14 ـ كەزەكتى مەملەكەتتىك حالىق قۇرىلتايىنىڭ 2 ـءماجىلىسى بەيجيڭدە جابىلدى

ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى

جاڭادان وزگەرىس ەنگىزىلگەن مەملەكەتتىك كەڭەس ۇيىمدىق زاڭىن ماقۇلدادى، شي جينپيڭ ٴتوراعا بۇيرىعىنا قول قويىپ، جاريالادى

　　شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى، جاۋ لىجي باسقاردى ٴارى ٴسوز سويلەدى

　　3 ـ ايدىڭ 11 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى بەيجيڭ حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى.

□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن

　　3 ـ ايدىڭ 11 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى بەيجيڭ حالىق سارايىندا جابىلۋ جيىنىن وتكىزدى. ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى جاۋ لىجي جابىلۋ جينالىسىن باسقاردى ٴارى ٴسوز سويلەدى.

□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن

　　شينحۋا اگەنتتىگىنىڭ 3 ـ ايدىڭ 11 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداعاننان كەيىن، 3 ـ ايدىڭ 11 ـ كۇنى تۇستەن كەيىن بەيجيڭ حالىق سارايىندا جابىلدى. ٴماجىلىس ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى. ٴماجىلىس جاڭادان وزگەرىس ەنگىزىلگەن مەملەكەتتىك كەڭەس ۇيىمدىق زاڭىن ماقۇلدادى، مەملەكەت ٴتوراعاسى شي جينپيڭ 21 ـ ٴنومىرلى ٴتوراعا بۇيرىعىنا قول قويىپ، جاريالادى.

　　جابىلۋ جيىنىن ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى جاۋ لىجي باسقاردى. ٴماجىلىس ٴتوراعالار القاسىنىڭ تۇراقتى ٴتوراعالارى، اتقارۋشى ٴتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي ٴتوراعالار مىنبەسىنىڭ اتقارۋشى ٴتوراعالار ورنىنا جايعاستى.

　　شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.

　　جيىنعا قاتىناسۋعا ٴتيىستى ۋاكىل 2956 ادام، قاتىناسقانى 2900 ادام، قاتىناسا الماعانى 56 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　تۇستەن كەيىن ساعات 3تە جاۋ لىجي جينالىستىڭ باستالعاندىعىن جاريالادى.

　　جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ٴماجىلىس مەملەكەتتىك كەڭەستىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2024 ـ جىلعى ەكونوميكالىق، قوعامدىق دامۋدىڭ جالپى تالابىنا، ساياسات بەتالىسىنا جانە قىزمەت مىندەتتەرىنە قوسىلىپ، وسى باياندامانى بەكىتۋدى ۇيعاردى.

　　جيىن داۋىسقا سالۋ ارقىلى جاڭادان وزگەرىس ەنگىزىلگەن مەملەكەتتىك كەڭەس ۇيىمدىق زاڭىن ماقۇلدادى. وسى زاڭ جاريالانعان كۇننەن باستاپ اتقارىلادى.

　　جيىن 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ 2023 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2024 ـ جىلعى حالىق شارۋاشىلىعى مەن قوعامدىق دامۋ جوسپارى جونىندەگى قارارىن داۋىسقا سالىپ ماقۇلدادى، 2023 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2024 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2024 ـ جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ 2023 ـ جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ احۋالى جانە 2024 ـ جىلعى ورتالىق پەن جەرگىلىكتى ورىن مەجە ەسەبى جونىندەگى قارارىن داۋىسقا سالىپ ماقۇلدادى، 2023 ـ جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ احۋالى جانە 2024 ـ جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى ۇيعاردى، 2024 ـ جىلعى ورتالىقتىڭ مەجە ەسەبىن بەكىتتى.

　　جيىن 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قارارىن داۋىسقا سالىپ ماقۇلدادى. قاراردا مىنالار اتاپ كورسەتىلدى: ٴماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتىن تولىق تۇراقتاندىرىپ، باياندامادا العا قويىلعان الداعى ٴبىر جىلداعى مىندەتتەردى قۇپتاپ، وسى باياندامانى بەكىتۋدى ۇيعاردى.

　　جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قارارىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قارارىن ماقۇلداپ، وسى 2 باياندامانى بەكىتۋدى ۇيعاردى.

　　ونان سوڭ جاۋ لىجي ٴسوز سويلەدى. ول بىلاي دەدى: 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىندادى. بارلىق ۋاكىلدەر مەن قاتىستى جاقتاردىڭ ورتاق قۇلشىنىسىندا، ٴماجىلىس توتەنشە تابىستى اشىلدى، ورتاق تانىم ۇيىستىردى، مىندەتتى ايقىندادى، سەنىمدى بەكەمدەدى، بۇل تۋدى بيىك كوتەرگەن، شىنايى يگەرىپ، ناقتى ىستەگەن، ىنتىماقتاسىپ ەكپىندەي ىلگەرىلەگەن ٴماجىلىس بولدى.

　　جاۋ لىجي بىلاي دەپ اتاپ كورسەتتى: ٴماجىلىس كەزىندە ۋاكىلدەر پارتيا مەن حالىقتىڭ ماڭىزدى تاپىسرماسىن ارقالاپ، تاسقىنداعان ساياسي ىنتامەن جانە كوتەرىڭكى رۋحاني كۇيمەن زاڭ بويىنشا مىندەتىن اتقارىپ، جاۋاپكەرشىلىگىن ادا ەتىپ، ٴتۇرلى باياندامالاردى جانە كەڭەستىك جوبالاردى مۇقيات قارادى، ٴماجىلىس جەتىستىكتەرى پارتيانىڭ دارىپتەمەسى مەن حالىق ەركىنىڭ بىرلىگىن تولىق ايگىلەپ، جالپى بارىستىق حالىق دەموكراتياسىنىڭ جانە مەملەكەتتىڭ ٴتۇبىرلى ساياسي ٴتۇزىمىنىڭ كورنەكتى ابزالدىعىن ايگىلەدى.

　　جاۋ لىجي بىلاي دەدى: بيىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل. ٴماجىلىس تۇراقتاندىرعان ٴتۇرلى مىندەتتەردى مۇقيات تياناقتاندىرىپ، تۇتاس جىلدىق ەكونوميكالىق، قوعامدىق دامۋ نىسانالارىن قۇلشىنا جۇزەگە اسىرۋ توتەنشە كەلەلى مانگە يە. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ٴبىر نيەت، ٴبىر تىلەكپەن زەيىن ـ زەردەنى ۇيىستىرىپ، كۇش توپتاپ، ىنتىماقتاسا كۇرەس جاساپ، جۇڭگو ۇلگىسىندەگى وسىزامانداندىرۋدى بۇلجىماي ىلگەرىلەتۋىمىز كەرەك. حالىقتى وزەك ەتكەن دامۋ يدەياسىن امالياتتا ايگىلەپ، جالپى بارىستىق حالىق دەموكراتياسىن دامىتىپ، حالىقتىڭ بىلدىرگەن ارمان ـ تىلەگىنە، جاراتقان تاجىريبەلەرىنە، يە بولعان ۇقىق ـ مۇددەسىنە، ساۋلەلەندىرگەن رولىنا تولىق قۇرمەت ەتىپ، بۇكىل قوعامنىڭ شارۋاشىلىق قۇرۋ، جاڭالىق اشۋ، جاسامپازدىق ىنتاسىن جانە ومىرشەڭدىگىن قاۋلاتىپ، ىنتىماقتاسا كۇرەس جاسايتىن قۇدىرەتتى كۇش توپتاۋىمىز كەرەك. شىندىققا جۇگىنىپ ناقتى ىستەپ، شىنايى يگەرىپ ناقتى ىستەپ، قامال الىپ قيىندىقتى جەڭىپ، شەبەرلىكپەن ىستەپ، شەبەرلىكپەن ناتيجە جاراتىپ، قيىندىقتاردى ٴبىر ـ بىردەن قۇلشىنا جەڭىپ، ناقتى ىستەردى ٴبىر ـ بىردەن ويداعىداي ىستەپ، مىندەتتەردى ٴبىر ـ بىردەن ورىنداپ، ىنتىماقتاسا كۇرەس جاساۋ بارىسىندا حالىقتىڭ تاماشا تۇرمىس جاعىنداعى تالپىنىسىن ۇزدىكسىز جۇزەگە اسىرۋىمىز كەرەك.

　　جاۋ لىجي بىلاي دەپ اتاپ كورسەتتى: ىنتىماقتاسا كۇرەس جاساۋ _ جۇڭگو حالقىنىڭ تاريحي ۇلى ىستەردى جاراتۋدا، ٴسوزسىز، باسىپ وتەتىن جولى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇدىرىقتاي جۇمىلىپ، قايراتتانا ەكپىندەي العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن قاجىماي ـ تالماي كۇرەس جاساۋىمىز كەرەك.

　　تۇستەن كەيىن ساعات 3تەن 31 مينۋتتا جاۋ لىجي جۇڭحۋا حالىق رەسپۋبليكاسى 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى جابىلعاندىعىن جاريالادى. جينالىس ايبىندى مەملەكەت ٴانى ىشىندە اياقتادى.

　　ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، شىن يچين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي ـ اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين قاتارلىلار دا ٴتوراعالار مىنبەسىنەن ورىن الدى.

　　ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ٴماجىلىستى سىرتتاي تىڭدادى.

　　شەتەلدەردىڭ جۇڭگودا تۇراتىن ەلشىلەرى ٴماجىلىستى سىرتتاي تىڭدادى.