3 ـ ايدىڭ 15 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن انگولا زۇڭتۇڭى لورەنسومەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك ۇلكەن زالىندا لورەنسونى قارسى الۋ سالتىن وتكىزدى.
□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
شينحۋا اگەنتتىگىنىڭ 3 ـ ايدىڭ 15 ـ كۇنى بەيجيڭنەن بەرگەن حابارى (ٴتىلشى ليۋ حۋا). 3 ـ ايدىڭ 15 ـ كۇنى تۇستەن كەيىن مەملەكەت ٴتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن انگولا زۇڭتۇڭى لورەنسومەن كەڭەس وتكىزدى. ەكى ەلدىڭ مەملەكەت باسشىلارى جۇڭگو _ انگولا قارىم ـ قاتىناسىن جاپپاي ستراتەگيالىق سەلبەستىك سەرىكتەستىك قارىم ـ قاتىناس دەڭگەيىنە كوتەرۋدى جاريالادى.
شي جينپيڭ بىلاي دەپ اتاپ كورسەتتى: بىلتىر جۇڭگو _ انگولا ەكى ەل ديپلوماتيالىق قارىم ـ قاتىناس ورناتقاندىعىنىڭ 40 جىلدىعىن بىرگە قۇتتىقتادى. جۇڭگو _ انگولا قارىم ـ قاتىناسى حالىقارالىق الماعايىپ وزگەرىستىڭ سىنىنان ٴوتىپ، ەكى ەل حالقىن شىن مانىندە باقىتقا كەنەلتتى. جۇڭگو _ انگولا سەلبەستىگى تۇستىك ەلدەر سەلبەستىگىنە، وركەندەپ كەلە جاتقان ەلدەر سەلبەستىگىنە جاتادى، جاقسى دوستار اراسىنداعى ٴوزارا كومەكتەسۋ، ٴوزارا پايدا جەتكىزىپ ٴوزارا تيىمدىلىك جاساۋ، سەلبەسىپ تەڭ يگىلىككە كەنەلۋ. قازىرگى ۋاقىتتاعى وزگەرىس پەن بىلىقپالىق ارالاسقان دۇنيە ٴجۇزى الدىندا، ەكى جاق ٴداستۇرلى دوستىقتى ۇزبەي جالعاستىرىپ، ىنتىماقتاسا سەلبەسۋدى كۇشەيتىپ، تاباندى تۇردە ٴبىرىن ـ ٴبىرى قولداپ، بىرگە دامۋدى جۇزەگە اسىرۋعا ٴتيىس. جۇڭگو جاق انگولانىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن، ٴوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولىندا ىزدەنىس جاساپ، مەملەكەتتىڭ دامۋىن، گۇلدەنۋىن جۇزەگە اسىرۋىن قولدايدى، انگولا جاقپەن ەل باسقارۋ تاجىريبەلەرىن اۋىستىرۋدى كۇشەيتىپ، ەكى جاقتى ستراتەگيالىق قارىم ـ قاتىناس دەڭگەيىن كوتەرىپ، ٴوز ەلدەرىنىڭ وسىزاماندانۋ اياق الىسىن قول ۇستاسا ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو _ انگولا سەلبەستىگىنىڭ نەگىزى جاقسى، كولەمى زور، ٴوزارا تولىقتاۋ سيپاتى كۇشتى، ٴوزارا پايدا جەتكىزۋ سەلبەستىگىنىڭ وراسان زور كومەسكى كۇشى جانە نۇرلى بولاشاعى بار. ەكى جاق ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ سەلبەستىگىن كۇشەيتىپ، دامۋ ستراتەگيالارىن ٴتۇيىلىستىرۋدى ىلگەرىلەتىپ، ناقتى سەلبەستىكتىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋى كەرەك. جۇڭگو جاق انگولا جاقپەن ٴتۇيىندى نەگىزدىك قۇرىلعى نىساندارىن ويداعىداي جۇرگىزىپ، قۋاتتى جۇڭگو كاسىپورىندارىنىڭ انگولاعا بارىپ كوپ ٴتۇرلى فورمادا سەلبەستىك ورىستەتۋىن قولداپ، انگولانىڭ اۋىل شارۋاشىلىعىن وسىزامانداندىرۋدى، ونەركاسىپتەندىرۋدى، ەكونوميكانى كوپ نەگىزدەندىرۋدى جۇزەگە اسىرۋىنا دەم بەرۋدى قالايدى. انگولا جاقتىڭ اناعۇرلىم پارمەندى شارا قولدانىپ، جۇڭگو ازاماتتارى مەن كاسىپورىندارىنىڭ زاڭدى ۇقىق ـ مۇددەسى مەن حاۋىپسىزدىگىن قامتاماسىز ەتۋىن ٴۇمىت ەتەمىز. انگولا جاقتىڭ ۇزدىكسىز جۇڭگو حالىقارالىق يمپورت كورمەسى، جۇڭگو _ افريكا ەكونوميكا ـ ساۋدا كورمەسى سياقتى تۇعىرلار ارقىلى جۇڭگوعا انگولانىڭ اناعۇرلىم كوپ ساپالى ونىمدەرىن تانىستىرۋىن قارسى الامىز. جۇڭگو جاق انگولاعا كومەكتەسەتىن ەمدەۋ اترەتى سياقتى نىسانداردى ۇزدىكسىز ويداعىداي جۇرگىزىپ، جۇڭگودا وقيتىن انگولالىق جوعارى مەكتەپ وقۋشىلارىنا وقۋ سيلىعى اقشاسى سانىن ازىرلەپ، گۋمانيتارلىق اۋىس ـ كۇيىستى جانە حالىقتار دوستىعىن نىعايتادى.
شي جينپيڭ بىلاي دەپ اتاپ كورسەتتى: قازىرگى ۋاقىتتا، وركەندەپ كەلە جاتقان ەلدەردىڭ شوعىرلى ەڭسە كوتەرۋ اۋقىمى بوگەۋ بەرمەيدى، مەيلى الەمدىك باسقارۋدا، الدە دامۋدا، گۇلدەنۋدە بولسىن، بۇكىل الەمنىڭ وڭتۇستىگى كەم بولسا بولمايدى. جۇڭگو افريكا ەلدەرىنىڭ تاۋەلسىزدىگىن، ٴوز ـ وزىنە قوجايىن بولۋىن قورعاۋ جانە دامۋدى، گۇلدەنۋدى ىلگەرىلەتۋ جولىنداعى سەنىمدى دوسى جانە ادال سەرىگى. جۇڭگو جاق افريكا ەلدەرىنىڭ جانە افريكا وداعىنىڭ افريكا ماسەلەسىن افريكا ٴادىسى ارقىلى شەشۋگە كۇش سالىپ، ٴوڭىردىڭ بەيبىتشىلىگىن، ورنىقتىلىعىن قورعاۋىن قولدايدى، انگولا سياقتى افريكا ەلدەرىمەن كوپ جاقتى سايكەستىكتى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاپ، تەپە ـ تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋى مەن جالپىعا ٴتيىمدى، سيىسىمدى ەكونوميكانىڭ جاھاندانۋىن بىرگە باستاماشىلدىقپەن دارىپتەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
لورەنسو مىنالاردى ٴبىلدىردى: جۇڭگوعا ساپارلاي كەلىپ، ٴوز ۇيىمە كەلگەندەي سەزىندىم. انگولا ـ جۇڭگو قارىم ـ قاتىناسى جوعارى دەڭگەيدە دامۋدى ساقتادى. مەيلى انگولا ىشكى سوعىستى اياقتاتىپ، سان كاسىپتى كوركەيتۋدى كۇتكەن كەزدە بولسىن، الدە جاڭا تيپتى ايدارشا ۆيرۋس ىندەتىنە توتەپ بەرۋدەگى قيىن ساتتە بولسىن، جۇڭگو بارلىعىندا ەڭ الدىمەن انگولا جاققا قىمباتتى قولداۋ كورسەتكەن مەملەكەت بولدى، انگولا جاق بۇعان شىن جۇرەكتەن العىس ايتادى. جۇڭگونىڭ قولداۋى مەن سەلبەستىگى انگولانىڭ نەگىزدىك قۇرىلعىلار قۇرىلىسى مەن ەكونوميكالىق، قوعامدىق دامۋىن ايرىقشا جەبەدى، مۇنى ٴوزارا پايدا جەتكىزۋ سەلبەستىگىنىڭ ۇلگىسى دەپ ايتۋعا بولادى. انگولا جاق اناعۇرلىم كوپ جۇڭگو كاسىپورىندارىنىڭ انگولاعا كەلىپ قارجى قوسىپ، انگولانىڭ مەملەكەتتى دامىتۋىنا، گۇلدەندىرۋىنە دەم بەرۋىن قارسى الادى. انگولا جاق ٴبىر جۇڭگو ساياساتىن باتىل اتقارىپ، تايۋان جۇڭگونىڭ ايرىلماس ٴبىر بولىگى دەپ قارايدى، تايۋان ماسەلەسىنىڭ، ٴسوزسىز، تولىق شەشىلەتىندىگىنە سەنەدى. انگولا جاق جۇڭگونىڭ دۇنيە ٴجۇزىنىڭ بەيبىتشىلىگى مەن العا باسۋىن جەبەۋگە، حالىقارالىق ادىلدىكتى، ادىلەتتىلىكتى قورعاۋعا باستان ـ اياق كۇش سالىپ كەلە جاتقاندىعىن بارىنشا القايدى، جۇڭگو جاقپەن كوپ جاقتى ىستەستىكتى كۇشەيتىپ، بىرلەسكەن مەملەكەتتەر ۇيىمى ۋستاۆىنىڭ باس ماقساتىن، پرينسيبىن، سونداي ـ اق ٴار ەلدىڭ يەلىك ۇقىعىن، تاۋەلسىزدىگىن قورعاۋ، ىشكى ىسىنە كيلىكپەۋ سياقتى ماڭىزدى حالىقارالىق قارىم ـ قاتىناس ولشەمىن قورعاۋدى قالايدى. ٴبىزدىڭ بۇگىن بىرلەسكەن مالىمدەمە جاريالاپ، انگولا _ جۇڭگو جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناسىنىڭ ورناتىلعاندىعىن جاريالاۋىمىز ەكى جاقتىڭ قارىم ـ قاتىناستى تەرەڭدەتۋگە كۇش سالۋ بەكىمىن تولىق ايگىلەدى. انگولا جاق جۇڭگو جاقپەن بىرگە ەكى ەل قارىم ـ قاتىناسىنىڭ ۇزدىكسىز اناعۇرلىم كوپ جەتىستىككە قول جەتكىزۋىن ىلگەرىلەتۋدى كۇتەدى.
كەڭەستەن كەيىن، ەكى ەلدىڭ مەملەكەت باسشىلارى ”ٴبىر بەلدەۋ، ٴبىر جولدى“ بىرگە قۇرۋ سەلبەستىك جوباسىن جاساۋ، ەكونوميكا ـ ساۋدا، اۋىل شارۋاشىلىعى، جاسىل دامۋ سياقتى سالالار جونىندەگى كوپتەگەن ەكى جاقتى سەلبەستىك حۇجاتتارىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن انگولا رەسپۋبليكاسىنىڭ جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن، شي جينپيڭ حالىق سارايىنىڭ سولتۇستىك ۇلكەن زالىندا لورەنسونى قارسى الۋ سالتىن وتكىزدى.
تيان ـ انمىن الاڭىندا 21 رەت قۇرمەت ساليۋتى اتىلىپ، قۇرمەت قاراۋىلى قاتارعا تۇرىپ قۇرمەت ٴبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىعىپ، اسكەري وركەستر جۇڭگو _ انگولا ەكى ەلدىڭ مەملەكەت ٴانىن ورىندادى. لورەنسو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى قاتارعا ٴبولىنىپ پاراتتان ٴوتۋىن كوردى.
سول كۇنى كەشتە شي جينپيڭ حالىق سارايىنىڭ جينسى زالىندا لورەنسونى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
