فينانستى دامىتۋدىڭ جۇڭگوشا جولىمەن بۇلجىماي ٴجۇرىپ، ەلىمىز فينانسىنىڭ جوعارى ساپالى دامۋىن ىلگەرىلەتۋ كەرەك

شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ فينانستىڭ جوعارى ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ ـ تالقى كۋرسىنىڭ ساباق باستاۋ سالتىندا ماڭىزدى ٴسوز سويلەپ، بىلاي دەپ باسا دارىپتەدى

فينانستى دامىتۋدىڭ جۇڭگوشا جولىمەن بۇلجىماي ٴجۇرىپ، ەلىمىز فينانسىنىڭ جوعارى ساپالى دامۋىن ىلگەرىلەتۋ كەرەك

جاۋ لىجي، ۋاڭ حۋنيڭ، ديڭ شۋەشياڭ، لي شي، حان جىڭ قاتىناستى، ساي چي باسقاردى

　1 ـ ايدىڭ 16 ـ كۇنى ولكە، مينيسترلىك دارەجەلى نەگىزگى باسشى كادرلاردىڭ فينانستىڭ جوعارى ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ ـ تالقى كۋرسى ورتالىق كوميتەت پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ساباق باستاۋ سالتىندا ماڭىزدى ٴسوز سويلەدى.

□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن

شينحۋا اگەنتتىگىنىڭ 1 ـ ايدىڭ 16 ـ كۇنى بەيجيڭنەن بەرگەن حابارى. ولكە، مينيسترلىك دارەجەلى نەگىزگى باسشى كادرلاردىڭ فينانستىڭ جوعارى ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ ـ تالقى كۋرسى 1 ـ ايدىڭ 16 ـ كۇنى تۇستەن بۇرىن ورتالىق كوميتەت پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ساباق باستاۋ سالتىندا ماڭىزدى ٴسوز سويلەپ، بىلاي دەپ باسا دارىپتەدى: فينانستى دامىتۋدىڭ جۇڭگوشا جولى وسى زامانعى فينانستى دامىتۋدىڭ وبيەكتيۆ زاڭدىلىعىنا بويسۇنادى، ونان دا ماڭىزدىسى، ەلىمىزدىڭ مەملەكەت جاعدايىنا ۇيلەسەتىن ايقىن ەرەكشەلىككە يە، باتىستىڭ فينانس ۇلگىسىمەن ماندىك پارقى بار. سەنىمدى بەكەمدەپ، اماليات بارىسىندا ۇزدىكسىز ىزدەنىس جاساپ، كەمەلدەندىرىپ، وسى جولدى جۇرگەن سايىن كەڭەيتۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ديڭ شۋەشياڭ، لي شي، مەملەكەتتىڭ ورىنباسار ٴتوراعاسى حان جىڭ ساباق باستاۋ سالتىنا قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ساي چي ساباق باستاۋ سالتىن باسقاردى.

شي جينپيڭ بىلاي دەپ اتاپ كورسەتتى: پارتيا 18 ـ قۇرىلتايىنان بەرى ٴبىز جاڭا داۋىردەگى فينانستىڭ دامۋ زاڭدىلىعى جونىندە بەلسەنە ىزدەنىس جاساپ، جۇڭگوشا سوتسياليستىك فينانستىڭ ٴمانى جونىندەگى تانىمدى ۇزدىكسىز تەرەڭدەتىپ، فينانس ىستەرىندە امالياتتىق جاسامپازدىقتى، نازاريالىق جاسامپازدىقتى، تۇزىمدىك جاسامپازدىقتى ۇزدىكسىز ىلگەرىلەتىپ، باعالى تاجىريبە توپتاپ، فينانستى دامىتۋدىڭ جۇڭگوشا جولىن بىرتىندەپ اشتىق، اتاپ ايتقاندا، بۇل: پارتيا ورتالىق كوميتەتىنىڭ فينانس قىزمەتىنە ورتالىقتانعان ٴبىر تۇتاس باسشىلىعىنا تاباندى بولۋ، حالىقتى وزەك ەتكەن قۇن بەتالىسىنا تاباندى بولۋ، فينانستىڭ ناقتى ەكونوميكاعا قىزمەت وتەۋىن ٴتۇبىرلى باس ماقسات ەتۋگە تاباندى بولۋ، حاۋىپ ـ قاتەردەن ساقتانۋدى جانە ونى تىزگىندەۋدى فينانس قىزمەتىنىڭ ماڭگىلىك تاقىرىبى ەتۋگە تاباندى بولۋ، فينانستىڭ جاڭالىق اشا دامۋىن بازارلاندىرىلعان، زاڭمەن باسقارىلاتىن ارنادا ىلگەرىلەتۋگە تاباندى بولۋ، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋگە تاباندى بولۋ، فينانستى اشىق ۇستاۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولۋ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولۋ. وسى بىرنەشە تۇيىندە جاڭا داۋىردەگى جاڭا جورىقتا فينانس قىزمەتىنە قالاي قاراۋ، ونى قالاي ىستەۋ ايقىندالعان، ول فينانستى دامىتۋدىڭ جۇڭگوشا جولىنىڭ نەگىزگى تۇرعىسىن، كوزقاراسىن، ٴادىسىن ايگىلەيتىن ورگانيكالى تۇتاس تۇلعا.

شي جينپيڭ بىلاي دەپ باسا دارىپتەدى: فينانستا قۋاتتى ەل قۇدىرەتتى ەكونوميكالىق نەگىزدى تياناق ەتۋگە، دۇنيە ٴجۇزى بويىنشا وزىق ەكونوميكالىق ناقتى قۋاتقا، عىلىم ـ تەحنيكالىق ناقتى قۋاتقا جانە جالپىلىق مەملەكەت قۋاتىنا يە بولۋعا، سونىمەن بىرگە ٴبىر قىدىرۋ شەشۋشى، وزەكتى فينانس فاكتورىن ازىرلەۋگە ٴتيىس، ياعني كۇشتى اقشا، كۇشتى ورتالىق بانكە، كۇشتى فينانس قۇرىلىمى، كۇشتى حالىقارالىق فينانس ورتالىعى، كۇشتى فينانستى باقىلاۋ ـ باسقارۋ، كۇشتى فينانس دارىندىلار قوسىنى بولۋى كەرەك. فينانستا قۋاتتى ەل قۇرۋ ۇزاق ۋاقىتتىق قۇلشىنىستى، ۇزدىكسىز قاجىماي كۇش سالۋدى قاجەت ەتەدى. جۇڭگوشا وسى زامانعى فينانس جۇيەسىن قۇرۋدى، ٴسوز جوق، جەدەلدەتىپ، عىلمي، ورنىقتى فينانستى رەتتەۋ، مەڭگەرۋ جۇيەسىن، قۇرىلىمى ۇيلەسىمدى فينانس بازارى جۇيەسىن، جۇمىس ٴبولىسى بويىنشا سەلبەسەتىن فينانس قۇرىلىمى جۇيەسىن، كەمەلدى، ٴونىمدى فينانستى باقىلاۋ ـ باسقارۋ جۇيەسىن، الۋان تۇرلىلەنگەن، كاسىپتىك سيپاتتاعى فينانس ونىمدەرى مەن قىزمەت وتەۋ جۇيەسىن، دەربەس مەڭگەرۋگە بولاتىن، حاۋىپسىز، جوعارى ٴونىمدى فينانس نەگىزدىك قۇرىلعى جۇيەسىن قۇرۋ، اقاۋسىزداندىرۋ كەرەك.

شي جينپيڭ بىلاي دەپ اتاپ كورسەتتى: فينانس حاۋىپ ـ قاتەرىنەن، اسىرەسە، جۇيەلىك حاۋىپ ـ قاتەردەن كۇش سالا ساقتانۋ جانە ونى جويۋ كەرەك. فينانستى باقىلاۋ ـ باسقارۋدا تەگەۋرىندى بولۋ ٴارى قاتاڭ دا ٴتۇزۋ بولۋ كەرەك، شەشۋشى ٴتۇيىن فينانستى باقىلاۋ ـ باسقارۋ تاراۋلارى مەن كاسىپتى باسقارۋ تاراۋلارى جاۋاپكەرشىلىكتى ايقىنداپ، سەلبەسۋدى، سايكەسۋدى كۇشەيتۋى كەرەك. بازارعا كىرۋگە رۇقسات ەتۋ، ساقتىقپەن باقىلاۋ ـ باسقارۋ، ارەكەتتى باقىلاۋ ـ باسقارۋ سياقتى ٴارقايسى بۋىننىڭ بارىندە زاڭدى قاتاڭ اتقارىپ، فينانستى باقىلاۋ ـ باسقارۋدا ەندىك باعىتتا شەتىنە جەتۋدى، بويلىق باعىتتا تۇبىنە جەتۋدى جۇزەگە اسىرۋ كەرەك. جەر ـ جەر ٴبىر وڭىردە جالپى جاعدايدى جوبالاۋدى تياناق ەتىپ، قاراستى جەرىندەگى حاۋىپ ـ قاتەردى ٴبىر جاقتى ەتۋ مەن ورنىقتىلىقتى قورعاۋ جاۋاپكەرشىلىگىن ويداعىداي تياناقتاندىرۋى كەرەك. حاۋىپ ـ قاتەردى ٴبىر جاقتى ەتۋ بارىسىندا شىرىكتەسۋدى باتىل جازالاپ، ٴمورالدىق حاۋىپ ـ قاتەردەن قاتاڭ ساقتانۋ كەرەك. فينانستى باقىلاۋ ـ باسقارۋ _ جۇيەلى ينجەنەريا، فينانستى باسقارۋ تاراۋلارى مەن ماكرولىق رەتتەۋ ـ مەڭگەرۋ تاراۋلارى، كاسىپتى باسقارۋ تاراۋلارى، ٴادىليا ورگاندارى، ٴتارتىپ تەكسەرۋ، باقىلاۋ ـ تەكسەرۋ ورگاندارى سياقتىلاردىڭ ٴبارىنىڭ سايكەستى مىندەت جاۋاپكەرشىلىگى بار، باقىلاۋ ـ باسقارۋدى سايكەستىرۋدى كۇشەيتىپ، ۇقىق پەن جاۋاپكەرشىلىك بىردەي بولاتىن حاۋىپ ـ قاتەردى ٴبىر جاقتى ەتۋ جاۋاپكەرشىلىك مەحانيزمىن اقاۋسىزداندىرۋ كەرەك. فينانستىق قىلمىستارعا قاتاڭ سوققى بەرۋ كەرەك.

شي جينپيڭ بىلاي دەپ باسا دارىپتەدى: سىرتقا ەسىك اشۋدى كەڭەيتۋ ارقىلى ەلىمىزدىڭ فينانس بايلىعىن ورنالاستىرۋ ونىمدىلىگى مەن قابىلەتىن جوعارىلاتىپ، حالىقارالىق باسەكەلىك قۋاتى مەن قاعيداعا ىقپال جاساۋ قۋاتىن كۇشەيتىپ، ريتىم مەن سەرپىندى ورنىقتى، بايىپتى يگەرۋ كەرەك. تۇزىمدىك ەسىك اشۋدى ماڭىزدى ٴتۇيىن ەتىپ، فينانستا جوعارى دەڭگەيدە سىرتقا ەسىك اشۋدى ىلگەرىلەتىپ، كىرۋگە رۇقسات ەتۋدەن بۇرىن ازاماتتىق مامىلە بەرۋگە ۇنامسىز تىزىمدىكتى قوسىپ باسقارۋ ٴتۇزىمىن تياناقتاندىرىپ، حالىقارالىق جوعارى ولشەمدى ەكونوميكا ـ ساۋدا كەلىسىمىندەگى فينانس سالاسىنداعى قاتىستى قاعيدالارعا تۋرالانىپ، شەكتەۋ سيپاتتى شارالاردى ىقشامداپ، ەسىك اشۋ ساياساتىنىڭ اشىقتىعىن، ورنىقتىلىعىن جانە مەجەلىلىگىن كۇشەيتىپ، شەكارا سىرتىنداعى قارجى قوسۋ، قارجى قۇراۋ ارەكەتىن ارناعا ٴتۇسىرىپ، ”ٴبىر بەلدەۋ، ٴبىر جولدى“ بىرگە قۇرۋعا قاراتىلعان فينانستىق قولداۋدى كەمەلدەندىرۋ كەرەك. شەكارا ٴىشى ـ سىرتىنداعى فينانس بازارىنىڭ ۇلاسۋىن، تۇتاسۋىن كۇشەيتىپ، شەكارا اتتاعان قارجى قوسۋ، قارجى قۇراۋدىڭ قولايلىلانۋ دەڭگەيىن جوعارىلاتىپ، حالىقارالىق فينانستى باقىلاۋ ـ باسقارۋ رەفورماسىنا بەلسەنە ات سالىسۋ كەرەك. ەسىك اشۋ شارت ـ جاعدايىنداعى فينانس حاۋىپسىزدىگى تومەنگى شەگىن ساقتاۋ كەرەك.

شي جينپيڭ بىلاي دەپ اتاپ كورسەتتى: فينانستىڭ جوعارى ساپالى دامۋىن ىگەرىلەتۋدە، فينانستا قۋاتتى ەل قۇرۋدا زاڭ ارقىلى باسقارۋ مەن ٴمورال ارقىلى باسقارۋدى ۇشتاستىرۋعا تاباندى بولىپ، جۇڭگوشا فينانس مادەنيەتىن بەلسەنە جەتىلدىرىپ، ادال، سەنىمدى بولۋ، تومەنگى شەكتەن اتتاماۋدى؛ ادىلدىكپەن پايداعا قول جەتكىزۋ، پايدانى عانا كوزدەمەۋدى؛ بايىپتى، ساق بولۋ، وڭاي ولجانى عانا كوزدەمەۋدى؛ تۋراشىلدىقتان اينىماي جاڭالىق اشۋ، امالياتتان الشاقتاپ، جالعاندىققا بەت الماۋدى؛ زاڭعا، ەرەجەگە ۇيلەسىمدى بولۋ، ويىنا كەلگەنىن ىستەمەۋدى ورىنداۋ كەرەك.

شي جينپيڭ سوڭىندا بىلاي دەپ باسا دارىپتەدى: ٴار دارەجەلى باسشى كادرلار فينانس ويى مەن فينانس قىزمەتى قابىلەتىن كۇشەيتىپ، ەكونوميكا مەن فينانس ٴبىر تۇتاس جۇيە يدەياسىنا تاباندى بولىپ، ورتالىقتىڭ فينانس قىزمەتى ٴماجىلىسىنىڭ ٴتۇرلى شەشىمدەرىن، ورنالاستىرۋلارىن مۇقيات تياناقتاندىرىپ، ەكونوميكا مەن فينانستىڭ جوعارى ساپالى دامۋىن ٴبىر تۇتاس جوسپارلاپ ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە جاڭا، اناعۇرلىم زور ۇلەس قوسۋى كەرەك.

ساي چي ساباق باستاۋ سالتىن باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ٴسوزىنىڭ يدەياسى تەرەڭ، كوز اياسى كەڭ، بايىمداۋى سىندارلى، مازمۇنى باي، وتە كۇشتى ساياسي سيپاتقا، نازاريالىق سيپاتقا، باعىتتامالىلىق سيپاتقا، جەتەكشىلىك سيپاتقا يە، بۇكىل پارتيانىڭ، اسىرەسە، جوعارى دارەجەلى كادرلاردىڭ ەلىمىز فينانسىنىڭ دامۋى ٴدوپ كەلگەن جاعداي مەن مىندەتتى دۇرىس تانىپ، فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمدى تەرەڭدەتىپ، فينانس قىزمەتى ونەرى مەن حاۋىپ ـ قاتەرگە توتەپ بەرۋ قابىلەتىن جاپپاي كۇشەيتىپ، فينانستى دامىتۋدىڭ جۇڭگوشا جولىمەن بۇلجىماي جۇرۋىندە توتەنشە ماڭىزدى مانگە يە. باس شۋجي شي جينپيڭنىڭ ماڭىزدى ٴسوزىنىڭ باي مازمۇنىن، وزەكتى ٴمانىن جانە امالياتتىق تالابىن تەرەڭ ٴتۇسىنىپ، يگەرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار كوميتەت باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ٴتوراعالارى، سونداي ـ اق ورتالىق اسكەري ىستەر كوميتەتىنىڭ مۇشەلەرى ساباق باستاۋ سالتىنا قاتىناستى.

ٴارقايسى ولكە، اۆتونوميالى رايون، قالالارداعى جانە شينجياڭ ٴوندىرىس ـ قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقارۋىنداعى فينانس قۇرىلىمدارىنداعى، كاسىپورىندارداعى، جوعارى مەكتەپتەردەگى، ازاتتىق ارميانىڭ ٴارقايسى ورىندارى مەن قارۋلى ساقشى بولىمدەرىندەگى نەگىزگى جاۋاپتى جولداستار زەرتتەۋ ـ تالقى كۋرسىنا قاتىناستى. ٴارقايسى دەموكراتيالىق پارتيا ـ توپتاردىڭ ورتالىق كوميتەتتەرىندەگى، مەملەكەتتىك ساۋدا ـ ونەركاسىپشىلەر بىرلەستىگىندەگى، سونداي ـ اق قاتىستى جاقتارداعى جاۋاپتى جولداستار ساباق باستاۋ سالتىنا سىرتتاي قاتىناستى.