1-ايدىڭ 12-كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارلاي كەلگەن بەلگيا باس ءۋازىرى دەكروومەن كەزدەستى.
شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 1 ـ ايدىڭ 12 ـ كۇنى بەيجيڭنەن بەرگەن حابارى (ٴتىلشى سۇن ي). 1 ـ ايدىڭ 12 ـ كۇنى تۇستەن كەيىن مەملەكەت ٴتوراعاسى شي جينپيڭ حالىق سارايىندا جۇڭگوعا رەسمي ساپارلاي كەلگەن بەلگيا باس ٴۋازىرى دەكروومەن كەزدەستى.
شي جينپيڭ بىلاي دەپ اتاپ كورسەتتى: جۇڭگو جاق جۇڭگو _ بەلگيا قارىم ـ قاتىناسىنىڭ دامۋىنا ايرىقشا ٴمان بەرەدى. جۇڭگو _ بەلگيا ديپلوماتيالىق قارىم ـ قاتىناس ورناتقان 53 جىلدان بەرى ٴار سالاداعى سەلبەستىك تابىسى سۇبەلى بولىپ، ەكى ەل حالقىن يگىلىككە كەنەلتتى. جۇڭگو مەن بەلگيا ەكەۋى دە ەكونوميكانىڭ جاھاندانۋىنىڭ يگىلىگىن كورۋشىلەر، قورعامپازدىقتى تەجەۋ، ەركىن ساۋدانى قورعاۋ جاقتارىندا ورتاق مۇددەسى بار. جۇڭگو جاق باس ٴۋازىر مىرزانىڭ تالاي رەت اشىق ٴۇن قاتىپ، ”بايلانىستى الشاقتاتىپ، تىزبەكتى ۇزۋگە“ قارسى تۇرعاندىعىن القايدى، بەلگيا كاسىپورىندارىنىڭ جۇڭگوعا كەلىپ قارجى قوسىپ، شارۋاشىلىعىن گۇلدەندىرۋىن قارسى الادى، ولار ٴۇشىن تاماشا شارۋاشىلىق ـ ساۋدا ورتاسىن ازىرلەۋدى قالايدى، سونداي ـ اق بەلگيا جاقتىڭ جۇڭگونىڭ كاسىپورىندارىنا ٴادىل، جاريا، كەمسىتپەيتىن شارۋاشىلىق ـ ساۋدا ورتاسىن ازىرلەۋىن ٴۇمىت ەتەدى. ەكى جاق ٴوز باسىمدىقتارىمەن ۇشتاستىرىپ، قاتىناس، زات اينالىمى، بيولوگيالىق ٴدارى جاساۋ سياقتى ٴداستۇرلى سالالارداعى سەلبەستىكتى كەڭەيتىپ، جاسىل دامۋ، سيفرلى ەكونوميكا سياقتى سەلبەستىكتەردىڭ جاڭا ارتۋ تۇيىندەرىن قالىپتاستىرۋدى اقىلداسۋىنا بولادى. ەكى جاق ەكى مەملەكەتتىڭ ۇكىمەت تاراۋلارىن، زاڭ شىعارۋ قۇرىلىمدارىن، جەرگىلىكتى ولكە، قالالاردى اۋىس ـ كۇيىستى، تىلدەسۋدى كۇشەيتۋگە شابىتتاندىرىپ، قوس باعىتتى ساياحاتتى جانە شەتەلدە وقىپ جاتقان وقۋشىلار اۋىس ـ كۇيىسىن كەڭەيتىپ، كولەمدى مادەنيەت قيمىلدارىن ٴوزارا وتكىزىپ، مىسىق ايۋدى قورعاۋ، زەرتتەۋ جۇمىسىن ورىستەتىپ، ٴوزارا ٴتۇسىنىسۋدى جانە حالىق اراسىنداعى دوستىقتى ۇزدىكسىز نىعايتىپ، جۇڭگو _ بەلگيا قارىم ـ قاتىناسىنا جاڭا قوزعاۋشى كۇش قوسۋى، جاڭا بولاشاق اشۋى كەرەك. جۇڭگو جاق بەلگيا جاقپەن بىرلەسكەن مەملەكەتتەر ۇيىمى سياقتى كوپ جاقتى جۇلگەدەگى بايلانىستى كۇشەيتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى كەڭەستىك تاقىرىپتار جونىندە سەلبەستىك ورىستەتۋدى قالايدى.
شي جينپيڭ بىلاي دەپ باسا دارىپتەدى: جۇڭگونىڭ ەۆروپاعا قاراتقان ساياساتى ۇزاق ۋاقىت ورنىقتىلىقتى ساقتاپ، ەۆروپانى باستان ـ اياق جۇڭگونىڭ سەلبەستىك سەرىگى ساناپ كەلدى، ەۆروپانىڭ كوپ ۇيەكتى دۇنيەدەگى ماڭىزدى كۇش رەتىندە، بەلسەندى جانە سىندارلى رول ساۋلەلەندىرۋىن ٴۇمىت ەتەمىن. وزگەرىس پەن بىلىقپالىق قاباتتاسقان حالىقارالىق جاعداي الدىندا، جۇڭگو مەن ەۆروپا اراسىندا ٴتىپتى دە كوپ ”كوپىر“ سالۋعا تۋرا كەلەدى. ەكى جاق اناعۇرلىم تىعىز سەلبەستىك جاساپ، دۇنيە ٴجۇزىنىڭ تەرەزەسى تەڭ، ٴتارتىپتى كوپ ۇيەكتەنۋىن جانە جالپىعا ٴتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، دۇنيە ٴجۇزىنىڭ بەيبىتشىلىگىن، ورنىقتىلىعىن، گۇلدەنۋىن بىرگە جەبەۋى كەرەك. جۇڭگو جاق ەۆروپا جاقپەن بىرگە قۇلشىنىپ، جۇڭگو _ ەۆروپا قارىم ـ قاتىناسىنىڭ جاڭا ٴبىر جىلدا ورنىقتىلىق بارىسىندا ىلگەرىلەۋىن ىلگەرىلەتۋدى قالايدى، بەلگيانىڭ ەۆروپا وداعىنىڭ كەزەكتى ٴتوراعا ەلى رەتىندە، بەلسەندى رول ساۋلەلەندىرۋىن ٴۇمىت ەتەدى.
دەكروو مىنالاردى ٴبىلدىردى: بەلگيا _ جۇڭگو قارىم ـ قاتىناسىنىڭ تاريحى ۇزاق، كوپتەگەن جاقتاردا ەۆروپا _ جۇڭگو قارىم ـ قاتىناسىنىڭ الدىڭعى لەگىندە كەلەدى. بەلگيا جاق ٴبىر جۇڭگو ساياساتىنا ۇزدىكسىز بۇلجىماي تاباندى بولادى. بەلگيا جاق جۇڭگو جاقپەن بۇكپەسىز پىكىرلەسىپ، ٴتۇسىنىسۋدى تەرەڭدەتىپ، ەكى ەل قارىم ـ قاتىناسىنىڭ ساياسي، ەكونوميكا سياقتى سالالاردا ۇزدىكسىز دامۋىن ىلگەرىلەتۋدى قالايدى. بەلگيا جاق ”بايلانىستى الشاقتاتىپ، تىزبەكتى ۇزۋگە“ قارسى تۇرادى، جۇڭگو كاسىپورىندارىنىڭ بەلگياعا كەلىپ سەلبەستىك ورىستەتۋىن قارسى الادى، جۇڭگو جاقپەن ادامدار ارا بارىس ـ كەلىستى جانە گۋمانيتارلىق اۋىس ـ كۇيىستى كۇشەيتۋدى ٴۇمىت ەتەدى. 10 جىلدىڭ الدىندا، ٴتوراعا شي جينپيڭ بەلگيادا ساپاردا بولعان كەزدە برۋردە تارتىمدى لەكسيا جاسادى، مۇنىڭ ىشىندە ”كوپىرگە“ قاتىستى جاندى بايىمداۋ ادامدارعا تەرەڭ اسەر قالدىردى. قازىرگى وزگەرىس پەن بىلىقپالىق قاباتتاسقان حالىقارالىق جاعدايدا، دۇنيە ٴجۇزى جۇڭگو مەن ەۆروپانىڭ قول ۇستاسا سەرىك بولىپ، دۇنيە ٴجۇزى ەكونوميكاسىنىڭ ارتۋىن جەبەۋ، كليمات وزگەرىسىنە توتەپ بەرۋ، اناعۇرلىم ورنىقتى بولعان دۇنيە ٴجۇزىن قۇرۋ سياقتى كەڭ سالالاردا سەلبەستىكتى كۇشەيتۋىن قاجەت ەتەدى. بەلگيا ەۆروپا وداعىنىڭ كەزەكتى ٴتوراعا ەلى بولۋ رەتىندە، ەۆروپا _ جۇڭگو قارىم ـ قاتىناسىنىڭ دامۋىندا بەلسەندى رول ساۋلەلەندىرۋدى قالايدى، مەنىڭ وسى رەتكى جۇڭگوداعى ساپارىمنىڭ بەلگيا _ جۇڭگو، ەۆروپا _ جۇڭگو قارىم ـ قاتىناسىنىڭ تىڭ دەڭگەيگە كوتەرىلۋىنە سەپتىگىن تيگىزۋىن ٴۇمىت ەتەمىن.
ۋاڭ ي كەزدەسۋگە قاتىناستى.
