5 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن كونگونىڭ (كينشاسا) زۇڭتۇڭى چيسيكەديمەن كەڭەس وتكىزدى. سۋرەتتە: كەڭەستەن ىلگەرى شي جينپيڭ مەن حانىمى پىڭ لييۋان چيسيكەدي جانە ونىڭ حانىمى دەنيسپەن بىرگە سۋرەتكە ءتۇستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى. 5 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن كونگونىڭ (كينشاسا) زۇڭتۇڭى چيسيكەديمەن كەڭەس وتكىزدى. ەكى ەل باسشىلارى ەكى ەلدىڭ سەلبەسىپ تەڭ يگىلىككە كەنەلۋ سىندى ستراتەگيالىق سەرىكتەستىك قارىم - قاتىناسىن جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرۋدى جاريالادى.
شي جينپيڭ بىلاي دەپ اتاپ كورسەتتى: جۇڭگو مەن كونگو ەكى ەل ۇلت ازاتتىعىنا قول جەتكىزۋ قوزعالىسى مەن وتارشىلدىققا، شاپقىنشىلىققا قارسى تۇرۋ تاريحي اياق الىسى بارىسىندا تەرەڭ ءداستۇرلى دوستىق ورناتقان، كەڭ كولەمدى ورتاق تىلەگى بار، تىزە قوسا العا ىلگەرىلەيتىن ستراتەگيالىق سەرىكتەر. سوڭعى جىلدارى ەكى جاقتىڭ ءتۇرلى سالاداعى سەلبەستىگىنىڭ تابىسى قوماقتى بولدى، جۇڭگو ءۇرتىس كوپ جىلدار بويى كونگونىڭ (كينشاسا) ەڭ ۇلكەن ساۋدا سەرىگىنە جانە ەڭ ۇلكەن شەتەل قارجىسى قاينارى ەلىنە اينالىپ، ەكى جاق الدەقاشان بەرىك مۇددە ورتاق تۇلعاسى مەن تاعدىرلاس ورتاق تۇلعا قالىپتاستىردى. جۇڭگو ۇلگىسىندەگى وسىزامانداندىرۋدىڭ تابىستى تاجىريبەسى مىنانى اڭعارتادى: وركەندەپ كەلە جاتقان ەلدەردىڭ ءوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولى جونىندە ىزدەنىس جاساۋ ۇقىعى ءارى قابىلەتى بار. جۇڭگو جاق كونگومەن (كينشاسا) دامۋ ستراتەگيالارىن ءتۇيلىستىرۋدى كۇشەيتىپ، دامۋ، گۇلدەنۋ جولىندا ءوزارا قولداپ، سەلبەستىككە بىرگە ۇمتىلۋدى، دامۋدى بىرگە جەبەپ، بىرگە العا باسۋدى قالايدى. جۇڭگونىڭ جوعارى ساپالى دامۋىنىڭ كونگوعا (كينشاسا) ءتىپتى دە كوپ سەلبەستىك جاساسۋ ورايىن جانە ءتىپتى دە كەڭ بازار ازىرلەيتىندىگىنە، ەكى جاقتى قارىم - قاتىناستىڭ ءتپىتى دە زور دامۋىن ىلگەرىلەتەتىندىگىنە سەنەمىن.
شي جينپيڭ بىلاي دەپ اتاپ كورسەتتى: جۇڭگو جاق بۇرىنعىداي كونگونىڭ (كينشاسا) ەكونوميكالىق، قوعامدىق دامۋىنا كومەك بەرۋگە، كونگونىڭ (كينشاسا) ونەركاسىپتەندىرۋ ستىراتەگياسىنا قولداۋ كورسەتۋگە، ەنەرگيا، كەن، اۋىل شارۋاشىلىعى، نەگىزدىك قۇرىلعىلار، جاساۋ كاسىبى سياقتى سالالارداعى سەلبەستىكتى كۇشەيتۋگە، سيفرلى ەكونوميكا، وقۋ - اعارتۋ، دەنساۋلىق ساقتاۋ سياقتى سالالارداعى سەلبەستىك جاساسۋ كومەسكى كۇشىن تەرەڭ اشۋعا پەيىل، كونگوعا (كينشاسا) اۋىل شارۋاشىلىق تەحنيكاسى ماماندارى گرۋپپاسىن جىبەرۋدى قالايدى. كونگو جاقتىڭ جۇڭگو كاسىپورىندارىنىڭ كونگوعا (كينشاسا) بارىپ قارجى قوسىپ، شارۋاشىلىقتى گۇلدەندىرۋىنە ساياساتتىق قولداۋ جانە قىزمەت وتەۋ قولايلىلىعىن ازىرلەۋىن، ءادىل، ادىلەتتى، حاۋىپسىز تيجارات ورتاسىن جاراتۋىن ءۇمىت ەتەمىز. جۇڭگو جاق كوپ جاقتىلى ىستەردە كونگو جاقپەن سايكەسۋدى جانە سەلبەسۋدى كۇشەيتۋدى، شىن مانىندەگى كوپ جاقتىلىقتى بىرگە امالياتتا ايگىلەۋدى، حالىقارالىق ادىلدىكتى، تۋراشىلدىقتى قورعاۋدى قالايدى.
شي جينپيڭ بىلاي دەپ باسا دارىپتەدى: جۇڭگو − دۇنيە جۇزىندەگى ەڭ ۇلكەن وركەندەپ كەلە جاتقان ەل، افريكا − وركەندەپ كەلە جاتقان ەلدەر ەڭ شوعىرلى قۇرلىق، جۇڭگو مەن افريكا ەجەلدەن تاعدىرلاس ورتاق تۇلعا. كەزەكتەگى حالىقارالىق اۋقىمدا جۇڭگو مەن افريكا بۇرىنعى ءارقانداي كەزدەگىدەن دە ىنتىماقتى، سەلبەستىكتى كۇشەيتۋدى اناعۇرلىم قاجەت ەتەدى. ەكى جاق حالىقارالىق قارىم - قاتىناستىڭ نەگىزگى ولشەمىن اسقاقتاتۋعا تاباندى بولىپ، ءارقانداي فورماداعى زورەكەرلىككە جانە وكتەمدىك ساياسيعا قارسى تۇرىپ، وزگە ەلدەردىڭ ىشكى ىسىنە كيلىگۋگە قارسى تۇرىپ، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو جاق افريكانىڭ دەربەس، ءوز - وزىنە قوجايىن بولاتىن دامۋ جولىمەن ءجۇرۋىن باتىل قولدايدى، افريكانىڭ دۇنيە ءجۇزى ساياسيىنىڭ، ەكونوميكاسىنىڭ، وركەنيەتىنىڭ ماڭىزدى ءبىر ۇيەگىنە اينالۋىن باتىل قولدايدى، ءوزىنىڭ تىڭ دامۋى ارقىلى افريكا ەلدەرىنە جاڭا وراي ازىرلەپ، افريكالىق باۋىرلاستارمەن بىرگە جۇڭگو − افريكا سەلبەستىك تالقى مىنبەرى داكار ءماجىلىسىنىڭ تابىستارىن ويداعىداي تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، افريكانىڭ باياندى دامۋدى جۇزەگە اسىرۋىنا قولداۋ كورسەتىپ، جاڭا داۋىردەگى جۇڭگو − افريكا تاعدىرلاس ورتاق تۇلعاسىن قول ۇستاسا ورناتۋدى قالايدى.
چيسيكەدي مىنالاردى ءبىلدىردى: مەن كونگو (كينشاسا) حالقى اتىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ جانە جۇڭگو مەملەكەتتىك ەكى ءماجىلىسىنىڭ تابىسپەن اشىلعاندىعىن تاعى ءبىر مارتە قىزۋ قۇتتىقتايمىن، ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى جانە جۇڭگونىڭ مەملەكەت ءتوراعاسى بولىپ ۇزدىكسىز سايلانعاندىعىن تاعى ءبىر مارتە قىزۋ قۇتتىقتايمىن، جۇڭگونىڭ ءتوراعا شي جينپيڭنىڭ باسشىلىعىندا، جاڭا داۋىردە وراسان زور دامۋ تابىستارىنا قول جەتكىزگەندىگىن قىزۋ قۇتتىقتايمىن، جۇڭگونىڭ، ءسوزسىز، ەكىنشى 100 جىلدىق كۇرەس نىساناسىن جۇزەگە اسىراتىندىعىنا سەنەمىن. جارتى عاسىردان بەرى كونگو مەن جۇڭگونىڭ دوستىق سەلبەستىگى ۋاقىتتىڭ سىناعىنان سۇرىنبەي ءوتىپ، مول تابىستارعا قول جەتكىزدى، بۇل ەكى جاقتىڭ ورتاق قاستەرلەۋىنە تاتيدى، جۇڭگو جاقتىڭ ۇزاق ۋاقىتتان بەرى كونگونىڭ ەكونوميكالىق، قوعامدىق دامۋىنا ماڭىزدى كومەك جانە باعالى قولداۋ كورسەتكەندىگىنە العىس ايتامىن. كونگو جاق ءبىر جۇڭگو ساياساتىن باتىل اتقارادى، جۇڭگو جاقتىڭ مەملەكەتتىڭ بىرلىككە كەلۋىن جۇزەگە اسىرۋ ءۇشىن جاساعان قۇلشىنىسىن باتىل قولدايدى. كونگو جاق جۇڭگو جاقپەن بىرگە، ەكونوميكا - ساۋدا، ەنەرگيا، نەگىزدىك قۇرىلعىلار، ەمدەۋ، دەنساۋلىق ساقتاۋ سياقتى سالالارداعى سەلبەستىكتى تەرەڭدەتۋدى، كونگو مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ءمانىن تولىقتىرۋدى، كەمەلدى، ورنىقتى جانە باستاما اشۋ سيپاتىنا يە كونگو − جۇڭگو قارىم - قاتىناسىن ورناتىپ، ەكى ەل حالقىن باقىتقا كەنەلتۋدى قالايدى.
كەڭەستەن كەيىن ەكى ەل باسشىلارى قارجى قوسۋ، جاسىل ەكونوميكا، سيفرلى ەكونوميكا سياقتى سالالارداعى كوپ ءتۇرلى، ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن كونگو دەموكراتيالىق رەسپۋبليكاسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ورناتۋ جونىندەگى بىرلەسكەن مالىمدەمەسىن» جاريالادى.
كەڭەستەن ىلگەرى شي جينپيڭ حالىق سارايىنىڭ شىعىس قاقپاسى الدىنداعى الاڭدا چيسيكەديگە ارناپ قارسى الۋ سالتىن وتكىزدى.
چيسيكەدي كەلگەندە قۇرمەت قاراۋىلى قاتار تۇزەپ، قۇرمەت ءبىلدىردى. ەكى ەل باسشىلارى پارات مىنبەسىنە شىقتى، اسكەري وركەستر جۇڭگو مەن كونگو ەكى ەلدىڭ مەملەكەت ءانىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. چيسيكەدي شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن تاماشالادى.
شي جينپيڭنىڭ حانىمى پىڭ لييۋان مەن چيسيكەديدىڭ حانىمى دەنيس قارسى الۋ سالتىنا سەرىك بولىپ قاتىناستى. سول كۇنى كەشتە شي جينپيڭ مەن پىڭ لييۋان حالىق سارايىنىڭ جينسى زالىندا چيسيكەدي مەن حانىمىن قارسى الۋ قوناعاسىن وتكىزدى.
ۋاڭ ي قاتارلىلار جوعارىدا اتالعان قيمىلدارعا قاتىناستى.
