شي جينپيڭ ىشكى موڭعۇلدىڭ باياننورىندا قىزمەت تەكسەردى ءارى شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
بورىشتى تايسالماي ارقالاپ، جاپا - ماشاقاتتان قورىقپاي، ۇزدىكسىز قاجىماي كۇش سالىپ، جاڭا داۋىردەگى جۇڭگونىڭ قۇمايتتانۋدان ساقتانۋداعى، قۇمدى تىزگىندەۋدەگى جاڭا كەرەمەتىن قۇلشىنا جاراتۋ كەرەك
ساي چي قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى
6 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدىڭ باياننورىندا شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
6 - ايدىڭ 5 - كۇنىنەن 6 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدىڭ باياننورىندا قىزمەت تەكسەردى ءارى شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 6 - ايدىڭ 6 - كۇنى تۇستەن بۇرىن شي جينپيڭ لينحى رايونىنىڭ مەملەكەت مەنشىگىندەگى شينحۋا ورمان الاڭىندا قىزمەت تەكسەرۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 6 - ايدىڭ 6 - كۇنى ىشكى موڭعۇلدىڭ باياننورىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ىشكى موڭعۇل اۆتونوميالى رايونىنىڭ باياننور قالاسىندا قىزمەت تەكسەردى، شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ، ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىشكەرىلەي ىلگەرىلەتۋ ەلىمىزدىڭ ەكولوگيالىق حاۋىپسىزدىگىنە سايادى، مەملەكەتتى قۇدىرەتتەندىرۋ قۇرىلىسىنا سايادى، جۇڭحۋا ۇلتىنىڭ توقتاۋسىز دامۋىنا سايادى، ول قازىر ەڭبەك ءسىڭىرىپ، بولاشاقتا يگىلىگىن كورەتىن وسكەلەڭ ءىس. بورىشتى تايسالماي ارقالاپ، جاپا - ماشاقاتتان قورىقپاي، ۇزدىكسىز قاجىماي كۇش سالىپ، جاڭا داۋىردەگى جۇڭگونىڭ قۇمايتتانۋدان ساقتانۋداعى، قۇمدى تىزگىندەۋدەگى جاڭا كەرەمەتىن قۇلشىنا جاراتىپ، وتانىمىزدىڭ سولتۇستىك وڭىرىندەگى وسى 10 مىڭ شاقىرىمدىق جاسىل قالتقىنى اناعۇرلىم بەكەم ورناتىپ، كورىكتى جۇڭگو قۇرۋدا اناعۇرلىم زور تابىسقا قول جەتكىزۋ كەرەك.
6 - ايدىڭ 5 - كۇنىنەن 6 - كۇنىنە دەيىن شي جينپيڭ ىشكى موڭعۇل اۆتونوميالى رايوندىق پارتكومنىڭ شۋجيى سۇن شاۋچىڭنىڭ، اۆتونوميالى رايوندىق حالىق ۇكىمەتىنىڭ ءتوراعاسى ۋاڭ ليشيانىڭ سەرىك بولۋىندا باياننور قالاسىنداعى جاراتىلىستىق قورىق، وسى زامانعى اۋىل شارۋاشىلىعىنان ۇلگى كورسەتۋ باقشا رايونى، ورمان الاڭى، سۋ يگىلىگى تاراۋى سياقتىلاردى ىشكەرىلەي ارالاپ تەكسەرۋ - زەرتتەۋ جۇرگىزدى.
حۋاڭحى وزەنىنىڭ ”تاعا فورمالى ءيىنىنىڭ“ باس جاعىنا ورنالاسقان ۇلانسۇحا − حۋاڭحى وزەنى الابىنداعى ەڭ ۇلكەن كول سازدىعى، حۋاڭحى وزەنىنىڭ سۋ مولشەرىن تەڭگەرۋ، سۋ ساپاسىن جاقسارتۋ، سەڭنەن ساقتانۋ، تاسقىننان ساقتانۋ سياقتى ماڭىزدى رول اتقاراتىن، ەلىمىزدىڭ سولتۇستىگىندەگى كوپتەگەن ەكولوگيالىق يقۋات توعىسقان ءوڭىر، بەيجيڭ − تيانجيننىڭ قۇمدى بوران قاينارىن تىزگىندەيتىن تابيعي ەكولوگيالىق قالتقى. 6 - ايدىڭ 5 - كۇنى تۇستەن كەيىن شي جينپيڭ وسى اراعا كەلىپ، جەرگىلىكتى ورىننىڭ تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋعا جانە جۇيەلى وڭاۋعا تاباندى بولۋى، ەكولوگيالىق ورتانى قالپىنا كەلتىرۋدى جەبەۋى سياقتى جاعدايلاردى ۇعىسىپ، ۇلانسۇحانىڭ جاراتىلىستىق بەت - بەينەسىن جانە توڭىرەگىنىڭ ەكولوگيالىق ورتاسىن كوردى. شي جينپيڭ بىلاي دەپ باسا دارىپتەدى: ۇلانسۇحا الابىن ويداعىداي وڭاۋ ەلىمىزدىڭ سولتۇستىگىنىڭ ەكولوگيالىق حاۋىپسىزدىگىن قامتاماسىز ەتۋ جونىنەن اسا ماڭىزدى مانگە يە. ۇلانسۇحانى وڭاۋ مەن قورعاۋدىڭ بەتالىسى ايقىن، مۇقيات وڭاپ، كوڭىل قويا قورعاپ، باستان - اياق جالعاستىرىپ، ۇزدىكسىز قاجىماي كۇش سالىپ، وسى ”شەكاراداعى مەرۋەرتتى“ ويداعىداي قورعاپ، ۇرپاقتارعا تاۋى مانات، سۋى تۇنىق، اۋاسى تازا كورىكتى مەكەن قالدىرۋ كەرەك.
وسىدان سوڭ شي جينپيڭ ۇلانسۇحانىڭ وڭتۇستىك جاعالاۋىنا ورنالاسقان وسى زامانعى اۋىل شارۋاشىلىعىنان ۇلگى كورسەتۋ باقشا رايونىنا بارىپ، توپىراق، تۇقىم ۇلگىسى سياقتىلاردىڭ كورمەلىك ۇلگىلەرىن كورىپ، جەرگىلىكتى ورىننىڭ سورتاڭ، قۇمايت، شولەيت جەرلەردى قۇنارلاندىرۋىن، وزگەرتۋىن جانە ودان كەشەندى پايدالانۋىن، عىلمي سۋارۋدى ىلگەرىلەتۋىن، وسى زامانعى اۋىل شارۋاشىلىعىن جالپىلاستىرۋىن تۇراقتاندىردى. شي جينپيڭ اتىز باسىنا بارىپ، ءبيدايدىڭ، اشتى بۇرىشتىڭ ءوسۋ جاعدايىن تاپتەشتەي كورىپ، سول ورىنداعى اۋىل شارۋاشىلىق تەحنيكتەرىنەن جوعارى ولشەمدى ەگىنجاي قۇرىلىسى جاعدايىن ۇعىستى. ول بىلاي دەپ اتاپ كورسەتتى: ۇلگى كورسەتۋ باقشا رايونى وسى زامانعى اۋىل شارۋاشىلىعىن جالپىلاستىرۋ جاعىندا رولىن شىن مانىندە ساۋلەلەندىرىپ، ۇزدىكسىز ىزدەنىس جاساپ، وسى اراعا ۇيلەسەتىن تۇقىم، تەحنيكا جانە ەگىن سالۋ ءتاسىلىن تاۋىپ شىعىپ، وزىندىك قۇندى تومەندەتىپ، ونىمدىلىكتى جوعارىلاتىپ، كوشىرۋگە، جالپىلاستىرۋعا بولاتىن تاجىريبە قالىپتاستىرۋ كەرەك. حىتاۋ رايونىنىڭ شارت - جاعدايى تاماشا، سۋ تاپشى بولماسا دا سۋ بايلىعىن ۇنەمدەپ، وسى زامانعى جوعارى ءونىمدى اۋىل شارۋاشىلىعىن جانە سۋ ۇنەمدەۋ كاسىپ سالاسىن بار كۇشپەن دامىتۋ كەرەك، مول سۋمەن كولكىتىپ سۋارۋعا بولمايدى. جالپى العاندا، ىشكى موڭعۇلدىڭ جايلىمى تۇياق كەستى بولىپتى، تىنىقتىرىپ جەتىلدىرۋگە كوڭىل ءبولۋ كەرەك.
6 - ايدىڭ 6 - كۇنى تۇستەن بۇرىن شي جينپيڭ لينحى رايونىنداعى مەملەكەت مەنشىگىندەگى شينحۋا ورمان الاڭىنا بارىپ، ”ءۇش تەرىستىك“ ىقتاسىن ورمان جۇيەسى ينجەنەريا قۇرىلىسى جاعدايىن ۇعىستى. 1978 - جىلدان باستاپ بۇل ورمان الاڭى ەگىستىك جەردىڭ سورتاڭدانۋىنان تۋىلعان جەردىڭ قۇمايتتانۋ ماسەلەسىن كۇش سالا وڭاپ، جالپى 39 مىڭ مۋ جەرگە ورمان ءوسىردى. ورمان الاڭىندا شي جينپيڭ ىشكى موڭعۇلدىڭ ”ءۇش تەرىستىك“ ينجەنەريا قۇرىلىسى جانە ورمان الاڭىنىڭ قۇمايتتانۋدى تىزگىندەپ، ورمان ءوسىرۋ جاعدايىنان جاساعان تانىستىرۋىن تىڭدادى ءارى قازىر تىزگىندەپ جاتقان قۇمايت جەرگە بارىپ كوردى. شي جينپيڭ بىلاي دەپ باسا دارىپتەدى: ادامزات اناعۇرلىم جاقسى ءومىر ءسۇرۋ جانە دامۋ ءۇشىن، ءسوز جوق، قۇمايتتانۋدان ساقتانۋ، قۇمدى تىزگىندەۋ كەرەك. بۇل تاستى دومالاتىپ تاۋعا شىعۋ بارىسى سانالادى، انتەك بوساڭسىپ قالساق، قايتالايتىن جاعداي جارىققا شىعادى. ”ءۇش تەرىستىك“ ىقتاسىن ورمان جۇيەسى قۇرىلىسى سياقتى وسىنداي كەلەلى ەكولوگيالىق ينجەنەريا تەك جۇڭگو كوممۋنيستىك پارتياسىنىڭ باسشىلىعىندا عانا ورىندالادى. ءۇش تەرىستىك ءوڭىرىنىڭ ەكولوگياسى ەرەكشە ءالسىز، قۇمايتتانۋدان ساقتانۋ، قۇمدى تىزگىندەۋ − ۇزاق ۋاقىتتىق تاريحي مىندەت، ءبىز، ءسوز جوق، وسى قىزمەتتى ءۇرتىس ويداعىداي يگەرۋىمىز، اتا - بابالارىمىز بەن ۇرپاقتارىمىزعا ۇياتتى بولماۋىمىز كەرەك. ورمان الاڭىنىڭ قىزمەتى وتە جاپالى ءارى وتە ءونىمدى ەكەن، ونى ۇزدىكسىز ويداعىداي ىستەۋىمىز كەرەك. عىلمي زەرتتەۋ قىزمەتكەرلەرى ديسسەرتاتسيانى بايتاق دالادا جازىپ، اماليات بارىسىندا قالىپتاستىرعان ناعىز ءبىلىمدى ديسسەرتاتسياعا اينالدىرىپ، پارتيا مەن حالىق قاجەت ەتەتىن ناعىز دوكتور، ناعىز مامان بولۋى كەرەك.
شي جينپيڭ وسىدان كەيىن حىتاۋ سۋارمالى رايونىنىڭ سۋ مولشەرىن ينفورماتسيالاندىرۋ، باقىلاۋ - ولشەۋ ورتالىعىنا كەلىپ قىزمەت تەكسەردى. حىتاۋ سۋارمالى رايونى ەلىمىزدەگى 3 ەرەكشە كولەمدى سۋارمالى رايونداردىڭ ءبىرى، قازىر كەمەلدى 7 - دارەجەلى سۋارۋ، سۋ ىعىستىرۋ جۇيەسىن قالىپتاستىردى. شي جينپيڭ قۇم نۇسقا، ەكرانمەن بىرلەستىرىپ، جەرگىلىكتى ورىننىڭ ينفورماتسيالاندىرۋ شاراسىنان پايدالانىپ، حىتاۋ سۋارمالى رايونىن ەگجەي - تەگجەيلىلەندىرە باسقارۋ دەڭگەيىن جوعارىلاتۋ، سۋ بايلىعىنان جاسىل، جوعارى ءونىمدى پايدالانۋدى جەبەۋ سياقتى جاعدايلاردان جاساعان تانىستىرۋىن تىڭدادى. شي جينپيڭ بىلاي دەپ باسا دارىپتەدى: حىتاۋ سۋارمالى رايون ينجەنەرياسى سان عاسىرلىق نەگىزدىك كاسىپ، وتە زور كۇش جۇمسالدى، تاتىرلىق جۇمىس. ۇزدىكسىز كەمەلدەندىرىپ، دارەجەسىن ءوسىرىپ، عىلمي سۋ ءبولۋ، جىبەرۋ دەڭگەيىن جوعارىلاتۋ كەرەك. سونىمەن بىرگە شاماعا قاراي شىعىم ەتىپ، كوپ نەگىزدەنگەن ۇسىنىلىم مەحانيزمىن ورناتىپ، قوعامدىق كۇشتەردى ات سالىسۋعا مۇمكىندىكتىڭ بارىنشا جۇمىلدىرۋ كەرەك.
6 - ايدىڭ 6 - كۇنى تۇستەن كەيىن شي جينپيڭ باياننور قالاسىندا شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشتى. جاراتىلىستىق بايلىق مينيسترلىگىنىڭ مينيسترى ۋاڭ گۋاڭحۋا، ىشكى موڭعۇل اۆتونوميالى رايوندىق پارتكومنىڭ شۋجيى سۇن شاۋچىڭ، گانسۋ ولكەلىك پارتكومنىڭ شۋجيى حۋ چاڭشىڭ، نيڭشيا حۇيزۋ اۆتونوميالى رايوندىق پارتكومنىڭ شۋجيى لياڭ يانشۇن ىلگەرىندى - كەيىندى ءسوز سويلەدى. مەملەكەتتىك كەڭەستىڭ ورىنباسار زۇڭليى حى ليفىڭ، قاتىستى ولكە، رايوندارداعى جاۋاپتى جولداستار جازباشا ءسوز ماتەريالىن تاپسىردى.
كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: پارتيا ورتالىق كوميتەتى شولەيتتەنۋدەن ساقتانۋ جانە ونى تىزگىندەۋ قىزمەتىنە وسكەلەڭ ءمان بەرىپ، قۇمايتتانۋدان ساقتانۋدى، قۇمدى تىزگىندەۋدى شولەيتتەنۋدەن ساقتانۋ جانە ونى تىزگىندەۋدىڭ باستى مىندەتى ەتىپ، ”ءۇش تەرىستىك“ ىقتاسىن ورمان جۇيەسى ينجەنەرياسى قۇرىلىسى، ەگىستىككە اينالعان ورماندى قالپىنا كەلتىرۋ، ەگىستىك جەردى جايلىمعا اينالدىرۋ، بەيجيڭ − تيانجيننىڭ قۇمدى بوران قاينارىن تىزگىندەۋ سياقتى ءبىر توپ ءتۇيىندى ەكولوگيالىق ينجەنەريالاردى ىركەس - تىركەس اتقاردى. 40 نەشە جىل تىنباي قۇلشىنۋدىڭ ارقاسىندا، ەلىمىزدىڭ قۇمايتتانۋدان ساقتانۋ، قۇمدى تىزگىندەۋ قىزمەتى بۇكىل الەمدى جالت قاراتقان اسا زور تابىسقا قول جەتكىزدى، ءتۇيىندى تىزگىندەۋ وڭىرلەرى ”قۇم باسىپ ادام شەگىنۋدەن“ ”جاسىل جامىلعى كوبەيىپ، قۇم شەگىنۋدەي“ تاريحي سيپاتتى بۇرىلىستى جۇزەگە اسىرىپ، ەكولوگيانى قورعاۋ مەن حالىق تۇرمىسىن جاقسارتۋ ۇتىمدى اينالىسقا قادام باسىپ، شولەيتتەنگەن وڭىرلەردىڭ ەكونوميكالىق، قوعامدىق دامۋىندا جانە ەكولوگيالىق بەت - بەينەسىندە وراسان زور وزگەرىستەر تۋىلدى. شولەيتتەنۋ جانە جەردىڭ قۇمايتتانۋى ”قوس ازايۋدى“ جۇزەگە اسىرىپ، قۇمدى بوران اپاتى مەن سۋ مەن توپىراقتىڭ شايىلۋى ءونىمدى تىزگىندەلىپ، قۇمايتتانۋدان ساقتانۋ، قۇمدى تىزگىندەۋ زاڭ، زاڭ ەرەجەلەر جۇيەسى كۇن سايىن اقاۋسىزدانىپ، جاسىلدىق ارقىلى حالىققا تيىمدىلىك جاساۋدىڭ تابىسى كورنەكتىلەنىپ، ”ءۇش تەرىستىك رۋحىن“ سومدادى، ەكولوگيانى تىزگىندەۋدىڭ حالىقارالىق ۇلگىسىن ورناتتى. اماليات پارتيا ورتالىق كوميتەتىنىڭ قۇمايتتانۋدان ساقتانۋ، قۇمدى تىزگىندەۋ، اسىرەسە، ”ءۇش تەرىستىك“ سياقتى ينجەنەريا قۇرىلىستارى جونىندەگى شەشىمدەرىنىڭ ەرەكشە دۇرىس، ەرەكشە كورەگەندىك ەكەندىگىن، ەلىمىزدىڭ جاراتىلىستىق زاڭدىلىققا ۇيلەسەتىن، مەملەكەت جاعدايىنا، جەر جاعدايىنا ۇيلەسەتىن قۇمايتتانۋدان ساقتانۋدىڭ، قۇمدى تىزگىندەۋدىڭ جۇڭگوشا جولىمەن جۇرگەندىگىن دالەلدەدى.
شي جينپيڭ بىلاي دەپ اتاپ كورسەتتى: شولەيتتەنۋ − ادامزاتتىڭ ءومىر ءسۇرۋى مەن دامۋىنا ىقپال جەتكىزەتىن الەمدىك سيپاتتى ەلەۋلى ەكولوگيالىق ماسەلە. ەلىمىز دۇنيە جۇزىندەگى شولەيتتەنۋى ەڭ اۋىر ەلدەردىڭ ءبىرى، شولەيتتەنگەن جەرلەر، باستىسى، ءۇش تەرىستىك وڭىرگە تارالعان، ونىڭ ۇستىنە شولەيتتەنگەن وڭىرلەر ەكونوميكاسى دامىماعان وڭىرلەر، از ۇلتتار شوعىرلى قونىستانعان وڭىرلەر سياقتىلارمەن تىعىز بايلانىسقان. شولەيتتەنۋدەن، قۇمدى بوراننىڭ زيانىنان جانە سۋ مەن توپىراقتىڭ زايا بولۋىنان تۋىلعان ەكولوگيالىق اپاتتار ءۇش تەرىستىك ءوڭىردىڭ ەكونوميكالىق، قوعامدىق دامۋىنا تۇساۋ بولۋدا، جۇڭحۋا ۇلتىنىڭ ءومىر سۇرۋىنە، دامۋىنا سايىس اكەلۋدە. كەزەكتە ەلىمىزدە شولەيتتەنگەن، قۇمايتتانعان جەرلەردى تىزگىندەۋدە ”تۇلعالىق جاقتان جاقسارۋ، جاقسارۋى تەزدەۋ“ سىندى تاماشا جاعداي جارىققا شىققانىمەن، الايدا قۇمايتتانعان جەردىڭ اۋماعى ۇلكەن، تارالۋى كەڭ، دارەجەسى اۋىر، تىزگىندەۋ قيىن بولۋداي نەگىزگى جاعدايدا ءالى دە تۇبىرىنەن وزگەرىس بولعان جوق. وسى 2 جىلدا كليمات وزگەرىسىندەگى قالىپسىزدىقتىڭ اسەرىنە ۇشىراعان ەلىمىزدىڭ سولتۇستىگىندە شاڭ - توزاڭدى اۋا رايىنىڭ رەت سانى كوبەيدى. ناقتى بولمىس ەلىمىزدە شولەيتتەنۋدەن ساقتانۋ - تىزگىندەۋ جانە قۇمايتتانۋدان ساقتانۋ، قۇمدى تىزگىندەۋ قىزمەتىنىڭ ءالى دە قاتاڭ ەكەندىگىن اڭعارتتى. ءبىز قۇمايتتانۋدان ساقتانۋ، قۇمدى تىزگىندەۋ قىزمەتىنىڭ ۇزاق ۋاقىتتىلىعىن، جاپالىلىعىن، قايتالامالىلىعىن جانە تۇراقسىزدىعىن جەتە تانىپ، دەڭگەيدى ونان ارى جوعارىلاتىپ، بورىشتىلىق سەزىم مەن كوكەي تەستىلىك سەزىمدى كۇشەيتۋىمىز كەرەك.
شي جينپيڭ بىلاي دەپ باسا دارىپتەدى: 2021 − 2030 - جىلدارى ”ءۇش تەرىستىك“ ينجەنەرياسى 6 - مەرزىمدىك ينجەنەرياسىنىڭ قۇرىلىس مەزگىلى، قۇمايتتانۋدان ساقتانۋ، قۇمدى تىزگىندەۋ جەتىستىگىن بەكەمدەۋدىڭ، كەڭەيتۋدىڭ شەشۋشى مەزگىلى، ”ءۇش تەرىستىك“ ينجەنەرياسىنىڭ جوعارى ساپالى دامۋىن ىلگەرىلەتۋدىڭ قامال الۋ مەزگىلى. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋعا جانە جۇيەلى وڭاۋعا تاباندى بولىپ، قۇمايتتانۋدان ساقتانۋدى، قۇمدى تىزگىندەۋدى نەگىزگى قامال الۋ بەتالىسى، سولتۇستىك ەكولوگيالىق حاۋىپسىزدىك قالتقىسىن بەرىك ورناتۋدى ءتۇبىرلى نىسانا ەتىپ، جەرگىلىكتى جاعدايعا قاراي ىستەپ، اپات جاعدايىنا قاراي قورعانىس شەبىن قۇرىپ، تۇرگە ايىرىپ شارا اتقارىپ، ءبىر تۇتاس جوسپارلاپ، سايكەستىرۋدى كۇشەيتىپ، ءتۇيىندى تىزگىندەۋدى كورنەكتىلەندىرىپ، ءار جاقتىڭ بەلسەندىلىگىن جۇمىلدىرىپ، 10 جىل شاماسىندا ۋاقىت جۇمساپ، ”ءۇش تەرىستىك“ ينجەنەرياسىنان قامال الۋ شايقاسىن جۇرگىزىپ، ”ءۇش تەرىستىك“ ينجەنەرياسى قۇرىلىسىن سولتۇستىك ءوڭىردىڭ يقۋاتى كەمەلدى، بەرىك جاسىل ۇلى قورعانىنا، ەكولوگيالىق حاۋىپسىزدىك قالتقىسىنا اينالدىرۋعا كۇش سالۋ كەرەك.
شي جينپيڭ بىلاي دەپ اتاپ كورسەتتى: جۇيە كوزقاراسىنا تاباندى بولىپ، تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋدى جانە جۇيەلى وڭاۋدى تىڭعىلىقتى ىلگەرىلەتۋ كەرەك. ورمان، جايلىم، سازدىق، ءشول ەكولوگياسىن قورعاۋدى، قالپىنا كەلتىرۋدى ءبىر تۇتاس جوسپارلاپ، قۇمدى تىزگىندەۋدى، سۋدى تىزگىندەۋدى، تاۋدى تىزگىندەۋدى جالپى فاكتورلى سايكەستىرۋدى جانە باسقارۋدى كۇشەيتىپ، اقاۋسىز، ورنىقتى، يقۋاتى كەمەلدى ورمان، جايلىم، سازدىق، ءشول ەكولوگيالىق جۇيەسىن كۇش سالا جەتىلدىرۋ كەرەك. وڭىرلەردىڭ بىرلەسىپ ساقتانۋىن، بىرلەسىپ تىزگىندەۋىن كۇشەيتىپ، اكىمشىلىك ءوڭىر شەكاراسىن تالقانداپ، قۇمدى ءشول جيەگىن جانە ىشكى الابىن، جەل ءوتى اۋزىن جانە ىقتاسىن اۋزىن، قۇم قاينارى ءوڭىرىن جانە جول ءوڭىرىن ءبىر تۇتاس جوسپارلاپ جوبالاۋدى اتقارىپ، ءتۇيىن، جەلى، اۋماق ۇشتاستىرىلعان ەكولوگيالىق قورعانىس تورابىن قۇرۋ كەرەك. ەگىن، ورمان، مال شارۋاشىلىعىندا جەردەن پايدالانۋ قۇرىلىمىن ساپالىلاندىرىپ، مەملەكەت جەرى كەڭىستىگىن پايدالانۋ ورنىن باسقارۋ - مەڭگەرۋدى قاتاڭ اتقارىپ، قاجەتتى ەكولوگيالىق كەڭىستىكتى جەتكىلىكتى قالدىرىپ، وڭاي - وسپاق قولعا كەلمەگەن جايلىمدى، ورماندى ويداعىداي قورعاۋ كەرەك.
شي جينپيڭ بىلاي دەپ باسا دارىپتەدى: تىزگىندەۋ ءتۇيىنىن كورنەكتىلەندىرىپ، ءۇش ۇلكەن بەلگى سيپاتتى شايقاستى بار كۇشپەن ويداعىداي جۇرگىزۋ كەرەك. حۋاڭحى وزەنىنىڭ ”تاعا فورمالى يىندەگى“ قامال الۋ شايقاسىن بار كۇشپەن ويداعىداي جۇرگىزىپ، ماۋ - ۋسۋ قۇمداۋىتى، كۋبۋچي قۇمدى ءشولى، حىلانشان تاۋى سياقتىلاردى ءتۇيىن ەتىپ، وڭىرلىك سيپاتتى جۇيەلى تىزگىندەۋ نىسانىن جالپى بەتتىك اتقارىپ، قۇمايتتانعان جەرلەردى جونگە سالۋدى جەدەلدەتىپ، حىتاۋ جازىعىنداعى وزەن - كول، سازدىق جانە تابيعي جايلىمدى قورعاپ، قالپىنا كەلتىرىپ، قۇمايتتانۋدان ساقتانۋ، قۇمدى تىزگىندەۋ جانە سۋ قاينارىن ساقتاۋ قابىلەتىن كۇشەيتۋ كەرەك. حورچين، حۇلۇنشارعىنداعى سىندى 2 ۇلكەن قۇمايت جەردى جويۋ شايقاسىن بار كۇشپەن ويداعىداي جۇرگىزىپ، كەلەلى ەكولوگيانى قورعاۋ، قالپىنا كەلتىرۋ ينجەنەرياسى نىسانىن عىلمي ورنالاستىرىپ، جويۋ شايقاسىن كۇشتى شوعىرلاندىرا وتىرىپ جۇرگىزۋ كەرەك. حىشي كاريدورى − تاكلاماكان ءشولى جيەكتىك توسقاۋىل شايقاسىن بار كۇشپەن ويداعىداي جۇرگىزىپ، چيليانشان تاۋى، تيانشان تاۋى، التاي تاۋى، حىلانشان تاۋى، ليۋپانشان تاۋى سياقتى وڭىرلەردىڭ تابيعي ورمان، جايلىم وسىمدىك جامىلعىسىن قورشاپ، تىنىقتىرىپ قورعاۋدى جاپپاي ويداعىداي يگەرىپ، شەگىنگەن ورماندى جانە تۇياق كەستى جايلىمدى قالپىنا كەلتىرۋدى كۇشەيتىپ، قۇم قاينارىنىڭ كەڭەيمەۋىنە شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: قۇمدى عىلمي تىزگىندەۋگە تاباندى بولىپ، ءشول ەكولوگيالىق جۇيەسىنىڭ ساپاسى مەن تۇراقتىلىعىن جالپى بەتتىك جوعارىلاتۋ كەرەك. سۋ بايلىعىنان ۇيلەسىمدى پايدالانىپ، سۋعا قاراي جاسىلدىقتى تۇراقتاندىرۋعا، سۋعا قاراي جەردى تۇراقتاندىرۋعا، سۋعا قاراي ادام سانىن تۇراقتاندىرۋعا، سۋعا قاراي ءوندىرىستى تۇراقتاندىرۋعا تاباندى بولىپ، سۋ بايلىعىن ەڭ ۇلكەن مىزعىماس تەجەم ەتىپ، سۋ ۇنەمدەپ ورماندى، جايلىمدى كۇش سالا دامىتۋ كەرەك. جاسىل جامىلعىنى قالپىنا كەلتىرۋ ۇلگىسىن عىلمي تاڭداپ، ورمان، جايلىم وسىمدىك جامىلعىلارىنىڭ ءتۇرى مەن تىعىزدىعىن ۇيلەسىمدى ورنالاستىرىپ، اعاشتى، بۇتا - بۇرگەندى، ءشوپتى بىرلەستىرۋگە تاباندى بولىپ، جەلدى توسىپ، قۇمدى تۇراقتاندىراتىن ورمان تورى، ورمان بەلدەۋى، سونداي - اق بوراندى توسىپ، قۇمدى تۇراقتاندىراتىن قۇمدى ءشول جيەگىن كومكەرگەن ورمان، جايلىم بەلدەۋى سياقتىلاردى قالىپتاستىرۋ كەرەك. ءونىمدى اتقارىلاتىن تىزگىندەۋ ۇلگىسىن جەرگىلىكتى جاعدايعا قاراي جاساپ، عىلمي جالپىلاستىرۋ، پايدالانۋ كەرەك.
شي جينپيڭ بىلاي دەپ باسا دارىپتەدى: حالىقارالىق اۋىس - كۇيىستى، سەلبەستىكتى كەڭىنەن ورىستەتىپ، «بىرلەسكەن مەملەكەتتەر ۇيىمىنىڭ شولەيتتەنۋدەن ساقتانۋ جانە ونى تىزگىندەۋ شارتىن» اتقارىپ، الەمدىك شولەيتتەنگەن ورتانى تىزگىندەۋگە بەلسەنە ات سالىسىپ، توڭىرەكتەگى ەلدەرمەن سەلبەستىكتى ءتۇيىندى تۇردە كۇشەيتىپ، ”ءبىر بەلدەۋ، ءبىر جولدى“ بىرگە قۇراتىن ەلدەردىڭ شولەيتتەنۋدەن ساقتانۋىنا جانە ونى تىزگىندەۋىنە قولداۋ كورسەتىپ، ءار ەلدى ساياساتتىق تىلدەسۋ مەن ينفورماتسيادان بىرگە يگىلىكتەنىپ، شاڭ - توزاڭ اپاتى اۋا رايىنا بىرگە توتەپ بەرۋگە جەتەكتەۋ كەرەك.
شي جينپيڭ سوڭىندا بىلاي دەپ باسا دارىپتەدى: ”ءۇش تەرىستىك“ ينجەنەرياسىن اتقارۋ − مەملەكەتتىڭ كەلەلى ستراتەگياسى، مۇندا ۇيىمدىق باسشىلىقتى جاپپاي كۇشەيتىپ، ورتالىق ءبىر تۇتاس جوسپارلايتىن، ولكە باس جاۋاپكەرشىلىك ارقالايتىن، قالا، اۋدان تياناقتاندىرۋدى يگەرەتىن قىزمەت مەحانيزمىنە تاباندى بولىپ، ساياسات مەحانيزمىن كەمەلدەندىرىپ، سايكەسۋدى، سەلبەسۋدى كۇشەيتىپ، قاتىستى ءتۇيىندى قىزمەتتەردى ءبىر تۇتاس جوسپارلاپ، جەتەكشىلىك ەتۋ، سايكەستى ىلگەرىلەتۋ كەرەك. ”ءۇش تەرىستىك“ ينجەنەرياسىنا قارجىلىق قولداۋ كورسەتۋ جانە ساياساتتىق تىرەك بولۋ جۇيەسىن اقاۋسىزداندىرىپ، ورنىقتى، باياندى ۇسىنىلىم مەحانيزمىن ورناتۋ كەرەك. ءار دارەجەلى پارتكومدار مەن ۇكىمەتتەر ستراتەگيالىق تاباندىلىقتى ساقتاپ، جوبانى سوڭىنا دەيىن جالعاستىرىپ، ۇلاستىرا كۇش سالا ىستەپ، ”ءۇش تەرىستىك“ سياقتى ءتۇيىندى ينجەنەريا قۇرىلىستارىن تالىقپاي ىلگەرىلەتىپ، ەلىمىزدىڭ سولتۇستىك ەكولوگيالىق حاۋىپسىزدىك قالتقىسىن بەرىك ورناتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى.
لي گانجيە قاتارلىلار قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى، حى ليفىڭ قىزمەت تەكسەرۋدە بىرگە بولدى، ما شيڭرۇي جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، رايوندارداعى جاۋاپتى جولداستار اڭگىمە ماجىلىسىنە قاتىناستى.
