جاڭا ءداۋىردىڭ جاڭا جورىعىندا پارتيا جۇكتەگەن بورىشتى، مىندەتتى شىنايى ارقالاپ، قالىڭ جاستاردى جۇڭگو ۇلگىسىندەگى وسىزامانداندىرۋ قۇرىلىسىندا كوكىرەك كەرە جاۋاپكەرشىلىك ارقالاۋعا تولىق جۇمىلدىرۋ كەرەك

شي جينپيڭ جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندە بىلاي دەپ باسا دارىپتەدى

جاڭا ءداۋىردىڭ جاڭا جورىعىندا پارتيا جۇكتەگەن بورىشتى، مىندەتتى شىنايى ارقالاپ، قالىڭ جاستاردى جۇڭگو ۇلگىسىندەگى وسىزامانداندىرۋ قۇرىلىسىندا كوكىرەك كەرە جاۋاپكەرشىلىك ارقالاۋعا تولىق جۇمىلدىرۋ كەرەك

ساي چي قاتىناستى

　　6 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭنانحايدا وداق ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 26 - كۇنى تۇستەن كەيىن جۇڭنانحايدا جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەستى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا مەن مەملەكەت ىستەرىنىڭ ءۇمىتى جاستاردا. كوممۋنيستىك جاستار وداعى ورتالىق كوميتەتىنىڭ پارتيا ورتالىق كوميتەتىنىڭ تالابىن ىشكەرىلەي دايەكتىلەندىرىپ، جاڭا ءداۋىردىڭ جاڭا جورىعىندا پارتيا جۇكتەگەن بورىشتى، مىندەتتى شىنايى ارقالاپ، تاڭداۋلى ءداستۇردى جالعاستىرىپ، اسقاقتاتىپ، رەفورما جاساۋعا، جاڭالىق اشۋعا تاباندى بولىپ، جاس ۇرپاقتاردى پارتيانىڭ توڭىرەگىنە اناعۇرلىم ويداعىداي ۇيىستىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ جولىندا ۇزدىكسىز كۇرەس جۇرگىزۋىن ءۇمىت ەتەمىن.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ساي چي توپتىق اڭگىمەلەسۋگە قاتىناستى.

　　شي جينپيڭ الدىمەن مىنالاردى ءبىلدىردى: پارتيا 18 - قۇرىلتايىنان بەرى پارتيانىڭ جاستار قىزمەتىندە كەلەلى جەتىستىكتەرگە قول جەتىپ، تەرەڭ وزگەرىستەر تۋىلدى، پارتيانىڭ كوممۋنيستىك جاستار وداعى مەن جاستار قىزمەتىنە باسشىلىعى جاپپاي كۇشەيدى، جاستار وداعىنىڭ تابان تىرەر تياناعى مەن ساياسي رۋحى اناعۇرلىم بەكەمدەلدى، كوممۋنيستىك جاستار وداعى قىزمەتىنىڭ باعىتى، مىندەتى اناعۇرلىم ايقىندالدى، جاستار وداعى ۇيىمىنىڭ ساياسي سيپاتى، العاباسارلىق سيپاتى، بۇقارالىق سيپاتى اناعۇرلىم كورنەكتىلەندى، وداق كادرلارىنىڭ يدەيالىق ستيلى، قىزمەت ستيلى، تۇرمىس ستيلى اناعۇرلىم بەلسەندى، اقاۋسىز، العاباسار بولىپ، قالىڭ جاستار قاۋىمى اراسىنداعى وبرازى شىت جاڭا بەينەگە ەندى. وتكەن 5 جىلدا كوممۋنيستىك جاستار وداعى جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، جاڭا تيپتى ايدارشا ۆيرۋس ىندەتىنە قارسى اتتانۋ سياقتى كەلەلى مىندەتتەر توڭىرەگىندە قالىڭ وداق مۇشەلەرى مەن جاستاردى بەلسەندىلىكپەن ات سالىسۋعا، باتىلدىقپەن اۋىر جۇك ارقالاۋعا، اتويلاپ الدا جۇرۋگە ۇيىمداستىرىپ، جاڭا داۋىردەگى جۇڭگو جاستارىنىڭ باتىلدىعى مەن جاۋاپكەرشىلىك ارقالاۋىن ايگىلەدى. پارتيا ورتالىق كوميتەتى كوممۋنيستىك جاستار وداعى مەن قالىڭ جاستارعا تولىق سەنىم ارتادى.

　　شي جينپيڭ بىلاي دەپ اتاپ كورسەتتى: پارتيا ورتالىق كوميتەتى جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنا ۇلكەن ءۇمىت ارتادى. سىزدەردىڭ ءوز قۇرىلىستارىڭىزدى كۇشەيتىپ، ۇلگىلىك، باستاماشىلدىق رولدارىڭىزدى ويداعىداي ساۋلەلەندىرىپ، كوممۋنيستىك جاستار وداعى ىستەرىنىڭ جانە جاستار قىزمەتىنىڭ جاڭا دا اناعۇرلىم زور دامۋدى جۇزەگە اسىرۋىن ىلگەرىلەتۋلەرىڭىزدى ءۇمىت ەتەمىن.

　　شي جينپيڭ بىلاي دەپ باسا دارىپتەدى: پارتيانىڭ وزەكتى مىندەتىن جۇڭگو جاستار قوزعالىسى مەن جاستار قىزمەتىنىڭ نەگىزگى تاقىرىبى جانە باعىتى ەتۋ − جۇڭگو جاستار قوزعالىسىنىڭ جانە جاستار قىزمەتىنىڭ ءجۇز جىلدان استام ۋاقىتتان بەرگى نەگىزگى تاجىريبەسى. كوممۋنيستىك جاستار وداعى پارتيانىڭ قولعاناتى جانە زاپاس كۇشى رەتىندە، ءسوز جوق، پارتيا 20 - قۇرىلتايى تۇراقتاندىرعان جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن مىقتاپ ارقاۋ ەتە وتىرىپ قىزمەت ورىستەتۋى، باعداردى يگەرۋى، قايراتتانا ءىس تىندىرۋى كەرەك. مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ايبىندى نىساناسىن جۇزەگە اسىرۋ قالىڭ جاستاردى قامتىعان بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەتپەن ىنتىماقتاسىپ، بار كۇشىن سالىپ، ۇزدىكسىز كەزەڭ اسىپ، كەدەرگىلەردەن ءوتىپ، قيىندىقتاردان قامال الۋىن قاجەت ەتەدى. كوممۋنيستىك جاستار وداعى جاڭا داۋىردەگى جاستار قىزمەتىنىڭ نەگىزگى تاقىرىبىن مىقتى يگەرىپ، جاستاردى ەڭ كەڭ كولەمدە ىنتىماقتاستىرىپ، ۇيىمداستىرىپ، جۇمىلدىرىپ، قالىڭ جاستاردى تاريحي جاۋاپكەرشىلىك سەزىمدى جانە بورىشتىلىق سەزىمدى كۇشەيتۋگە، قۇدىرەتتى مەملەكەت قۇرۋدا مەن بارمىن دەيتىن اسقاق جاستىق سەزىمدى قاۋلاتۋعا، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ىسىندە باتىلدىقپەن اتويشى قوسىن، ەكپىندىلەر قوسىنى بولۋعا ىنتالاندىرۋى كەرەك.

　　شي جينپيڭ بىلاي دەپ اتاپ كورسەتتى: قالىڭ جاستارعا ساياسي جاقتان جەتەكشىلىك ەتۋدى بارىنشا كۇشەيتۋ كەرەك. جاستار مۇراتتى، جاۋاپكەرشىلىك ارقالاۋعا باتىل، جاپاعا شىدامدى، كۇرەس جۇرگىزۋگە پەيىل بولعاندا عانا، جۇڭگو جاستارىندا قايرات بولادى، سوندا عانا پارتيا مەن مەملەكەت ىستەرىنىڭ دامۋى ۇمىتكە تولى بولادى. قالىڭ جاستارعا مۇرات - سەنىم تاربيەسىن كۇشەيتىپ، قالىڭ جاستاردى كوممۋنيزم ۇلى مۇراتىن ورناتىپ، جۇڭگوشا سوتسياليزم ورتاق مۇراتىن بەكەمدەپ، پارتيانىڭ سوزىنە قۇلاق اسۋ، پارتياعا ىلەسۋ ساياسي سەنىمىن بەكەمدەپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تاريحي ۇردىسىندە دۇرىس ءومىر نىساناسىن ورناتىپ، ومىرلىك كۇرەس جۇرگىزۋگە نەگىز قالاۋعا جەتەكتەۋ كەرەك. كوممۋنيستىك جاستار وداعى قالىڭ وداق مۇشەلەرى مەن جاستارعا ساياسي جاقتان جەتەكشىلىك ەتۋدى كۇشەيتۋدى ماڭداي الدى ورىنعا قويىپ، سوتسياليزمنىڭ قۇرۋشىلارى مەن ءىزباسارلارىن كۇش سالا باۋلىپ، پارتياعا ۇزبەي اقاۋسىز، جالىندى جاڭا قان قۇيىپ وتىرۋى كەرەك. قالىڭ وداق مۇشەلەرى مەن جاستارعا باعىتتالعان نەگىزگى تاقىرىپتىق تاربيەنى ويداعىداي يگەرىپ، وداق مۇشەلەرى مەن جاستاردى جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ءتۇسىنىپ، وسى عىلمي يدەيانىڭ دۇنيەگە كوزقاراسىن جانە ادىستەمەسىن قۇلشىنا يگەرىپ، وعان سىڭىرىلگەن تۇرعىنى، كوزقاراستى، ءادىستى شەبەرلىكپەن قولدانا وتىرىپ ماسەلەگە تالداۋ جاساۋعا، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن ءتۇسىنۋ قابىلەتىن جوعارىلاتۋعا جەتەكتەۋ كەرەك.

　　شي جينپيڭ بىلاي دەپ باسا دارىپتەدى: كوممۋنيستىك جاستار وداعى وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، مەملەكەتتىڭ كەلەلى ستراتەگياسىمەن جانە كەلەلى مىندەتتەرىمەن ىرىقتىلىقپەن ءتۇيىلىسۋى، قالىڭ جاستاردى ءوز قىزمەت ورنىن تياناق ەتىپ، جۇڭگو ۇلگىسىندەگى وسىزامانداندىرۋ قۇرىلىسىنا بەلسەندىلىكپەن ات سالىسۋعا، عىلىم - تەحنيكادا جاڭالىق اشۋ، اۋىل - قىستاقتى گۇلدەندىرۋ، جاسىل دامۋ، قوعامدىق قىزمەت وتەۋ، وتاندى قورعاپ، شەكارانى كۇزەتۋ سياقتى ءار سالالى، ءار جاقتى قىزمەتتەردە اتويشى جانە جالىندى قوسىن بولىپ، جاستىق ورالدىڭ جالىنى مەن جىگەرىن ايگىلەۋگە ۇيىمداستىرۋى، جۇمىلدىرۋى كەرەك.

　　شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ باسقارۋ تالابىنا ۇيلەسىپ، ماسەلەنى باعدار ەتۋگە تاباندى بولىپ، باتىلدىقپەن پىشاقتىڭ ءدۇزىن ىشكە قاراتىپ، جاستار وداعى رەفورماسىنىڭ تەرەڭگە بويلاۋىن ىلگەرىلەتىپ، جاستار وداعىن جاپپاي قاتاڭ باسقارىپ جانە جونگە سالىپ، جۇڭگوشا سوتسياليستىك بۇقارالىق ۇيىمداردىڭ دامۋ جولىمەن جازباي ويداعىداي ءجۇرىپ، ساياسي سيپاتتى، العاباسارلىق سيپاتتى، بۇقارالىق سيپاتتى ۇزدىكسىز ساقتاپ جانە كۇشەيتىپ، وداق ۇيىمىنىڭ جەتەكشىلىك قابىلەتىن، ۇيىمداستىرۋ قابىلەتىن، قىزمەت وتەۋ قابىلەتىن ۇزدىكسىز جوعارىلاتۋ كەرەك. نەگىزگى ساتىنى بەكەمدەۋ سىندى ايقىن بەتالىسقا تاباندى بولىپ، وداق ۇيىمىنىڭ قامتۋ كولەمىن ۇزدىكسىز كەڭەيتىپ، جاستار قاۋىمىنىڭ قىزمەت قابىلەتىن جوعارىلاتۋ كەرەك. قالىڭ وداق كادرلارى پارتيا ءۇشىن جاستار قىزمەتىن ىستەيتىن قىمباتتى ورايدى بارىنشا قاستەرلەپ، ساياسي قابىلەتىن، نازاريالىق جەتىلىمىن، بۇقارالىق قىزمەت قابىلەتىن ۇزدىكسىز جوعارىلاتىپ، ءوز قىزمەتىن بار زەيىنىمەن دەن قويا ويداعىداي ىستەپ، شىنايى، ناقتى قىزمەت ناتيجەسى ارقىلى پارتيانىڭ سەنىمىنە، قوعامنىڭ قۇرمەتىنە، جاستاردىڭ القاۋىنا يە بولۋى كەرەك.

　　شي جينپيڭ سوڭىندا بىلاي دەپ اتاپ كورسەتتى: ءار دارەجەلى پارتكومدار (پارتيا باسشىلىق گرۋپپاسى) پارتيانىڭ جاستار قىزمەتىن باسقارۋ پرينسيبىنە تاباندى بولىپ، كوممۋنيستىك جاستار وداعى قىزمەتىنە باسشىلىقتى جانە قولداۋدى كۇشەيتىپ، پارتيانىڭ باسشىلىعىندا ءارقايسى تاراۋ جاستاردى دامىتۋ ءىسىن جۇمىلا يگەرىپ، بىرگە باسقارىلاتىن قىزمەت ارناسىن ورناتىپ جانە كەمەلدەندىرىپ، كوممۋنيستىك جاستار وداعىنىڭ قىزمەتتى جاسامپازدىقپەن ورىستەتۋىنە قولداۋ كورسەتۋى كەرەك. ءار دارەجەلى باسشى كادرلار ىقىلاس پەيىلدەرىن توگە وتىرىپ جاس دوستاردىڭ سىرلاسى، جاستار قاۋىمىنىڭ جول باستاۋشىسى بولۋى كەرەك.

　　ماجىلىستە كوممۋنيستىك جاستار وداعى 19 - كەزەكتى ورتالىق كوميتەتى شۋجيچۋىنىڭ ءبىرىنشى شۋجيى ا دۇڭ كوممۋنيستىك جاستار وداعى مەملەكەتتىك 19 - قۇرىلتايىنىڭ جانە 19 - كەزەكتى ورتالىق كوميتەتى ءبىرىنشى جالپى ءماجىلىسىنىڭ اشىلۋ جاعدايى، سونداي - اق پارتيا ورتالىق كوميتەتىنىڭ رۋحىن دايەكتىلەندىرۋگە، تياناقتاندىرۋعا قاتىستى ويلارى جونىندە مالىمەت بەردى، جاستار وداعى ورتالىق كوميتەتى شۋجيچۋىنىڭ شۋجيلەرى شۇي شياۋ، ۋاڭ ي، حۋ بايجيڭ، حۋ شىڭ، ءشاپحات وشۇر، يۇي جيڭدار جەكە - جەكە لەبىز ءبىلدىردى.

　　شى تايفىڭ، لي گانجيە، لي شۋلەي، چىن ۋىنچيڭ، ليۋ جينگو، ۋاڭ شياۋحۇڭ اڭگىمەلەسۋگە قاتىناستى.