شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن تىڭداعاندا بىلاي دەپ باسا دارىپتەدى
شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ كەرەك
ساي چي مالىمەت بەرۋ ماجىلىسىنە قاتىناستى
8 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتىپ، ەلگە قايتىپ كەلگەننەن كەيىن، ۇرىمجىدە شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن ارنايى تىڭداپ، ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
8 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتىپ، ەلگە قايتىپ كەلگەننەن كەيىن، ۇرىمجىدە شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن ارنايى تىڭداپ، ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
شينحۋا اگەنتتىگىنىڭ 8 - ايدىڭ 26 - كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن تىڭداعاندا بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، قىزمەت باس نىساناسىن مىقتاپ ۇستاپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ قىزمەتتەرىن تەرەڭدەتىپ، ەگجەي - تەگجەيلىلەندىرىپ، ناقتىلاندىرىپ، ورنىقتىلىق بارىسىندا ىلگەرىلەپ، تىنباي كۇش سالىپ، العان بەتتەن جازباي، جۇڭگو ۇلگىسىندەگى وسىزامانداندىرۋ بارىسىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى اناعۇرلىم ويداعىداي قۇرۋ كەرەك.
8 - ايدىڭ 26 - كۇنى شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنا قاتىناسىپ ءارى وڭتۇستىك افريكاداعى مەملەكەتتىك ساپارىن اياقتاتىپ، ەلگە قايتىپ كەلگەننەن كەيىن، ۇرىمجىدە شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ، شينجياڭ ءوندىرىس - قۇرىلىس بيڭتۋانىنىڭ قىزمەت مالىمەتىن ارنايى تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي قاتارلىلار مالىمەت بەردى، اۆتونوميالى رايوندىق ۇكىمەتتىڭ ءتوراعاسى ەركىن تۇنياز قاتارلىلار مالىمەت بەرۋ ماجىلىسىنە قاتىناستى.
مالىمەتتى تىڭداعاننان كەيىن، شي جينپيڭ ماڭىزدى ءسوز سويلەپ، شينجياڭنىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى. ول بىلاي دەپ اتاپ كورسەتتى: شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ورىنعا يە، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ كەلەلى جاعدايىنا سايادى. پارتيا ورتالىق كوميتەتىنىڭ شينجياڭنىڭ ءتۇرلى قىزمەتتەرى جونىندەگى تالابى ەرەكشە ايقىن، تەتىك جەتە تۇسىنۋدە، تىڭعىلىقتى تياناقتاندىرۋدا، ءارى قازىرگى جاعدايدى تىڭعىلىقتى يگەرىپ، كەزەكتەگى دامۋ، ورنىقتىلىق ءدوپ كەلىپ وتىرعان كورنەكتى ماسەلەلەردى ويداعىداي شەشۋ، ءارى ۇزاق بولاشاقتىق جوسپار جاساپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، ءتۇرلى تەرەڭ قاتپارلى قايشىلىقتار مەن ماسەلەلەردى بەلسەنە شەشۋ كەرەك.
شي جينپيڭ بىلاي دەپ باسا دارىپتەدى: قوعام ورنىقتىلىعىن قورعاۋدى باستان - اياق ماڭداي الدى ورىنعا قويىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ءبىر تۇتاس جوسپارلاپ ۇشتاستىرۋدى كۇشەيتىپ، ورنىقتىلىق ارقىلى دامۋعا شىنايى كەپىلدىك ەتۋ، دامۋ ارقىلى ورنىقتىلىقتى جەبەۋ كەرەك. باياندى تىنىشتىقتى كوزدە ۇستاپ، زاڭمەن باسقارۋ تۋىن بيىك ۇستاپ، زاڭ قارۋىنان ويداعىداي پايدالانىپ، زاڭمەن باسقارۋ دەڭگەيىن جوعارىلاتىپ، ورنىقتىلىقتىڭ زاڭمەن باسقارۋ نەگىزىن بەرىك قالاۋ كەرەك. ەلەۋلى حاۋىپ - قاتەرلەردەن، كومەسكى كىناراتتاردان ساقتانۋ جانە ونى جويۋ مەحانيزمىن كەمەلدەندىرىپ، لاڭكەستىككە قارسى تۇرۋ، بولشەكتەۋشىلىككە قارسى تۇرۋ كۇرەسىن ورىستەتۋ مەن ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋدى ۇشتاستىرىپ، ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋگە، كەشەندى شارا قولدانۋعا تاباندى بولىپ، قاينارىنان جونگە سالۋدى كۇشەيتۋ كەرەك. ءىسلام ءدىنىن جۇڭگوشالاندىرۋدى ىشكەرىلەي ىلگەرىلەتىپ، ءتۇرلى زاڭسىز ءدىني قيمىلداردى ءونىمدى باسقارۋ كەرەك. تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن ويلاپ، ءتۇرلى قىزمەتتەردى ەگجەي - تەگجەيلى، تىڭعىلىقتى يگەرىپ، وڭايلىقپەن كەلمەگەن قوعام ورنىقتىلىعى جاعدايىن بەكەمدەۋ كەرەك.
شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ءارى ۇلتتار وڭىرلەرىنىڭ ءتۇرلى قىزمەتتەرىنىڭ نەگىزگى جەلىسى. جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن تىڭعىلىقتى يگەرۋ كەرەك. مەيلى زاڭ، زاڭدىق ەرەجە، الدە ساياسات - شارا شىعارۋدا بولسىن، بارلىعىندا جۇڭحۋا ۇلتىنىڭ ورتاقتىق سيپاتىن كۇشەيتۋگە، جۇڭحۋا ۇلتى ورتاق تۇلعا تانىمىن نىعايتۋعا پايدالى ما، جوق پا دەگەندى ماڭداي الدى ورىنعا قويىپ ويلاسۋ كەرەك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن تاباندىلىقپەن جۇرگىزىپ، بۇقارانىڭ مەملەكەتتە ءبىر تۇتاس قولدانىلاتىن ءتىل - جازۋدى قولدانۋ تانىمى مەن قابىلەتىن بىرتىندەپ جوعارىلاتۋ كەرەك. مادەني ەسكەرتكىشتەر مەن مادەنيەت مۇرالارىن قورعاۋدى، پايدالانۋدى كۇشەيتىپ، كادرلار مەن بۇقارانى دۇرىس مەملەكەت كوزقاراسىن، ۇلت كوزقاراسىن، تاريح كوزقاراسىن، ءدىن كوزقاراسىن ورناتۋعا جەتەكتەۋ كەرەك. جاستار مەن ورەندەرگە وسى زامانعى وركەنيەت تاربيەسىن، عىلىم جالپىلاستىرۋ تاربيەسىن كۇشەيتىپ، ولاردى وسى زامانعى وركەنيەتتى تۇرمىسقا بەلسەنە توعىسۋعا جەتەكتەۋ كەرەك. ادامدى وزەك ەتكەن جاڭاشا قالا - قالاشىقتاندىرۋدى بەلسەنە ىلگەرىلەتىپ، جان سانى مەن كاسىپ سالاسىنىڭ شوعىرلانۋ دەڭگەيىن جوعارىلاتىپ، كىرىكپەلى قوعامدىق قۇرىلىم مەن الەۋمەتتىك اۋماق ورتاسىن جەدەل قۇرىپ، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋ كەرەك.
شي جينپيڭ بىلاي دەپ باسا دارىپتەدى: جاڭا دامۋ ارناسىن قالىپتاستىرۋدا، جوعارى ساپالى دامۋدى جەبەۋدە، جۇڭگو ۇلگىسىندەگى وسىزامانداندىرۋدى جەبەۋدە شينجياڭ جاڭا ورايعا ءدوپ كەلدى، جاڭا ىسكەرلىك كورسەتۋ كەرەك. بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، عىلىم - تەحنيكادا جاڭالىق اشۋدى كۇش سالا ىلگەرىلەتىپ، ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، جاڭادان گۇلدەنگەن كاسىپ سالالارىن بەلسەنە دامىتىپ، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرىپ، شينجياڭنىڭ جوعارى ساپالى دامۋ ارناسىنا قادام تاستاۋىن ىلگەرىلەتىپ، بۇكىل ەلمەن بىرگە جاپپاي سوتسياليستىك وسىزاماندانعان مەملەكەت قۇرۋ كەرەك. شينجياڭنىڭ قوعام ورنىقتىلىعى مەن جوعارى ساپالى دامۋىن جۇزەگە اسىرۋدىڭ ەڭ جاپالى مىندەتى اۋىل - قىستاقتا. كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى، اۋىل - قىستاقتى گۇلدەندىرۋدى ىلگەرىلەتۋدى دامۋدىڭ ماڭىزدى تۇتقاسى ەتىپ، ەكونوميكانى دامىتۋ جانە حالىق تۇرمىسىن جاقسارتۋ قىزمەتى تەبىنىن ارتتىرىپ، سۋ يگىلىگى قۇرىلعى قۇرىلىسىن جانە سۋ بايلىعىن ساپالى ۇلەستىرۋدى كۇشەيتىپ، وسى زامانعى اۋىل شارۋاشىلىعىن جانە فوتوۆولت سياقتى كاسىپ سالاسى باقشا رايونىن بەلسەنە دامىتىپ، بايلىق ارتىقشىلىعىنا ساي، دامۋدىڭ جاڭا ارتۋ ۇيەگىن جەتىلدىرۋ كەرەك. باعىتتامالى كومەكتەسۋ قىزمەتىن ويداعىداي ىستەپ، شينجياڭنىڭ ىشكى وڭىرلەرمەن كاسىپ سالاسى سەلبەستىگىن، ادامداردىڭ بارىس - كەلىسىن كۇشەيتىپ، شينجياڭ بۇقاراسىن ىشكى وڭىرلەرگە بارىپ جۇمىستانۋعا شابىتتاندىرۋ جانە جەتەكتەۋ، ىشكى وڭىرلەردەگى حالىقتىڭ شينجياڭعا كەلىپ شارۋاشىلىق قۇرۋىنا، قونىستانۋىنا شابىت بەرۋ جانە قولداۋ كورسەتۋ كەرەك. شينجياڭنىڭ وزگەشە وڭىرلىك ورىن باسىمدىعىن ساۋلەلەندىرىپ، جاڭا دامۋ ارناسىنا بەلسەنە قىزمەت وتەپ جانە توعىسىپ، سىرتقا ەسىك اشۋ قىزمەتىن ءىس جۇزىندىكتى تياناق ەتە وتىرىپ ويداعىداي يگەرىپ، ”ءبىر بەلدەۋ، ءبىر جول“ وزەكتى رايونى قۇرىلىسىن تەزدەتىپ، شينجياڭدى ەلىمىزدىڭ باتىسقا ەسىك اشۋداعى الدىڭعى شەبىنە اينالدىرۋ كەرەك.
شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋدە قىزمەت كۇشىن تومەنگە تۇسىرۋگە تاباندى بولۋ كەرەك، پارتيا مۇشەلەرى، كادرلار نەگىزگى ساتىعا ىشكەرىلەي بارۋى، بۇقارامەن ىشكەرىلەي ارالاسۋى كەرەك، ۇيىمدىق جۇيە مەن قىزمەت كۇشتەرى نەگىزگى ساتىعا تىكە جەتىپ، نەگىزگى ساتىنىڭ ءبىرىنشى شەپ كۇشىن تولىقتىرۋى كەرەك. نەگىزگى ساتى پارتيا ۇيىمىن كۇشەيتىپ قۇرىپ، نەگىزگى ساتى پارتيا ۇيىمدارىنىڭ تۇتاس قامتۋىن جۇزەگە اسىرىپ، ءىشىنارا نەگىزگى ساتى پارتيا ۇيىمىنىڭ ءالسىز، بىتىراڭقى بولۋ ماسەلەسىن شەشۋ كەرەك. ءتۇيىندى اۋىل - قىستاقتارعا ءبىرىنشى شۋجيدى جانە قىزمەت اترەتىن تاڭداپ جىبەرۋ ءتۇزىمىن ساپالىلاندىرىپ، قىستاقتا تۇراتىن قىزمەت اترەتىن جىبەرىپ، جەرگىلىكتى ورىنداعى كادرلاردى باۋلۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، بۇقارانىڭ تالاپ - تىلەكتەرىن دالمە - ءدال يگەرىپ، نەگىزگى ساتى بۇقاراسىنىڭ قيىنشىلىعى مەن قايشىلىعىن دەر كەزىندە شەشۋ كەرەك.
شي جينپيڭ بىلاي دەپ باسا دارىپتەدى: ۇنامدى جاقتان ۇگىتتەۋدى كۇشەيتىپ، شينجياڭنىڭ اشىق، سەنىمدى جاڭا كەلبەتىن، جاڭا بەينەسىن كورسەتىپ، جاڭا داۋىردەگى شينجياڭ حيكاياسىن كوپ ارنامەن، كوپ فورمامەن ويداعىداي بايانداپ، ءتۇرلى شىندىققا جاناسپايتىن قوعامدىق پىكىرگە، ۇنامسىز قوعامدىق پىكىرگە، زياندى سوزدەرگە باعىتتامالى تۇردە تويتارىس بەرۋ كەرەك. شينجياڭنىڭ ساياحاتتى اشۋ تەبىنىن ارتتىرىپ، ەل ءىشى - سىرتىنداعى ساياحاتشىلاردى شينجياڭعا كەلىپ ساياحاتتاۋعا شابىتتاندىرۋ كەرەك.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتى تۇراقتاندىرعان ساياسات - شارالاردى تياناقتاندىرىپ، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋ، ەكونوميكالىق دامۋ، ەكولوگيانى قورعاۋ، ۇلتتار ىنتىماعى، كادر - دارىندىلار سياقتى جاقتاردا توعىسۋ تەبىنىن ارتتىرىپ، بيڭتۋان مەن جەرگىلىكتى ورىننىڭ توعىسا دامۋىن جەدەل ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: شينجياڭ قىزمەتىن ويداعىداي ىستەۋدىڭ تەتىگى پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋدە. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ كەرەك. ءبىرىنشى توپتاعى نەگىزگى تاقىرىپتىق تاربيەنىڭ تابىستى تاجىريبەلەرىن مۇقيات قورىتىندىلاپ، 2 - توپتاعى نەگىزگى تاقىرىپتىق تاربيەنى جوعارى ساپالى ىلگەرىلەتىپ، شينجياڭنىڭ ءىس جۇزىندىگىمەن ۇشتاستىرىپ، كادرلار قوسىنىنىڭ نازاريا ۇيرەنۋىن جانە ساياسات جاعىنان باۋلىنۋىن كۇشەيتىپ، ءار دارەجەلى باسشى كادرلاردىڭ تەكسەرۋ - زەرتتەۋ جۇرگىزۋ، ساياساتتى يگەرۋ، قىزمەتتى ىلگەرىلەتۋ، بۇقارامەن بايلانىس جاساۋ قابىلەتىن جوعارىلاتۋ كەرەك. كادرلار قوسىنىنىڭ ساياسي قۇرىلىسىن كۇشەيتىپ، ساياسي ءتارتىپتى قاتايتىپ، ساياسي تۇرعىنى بەكەمدەۋ كەرەك. شينجياڭنىڭ ورتالىقتاعى مەملەكەت ورگاندارىمەن جانە ىشكى وڭىرلەرمەن كادرلاردى قوس باعىتتا اۋىستىرۋ، مىندەتكە ءىلىپ شىنىقتىرۋ، مىندەتكە تاعايىنداۋدى كۇشەيتىپ، كادرلار قۇرىلىمىن ساپالىلاندىرىپ، ماماندانۋ ساپاسىن جوعارىلاتۋ كەرەك. ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءۇرتىس تەرەڭدەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى.
ۋاڭ ي، شى تايفىڭ، لي گانجيە، حى ۋيدۇڭ، حى ليفىڭ، چىن ۋىنچيڭ، ۋاڭ شياۋحۇڭ جانە نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار مالىمەت بەرۋ ماجىلىسىنە قاتىناستى.
