مەملەكەت ءتوراعاسى شي جينپيڭ 4 – ايدىڭ 10 – كۇنى تۇستەن كەيىن حالىق سارايىندا جۇڭگوعا ساپارلاي كەلگەن بيرما قورعانىس ارمياسىنىڭ باس قولباسشىسى مين اۋڭ حاليڭمەن كەزدەستى.
شي جينپيڭ بىلاي دەدى: جۇڭگو مەن بيرمانىڭ باۋىرمالدىق سۇيىسپەنشىلىگى ەرتەدەن جالعاسىپ كەلەدى. قازىر جۇڭگو – بيرما قاتىناسى جالپى جاقتان جاقسى بەتالىسقا دامۋدا، ءارقايسى سالادا، ءارقايسى جىكتە اۋىس – كۇيىس، سەلبەستىك ۇزدىكسىز كەڭەيۋدە، «ءبىر بەلدەۋ، ءبىر جولدى» بىرگە قۇرۋ سەلبەستىگىندە جاڭا ىلگەرىلەۋشىلىككە قول جەتكىزىلدى. جۇڭگو جۇڭگو – بيرما قاتىناسىنا ايرىقشا ءمان بەرەدى، حالىقارادا قانداي اۋمالى – توكپەلى جاعداي بولسا دا، بيرمامەن بۇرىنعىداي ستراتەگيالىق پىكىرلەسۋدى كۇشەيتىپ، ءتيىمدى سەلبەستىكتى تەرەڭدەتىپ، جۇڭگو مەن بيرمانىڭ جالپى بەتتىك ستراتەگيالىق ارىپتەستىك قاتىناسىنىڭ مازمۇنىن ۇزدىكسىز بايىتىپ، ەكى ەل حالىقتارىنا ءتىپتى دە كوپ ناقتى تيىمدىلىك جەتكىزىپ، ءوڭىردىڭ ورنىقتىلىعى ەمن گۇلدەنۋىنە بىرگە ۇلەس قوسۋعا پەيىل.
شي جينپيڭ بىلاي دەدى: جۇڭگو – بيرما اسكەري ىستەر سەلبەستىگى − ەكى ەلدىڭ جالپى بەتتىك ستراتەگيالىق ارىپتەستىك قاتىناسىنىڭ ماڭىزدى قۇرامداس بولەگى. ەكى ەلدىڭ ارميالارى ناقتى اۋىس – كۇيىستى، سەلبەستىكتى تەرەڭدەتىپ، ءوزارا سەنىم ارتىپ، پايدا جەتكىزەتىن، قول ۇستاسا وتىرىپ ەكى ەلدىڭ ورتاق حاۋىپسىزدىگى مەن دامۋ مۇددەسىن قورعايتىن قاتىناس قالىپتاستىرۋى كەرەك.
