسىنىستى مۇقيات تىڭدادى ءارى ۇستىندە جۇمىس جۇرگىزىپ، ءبىر - بىرلەپ جاۋاپ قايتارىپ، ورنالاستىرۋ جاسادى.
چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن بەرىك ورناتىپ، جۇندۇڭ ەكونوميكالىق، تەحنيكالىق اشۋ رايونى قۇرىلىسىن شىن مانىندە ناقتاپ، ويداعىداي يگەرىپ، ونىمدىلىككە قول جەتكىزۋ كەرەك. ءبىرىنشى، كەلەلى ءمانىن جەتە تانۋ كەرەك. جۇندۇڭ ەكونوميكالىق، تەحنيكالىق اشۋ رايونىن مەملەكەتتىڭ وسى زامانعى كومىر حيميا ونەركاسىپ كاسىپ سالاسىن جاڭالىق اشا دامىتۋ ورنالاستىرۋىنا ەنگىزۋ − پارتيا ورتالىق كوميتەتىنىڭ ماڭىزدى ورنالاستىرۋى. جۇندۇڭ ەكونوميكالىق، تەحنيكالىق اشۋ رايونى قۇرىلىسىن ويداعىداي يگەرۋدى جەتە تانۋ − جاڭا دامۋ ۇستانىمىن دايەكتىلەندىرۋدىڭ تالابى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدىڭ تالابى، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتۋدىڭ تالابى، شينجياڭنىڭ جاڭا ەكونوميكالىق ارتۋ ءتۇيىنىن جەتىلدىرۋدىڭ تالابى، ەكولوگيالىق وركەنيەت قۇرىلىسىن كۇشەيتۋدىڭ تالابى. ەكىنشى، دامۋداعى ورىن بەلگىلەۋدى دۇرىس يگەرۋ كەرەك. ەسىك اشۋدا جاڭالىق اشۋدى، عىلىم - تەحنيكادا جاڭالىق اشۋدى، تۇزىمدە جاڭالىق اشۋدى ىلگەرىلەتۋدى جەدەلدەتىپ، كاسىپ سالاسىنىڭ شوعىرلى دامۋىن شىنايى ىلگەرىلەتىپ، اينالمالى ەكونوميكالىق كاسىپ تىزبەگىن جانە كاسىپ شوعىرىن قالىپتاستىرىپ، بايلىقتان، ەنەرگيادان پايدالانۋ ونىمدىلىگىن جوعارىلاتىپ، جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونىنا اينالدىرۋ كەرەك. ءۇشىنشى، جوعارى ساپالى دامۋدى تىڭعىلىقتى ىلگەرىلەتۋ كەرەك. جوعارى ولشەممەن ساۋداگەر شاقىرۋعا، جوعارى باستامادا اشۋعا، جوعارى عىلىم - تەحنيكانى تىرەك ەتۋگە، جوعارى ورەدە قۇرۋعا، جوعارى ونىمدىلىكپەن دامىتۋعا تاباندى بولىپ، جۇندۇڭنىڭ جوعارى ساپالى دامۋدى جۇزەگە اسىرۋدا ۇزدىكسىز جاڭا ىلگەرىلەۋشىلىكتەرگە قول جەتكىزىپ، رايونىمىز ەكونوميكاسىنىڭ ءۇرتىس اقاۋسىز دامۋىن جەبەيتىن جاڭا موتورعا اينالۋىن ىلگەرىلەتۋ كەرەك. ءتورتىنشى، دامۋ جوباسىن عىلمي جاساۋ كەرەك. نىسانا ورنىن بەلگىلەۋدى، كەڭىستىك ورنالاستىرۋدى، ماڭىزدى فاكتورلاردى جايعاستىرۋدى، جوبالاۋ ءتاسىلىن ويداعىداي يگەرىپ، تاياۋ مەزگىلدەگى جوبالاردىڭ ۋاقىت شەگى مەن نىسانا، مىندەتتەرىن ايقىنداپ، ورتا، ۇزاق مەزگىلدىك جوبالاردىڭ ۇزاق بولاشاقتىق دامۋعا ءتيىمدى ەكەندىگىن كورنەكتىلەندىرىپ، جۇندۇڭنىڭ جوباسىن جوسپارلاۋدى جوعارى باستامامەن، جوعارى ولشەممەن ويداعىداي ورىنداۋ كەرەك. بەسىنشى، جاڭا باسىمدىقتى قۇلشىنا قالىپتاستىرۋ كەرەك. جۇندۇڭنىڭ ورنىقتىلىق، قورشاعان ورتا، جەر، دارىندى، گۋمانيتارلىق سياقتى جاقتارداعى باسىمدىقتارىن ىشكەرىلەي قالىپتاستىرىپ جانە ساۋلەلەندىرىپ، اناعۇرلىم كوپ كاسىپورىندى جۇندۇڭعا كەلىپ ورنالاسۋعا، قارجى قوسىپ، كاسىپتى وركەندەتۋگە، دامۋدى دەمەۋگە باۋراۋ كەرەك. التىنشى، تاماشا ساياسات ورتاسىن قالىپتاستىرۋ كەرەك. كاسىپورىنداردىڭ ءوندىرىس ءبىرىنشى شەبىنە بارىپ ىشكەرىلەي تەكسەرۋ - زەرتتەۋ جۇرگىزۋگە، ناقتى جاعدايدى ۇعىسۋعا، ىرىقتىلىقپەن ۇشتاسۋعا ءمان بەرىپ، سۇيىسپەنشىلىكپەن، جاۋاپكەرشىلىكپەن كاسىپورىنداردىڭ ءىس جۇزىندىك قيىنشىلىقتاردى شەشۋىنە كومەكتەسىپ، كاسىپورىنداردىڭ دامۋى ءۇشىن جان - جاقتى ساپالى قىزمەت وتەپ، تاماشا جاعداي جاساۋ كەرەك.
شۇي حايرۇڭ، پىڭ جيارۇي، جاۋ چيڭ، ۋان حايچۋان قاتارلىلار بىرگە تەكسەرۋ - زەرتتەۋ جۇرگىزدى.
