ورتالىق اسكەري ىستەر كوميتەتى شاڭجياڭ اسكەري شەنىنە ءوسىرۋ سالتىن وتكىزدى

شي جينپيڭ بۇيرىق كۋالىگىن بەردى ءارى شەنى وسىرىلگەن اسكەري قولباسىلاردى قۇتتىقتادى

　　ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 6 - ايدىڭ 28 - كۇنى بەيجيڭ 1 - تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شەن ءوسىرۋ سالتىنا قاتىناستى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن اسكەري قولباسىلارمەن توپتىق سۋرەتكە ءتۇستى.

□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

　　شينحۋا اگەنتتىگىنىڭ 6 - ايدىڭ 28 - كۇنى بەيجيڭنەن بەرگەن حابارى (ءتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 6 - ايدىڭ 28 - كۇنى بەيجيڭ 1 - تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شەن ءوسىرۋ سالتىنا قاتىناستى.

　　تۇستەن كەيىن ساعات 4تەن 30 مينۋت مولشەرىندە شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ءتوراعاسى حى ۋيدۇڭ شەن ءوسىرۋ سالتىن باسقاردى.

　　وسى رەت شاڭجياڭ اسكەري شەنىنە وسىرىلگەن اسكەري قولباسىلار: سولتۇستىك بولىك سوعىس رايونىنىڭ ساياسي كوميسسارى جىڭ شۋان، اسكەري ىستەر عىلىم اكادەمياسىنىڭ ساياسي كوميسسارى ليڭ حۋانشين.

　　شاڭجياڭ اسكەري شەنىنە وسىرىلگەن 2 اسكەري قولباسى كوتەرىڭكى رۋحپەن ءتوراعالار مىنبەسىنىڭ الدىنا كەلدى. شي جينپيڭ ولارعا بۇيرىق كۋالىگىن بەرىپ، قۇتتىقتادى. شاڭجياڭ اسكەري شەنى يىق بەلگىسىن تاققان 2 اسكەري قولباسى شي جينپيڭگە قۇرمەت ءبىلدىردى، سالتقا قاتىناسقان بارلىق جولداسقا قۇرمەت ءبىلدىردى، بۇكىل زالدان قىزۋ قول شاپالاق ءۇنى كوتەرىلدى.

　　شەن ءوسىرۋ سالتى اسقاق ارميا مارشى ءۇنى ىشىندە اياقتادى. وسىدان سوڭ شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن اسكەري قولباسىلارمەن توپتىق سۋرەتكە ءتۇستى.

　　ورتالىق اسكەري ىستەر كوميتەتىنىڭ مۇشەلەرى لي شاڭفۋ، ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار، ت. ب شەن ءوسىرۋ سالتىنا قاتىناستى.