ورتالىق اسكەري ىستەر كوميتەتىنىڭ داڭقتى اتاق بەرۋ سالتى 7 - ايدىڭ 31 - كۇنى بەيجيڭدە سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ داڭقتى اتاق العان ءبىر جەكەگە مەدال جانە كۋالىك، داڭقتى اتاق العان 3 ورىنعا قامقالى سيلىق تۋىن تاراتتى.
«1 – تامىز» عيماراتىنىڭ مۇراسىم ناق مايدانىندا كوماندير - جاۋىنگەرلەردىڭ ۋاكىلدەرى رەتتى ساپ تۇزەپ، ايبىندى دا دۋماندى بەينەگە شومدى. تۇستەن بۇرىن ساعات 11 مولشەرىندە 18 قۇرمەت قاراۋىلى الاڭعا كىرىپ، مىلتىقتارىن سەرت ۇستاپ ەكى قاتار بولىپ تۇردى. ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ شي جينپيڭ قول قويعان ورتالىق اسكەري ىستەر كوميتەتىنىڭ داڭقتى اتاق بەرۋ بۇيرىعىن وقىدى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا سالتتى باسقاردى.
«مينا تازالاۋ قاھارمان جاۋىنگەرى» داڭقتى اتاعىنىڭ يەگەرى، قۇرلىق ارمياسىنىڭ بەلگىلى مينا جانە جارىلعىش زاتتاردى تازالاۋ ۇلكەن اترەتىنىڭ جاۋىنگەرى دۋ فۋگو ايەلىنىڭ سەرىك بولۋىندا مىنبەنىڭ الدىنا باردى، شي جينپيڭ وعان قاھارمان ۇلگىلەردىڭ وردەنىن تاعىپ، كۋالىك تاراتىپ، ونىمەن بىرگە توپتىق سۋرەتكە ءتۇسىپ ەستەلىك قالدىردى.
وسىدان كەيىن شي جينپيڭ «ارميانى قۇدىرەتتەندىرۋدىڭ اۆانگارد ۇشقىشتار ۇلكەن اترەتى» داڭقتى اتاعىن العان اۋە ارمياسى اۆياتسيا ءبولىمى بەلگىلى بريگاداسىنىڭ ۇشۋ 1 - ۇلكەن اترەتىنە، «عارىشقا ۇشۋ ارقىلى وتاندى قورعاۋداعى ۇلگىلى جەر بەتى بەكەتى» داڭقتى اتاعىن العان 63798 - اسكەري ءبولىمنىڭ جەر بەتى جابدىق پۋنكتىنە، «عىلمي زەرتتەۋ اتويشىسى» داڭقتى اتاعىن العان 63837 - اسكەري ءبولىمنىڭ بەلگىلى كەڭسەسىنە جەكە - جەكە قامقالى سيلىق تۋىن تاراتتى.
اتاق بەرۋ سالتى اسقاق ارميا انىمەن اياقتادى. شي جينپيڭ داڭقتى اتاق العان جەكەلەرمەن جانە ورىنداردىڭ ۋاكىلدەرىمەن توپتىق سۋرەتكە ءتۇستى.
