شي جينپيڭ مادەنيەتتى جالعاستىرۋ، دامىتۋ اڭگىمە ماجىلىسىندە بىلاي دەپ باسا دارىپتەدى
جاڭا مادەنيەت بورىشىن ارقالاپ، جۇڭحۋا ۇلتىنىڭ وسى زامانعى وركەنيەتىن قۇلشىنا كوركەيتۋ كەرەك
ساي چي باسقاردى
6 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە مادەنيەتتى جالعاستىرۋ، دامىتۋ اڭگىمە ماجىلىسىنە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
6 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە مادەنيەتتى جالعاستىرۋ، دامىتۋ اڭگىمە ماجىلىسىنە قاتىناستى ءارى ماڭىزدى ءسوز سويلەدى. سۋرەتتە: اڭگىمە ماجىلىسىنەن بۇرىن شي جينپيڭ 6 - ايدىڭ 1 - كۇنى تۇستەن كەيىن جۇڭگو مەملەكەتتىك باسىلىم سارايىندا قىزمەت تەكسەرگەندە لانتاي ۇڭگىرشە قويماسىندا سارايدا ساقتالعان تاڭداۋلى شىعارمالار باسىلىمدارىنىڭ ساقتالۋ جاعدايىن ۇعىسۋدا.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 2 - كۇنى بەيجيڭدە مادەنيەتتى جالعاستىرۋ، دامىتۋ اڭگىمە ماجىلىسىنە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا باستامادا مادەنيەتتى گۇلدەندىرۋدى، مادەنيەتتە قۋاتتى ەل قۇرۋدى، جۇڭحۋا ۇلتىنىڭ وسى زامانعى وركەنيەتىن كوركەيتۋدى ۇزدىكسىز ىلگەرىلەتۋ − ءبىزدىڭ جاڭا داۋىردەگى جاڭا مادەنيەت بورىشىمىز. مادەنيەت سەنىمىن بەكەمدەپ، بورىش ارقالاپ، قايراتتانا ءىس تىندىرىپ، ءبىزدىڭ وسى داۋىرگە ءتان جاڭا مادەنيەتتى بىرگە قۇلشىنا جاراتىپ، جۇڭحۋا ۇلتىنىڭ وسى زامانعى وركەنيەتىن كوركەيتۋ كەرەك.
وسى رەتكى اڭگىمە ءماجىلىسىن ويداعىداي اشۋ ءۇشىن، شي جينپيڭ ىلگەرىندى - كەيىندى جۇڭگو مەملەكەتتىك باسىلىم سارايىندا جانە جۇڭگو تاريح زەرتتەۋ اكادەمياسىندا قىزمەت تەكسەردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي قىزمەت تەكسەرۋدە بىرگە بولدى ءارى اڭگىمە ءماجىلىسىن باسقاردى.
6 - ايدىڭ 1 - كۇنى تۇستەن كەيىن شي جينپيڭ اۆتوكولىكپەن بەيجيڭ قالاسى چاڭپيڭ رايونىنداعى يانشان تاۋىنىڭ باۋرايىنا ورنالاسقان جۇڭگو مەملەكەتتىك باسىلىم سارايىنىڭ ورتالىق باس سارايىنا باردى. جۇڭگو مەملەكەتتىك باسىلىم سارايى نەگىزىنەن مەملەكەتتىڭ باسىلىم بايلىقتارىن جوبالاۋ - سايكەستىرۋ، جاپپاي تەكسەرۋ - جيناۋ، ساقتاۋ - كورمەلەۋ، زەرتتەۋ، اۋىس - كۇيىس جانە ۇگىتتەۋ - پايدالانۋ قىزمەت جاۋاپكەرشىلىگىن ارقالايدى، وندا ورتالىق باس ساراي جانە شي - ان، حاڭجوۋ، گۋاڭجوۋ بولىمشە سارايلارى بار. شي جينپيڭ الدىمەن ۋىنحۋاتاڭعا كىرىپ، باسىلىم سارايىن جوبالاۋعا، سالۋعا قاتىستى جاعدايلار جونىندەگى تانىستىرۋدى تىڭداپ، مەملەكەتتىك كىتاپ ءۇيىن، جۇڭحۋا ەرتە زامانعى وركەنيەت باسىلىم كورمەسىن، جۇڭگو قازىرگى زامانعى باسپادان شىققان تاڭداۋلى شىعارمالار جانە ەرەكشە باسىلىم كورمەسىن ەكسكۋرسيالادى. ۋىنحانگىدا شي جينپيڭ ماركسيزمدى جۇڭگوشالاندىرۋعا، زامانالاندىرۋعا قاتىستى كلاسسيك شىعارمالار باسىلىم كورمەسىن زەر سالا كورىپ، باسىلىمداردى جيناۋعا، رەتتەۋگە قاتىستى جاعدايلاردى ءالسىن - ءالسىن سۇراستىردى ءارى 5 - قاباتتاعى شۋاقحاناعا شىعىپ، باسىلىم سارايىنىڭ جالپى كورىنىسىن بيىكتەن كوردى. سونان سوڭ شي جينپيڭ لانتاي ۇڭگىرشە قويماسىنا بارىپ، ”حانزۋ، زاڭزۋ، موڭعۇل، مانزۋ تىلىندەگى دازاڭجيڭنىڭ ويما باسپا توپتاماسى“ جانە ”«ءتورت قازىنا كىتابى» توپتاماسى“ قويما كورمەسىن ەكسكۋرسيالاپ، سارايدا ساقتالعان تاڭداۋلى شىعارمالار باسىلىمدارىنىڭ ساقتالۋ جاعدايىن ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: مەن جۇڭحۋا وركەنيەتىنىڭ سان وزگەرىستى باستان كەشىرىپ قازىرگە جەتكەن وسى قىمباتتى ارعى زامان كىتاپتارى باسىلىمدارىنا توتەنشە كوڭىل بولەمىن. جۇڭگو مەملەكەتتىك باسىلىم سارايىن سالۋ − مەن ەرەكشە نازار اۋدارعان، تىكەلەي بەكىتكەن نىسان، اۋەلگى ماقسات پەن تۇپكى وي − ءبىزدىڭ وسى تاريحي كەزەڭىمىزدە ەجەلدەن بەرگى جيناپ الۋعا بولاتىن ارعى زامان كىتاپتارىن، ماتەريالدارىن تولىق جيناپ، ويداعىداي قورعاپ، دۇنيە جۇزىندەگى بىردەن - ءبىر ءۇزىلىس جاساماعان وركەنيەتتى ۇزدىكسىز جالعاستىرا ءتۇسۋ. گۇلدەنگەن زاماندا مادەنيەت وركەندەيدى، ءبىزدىڭ وسى داۋىردە مەملەكەت گۇلدەندى، قوعام تىنىش، ورنىقتى بولدى، ۇلت مادەنيەتىن جالعاستىرۋ ارمانىمىز جانە قابىلەتىمىز بار، وسى ءىرى ءىستى ويداعىداي ىستەۋىمىز كەرەك. مەن جۇڭگو مەملەكەتتىك باسىلىم سارايىنىڭ سالىنۋىن جانە باسقارىلۋىن تۇراقتاندىرامىن، وعان ءدان ريزامىن. مەملەكەتتىك باسىلىم سارايىنىڭ باستى مىندەتى جيناۋ - ساقتاۋ، جيناۋ - ساقتاۋدى نەگىزگى كاسىپ ەتىپ، تاريحي ارعى زامان كىتاپتارى باسىلىمدارىن جيناۋدى كۇشەيتىپ، دارەجەگە، تۇرگە ايىرىپ ويداعىداي قورعاۋ كەرەك. سونىمەن بىرگە جيناۋ - ساقتاۋ جونىندەگى زەرتتەۋدى كۇشەيتىپ، ارعى زامان كىتاپتارى باسىلىمدارىن جيناۋ - ساقتاۋ قىزمەتىن اناعۇرلىم جاقسى ىستەۋگە قولايلىلىق جاساۋ كەرەك. نەگىزگى كاسىپتى ويداعىداي ىستەۋ العى شارتىندا ءار جاقتىڭ تاريحي ارعى زامان كىتاپتارى باسىلىمدارىن زەرتتەۋدى جانە كادەگە جاراتۋدى ويداعىداي ىستەۋىنە جاردەمدەسۋ كەرەك. قورىتىپ ايتقاندا، جۇڭگو مەملەكەتتىك باسىلىم سارايىن سالۋ − وركەنيەتتى ءىرى ەل قۇرىلىسىنىڭ نەگىزدىك ينجەنەرياسى، قازىر ەڭبەك ءسىڭىرىپ، بولاشاقتا يگىلىگىن كورەتىن بەلگى سيپاتتى مادەنيەت ينجەنەرياسى.
6 - ايدىڭ 2 - كۇنى تۇستەن كەيىن شي جينپيڭ اۆتوكولىكپەن جۇڭگو تاريح زەرتتەۋ اكادەمياسىنا كەلدى. جۇڭگو تاريح زەرتتەۋ اكادەمياسىنىڭ نەگىزگى قىزمەت جاۋاپكەرشىلىگى − بۇكىل ەلدىڭ تاريح زەرتتەۋ قىزمەتىن ءبىر تۇتاس جوسپارلاپ جانە وعان جەتەكشىلىك ەتىپ، بايلىق پەن كۇشتى بىرىكتىرىپ جاڭا داۋىردەگى جۇڭگونىڭ تاريح زەرتتەۋ جوباسىن جاساپ، مەملەكەتتىڭ تاريح ءىلىمى كەلەلى عىلمي نىساندارىن ۇيىمداستىرىپ اتقارۋ. شي جينپيڭ اكادەميا ىشىندەگى جۇڭگو ارحەولوگيا مۇراجايىنا كىرىپ، ىلگەرىندى - كەيىندى وركەنيەتتىڭ توركىنى جانە جايزى جۇڭگو ارناۋلى تاقىرىپتىق كورمەسىن ەكسكۋرسيالاپ، جاڭا تاس قۇرالدار ءداۋىرى مەن شيا، شاڭ، جوۋ زامانىنداعى كەلەلى ارحەولوگيالىق بايقاۋلاردى ۇعىستى، سونىمەن بىرگە قاتىستى زەرتتەۋ قىزمەتتەرىنىڭ اياق الىسىن ءالسىن - ءالسىن سۇراستىردى. سونان سوڭ شي جينپيڭ جۇڭگو تاريح زەرتتەۋ اكادەمياسىنىڭ سارايىندا ساقتالعان ءبىر ءبولىم باعالى بايىرعى شىعارمالاردى جانە حۇجاتتاردى، ارحيۆتەردى كوردى، سونىمەن بىرگە جۇڭگو تاريح زەرتتەۋ اكادەمياسىنىڭ عىلمي زەرتتەۋ قىزمەتى جەتىستىكتەرى كورمەسى الدىندا قاتىستى جاعدايلاردان بەرىلگەن مالىمەتتى تىڭدادى. شي جينپيڭ بىلاي دەپ باسا دارىپتەدى: جۇڭحۋا وركەنيەتىنىڭ ۇزاق تاريحىن تانۋ، جۇڭحۋا مادەنيەتىنىڭ كەنىشتى دە شۇرايلى ەكەندىگىن سەزىنۋ ارحەولوگيادان قول ۇزە المايدى. ”جۇڭحۋا وركەنيەتىنىڭ توركىنى مەن العاشقى كەزدەگى دامۋىن جالپىلىق زەرتتەۋ“، ”ارحەولوگيالىق جۇڭگو“ سياقتى كەلەلى نىسانداردى ويداعىداي اتقارىپ، جۇڭحۋا وركەنيەتىنىڭ توركىنىن زەرتتەۋدى جانە شەشىپ ءتۇسىندىرۋدى ويداعىداي ىستەۋ كەرەك. جۇڭگو تاريح زەرتتەۋ اكادەمياسى قۇرىلعان 4 جىلدان استام ۋاقىتتان بەرى ءبىر قىدىرۋ مەملەكەت دارەجەلى كەلەلى عىلمي زەرتتەۋ نىساندارى مەن عىلمي ينجەنەريالاردى ۇيىمداستىرىپ ورىستەتىپ، ءبىر توپ جوعارى ساپالى جەتىستىككە قول جەتكىزدى، بۇل تۇراقتاندىرۋعا تاتيدى. سىزدەردىڭ تاڭداۋلى داستۇرگە مۇراگەرلىك ەتىپ، بۇكىل ەلدەگى قالىڭ تاريح زەرتتەۋ قىزمەتكەرلەرىن ىنتىماقتاستىرىپ جانە ۇيىستىرىپ، زەرتتەۋ دەڭگەيلەرىڭىزدى ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋ قۇرىلىسى ءۇشىن جۇڭگو تاريح ءىلىمىنىڭ اناعۇرلىم كوپ اقىل - پاراساتى مەن كۇش - قۋاتىن قوسۋلارىڭىزدى ءۇمىت ەتەمىن.
قىزمەت تەكسەرۋ اياقتاعاننان كەيىن شي جينپيڭ جۇڭگو تاريح زەرتتەۋ اكادەمياسىندا مادەنيەتتى جالعاستىرۋ، دامىتۋ اڭگىمە ماجىلىسىنە قاتىناستى. ماجىلىستە بەيجيڭ شىفان داشۋەسىنىڭ پروفەسسورى ياڭ گىڭ، بەيجيڭ داشۋەسىنىڭ ورىنباسار مەكتەپ باستىعى ۋاڭ بو، چيڭحۋا داشۋەسىنىڭ ورىنباسار مەكتەپ باستىعى پىڭ گاڭ، جۇڭگو قوعامدىق عىلىمدار اكادەمياسى جۇڭگو شەكارا ءوڭىرىن زەرتتەۋ ورنىنىڭ باستىعى شيڭ گۋاڭچىڭ، جۇڭگو اسەمونەرشىلەر قوعامىنىڭ ءتوراعاسى فان دي - ان، نانجيڭ داشۋەسىنىڭ گۋمانتيارلىق، قوعامدىق عىلىمدار بويىنشا قۇرمەتتى پروفەسسورى مو ليفىڭ ىلگەرىندى - كەيىندى ءسوز سويلەدى.
كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: جۇڭگو مادەنيەتى ارىدان جالعاسقان، جۇڭحۋا وركەنيەتى كەنىشتى دە شۇرايلى. جۇڭحۋا وركەنيەتىنىڭ تاريحىن جان - جاقتى، ىشكەرىلەي تۇسىنگەندە عانا، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى اناعۇرلىم ءونىمدى ىلگەرىلەتىپ، جۇڭگوشا سوتسياليستىك مادەنيەت قۇرىلىسىن اناعۇرلىم پارمەندى ىلگەرىلەتىپ، جۇڭحۋا ۇلتىنىڭ وسى زامانعى وركەنيەتىن كوركەيتۋگە بولادى.
شي جينپيڭ بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتىندەگى كوپتەگەن ماڭىزدى فاكتورلار جۇڭحۋا وركەنيەتىنىڭ كورنەكتى ەرەكشەلىگىن بىرگە سومدادى. جۇڭحۋا وركەنيەتىنىڭ كورنەكتى ۇلاسپالىلىققا يە بولۋى، تۇبىرىنەن العاندا، جۇڭحۋا ۇلتىنىڭ، ءسوزسىز، ءوز جولىمەن ءجۇرۋىن بەلگىلەگەن. ەگەر دە جۇڭگونى ارىدان جالعاسقان تاريحي ۇلاسپالىلىق تۇرعىسىنان تانىماساق، ەرتە زامانعى جۇڭگونى ءتۇسىنۋ مۇمكىن ەمەس، وسى زامانعى جۇڭگونى دا ءتۇسىنۋ مۇمكىن ەمەس، بولاشاق جۇڭگونى ءتۇسىنۋ ءتىپتى دە مۇمكىن ەمەس. جۇڭحۋا وركەنيەتىنىڭ كورنەكتى جاڭالىق اشۋ سيپاتىنا يە بولۋى، تۇبىرىنەن العاندا، جۇڭحۋا ۇلتىنىڭ تۋراشىلدىقتان اينىمايتىن، ەسكىلىككە جارماسپايتىن، ەرتەدەگىگە قۇرمەت ەتەتىن، ەرتەدەگىنى قالپىنشا كوشىرمەيتىن تالپىنۋ رۋحىن بەلگىلەگەن، جۇڭحۋا ۇلتىنىڭ جاڭا سايىستان يمەنبەيتىن، جاڭا بولمىستاردى جۇرەكتىلىكپەن قابىلدايتىن تايسالماس قاسيەتىن بەلگىلەگەن. جۇڭحۋا وركەنيەتىنىڭ كورنەكتى ءبىر تۇتاستىققا يە بولۋى، تۇبىرىنەن العاندا، جۇڭحۋا ۇلتى ءار ۇلت مادەنيەتىنىڭ توعىسىپ، ءبىر تۇلعاعا اينالۋىن، اۋىر ساتسىزدىككە ۇشىراسا دا بەكەم ۇيىسۋىن بەلگىلەگەن، مەملەكەت تەرريتورياسى بولشەكتەنبەيتىن، مەملەكەت بىلىقپايتىن، ۇلت ىدىرامايتىن، وركەنيەت ۇزىلمەيتىن بولۋ سىندى ورتاق ۇستانىمدى بەلگىلەگەن، مەملەكەتتىڭ تۇتاستىعى ماڭگى جۇڭگونىڭ وزەكتى مۇددەسىنىڭ وزەگى ەكەندىگىن بەلگىلەگەن، قۋاتتى دا ءبىر تۇتاس مەملەكەتتىڭ ءار ۇلت حالقىنىڭ تاعدىرىمەن بايلانىستى ەكەندىگىن بەلگىلەگەن. جۇڭحۋا وركەنيەتىنىڭ كورنەكتى سيىسىمدىلىققا يە بولۋى، تۇبىرىنەن العاندا، جۇڭحۋا ۇلتىنىڭ ارالاسۋى، ىشتەسۋى، توعىسۋى سىندى تاريحي بەتالىسىن بەلگىلەگەن، جۇڭگوداعى ءارقايسى ءدىني سەنىمنىڭ كوپ نەگىزدى قاتار ءومىر سۇرگەن جاراسىمدى جاعدايىن بەلگىلەگەن، جۇڭحۋا مادەنيەتىنىڭ دۇنيە ءجۇزى وركەنيەتىنە بىردەي قۇشاق اشاتىن اشىق پەيىلىن بەلگىلەگەن. جۇڭحۋا وركەنيەتىنىڭ كورنەكتى بەيبىتشىلىك سيپاتقا يە بولۋى، تۇبىرىنەن العاندا، جۇڭگونىڭ باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋىن بەلگىلەگەن، جۇڭگونىڭ مادەنيەت زورەكەرى بولماي، قايتا وركەنيەتتەردىڭ اۋىس - كۇيىسىنە، ءوزارا ۇلگى الۋىنا ۇزدىكسىز تالپىناتىندىعىن بەلگىلەگەن، جۇڭگونىڭ ءوزىنىڭ قۇن كوزقاراسىن جانە ساياسي ءتۇزىلىسىن باسقالارعا زورلاپ تاڭبايتىندىعىن بەلگىلەگەن، جۇڭگونىڭ سەلبەسۋگە تاباندى بولاتىندىعىن، قارسىلاسپايتىندىعىن، ”جاقتاستارىن جيىپ، جاتتاردى قاقپايلايتىن“ شاعىن شەڭبەر قۇرۋمەن استە اينالىسپايتىندىعىن بەلگىلەگەن.
شي جينپيڭ بىلاي دەپ باسا دارىپتەدى: 5000 نەشە جىلدىق جۇڭحۋا وركەنيەتىنىڭ مىعىم نەگىزىندە جۇڭگوشا سوتسياليزمدى اشىپ جانە دامىتىپ، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋ، ءسوزسىز، باسىپ وتەتىن جول. بۇل ءبىزدىڭ جۇڭگوشا سوتسياليزم جولى جونىندە ىزدەنىس جاساۋ بارىسىندا قورىتىندىلاعان زاڭدىلىق سيپاتتى تانىمىمىز، ءبىزدىڭ تابىسقا قول جەتكىزۋىمىزدەگى ەڭ ۇلكەن اسىلىمىز. ءبىرىنشى، ”ۇشتاستىرۋدىڭ“ العى شارتى ءبىر - بىرىمەن سايكەسۋ. ماركسيزم مەن جۇڭحۋانىڭ تاڭداۋلى ءداستۇرلى مادەنيەتىنىڭ كەلۋ قاينارى ۇقسامايدى، الايدا ءوزارا وسكەلەڭ سايكەسىمدىلىك ساقتالعان. ءوزارا سايكەسكەندە عانا ورگانيكالى ۇشتاستىرۋعا بولادى. ەكىنشى، ”ۇشتاستىرۋدىڭ“ ناتيجەسى ءبىرىن - ءبىرى تابىسقا جەتكىزىپ، ورگانيكالى بىرلىككە كەلگەن جاڭا مادەنيەت تىرشىلىك تۇلعاسىن جەتىلدىرىپ، ماركسيزمنىڭ جۇڭگونىكى بولۋىنا، جۇڭحۋانىڭ تاڭداۋلى ءداستۇرلى مادەنيەتىنىڭ وسى زاماندىكى بولۋىنا، ”ۇشتاستىرۋدان“ قالىپتاسقان جاڭا مادەنيەتتىڭ جۇڭگو ۇلگىسىندەگى وسىزاماندانعان مادەنيەت فورماتسياسىنا اينالۋىنا مۇمكىندىك جاسادى. ءۇشىنشى، ”ۇشتاستىرۋ“ جول نەگىزىن بەكەمدەپ، جۇڭگوشا سوتسياليزم جولىنىڭ اناعۇرلىم كەڭ دە كەلەلى تاريحي تەرەڭدىككە يە بولۋىنا مۇمكىندىك جاساپ، جۇڭگوشا سوتسياليزم جولىنىڭ مادەنيەت نەگىزىن كەڭەيتتى. جۇڭگو ۇلگىسىندەگى وسىزامانداندىرۋ جۇڭحۋا وركەنيەتىنە وسى زامان كۇشىن ۇستەدى، جۇڭحۋا وركەنيەتى جۇڭگو ۇلگىسىندەگى وسىزامانداندىرۋعا مايەكتى نەگىز سيلادى. ءتورتىنشى، ”ۇشتاستىرۋ“ جاسامپازدىق كەڭىستىگىن اشىپ، ءبىزدىڭ يدەيا جانە مادەنيەت ىرىقتىلىعىن يگەرۋىمىزگە، سونىمەن بىرگە جول، نازاريا جانە تۇزىمگە پارمەندى تۇردە ىقپال جاساۋىمىزعا مۇمكىندىك بەردى. ونان دا ماڭىزدىسى، ”ەكىنشى ۇشتاستىرۋ“ تاعى ءبىر رەتكى يدەيانى ازات ەتۋ بولىپ، ءبىزدىڭ اناعۇرلىم كەڭ مادەنيەت كەڭىستىگىندە جۇڭحۋانىڭ تاڭداۋلى ءداستۇرلى مادەنيەتىنىڭ باعالى بايلىعىنان تولىق پايدالانىپ، بولاشاقتى بەتكە العان نازاريادا جانە تۇزىمدە جاڭالىق اشۋ جونىندە ىزدەنۋىمىزگە مۇمكىندىك جاسادى. بەسىنشى، ”ۇشتاستىرۋ“ مادەنيەتتىڭ نەگىزگى تۇلعالىق سيپاتىن بەكەمدەدى، جاڭا داۋىردەگى جۇڭگوشا سوتسياليزم يدەياسىن جاراتۋ وسى ءبىر مادەنيەت نەگىزگى تۇلعالىق سيپاتىنىڭ ەڭ پارمەندى بەينەلەنۋى. ”ەكىنشى ۇشتاستىرۋ“ پارتيامىزدىڭ ماركسيزمنىڭ جۇڭگوشالانۋىنىڭ، زامانالانۋىنىڭ تاريحي تاجىريبەسىن تەرەڭ قورىتىندىلاۋى، جۇڭحۋا وركەنيەتىنىڭ دامۋ زاڭدىلىعىن تەرەڭ يگەرۋى، ول پارتيامىزدىڭ جۇڭگو جولى، نازارياسى، ءتۇزىمى جونىندەگى تانىمىنىڭ جاڭا بيىك دەڭگەيگە جەتكەندىگىن كورسەتەدى، پارتيامىزدىڭ تاريح سەنىمىنىڭ، مادەنيەت سەنىمىنىڭ جاڭا بيىك دەڭگەيگە جەتكەندىگىن كورسەتەدى، پارتيامىزدىڭ جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ بارىسىندا مادەنيەتتە جاڭالىق اشۋدى ىلگەرىلەتۋ سانالىلىعىنىڭ جاڭا بيىك دەڭگەيگە جەتكەندىگىن كورسەتەدى.
شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى پارتيا مەن حالىققا باسشىلىق ەتىپ، ەل باسقارۋدى ىلگەرىلەتۋ امالياتى بارىسىندا مادەنيەت قۇرىلىسىن جالپى جاعداي قىزمەتىندە ماڭىزدى ورىنعا قويىپ، مادەنيەت قۇرىلىسى جونىندەگى زاڭدىلىق سيپاتتى تانىمدى ۇزدىكسىز تەرەڭدەتىپ، ءبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى العا قويدى. وسى ماڭىزدى كوزقاراستار جاڭا داۋىردەگى پارتيانىڭ مادەنيەت قۇرىلىسى امالياتىنا باسشىلىق ەتۋ تاجىريبەسىنىڭ نازاريالىق قورىتىندىسى، ۇگىت، يدەيا، مادەنيەت قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى، ءسوز جوق، ۇزاق ۋاقىت تاباندى بولىپ، دايەكتىلەندىرىپ، ۇزدىكسىز بايىتۋ، دامىتۋ كەرەك.
شي جينپيڭ بىلاي دەپ باسا دارىپتەدى: جاڭا تاريحي باستامادا مادەنيەتتى گۇلدەندىرۋدى، مادەنيەتتە قۋاتتى ەل قۇرۋدى، جۇڭحۋا ۇلتىنىڭ وسى زامانعى وركەنيەتىن كوركەيتۋدى ۇزدىكسىز ىلگەرىلەتۋ ءۇشىن مادەنيەت سەنىمىن بەكەمدەپ، ءوز جولىمىزبەن جۇرۋگە تاباندى بولىپ، جۇڭحۋا ۇلتىنىڭ ۇلى تاريحي امالياتى مەن قازىرگى زامانعى امالياتىن تياناق ەتىپ، جۇڭگو قاعيداسىن قولدانىپ، جۇڭگو تاجىريبەسىن ويداعىداي قورىتىندىلاپ، جۇڭگو تاجىريبەسىن جۇڭگو نازارياسى دەڭگەيىنە كوتەرىپ، رۋحاني جاقتان دەربەس بولۋدى، وزىنە - ءوزى قوجايىن بولۋدى جۇزەگە اسىرۋىمىز كەرەك. اشىق، سيىسىمدى بولۋدان جازباي، ماركسيزمنىڭ جۇڭگوشالانۋىنا، زامانالانۋىنا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن جالعاستىرىپ، دامىتىپ، سىرتتان كەلگەن مادەنيەتتى جەرگىلىكتەندىرۋدى جەبەپ، جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز جەتىلدىرۋ جانە جاراتۋ كەرەك. تۋراشىلدىقتان اينىماي جاڭالىق اشۋعا تاباندى بولىپ، تۋراشىلدىقتان اينىماي جاڭالىق اشۋدىڭ ادىلدىگى مەن ارىنى ارقىلى تاريحي مادەنيەت تامىرلاستىعىن جالعاستىرىپ، قازىرگى زاماننىڭ تارتىمدى تاراۋىن جازۋ كەرەك.
ساي چي ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى پارتيا مەن مەملەكەت ىستەرىنىڭ دامۋ جالپى جاعدايى ستراتەگيالىق تۇرعىسىنان جۇڭحۋا مادەنيەتىن جالعاستىرۋ، دامىتۋ جونىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە جان - جاقتىلى، جۇيەلى، تەرەڭ بايىمداۋ جاسادى، ول وتە كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا، جەتەكشىلىك سيپاتقا يە. قازىر ورىستەتىلىپ جاتقان نەگىزگى تاقىرىپتىق تاربيەمەن ۇشتاستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزۋدى، ۇيرەنۋدى مۇقيات ۇيىمداستىرىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ كەرەك. باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، مادەنيەت قۇرىلىسى جونىندەگى زاڭدىلىق سيپاتتى تانىمدى ۇزدىكسىز تەرەڭدەتىپ، جاڭا مادەنيەت بورىشىن اناعۇرلىم ويداعىداي ارقالاۋ كەرەك. زەرتتەۋدى، شەشىپ ءتۇسىندىرۋدى كۇشەيتىپ، ۇيرەنگەندى قولدانا بىلۋگە تاباندى بولىپ، پارتيا 20 - قۇرىلتايىنىڭ ۇگىت، يدەيا، مادەنيەت قىزمەتى جونىندەگى ءتۇرلى ستراتەگيالىق ورنالاستىرۋلارىن جاپپاي تياناقتاندىرىپ، مادەنيەت جاعىندا وزىنە سەنۋدى، ءوزىن الۋەتتەندىرۋدى بەكەمدەپ، جۇڭحۋا ۇلتىنىڭ وسى زامانعى وركەنيەتىن جانە سوتسياليستىك مادەنيەتتە قۋاتتى ەل قۇرىلىسىن تىڭعىلىقتى ىلگەرىلەتۋ كەرەك.
لي شۋلەي، تيە نيڭ، شىن يچين، چين گاڭ، جياڭ شينجى قاتارلىلار جوعارىداعى قاتىستى قيمىلدارعا قاتىناستى. ورتالىق ۇگىت، يدەيا، مادەنيەت قىزمەتى باسشىلىق گرۋپپاسىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىقتىڭ ۇگىت، مادەنيەت جۇيەسىنىڭ ءارقايسى ورىندارىنداعى جاۋاپتى جولداستار، قاتىستى ماماندار، وقىمىستىلار ۋاكىلدەرى، ت. ب اڭگىمە ماجىلىسىنە قاتىناستى.
