يدەيانى ازات ەتىپ، جاڭالىق اشىپ وزگەرىسكە تالپىنىپ، تەڭىزدى بەتكە الىپ قۇدىرەتتەنۋگە ۇمتىلىپ، ەسىك اشىپ دامىپ، جۇڭگو ۇلگىسىندەگى وسىزامانداندىرۋدىڭ گۋاڭشي تاراۋىن قۇلشىنا جازۋ كەرەك

شي جينپيڭ گۋاڭشيدە قىزمەت تەكسەرگەندە بىلاي دەپ باسا دارىپتەدى

　　يدەيانى ازات ەتىپ، جاڭالىق اشىپ وزگەرىسكە تالپىنىپ، تەڭىزدى بەتكە الىپ قۇدىرەتتەنۋگە ۇمتىلىپ، ەسىك اشىپ دامىپ، جۇڭگو ۇلگىسىندەگى وسىزامانداندىرۋدىڭ گۋاڭشي تاراۋىن قۇلشىنا جازۋ كەرەك

　　ساي چي قىزمەت تەكسەرۋدە بىرگە بولدى

　　12 - ايدىڭ 14 - كۇنىنەن 15 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭشيدە قىزمەت تەكسەردى. سۋرەتتە: 12 - ايدىڭ 14 - كۇنى تۇستەن بۇرىن شي جينپيڭ ناننيڭ قالاسى لياڭچيڭ رايونى پانلۇڭ الەۋمەتتىك اۋماعىندا قىزمەت تەكسەرگەندە، الەۋمەتتىك اۋماقتاعى ءار ۇلت بۇقاراسىمەن شىن ىقىلاسپەن اڭگىمەلەسۋدە.

　　□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　12 - ايدىڭ 14 - كۇنىنەن 15 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭشيدە قىزمەت تەكسەردى. سۋرەتتە: 12 - ايدىڭ 14 - كۇنى تۇستەن كەيىن شي جينپيڭ لايبين قالاسى مەملەكەتتىك وسى زامانعى اۋىل شارۋاشىلىعى كاسىپ سالاسى باقشاسى حۋاڭ - ان ساپالى ”قوس جوعارى“ قانت ماتەريالى قانت قامىسى بازاسىندا قىزمەت تەكسەرگەندە قانت قامىسىن ەگەتىن شارۋالارمەن، ەگىس ماشينالارى شوفەرلەرىمەن جانە اۋىل شارۋاشىلىق تەحنيكتەرىمەن شىن ىقىلاسپەن اڭگىمەلەسۋدە.

　　□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 12 - ايدىڭ 15 - كۇنى ناننيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گۋاڭشيدە قىزمەت تەكسەرگەندە بىلاي دەپ باسا دارىپتەدى: گۋاڭشي جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋ سىندى وسى ماڭداي الدى مىندەتتى جانە جاڭا دامۋ ارناسىن قالىپتاستىرۋ سىندى وسى ستراتەگيالىق مىندەتتى مىقتى يگەرىپ، وزىندىك باسىمدىقتى ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، يدەيانى ازات ەتىپ، جاڭالىق اشىپ وزگەرىسكە تالپىنىپ، تەڭىزدى بەتكە الىپ قۇدىرەتتەنۋگە ۇمتىلىپ، ەسىك اشىپ دامىپ، شەكاراداعى ۇلتتار وڭىرلەرىنىڭ جوعارى ساپالى دامۋىن ىلگەرىلەتۋدە اناعۇرلىم زور ىسكەرلىك كورسەتۋگە قۇلشىنىپ، جاڭا داۋىردە جۇڭگوشا سوتسياليستىك كورىكتى گۋاڭشي قۇرۋدا جاڭا ىلگەرىلەۋشىلىكتەرگە ۇزدىكسىز قول جەتكىزىپ، جۇڭگو ۇلگىسىندەگى وسىزامانداندىرۋدىڭ گۋاڭشي تاراۋىن قۇلشىنا جازۋى كەرەك.

　　12 - ايدىڭ 13 - كۇنى شي جينپيڭ ۆيەتنامداعى مەملەكەتتىك ساپارىن اياقتاتىپ، ەلگە قايتىپ كەلدى. 12 - ايدىڭ 14 - كۇنىنەن 15 - كۇنىنە دەيىن گۋاڭشي جۋاڭزۋ اۆتونوميالى رايوندىق پارتكومنىڭ شۋجيى ليۋ نيڭ مەن اۆتونوميالى رايوندىق ۇكىمەتتىڭ ءتوراعاسى لان تيانليدىڭ سەرىك بولۋىندا ىلگەرىندى - كەيىندى ناننيڭ، لايبين سياقتى جەرلەرگە بارىپ، سىرتقا ەسىك اشۋ نىسانى، الەۋمەتتىك اۋماق، اۋىل - قىستاق، كاسىپورىن سياقتىلارعا ىشكەرىلەي بارىپ تەكسەرۋ - زەرتتەۋ جۇرگىزدى.

　　12 - ايدىڭ 14 - كۇنى تۇستەن بۇرىن شي جينپيڭ، ەڭ اۋەلى، ناننيڭ قالاسىنا ورنالاسقان جۇڭگو − شىعىس وڭتۇستىك ازيا ەلدەرى وداعى ينفورماتسيا پورتى جارنا شەكتى سەرىكتەستىگىندە قىزمەت تەكسەردى. شي جينپيڭ جۇڭگو − شىعىس وڭتۇستىك ازيا ەلدەرى وداعى ينفورماتسيا پورتىنىڭ قۇرىلىسى، تيجاراتى، جۇڭگو − شىعىس وڭتۇستىك ازيا ەلدەرى وداعى ەكونوميكا - ساۋدا سەلبەستىگى سياقتى جاعدايلاردى ەگجەي - تەگجەيلى ۇعىسىپ، پيڭلۋ كانالى قۇم مودەلىنە ۇشتاستىرىپ باتىس بولىك قۇرلىق، تەڭىز جاڭا ارناسىنىڭ تىرەكتىك ينجەنەريا قۇرىلىسى مالىمەتىن تىڭدادى. شي جينپيڭ بىلاي دەپ اتاپ كورسەتتى: جۇڭگو − شىعىس وڭتۇستىك ازيا ەلدەرى وداعى ينفورماتسيا پورتىن قۇرۋ − ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋدەگى، ەلىمىز بەن شىعىس وڭتۇستىك ازيا ەلدەرى وداعى ەلدەرىنىڭ ۇلاسۋىن، تۇتاسۋىن كۇشەيتۋدەگى ماڭىزدى شارا. گۋاڭشي ىرىقتىلىقپەن ىسكەرلىك كورسەتىپ، تىرەكتىك رولىن ساۋلەلەندىرىپ، ينفورماتسيالاندىرۋ قۇرىلىسىن جانە ودان پايدالانۋدى كۇشەيتىپ، جوعارى دەڭگەيلى سىرتقا ەسىك اشۋدى ىلگەرىلەتۋگە، شىعىس وڭتۇستىك ازيا ەلدەرى وداعىمەن سەلبەستىكتى جەبەۋگە ۇزدىكسىز جاڭا قوزعاۋشى قۋات ۇستەۋى كەرەك.

　　ناننيڭ قالاسى لياڭچيڭ رايونى پانلۇڭ الەۋمەتتىك اۋماعى − كوپ ۇلت ءجيى قونىستانعان الەۋمەتتىك اۋماق. شي جينپيڭ الەۋمەتتىك اۋماقتىڭ پارتيا مۇشەلەرىنە، بۇقاراعا قىزمەت وتەۋ ورتالىعىنا كەلىپ، سول جەردىڭ وزىندە قىزمەتكەرلەردىڭ نەگىزگى تاقىرىپتىق تاربيە ورىستەتۋ، حالىققا قولايلىلىق جاساۋدى، كاسىپورىندارعا تيىمدىلىك جەتكىزۋدى جەبەۋ، ۇلتتىق ەرەكشەلىككە يە قيمىلداردى وتكىزۋ سياقتى جاعدايلار جونىندەگى تانىستىرۋىن تىڭداپ، ولاردىڭ پارتيا قۇرىلىسى ارقىلى جەتەكشىلىك ەتىپ بىرىككەن كۇش ۇيىستىرۋعا تاباندى بولۋ، قىزمەت وتەۋدى وزەك ەتىپ دامۋدى جەبەۋ ءتاسىلىن تۇراقتاندىردى. مادەنيەت، دەنە تاربيە قيمىلى ۇيىندە الەۋمەتتىك اۋماق تۇرعىندارىنىڭ حاتكەرلىككە ماشىقتانىپ، حالىق ءانىن توپتىق شىرقاپ جاتقانىن قىزىعا تاماشالاپ، كوپشىلىكپەن ىستىق ىقىلاسپەن اڭگىمەلەسىپ، الەۋمەتتىك اۋماقتى دارىندى، الاڭ سياقتى بايلىقتان تولىق پايدالانىپ، اناعۇرلىم كوپ اقاۋسىز، ءتيىمدى، زەيىندى اشىپ، جۇرەكتى نارلەندىرەتىن مادەنيەت قيمىلدارىن ورىستەتىپ، وسى ارقىلى اناعۇرلىم زور وڭ ەنەرگيانى قاۋلاتۋعا جىگەرلەندىردى. شي جينپيڭ بىلاي دەپ اتاپ كورسەتتى: الەۋمەتتىك اۋماق − نەگىزگى ساتىنىڭ ءوزىن باسقارۋىنداعى نەگىزگى بولەك، مەملەكەتتىڭ باسقارۋ جۇيەسىنىڭ نەگىزگى ساتى نەگىزى. الەۋمەتتىك اۋماق سىندى وسى تۇعىر ارقىلى ”قارتتار، بالالار“ سياقتى حالىق تۇرمىسى ناقتى ىستەرىن جانە الەۋمەتتىك ىستەردى ويداعىداي ىستەپ، بۇقارانىڭ ءجىتى قاداعالاپ وتىرعان ىستەرىنە بەلسەندىلىكپەن جاۋاپ قايتارۋ جۇڭگوشا ەرەكشەلىككە يە نەگىزگى ساتىنى باسقارۋدىڭ كورنەكتى باسىمدىعى، وسى باسىمدىقتى ويداعىداي ساۋلەلەندىرۋ كەرەك. كوپ ۇلت بۇقاراسى كىرىكپەلى الەۋمەتتىك اۋماق قۇرۋ − ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋدەگى ماڭىزدى جول. گۋاڭشي جۇڭحۋا ۇلتى ورتاق تۇلعا تانىمىن بەرىك ورناتۋداعى ۇلگىلى رايون قۇرۋدا، نەگىزگى ساتى الەۋمەتتىك اۋماعىنان باستاپ مىقتى يگەرىپ، تىڭعىلىقتى الەۋمەتتىك اۋماق قۇرىلىسى، ءونىمدى الەۋمەتتىك اۋماق قىزمەت وتەۋى، باي مازمۇندى الەۋمەتتىك اۋماق قيمىلى ارقىلى ءار ۇلت حالقىنىڭ بەرەكەلى شاڭىراق بولعان قويۋ راي قالىپتاستىرىپ، ۇلتتار ىنتىماعىن اناعۇرلىم جاقسى ىستەۋى كەرەك.

　　الەۋمەتتىك اۋماقتان اتتاناردا، ءار ۇلت بۇقاراسى باس شۋجيدى قىزۋ ىنتامەن اتتاندىرىپ سالدى. شي جينپيڭ ىستىق ىقىلاسپەن كوپشىلىككە بىلاي دەدى: مەن كەشە ۆيەتنامداعى مەملەكەتتىك ساپارىمدى اياقتاتقان سوڭ، توتە گۋاڭشيگە قىزمەت تەكسەرۋگە، تەكسەرۋ - زەرتتەۋ جۇرگىزۋگە كەلدىم. ستراتەگيالىق مانگە يە جۇڭگو − ۆيەتنام تاعدىرلاس ورتاق تۇلعاسىن قۇرۋ گۋاڭشيدىڭ ەسىك اشۋىنا، دامۋىنا اناعۇرلىم ءتيىمدى، كورىكتى گۋاڭشيدىڭ بولاشاعى نۇرلى. گۋاڭشي ەلىمىزدەگى از ۇلتتار جان سانى ەڭ كوپ اۆتونوميالى رايون رەتىندە، ءار ۇلت حالقى ءبىر اسپان استىندا بىرگە جاساپ، ءبىر اتىزدى بىرگە ەگىپ، ءبىر داريانىڭ سۋىن بىرگە ءىشىپ، ءبىر مەكەندى بىرگە قۇردى. جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتىڭ قاعىس قالۋىنا بولمايدى. الەۋمەتتىك اۋماقتاعى ءار ۇلت بۇقاراسىنىڭ كوبىرەك بارىس - كەلىس جاساپ، كوپشىلىكتىڭ ءوزارا كومەكتەسىپ، قارايلاسىپ، سىرلاس دوس، تاتۋ كورشى بولىپ، باقىتتى مەكەندى بىرگە قۇرۋىن ءۇمىت ەتەمىن.

　　12 - ايدىڭ 14 - كۇنى تۇستەن كەيىن، شي جينپيڭ لايبين قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. مەملەكەتتىك وسى زامانعى اۋىل شارۋاشىلىعى كاسىپ سالاسى باقشاسى حۋاڭ - ان ساپالى ”قوس جوعارى“ قانت ماتەريالى قانت قامىسى بازاسىندا، شي جينپيڭ 10 مىڭ مۋلىق قانت قامىسىن جانە ماشينالانعان جۇمىس ىستەۋ جيناۋ - ورۋ جاعدايىن كورىپ، بازا جاعدايى جونىندەگى تانىستىرۋدى تىڭدادى. ول قانت قامىستىعىنا كىرىپ، قانت قامىسى ساپالى تۇقىمىن جەتىلدىرۋ تەحنيكاسىنىڭ ماڭىزدى ءتۇيىنىن ەگجەي - تەگجەيلى ۇعىسىپ، قانت قامىسىن ەگەتىن شارۋالارمەن، ەگىس ماشيناسى شوفەرلەرىمەن جانە اۋىل شارۋاشىلىق تەحنيكتەرىمەن شىن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى: گۋاڭشي ەلىمىزدىڭ قانت قامىسى نەگىزگى ءوندىرىس رايونى، وسى ەرەكشەلىككە، باسىمدىققا يە كاسىپ سالاسىن كۇشەيتىپ، زورايتىپ، مەملەكەتتىڭ قانت كاسىبى حاۋىپسىزدىگىن قامتاماسىز ەتۋدە، قانت قامىسىن ەگەتىن شارۋالاردىڭ كىرىسىن ارتتىرىپ بايۋىن جەبەۋدە اناعۇرلىم زور رول اتقارۋى كەرەك. ساپالى تۇقىمدى بەلسەنە جەتىلدىرىپ جانە جالپىلاستىرىپ، ماشينالانعان جۇمىس دەڭگەيىن جوعارىلاتىپ، وسى زامانعى اۋىل شارۋاشىلىعى كاسىپ سالاسى باقشاسىن ويداعىداي قۇرۋ كەرەك. اناعۇرلىم ورنىقتى مۇددە بايلانىسى مەحانيزمىن ورناتۋدى قاراستىرىپ، قالىڭ شارۋالاردىڭ اۋىل - قىستاق رەفورماسىنان جانە دامۋ جەتىستىكتەرىنەن بىرگە يگىلىكتەنۋىنە مۇمكىندىك جاساۋ كەرەك. ول اۋىلداستاردىڭ تۇرمىسىنىڭ قانت قامىسىنداي ءتاتتى بولۋىن تىلەدى.

　　وسىدان سوڭ شي جينپيڭ لايبين دۇڭتاڭ فىڭحۋاڭ شەكتى سەرىكتەستىگىنە بارىپ قىزمەت تەكسەردى. ول ءوندىرىس سەحىنا كىرىپ قانت جاساۋ تەحنولوگياسىن جانە جۇمىس ءتارتىبىن تەكسەرىپ، سەرىكتەستىكتىڭ كورمە زالىندا قانت كاسىبى ونىمدەرى تۇرلەرىن، سونداي - اق بازار ۇلەسىن جانە دامۋ جاعدايىن ۇعىستى. ول بىلاي دەپ باسا دارىپتەدى: ەلىمىزدىڭ قانت كاسىبى قيان - كەسكى حالىقارالىق باسەكەگە ءدوپ كەلۋدە، جوعارى دەڭگەيلەندىرۋ، زەردەلىلەندىرۋ، جاسىلداندىرۋ تالابى بويىنشا، عىلىم - تەحنيكادا جاڭالىق اشۋ تەبىنىن ارتتىرىپ، كاسىپ سالاسى تىزبەگىن ۇزارتىپ قوسىمشا قۇندى ارتتىرۋ، ساپانى ۇزدىكسىز جوعارىلاتىپ، وزىندىك قۇندى تومەندەتىپ، ونىمدىلىكتى ارتتىرىپ، جوعارى ساپالى دامۋدى ىلگەرىلەتۋ كەرەك. كاسىپورىننان اتتانعان كەزدە شي جينپيڭ شىعارىپ سالۋعا كەلگەن قىزمەتكەرلەرگە شىن ىقىلاسپەن بىلاي دەدى: تۇتىنۋعا پايدالانىلاتىن قانت ماڭىزدى قوسىمشا ازىق - تۇلىك، كوپشىلىك وسى ءۇشىن قاجىرلىلىقپەن ەڭبەك ەتىپ، سان مىڭداعان وتباسىنا ”شىرىن ءدام“ سيلادى. كوپشىلىكتىڭ ۇزدىكسىز جاڭا تەحنيكا ۇيرەنىپ، جاڭا تەحنولوگيا قولدانىپ، قانت كاسىبىنىڭ دامۋىنا تىڭ ۇلەس قوسۋىن ءۇمىت ەتەمىن.

　　12 - ايدىڭ 15 - كۇنى تۇستەن بۇرىن شي جينپيڭ گۋاڭشي جۋاڭزۋ اۆتونوميالى رايوندىق پارتكومنىڭ جانە ۇكىمەتتىڭ قىزمەت مالىمەتىن تىڭداپ، گۋاڭشيدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.

　　شي جينپيڭ بىلاي دەپ اتاپ كورسەتتى: گۋاڭشيدىڭ جوعارى ساپالى دامۋىن ىلگەرىلەتۋدە، ءسوز جوق، كاسىپ سالاسى جۇمىسىن ويداعىداي ىستەپ، وسىزاماندانعان كاسىپ سالاسى جۇيەسىن جەدەل ورناتۋ كەرەك. بايلىق ارتىقشىلىعى مەن كاسىپ سالاسى نەگىزىن تياناق ەتىپ، نازاردى باسىمدىققا يە كاسىپ سالالارىنا شوعىرلاندىرىپ، باسىمدىققا يە بايلىقتى شوعىرلاندىرىپ، گۋاڭشيدىڭ ەرەكشەلىگى مەن باسىمدىعىن ايگىلەيتىن، ءبىرشاما ۇلكەن كولەمدى جانە ءبىرشاما كۇشتى جەتەكشىلىك قۋاتقا يە ءبىر قىدىرۋ تىرەكتى كاسىپ سالاسىن قالىپتاستىرۋ كەرەك. عىلىم - تەحنيكادا جاڭالىق اشۋدى اناعۇرلىم كورنەكتى ورىنعا قويىپ، وقۋ - اعارتۋ، عىلىم - تەحنيكا دارىندىلارى جالپىلىق رەفورماسىن تەرەڭدەتىپ، عىلىم - تەحنيكادا، وقۋ - اعارتۋدا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن كۇشەيتىپ، شەشۋشى، وزەكتى تەحنيكالاردان قامال الۋدى كۇشەيتىپ، تەحنيكانى جاڭالاۋ مەن ونىمدەردىڭ دارەجەسىن جوعارىلاتۋ تەبىنىن ارتتىرۋ كەرەك. تەڭىز جاعالاۋى، وزەن جاعالاۋى باسىمدىقتارىنان تولىق پايدالانىپ، تەڭىز - مۇحيت ەكونوميكاسىن، پورت ماڭى كاسىپ سالاسىن كۇش سالا دامىتۋ كەرەك. كاسىپ سالاسى قۇرىلىمىن ساپالىلاندىرۋدى، رەتتەۋدى جەدەلدەتىپ، كاسىپ سالاسى جۇيەسىنىڭ جاسىل تيپكە بۇرىلىس جاساۋىن ىلگەرىلەتىپ، ورمان شارۋاشىلىعى كاسىپ سالاسىن، مادەنيەت - ساياحات كاسىپ سالاسىن، زەينەتكەرلىك كاسىپ سالاسىن، جالپىلىق سالاماتتىق كاسىپ سالاسىن دامىتىپ، زورايتىپ، ەكولوگيالىق باسىمدىقتى ۇزدىكسىز دامۋ باسىمدىعىنا اينالدىرۋ كەرەك.

　　شي جينپيڭ بىلاي دەپ باسا دارىپتەدى: گۋاڭشي ىشكە، سىرتقا ەسىك اشۋدى ۇزدىكسىز كەڭەيتۋى كەرەك. ءىش پەن سىرتتىڭ ىقپالداستىعىن كۇشەيتىپ، اناعۇرلىم ومىرشەڭدىككە يە اشىق ەكونوميكالىق جۇيە ورناتۋ كەرەك. مەملەكەتتىڭ كەلەلى ستراتەگياسىنا ىرىقتىلىقپەن قىزمەت وتەپ، تەڭىز جاعالاۋىنداعى دامىعان وڭىرلەردىڭ كاسىپ سالاسىنىڭ جاڭا ورنالاسىمىمەن ءتۇيىلىسىپ، كاسىپ سالاسىنىڭ ساتىلى اۋىسۋىن تارتىپپەن قابىلداپ، بەيبۋۋان ەكونوميكالىق رايونى مەن جۋجياڭ − شيجياڭ ەكونوميكالىق بەلدەۋىن اشۋدى، اشىق ۇستاۋدى جەدەلدەتىپ، گۋاڭشيدى گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ ماڭىزدى ستراتەگيالىق ىشكى ءوڭىرى ەتىپ تۇلعالاۋ كەرەك. باتىس بولىكتىڭ قۇرلىق - تەڭىز جاڭا ارناسىن بىرگە قۇرىپ، ءبىر توپ كەلەلى قاتىناس نەگىزدىك قۇرىلعى نىسانىن اتقارىپ، پيڭلۋ كانالىن جوعارى ولشەممەن، جوعارى ساپامەن قۇرىپ، بەيبۋۋان حالىقارالىق قاقپا پورتىن جوعارى دەڭگەيدە قۇرىپ، وزەن، تەمىر جول، تەڭىز كوپ فورمالى ۇلاسپالى تاسىمال قابىلەتى مەن اۆتوماتتانۋ دەڭگەيىن جوعارىلاتۋ كەرەك. جۇڭگو − شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋعا بەلسەنە قىزمەت وتەپ، شىعىس وڭتۇستىك ازيا ەلدەرى وداعىنداعى ەلدەرمەن ساۋدا، ەڭبەك، كاسىپ سالاسى، عىلىم - تەحنيكا، وقۋ - اعارتۋ سياقتى سالالارداعى سەلبەستىكتى تەرەڭدەتىپ، كەڭەيتىپ، ەل ءىشى، حالىقارا سىندى قوس اينالىمدى بازار تيجاراتى قولايلى جەرىن قالىپتاستىرىپ، ”ءبىر بەلدەۋ، ءبىر جولدى“ بىرگە قۇرۋمەن ىشكەرىلەي توعىسۋ كەرەك.

　　شي جينپيڭ بىلاي دەپ اتاپ كورسەتتى: اۋىل - قىستاقتى گۇلدەندىرۋ − اۋىل شارۋاشىلىعىندا قۋاتتى ەل قۇرۋداعى نەگىزدىك ينجەنەريا، جوبانى تياناقتاندىرۋ، تىڭعىلىقتى ىلگەرىلەتۋ كەرەك. استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋدى جاپپاي تياناقتاندىرىپ، ەگىس كولەمىن ورنىقتىرۋعا، بىرلىك ءونىمدى ارتتىرۋعا بىردەي كۇش سالۋعا تاباندى بولىپ، استىق ءونىمىنىڭ بىركەلكى ارتۋىن جۇزەگە اسىرۋ كەرەك. گۋاڭشيدىڭ جەمىس ورمانى، كوكونىس، مال، قانت سياقتى ەرەكشە بايلىعى مول بولۋ باسىمدىعىن ساۋلەلەندىرىپ، ەرەكشەلىككە يە وسى زامانعى اۋىل شارۋاشىلىعى كاسىپ سالاسىن كۇش سالا دامىتىپ، ءتىپتى دە كوپ ”گۋاڭشي اتتى“ اۋىل شارۋاشىلىعى ايگىلى ماركالارىنىڭ چاڭجياڭنىڭ تۇستىگى مەن تەرىستىگىندە تانىمال بولۋىنا مۇمكىندىك جاساۋ كەرەك. ءارى ساۋدا - ونەركاسىپ كاپيتالىن اۋىل - قىستاققا ويىسۋعا شابىتتاندىرۋ، ءارى تومەنگى شەكتى مىقتى يگەرىپ، ەگىستىك جەردى يەمدەنىپ، اۋىل شارۋاشىلىعىنا جاتپايتىن، استىققا جاتپايتىن تيجاراتپەن شۇعىلدانۋدان ساقتانۋ كەرەك. اۋىل - قىستاقتى باسقارۋ جۇيەسىن جەدەل كەمەلدەندىرىپ، اۋىل - قىستاقتىڭ نەگىزدىك قۇرىلعىلارىن، الەۋمەتتىك قىزمەت وتەۋىن، قونىس ورتاسىن جاقسارتىپ، قىستاقتىڭ جالپى تۇلعالىق كەلبەتى مەن شارۋالاردىڭ تۇرمىس ساپاسىن جوعارىلاتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، اۋىل - قىستاقتارداعى تومەن كىرىستى حالىققا ۇدايىلاندىرا كومەكتەسۋ - سۇيەمەلدەۋ مەحانيزمىن ورناتىپ، كولەمدەنگەن قايتا كەدەيلەسۋدەن ساقتانۋ كەرەك.

　　شي جينپيڭ بىلاي دەپ باسا دارىپتەدى: گۋاڭشي جۇڭحۋا ۇلتى ورتاق تۇلعا تانىمىن بەرىك ورناتۋدى اۆتونوميالى رايوننىڭ ءتۇرلى قىزمەتتەرىنىڭ نەگىزگى جەلىسى، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن ىلگەرىلەتۋدىڭ ءتۇبىرلى بەتالىسى ەتىپ، ءار ۇلت حالقى ىنتىماقتاسا كۇرەس جاسايتىن تاماشا جاعدايدى بەكەمدەۋى، دامىتۋى كەرەك. ورتاق تۇلعا تانىمىن ۇزدىكسىز تامىر تارتتىرا بەرىك ورناتۋدى ەكونوميكا، وقۋ - اعارتۋ، جۇمىستاندىرۋ، الەۋمەتتىك اۋماق قۇرىلىسى، مادەنيەت قۇرىلىسى جانە كادرلار قوسىنى قۇرىلىسى سياقتى قىزمەتتەردە تياناقتاندىرىپ، ۇلتتار ىنتىماعى، العاباسارلىعى جاعىندا ۇزدىكسىز بۇكىل ەلدىڭ الدىڭعى لەگىندە ءجۇرۋى كەرەك. بار كۇشتى سالىپ، كورپەگە قاراي كوسىلىپ، قاجىماي كۇش سالىپ، جۇمىستاندىرۋ، وقۋ - اعارتۋ، ەمدەۋ، تۇرعىن ءۇي، زەينەتكەرلىك، باعىپ - تاربيەلەۋگە اماناتتاۋ سياقتى حالىق تۇرمىسى ماسەلەلەرىن كۇش سالا ويداعىداي شەشىپ، قالا مەن اۋىلدىڭ پارقىن، وڭىرلىك پارىقتى، ۇلتتار ارا پارىقتى بىرتىندەپ ازايتىپ، بىرگە بايۋدى تىڭعىلىقتى ىلگەرىلەتۋ كەرەك. جاڭا داۋىردەگى شەكارانى گۇلدەندىرىپ، حالىقتى بايىتۋ ارەكەتىن ۇزدىكسىز ىلگەرىلەتۋ كەرەك.

　　شي جينپيڭ بىلاي دەپ اتاپ كورسەتتى: پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ − ءتۇرلى قىزمەتتەردى ويداعىداي ىستەۋدىڭ ءتۇبىرلى كەپىلى. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، باسشىلىق القا قۇرىلىسىن كۇشەيتىپ، كادرلار قوسىنىنىڭ ساپاسى مەن قابىلەتىن ۇزدىكسىز جوعارىلاتىپ، پارتيا مۇشەلەرىن، كادرلاردى ۇكىمەت ىسىندە پاك بولۋعا، جۇمىستى كىرشىكسىز ىستەۋگە شابىتتاندىرۋ كەرەك. 2 - توپتاعى نەگىزگى تاقىرىپتىق تاربيە اياقتاۋ الدىندا تۇر، ءساتتى باستاپ، ءساتتى اياقتاتىپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ باياندى مەحانيزمىن ورناتۋ جانە ونى اقاۋسىزداندىرۋ كەرەك.

　　شي جينپيڭ بىلاي دەپ باسا دارىپتەدى: جىل سوڭى مەن جىل باسىندا ءار دارەجەلى پارتكومدار مەن ۇكىمەتتەر بازاردىڭ قامداۋىن، حالىق تۇرمىسىن قامتاماسىز ەتۋدى شىن مانىندە ويداعىداي ىستەپ، ءوندىرىس حاۋىپسىزدىگىن ەگجەي - تەگجەيلىلەندىرىپ، مىقتى يگەرىپ، شارۋا جۇمىسكەرلەرگە ەڭبەكاقىعا قارىزدار بولۋ ماسەلەسىن شەشۋگە نازار اۋدارىپ، حالىق بۇقاراسىنىڭ مەرەكەنى شات - شادىمان وتكىزۋىنە شىنايى كەپىلدىك ەتۋى كەرەك. سوڭعى بىرنەشە كۇندە ەلىمىزدىڭ حۋابەي، حۋاڭحى - حۋايحى وزەنى الابى سياقتى وڭىرلەرىندە جاپپاي ورتاشا، قالىڭ قار جاۋىپ، حالىق بۇقاراسىنىڭ ءوندىرىس، تۇرمىس تارتىبىنە بەلگىلى ىقپال جەتكىزدى، جەر - جەر، قاتىستى تاراۋلار بۇعان قاداعالاي نازار اۋدارىپ، پارمەندى شارالار قولدانىپ، اپاتتىڭ تۋدىرعان ىقپالىن ەڭ تومەنگى شەككە تۇسىرۋگە كۇش سالۋى كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

　　ۋاڭ ي، لي گانجيە، حى ليفىڭ، ۋاڭ شياۋحۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، نەگىزگى تاقىرىپتىق تاربيە ورتالىقتىڭ 11 - ارالاپ جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.

　　12 - ايدىڭ 15 - كۇنى تۇستەن بۇرىن شي جينپيڭ ناننيڭدە ناننيڭدە تۇراتىن اسكەري بولىمدەردىڭ شاڭشياۋ دارەجەلىدەن جوعارى باسشى كادرلارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ناننيڭدە تۇراتىن اسكەري بولىمدەردەگى بارلىق وفيتسەر - اسكەرلەرمەن شىنايى امانداستى ءارى كوپشىلىكپەن بىرگە ەستەلىك سۋرەتكە ءتۇستى. جاڭ يوۋشيا قابىلداۋدا بىرگە بولدى.