بۇكىل ەلدىڭ كەلەلى جاعدايىن كوزدە ۇستاپ، وزىندىك ابزالدىلىقتى ساۋلەلەندىرىپ، نەگىزگى ۇمتىلىس بەتالىسىن ايقىنداپ، جۇڭگو ۇلگىسىندەگى وسىزامانداندىرۋ قۇرىلىسىنىڭ شانشي تاراۋىن قۇلشىنا جازۋ كەرەك

شي جينپيڭ شانشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى

بۇكىل ەلدىڭ كەلەلى جاعدايىن كوزدە ۇستاپ، وزىندىك ابزالدىلىقتى ساۋلەلەندىرىپ، نەگىزگى ۇمتىلىس بەتالىسىن ايقىنداپ، جۇڭگو ۇلگىسىندەگى وسىزامانداندىرۋ قۇرىلىسىنىڭ شانشي تاراۋىن قۇلشىنا جازۋ كەرەك

ساپار كەزىندە سانشيدىڭ يۇنچىڭىندا قىزمەت تەكسەردى

ساي چي مالىمەت بەرۋ ماجىلىسىنە قاتىناستى ءارى قىزمەت تەكسەرۋدە بىرگە بولدى

　　5 - ايدىڭ 17 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشيدىڭ شي - انىندا جۇڭگو − ورتا ازيا باسشىلار ءماجىلىسىن باسقارۋ قارساڭىندا شانشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن ارناۋلى تىڭداپ، ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

　　5 - ايدىڭ 16 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو − ورتا ازيا باسشىلار ءماجىلىسىن باسقارۋ ءۇشىن شانشيدىڭ شي - انىنا بارا جاتقان جولىندا سانشي يۇنچىڭ مۇراجايىندا قىزمەت تەكسەردى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　شينحۋا اگەنتتىگىنىڭ 5 - ايدىڭ 17 - كۇنى شانشيدىڭ شي - انىنان \ سانشيدىڭ يۇنچىڭىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: شانشي جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ بارىسىندا باتىلدىقپەن الدا جۇرەتىن، ءداۋىر ەرجۇرەگى بولۋعا تالپىناتىن جىگەر مەن رۋحقا يە بولىپ، كۇش سالا قۋىپ جەتىپ، باتىلدىقپەن باسىپ وزىپ، باتىس بولىك وڭىرىندە ۇلگى كورسەتۋ رولىن ساۋلەلەندىرۋى كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋ سىندى وسى ماڭداي الدى مىندەتتى تىعىز ارقاۋ ەتىپ، بۇكىل ەلدىڭ دامۋ كەلەلى جاعدايىن كوزدە ۇستاپ، شانشيدىڭ ءىس جۇزىندىك جاعدايىن تياناق ەتىپ، وزىندىك ابزالدىلىقتى ساۋلەلەندىرىپ، نەگىزگى ۇمتىلىس بەتالىسىن ايقىنداپ، جاڭا دامۋ ارناسىن قالىپتاستىرۋعا ىرىقتىلىقپەن توعىسىپ جانە وعان قىزمەت وتەپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ، وسىزاماندانعان كاسىپ سالاسى جۇيەسىن ورناتۋ، قالا، اۋىل وڭىرلەرىنىڭ سايكەستى دامۋىن جەبەۋ، جوعارى دەڭگەيدەگى سىرتقا ەسىك اشۋدى كەڭەيتۋ، ەكولوگيالىق ورتانى قورعاۋدى كۇشەيتۋ سياقتى جاقتاردا تىڭ سەرپىلىستى جۇزەگە اسىرۋعا قۇلشىنىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ شانشي تاراۋىن قۇلشىنا جازۋ كەرەك.

　　5 - ايدىڭ 17 - كۇنى شي جينپيڭ شي - اندا جۇڭگو − ورتا ازيا باسشىلار ءماجىلىسىن باسقارۋ قارساڭىندا، شانشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن ارناۋلى تىڭدادى، ولكەلىك پارتكومنىڭ شۋجيى جاۋ يدى مالىمەت بەردى، ولكە باستىعى جاۋ گاڭ قاتارلىلار مالىمەت بەرۋ ماجىلىسىنە قاتىناستى. شي جينپيڭ ماڭىزدى ءسوز سويلەپ، شانشيدىڭ ءتۇرلى قىزمەتتە قول جەتكىزگەن ناتيجەلەرىن تۇراقتاندىردى.

　　شي جينپيڭ بىلاي دەپ اتاپ كورسەتتى: شانشي قۋىپ جەتۋدى، باسىپ وزۋدى جۇزەگە اسىرۋدا، ءسوز جوق، عىلىم - تەحنيكادا جاڭالىق اشۋدى كۇشەيتۋ، وسىزاماندانعان كاسىپ سالاسى جۇيەسىن قۇرۋ جاعىندا تىڭ سەرپىلىسكە قول جەتكىزۋى كەرەك. وزىندىك كاسىپ سالاسى نەگىزى مەن بايلىق ارتىقشىلىعىن تياناق ەتىپ، دامۋدىڭ كۇش سالۋ ءتۇيىنىن تۇلعالىق ەكونوميكا جاعىنا قويۋعا تاباندى بولىپ، ءداستۇرلى ابزال كاسىپ سالالارىنىڭ جەتەكشىلىك ورنىن بەكەمدەۋمەن بىرگە، جاڭا سالالاردى، جاڭا باسەكە الاڭىن جۇرەكتىلىكپەن اشىپ، باسەكەنىڭ جاڭا باسىمدىعىن جەتىلدىرۋ كەرەك. عىلىم - تەحنيكادا جاڭالىق اشۋدى جەتەكشى ەتىپ، ءداستۇرلى كاسىپ سالالارىنىڭ جوعارى دەڭگەيلى بولۋعا، زەردەلىلەنۋگە، جاسىل بولۋعا قاراي دارەجەسىن ءوسىرىپ، جاڭالانۋىن تەزدەتىپ، ستراتەگيالىق جاڭادان گۇلدەنگەن كاسىپ سالالارىن جەتىلدىرىپ، زورايتىپ، سيفرلى ەكونوميكا مەن وسى زامانعى قىزمەت وتەۋ كاسىبىن بەلسەنە دامىتىپ، زەردەلىلەنۋ، جاسىل بولۋ، توعىسپالى بولۋ ەرەكشەلىگىنە يە جانە كەمەلدىلىك، العاباسارلىق، حاۋىپسىزدىك تالابىنا ۇيلەسەتىن وسىزاماندانعان كاسىپ سالاسى جۇيەسىن جەدەل ورناتىپ، وسى زامانعى ەنەرگيا كاسىپ سالاسى شوعىرىن كۇشەيتۋ، ساپالىلاندىرۋ كەرەك. مەملەكەت ستراتەگياسىنىڭ قاجەتىن جانە حالىقارالىق باسەكە الدىڭعى لەگىن كوزدە ۇستاپ، مەملەكەتتىڭ كەلەلى عىلىم - تەحنيكا نىساندارىن اتقارىپ، اناعۇرلىم كوپ شەشۋشى، وزەكتى تەحنيكالاردان قامال الىپ، اناعۇرلىم كوپ ”مەملەكەتتىڭ كەلەلى جابدىقتارىن“ جاساۋ كەرەك. كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، جاڭالىق اشۋ تىزبەگىن، كاسىپ سالاسى تىزبەگىن، قارجى تىزبەگىن، دارىندىلار تىزبەگىن تەرەڭدەي توعىستىرۋدى ىلگەرىلەتىپ، عىلىم - تەحنيكا جەتىستىكتەرىن كاسىپ سالالاندىرۋ اياق الىسىن تەزدەتۋ كەرەك. شي - ان كەشەندى مەملەكەتتىك عىلىم ورتالىعىن جانە عىلىم - تەحنيكادا جاڭالىق اشۋ ورتالىعىن ويداعىداي قۇرىپ، مەملەكەتتىڭ ماڭىزدى عىلمي زەرتتەۋ جانە مادەنيەت، وقۋ - اعارتۋ ورتالىعىن، جوعارى، جاڭا تەحنيكالىق كاسىپ سالاسى جانە جاساۋ كاسىبى بازاسىن قۇلشىنا تۇلعالاۋ كەرەك.

　　شي جينپيڭ بىلاي دەپ باسا دارىپتەدى: جاپپاي سوتسياليستىك وسىزاماندانعان مەملەكەت قۇرىپ، بىرگە بايۋدى تىڭعىلىقتى ىلگەرىلەتۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا، ءسوز جوق، قالا مەن اۋىلدىڭ پارقىن بىرتىندەپ كىشىرەيتۋ كەرەك. اۋدان ورتالىقتارىن ماڭىزدى دانەكەر ەتكەن جاڭاشا قالا - قالاشىقتاندىرۋ قۇرىلىسىن بەلسەنە ىلگەرىلەتىپ، اۋدان ورتالىقتارىنىڭ قالا ىستەرى الەۋمەتتىك قۇرىلعىلارى قۇرىلىسىنىڭ دەڭگەيىن جانە نەگىزدىك الەۋمەتتىك قىزمەت وتەۋ، كاسىپ سالاسىن سايكەستىرۋ يقۋاتىن جوعارىلاتىپ، كەشەندى كوتەرىمدىلىك قابىلەتى مەن باسقارۋ قابىلەتىن كۇشەيتىپ، اۋدان ورتالىقتارىنىڭ اۋدان ءوڭىرىنىڭ ەكونوميكالىق دامۋىنا ىقپال كورسەتۋ، باستاماشىلدىق ەتۋ رولىن ساۋلەلەندىرۋ كەرەك. شاعىن قالا - قالاشىقتاردى جەرگىلىكتى جاعدايعا قاراي دامىتىپ، ەرەكشەلىككە يە شاعىن قالاشىقتاردىڭ جۇيەلى، اقاۋسىز دامۋىن جەبەپ، اۋدان ورتالىعىن وزەك، شاعىن قالا - قالاشىقتاردى ءتۇيىن ەتكەن اۋدان ءوڭىرى ەكونوميكالىق جۇيەسىن ورناتۋ كەرەك. قالا مەن اۋىلداردى توعىستىرا دامىتۋ ءتۇزىلىس - مەحانيزمىن اقاۋسىزداندىرىپ، قالا، اۋىل فاكتورلارىنىڭ تەڭ تۇرعىدا اۋىسۋ، قوس باعىتتا اعىلۋ ساياسات جۇيەسىن كەمەلدەندىرىپ، قالا بايلىق فاكتورلارىنىڭ ءتارتىپتى تۇردە اۋىل - قىستاققا اعىلۋىن جەبەپ، اۋىل شارۋاشىلىعىنىڭ، اۋىل - قىستاقتىڭ دامۋ ومىرشەڭدىك كۇشىن كۇشەيتۋ كەرەك. ەرەكشە كاسىپ سالاسىن جەرگىلىكتى جاعدايعا قاراي زور كۇشپەن دامىتىپ، اۋىل - قىستاق 1 -، 2 -، 3 - كاسىپتەرىنىڭ توعىسا دامۋىن ىلگەرىلەتىپ، شارۋالاردىڭ كىرىس ارتتىرۋ، بايۋ جولىن كەڭەيتۋ كەرەك. اۋىل - قىستاقتىڭ قونىس ورتاسىن رەتتەۋ - وڭاۋدى ءۇرتىس تەرەڭدەتىپ، ءداستۇرلى قىستاقتار مەن اۋىل - قىستاقتاردىڭ ەرەكشەلىككە يە بەت - بەينەسىن قورعاۋدى كۇشەيتىپ، اۋىل - قىستاقتىڭ رۋحاني وركەنيەت قۇرىلىسىن كۇشەيتىپ، وركەنيەتتى اۋىل سالتىن جەتىلدىرۋ كەرەك. يكەمدى قاداعالاۋدى ءۇرتىس اتقارىپ، كەدەيلىكتەن ارىلعان وڭىرلەردىڭ ىشكى دامۋ قوزعاۋشى كۇشىن ۇزدىكسىز كۇشەيتىپ، كولەمدى قايتا كەدەيلەسۋ تۋىلماۋ تومەنگى شەگىن باتىل ساقتاۋ كەرەك.

　　شي جينپيڭ بىلاي دەپ اتاپ كورسەتتى: دامۋ ءتاسىلىنىڭ جاسىل، تومەن كومىر قىشقىل گازدى بولۋعا تيپ جاڭالاۋىن كۇش سالا ىلگەرىلەتىپ، ەكولوگيالىق وركەنيەت قۇرىلىسىنىڭ دەڭگەيىن جوعارىلاتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ جانە امالياتتا ايگىلەپ، كوك اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ويداعىداي جۇرگىزۋ كەرەك. حۋاڭحى وزەنى الابىنىڭ ەكولوگياسىن قورعاۋدى شانشيدى جوعارى ساپالى دامىتۋدىڭ ولشەم سىزىعى ەتىپ، حۋاڭحى وزەنىن قورعاۋ زاڭىن جانە قاتىستى جوبالاردى قاتاڭ اتقارىپ، سۋ مەن توپىراقتىڭ زايا بولۋىن، شولەيتتەنۋدى جالپىلىق وڭاۋدى ىلگەرىلەتىپ، الاپ ەكولوگياسىن قورعاۋدى، قالپىنا كەلتىرۋدى كۇشەيتىپ، اۋىل شارۋاشىلىعىنىڭ بەتتىك لاستانۋىنان، ونەركاسىپتىك لاستانۋدان، قالا، اۋىلدارداعى تۇرمىستىق لاستانۋدان ساقتانۋ - وڭاۋدى جانە كەن رايوندارىنىڭ ەكولوگيالىق ورتاسىن رەتتەۋ - وڭاۋدى تەرەڭدەتىپ، انا وزەن حۋاڭحىنى ويداعىداي قورعاۋ كەرەك. چينليڭدى ۇدايىلانعان، ۇزاق ءونىمدى قورعاۋ ءتۇزىلىس - مەحانيزمىن اقاۋسىزداندىرىپ، باقىلاۋ - باسقارۋ جۇيەسىن كەمەلدەندىرىپ، يكەمدى ءبىر - بىرلەپ تەكسەرىپ، رەتتەۋ - وڭاۋدى ويداعىداي ىستەپ، ەلىمىزدىڭ ورتالىق سۋ مۇناراسىن ويداعىداي قورعاۋ كەرەك. وڭتۇستىكتىڭ سۋىن سولتۇستىككە جەتكىزۋ ورتاڭعى جەلىسى ينجەنەرياسىنداعى سۋ قاينارىن قورعاۋدى كۇشەيتىپ، ”تۇنىق سۋدى ۇزدىكسىز سولتۇستىككە جەتكىزۋگە“ شىنايى كەپىلدىك ەتۋ كەرەك. ەكونوميكالىق، قوعامدىق دامۋدىڭ جاسىل بولۋىن، تومەن كومىر قىشقىل گازدى بولۋىن ىلگەرىلەتىپ، كاسىپ سالاسى قۇرىلىمىن، ەنەرگيا قۇرىلىمىن، قاتىناس - تاسىمال قۇرىلىمىن جانە جەردەن پايدالانۋ قۇرىلىمىن رەتتەۋدى تەزدەتىپ، ەنەرگيا كاسىپ سالاسىنىڭ جاسىل بولۋعا تيپ جاڭالاۋىن جەبەپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتۋ كەرەك. جاپپاي ۇنەمدەۋ ستراتەگياسىن اتقارىپ، جاسىل تۇتىنۋدى بارىنشا دارىپتەپ، بايلىقتان ۇنەمدى، شوعىرلى پايدالانۋدى ىشكەرىلەي ىلگەرىلەتۋ كەرەك.

　　شي جينپيڭ بىلاي دەپ باسا دارىپتەدى: ىشكە، سىرتقا ەسىك اشۋدى كۇش سالا كەڭەيتىپ، ىشكى قۇرلىقتاعى رەفورما جاساۋدىڭ، ەسىك اشۋدىڭ بيىك بەلەسىن تۇلعالاۋ كەرەك. جاڭا دامۋ ارناسىن قالىپتاستىرۋعا اناعۇرلىم ىرىقتىلىقپەن توعىسىپ جانە وعان قىزمەت وتەپ، ”ءبىر بەلدەۋ، ءبىر جولدى“ بىرگە قۇرۋ ۇلكەن ارناسىنا اناعۇرلىم تەرەڭدەي توعىسىپ، ىشكە، سىرتقا ەسىك اشۋدى كەڭەيتۋ بارىسىندا قوزعاۋشى كۇشتى كۇشەيتىپ، ومىرشەڭدىك كۇشتى ارتتىرىپ، دامۋدىڭ تىڭ ءورىسىن اشۋ كەرەك. قاعيدا، ەرەجە - ءتۇزىم، باسقارۋ، ولشەم سياقتى تۇزىمدىك ەسىك اشۋدى نىق قاداممەن كەڭەيتىپ، ەركىن ساۋدا سىناق رايونىنىڭ جوعارى ساپالى دامۋىن ىلگەرىلەتىپ، جوعارى قابىلەت دەڭگەيىندەگى ەسىك اشۋ تۇعىرىن بەلسەنە تۇلعالاۋ كەرەك. باتىس بولىكتىڭ قۇرلىق، تەڭىز جاڭا ارناسى قۇرىلىسىنا بەلسەنە ات سالىسىپ، جۇڭگو − ەۆروپا كەزەكشى پويەزى شي - ان جيناۋ ورتالىعىنىڭ رولىن تولىق ساۋلەلەندىرىپ، ورتا ازيا، وڭتۇستىك ازيا، باتىس ازيا ەلدەرىنە بەت العان ماڭىزدى سىرتقا ەسىك اشۋ ارناسىن جەدەل قالىپتاستىرىپ، ەل ءىشى، حالىقارا قوس اينالىمىن ۇلاستىرۋ بارىسىندا اناعۇرلىم زور رول اتقارۋ كەرەك. بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن كۇش سالا قالىپتاستىرىپ، ساۋداگەر شاقىرىپ قارجى ەنگىزۋدىڭ ساپاسى مەن دەڭگەيىن جوعارىلاتۋ كەرەك.

　　شي جينپيڭ بىلاي دەپ اتاپ كورسەتتى: جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى بۇكىل پارتيادا ىشكەرىلەي ورىستەتىلۋدە، ءار دارەجەلى پارتيا ۇيىمدارى، ءسوز جوق، تەرەڭدەتۋ، تىڭعىلىقتى بولۋ جاعىندا كۇش سالىپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ جاعىندا ناقتى ونىمدىلىكتى ايگىلەۋى كەرەك. ۇيرەنۋ ارقىلى پاراساتتى ارتتىرۋدا پارتيانىڭ عىلمي نازارياسىنان زاڭدىلىقتى ۇعىنىپ، باعداردى ايقىنداپ، ءادىستى ۇيرەنىپ، پاراساتتى ارتتىرىپ، ەرەك ونەردى، پارتيانى گۇلدەندىرۋ ونەرىن، مەملەكەتتى قۇدىرەتتەندىرۋ ونەرىن ۇيرەنىپ الۋ كەرەك. بىرىنشىدەن، ساياسي قابىلەتتى جوعارىلاتىپ، پارتيا مەن حالىقتىڭ تۇرعىسىن، پارتيا مەن مەملەكەت قىزمەتى كەلەلى جاعدايىن شىعار ءتۇيىن ەتە ماسەلەگە وي جۇگىرتۋگە، شەشىم جاساۋعا، ءىس ىستەۋگە شەبەر بولىپ، قىم - قۋىت ماسەلەلەردەن بولمىستىڭ زاڭدىلىق سيپاتىن يگەرۋگە، نىشاندىق ماسەلەلەردەن بولمىستىڭ بەتالىستىق سيپاتىن بايقاۋعا، كەزدەيسوق ماسەلەلەردەن بولمىستىڭ سوزسىزدىك سيپاتىن تانۋعا شەبەر بولىپ، كۇردەلى جاعدايدى مەڭگەرۋگە، قوعامدىق كۇشتەردى ۇيىستىرۋعا، ساياسي حاۋىپ - قاتەردەن ساقتانۋعا شەبەر بولىپ، پارتيا مەن حالىق جۇكتەگەن ساياسي جاۋاپكەرشىلىكتى شىن مانىندە ويداعىداي ارقالاپ، ناعىز ساياسي جاقتاعى اڭعارلى ادام بولۋ كەرەك. ەكىنشىدەن، ويلاۋ قابىلەتىن جوعارىلاتىپ، جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى ءوزىنىڭ عىلمي يدەيالىق ادىسىنە اينالدىرىپ، ماسەلەنى زەرتتەۋدىڭ، ماسەلەنى شەشۋدىڭ ”باس كىلتى“ ەتىپ، ستراتەگيالىق ويلاۋ، ديالەكتيكالىق ويلاۋ، جۇيەلىك ويلاۋ، جاڭالىق اشا ويلاۋ، تاريحي ويلاۋ، زاڭمەن باسقارۋ بويىنشا ويلاۋ، تومەنگى شەكتىك ويلاۋ قابىلەتىن شىنايى جوعارىلاتىپ، بولمىستىڭ وزىندىك ءمانىن يگەرۋگە، دامۋ زاڭدىلىعىن يگەرۋگە، قىزمەت تەتىگىن يگەرۋگە، ساياسات ولشەمىن يگەرۋگە شەبەر بولۋدى ورىنداپ، قىزمەتتەگى عىلميلىقتى، كورەگەندىكتى، ىرىقتىلىقتى، جاسامپازدىقتى كۇشەيتۋ كەرەك. ۇشىنشىدەن، امالياتتا ايگىلەۋ قابىلەتىن جوعارىلاتىپ، نازاريانى امالياتپەن ۇشتاستىرۋ سىندى تاڭداۋلى ۇيرەنۋ ستيلىن ساۋلەلەندىرىپ، جاڭا ءداۋىر جۇڭگوشا سوتسياليزم يدەياسىنىڭ ءبىر قىدىرۋ جاڭا ۇستانىمىن، جاڭا يدەياسىن، جاڭا ستراتەگياسىن امالياتتا ايگىلەۋ تالابىن جاپپاي يگەرىپ، جوعارى ساپالى دامۋدى ىلگەرىلەتۋ، بۇقاراعا قىزمەت وتەۋ، حاۋىپ - قاتەردەن ساقتانۋ جانە ونى جويۋ قابىلەتىن كۇشەيتىپ، كۇرەسكەرلىك رۋح پەن كۇرەسكەرلىك قابىلەت جەتىلدىرۋدى كۇشەيتىپ، حاۋىپ - قاتەردەن ساقتانۋ، سىن - سايىسقا توتەپ بەرۋ، قىسىمعا توتەپ بەرۋ قابىلەتىن كۇشەيتىپ، ءبىلىم اقتاڭداعىن دەر كەزىندە تولتىرىپ، ساپا ولقىلىقتارىن تولىقتاپ، قابىلەتتەگى ءالسىز تۇستاردى كۇشەيتىپ، ماماندانۋ دەڭگەيىن ۇزدىكسىز جوعارىلاتۋ كەرەك. شانشي ءوزىنىڭ تاريحي مادەنيەت بايلىعى مەن قىزىل مادەنيەت بايلىعىنان ويداعىداي پايدالانىپ، پارتيا قۇرۋ ۇلى رۋحى مەن يان - ان رۋحىن بارىنشا اسقاقتاتىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋى كەرەك.

　　شي جينپيڭ حۋاڭحى وزەنى الابىنىڭ ەكولوگياسى مەن مادەني ەسكەرتكىشتەردى قورعاۋ قىزمەتىن كوكەيدە ساقتادى. 5 - ايدىڭ 16 - كۇنى تۇستەن كەيىن شانشيعا بارار جولىندا، شي جينپيڭ پويەزدان ءتۇسىپ، سانشي ولكەلىك پارتكومنىڭ شۋجيى لان فو - اننىڭ، ولكە باستىعى جين شياڭجۇننىڭ سەرىك بولۋىندا ىلگەرىندى - كەيىندى يۇنچىڭ مۇراجايى مەن يۇنچىڭ تۇز كولىندە قىزمەت تەكسەردى. يۇنچىڭنىڭ تاريحى ۇزاق، مادەنيەت مايەگى قالىڭ، ”تۇز تاسيتىن قالا“ بولۋىمەن اتى شىققان. مۇراجايدا شي جينپيڭ ”حۋاشيانىڭ توركىنىن ىزدەۋ“، ”مۇراجايدا ساقتالعان باعالى بۇيىمدار“، ”گۋيان چۇنچيۋ“ سياقتى كورمە زاتتارىن ەكسكۋرسيالاپ، يۇنچىڭداعى ادامزاتتىڭ تەگىنە جانە جۇڭحۋا وركەنيەتىنىڭ العاشقى تاريحي دامۋىنا قاتىستى جاعدايلاردى ەگجەي - تەگجەيلى ۇعىستى ءارى يۇنچىڭ تۇز كولىنىڭ قالىپتاسۋى، دامۋى جانە تاريحي وزگەرىسى جونىندەگى تانىستىرۋدى تىڭدادى. شي جينپيڭ بىلاي دەپ باسا دارىپتەدى: مۇراجايدا كوپتەگەن قۇندى مادەني ەسكەرتكىشتەر، اۋەلى، ”مەملەكەت اسىلى“ بار ەكەن، ولار ەلىمىزدەگى ميلليون جىلدىق ادامزات تاريحىنىڭ، 10 مىڭ جىلدىق مادەنيەت تاريحىنىڭ، 5000 جىلدان اساتىن وركەنيەت تاريحىنىڭ ناقتى دالەلى ەسەپتەلەدى، جۇڭحۋا وركەنيەتىنىڭ قاينارىن انىقتاۋ ينجەنەرياسىن ىشكەرىلەي اتقارىپ، جۇڭگونىڭ وركەنيەت تاريحىن زەرتتەۋدى تەرەڭدەتۋ كەرەك. پارتيا ورتالىق كوميتەتىنىڭ قورعاۋدى ءبىرىنشى ورىنعا قويۋعا، باسقارۋدى كۇشەيتۋگە، قۇنىن ايگىلەۋگە، ءونىمدى پايدالانۋعا، مادەني ەسكەرتكىشتەردى جانداندىرۋعا تاباندى بولۋ جونىندەگى قىزمەت تالابىن مۇقيات دايەكتىلەندىرىپ، تياناقتاندىرىپ، مادەني ەسكەرتكىشتەردى قورعاۋ، پايدالانۋ جانە مادەنيەت مۇرالارىن قورعاۋ، جالعاستىرۋ دەڭگەيىن جاپپاي جوعارىلاتۋ كەرەك.

　　4600 جىلدان استام اشۋ تاريحىنا يە يۇنچىڭ تۇز كولىنىڭ قالىڭ گۋمانيتارلىق مايەگى جانە ماڭىزدى تاريحي قۇنى بار. تاياۋ جىلداردان بەرى جەرگىلىكتى ورىن قورعاۋدى الدىڭعى ورىنعا قويۋعا، جاسىل دامۋعا تاباندى بولىپ، ”تۇز ءوندىرىسىن دوعارىپ، كولدى قالپىنا كەلتىرۋدى“ اتقارىپ، تۇز كولىن قورعاۋ كولەمىندەگى بارلىق ونەركاسىپ ءوندىرىسىن توقتاتىپ، جەرگىلىكتى جاعدايعا قاراي كاسىپ سالاسىنىڭ تيبىن جاڭالاپ، دارەجەسىن ءوسىرۋدى ىلگەرىلەتتى. شي جينپيڭ كورمە تاقتاسى، كورمە بۇيىمدارى سياقتىلارمەن ۇشتاستىرا وتىرىپ قاتىستى جاعدايلار جونىندەگى تانىستىرۋدى تىڭداپ، تۇز كولىنىڭ جاعدايىن سول جەردىڭ وزىندە تەكسەرىپ كوردى. ول بىلاي دەپ اتاپ كورسەتتى: تۇز كولىنىڭ ەكولوگيالىق قۇنى مەن يقۋاتى بارعان سايىن ماڭىزدى بولىپ بارادى، قورعاۋ، پايدالانۋ قىزمەتىن ءبىر تۇتاس جوسپارلاپ ويداعىداي ىستەپ، تۇز كولىنىڭ وزگەشە گۋمانيتارلىق تاريحي بايلىعى مەن ەكولوگيالىق بايلىعىن ۇرپاقتان - ۇرپاققا جالعاستىرىپ، ونىڭ ەكولوگيالىق يقۋاتىن بىرتىندەپ قالپىنا كەلتىرىپ، تاريحي مادەنيەت قۇنىن اناعۇرلىم ويداعىداي قورعاۋ كەرەك. ول بىلاي دەپ باسا دارىپتەدى: حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ − پارتيا ورتالىق كوميتەتىنىڭ جۇڭحۋا ۇلتى مەن جۇڭحۋا وركەنيەتىنىڭ توقتاۋسىز دامۋى بيىك تۇرعىسىنان جاساعان كەلەلى ستراتەگيالىق شەشىمى، حۋاڭحى وزەنى الابىنداعى ولكە، رايوندار حۋاڭحى وزەنى الابىنىڭ ەكولوگياسىن قورعاۋدى دامۋدى جوسپارلاۋدىڭ، جوعارى ساپالى دامۋدى ىلگەرىلەتۋدىڭ ولشەم سىزىعى ەتۋگە تاباندى بولىپ، حۋاڭحى وزەنى الابىنىڭ ەكولوگياسىن قورعاۋعا ءتيىمسىز ىستەردى استە ىستەمەۋى كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي مالىمەت بەرۋ ماجىلىسىنە قاتىناستى ءارى قىزمەت تەكسەرۋدە بىرگە بولدى.

　　ورتالىقتىڭ قاتىستى تاراۋلارىنداعى جاۋاپتى جولداستار مالىمەت بەرۋ ماجىلىسىنە قاتىناستى ءارى قىزمەت تەكسەرۋدە بىرگە بولدى، نەگىزگى تاقىرىپتىق تاربيە ورتالىق 3 - جەتەكشىلىك ەتۋ گرۋپپاسىنىڭ جاۋاپتى جولداستارى مالىمەت بەرۋ ماجىلىسىنە قاتىناستى.