شينحۋا اگەنتتىگىنىڭ 11 - ايدىڭ 19 - كۇنى بانگكوگتان بەرگەن حابارى (تىلشىلەر ليۋ حۋا، لين حاۋ). جەرگىلىكتى ۋاقىت 11 - ايدىڭ 18 - كۇنى كەشتە مەملەكەت ءتوراعاسى شي جينپيڭ بانگكوگ پاتشا ورداسىندا تايلاند پاتشاسى ۋاجيرالوڭكورنمەن جانە پاتشا حانىمى سۋتيدامەن كەزدەستى.
شي جينپيڭ مەن پىڭ لييۋان ۋاجيرالوڭكورنمەن، سۋتيدامەن جانە سيريۆانناۆاري حانىشامەن بىرگە ەستەلىك سۋرەتكە ءتۇسىپ، ىقىلاستى تۇردە اڭگىمەلەستى.
شي جينپيڭ بىلاي دەپ اتاپ كورسەتتى: جۇڭگو مەن تايلاند جاقسى كورشى، جاقسى دوس، جاقسى تۋىس، جاقسى سەرىكتەس. ەكى ەل قارىم - قاتىناسى بوران - شاشىننىڭ سىنىنان ءوتىپ، جاڭا داۋىردە ۇزدىكسىز كوركەيە تۇسۋدە. بيىل جۇڭگو مەن تايلاندتىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناس ورناتقاندىعىنىڭ 10 جىلدىعى، جۇڭگو جاق تايلاند جاقپەن بىرگە ”جۇڭگو مەن تايلاند ءبىر ءۇيلى جانداي ەتەنە“ بولعان ەرەكشە سۇيىسپەنشىلىكتى ۇزدىكسىز اسقاقتاتىپ، جۇڭگو − تايلاند تاعدىرلاس ورتاق تۇلعاسىن بىرگە قۇرىپ، ەكى ەل قارىم - قاتىناسىنىڭ تىڭ تاراۋىن جازۋدى قالايدى.
شي جينپيڭ بىلاي دەپ باسا دارىپتەدى: پاتشا جانە تايلاند پاتشا اۋلەتى جۇڭگو مەن تايلاندتىڭ دوستىعىنا ۇزاق ۋاقىتتان بەرى كوڭىل ءبولىپ، قولداۋ كورسەتىپ، ەكى ەلدىڭ دوستىعىن جالعاۋ، ەكى ەل قارىم - قاتىناسىنىڭ دامۋىن العا ىلگەرىلەتۋ ءۇشىن ەرەكشە جانە ماڭىزدى رول اتقاردى، مەن بۇعان القاۋ بىلدىرەمىن. جۇڭگو جاپپاي دوڭگەلەك داۋلەتتى قوعام ورناتتى، قازىر جۇڭگو ۇلگىسىندەگى وسىزامانداندىرۋدى ىلگەرىلەتۋدە. پاتشانىڭ جانە پاتشا ورداسىنىڭ مۇشەلەرىنىڭ جۇڭگوعا كوبىرەك كەلىپ، ارالاپ كورىپ قايتۋىن قارسى الامىن. جۇڭگو جاق ”پاتشا اۋلەتى ەرىكتىلەرى“ سياقتى تايلاند پاتشا اۋلەتتەرىنىڭ الەۋمەتتىك يگىلىك نىساندارىنا ۇزدىكسىز قولداۋ كورسەتىپ، جۇڭگو مەن تايلاندتىڭ مادەنيەت، وقۋ - اعارتۋ، ساياحات سياقتى گۋمانيتارلىق اۋىس - كۇيىسىن كۇشەيتۋدى قالايدى. تايلاند جاقتىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلار بەيرەسمي ءماجىلىسىن ءساتتى وتكىزگەندىگىن قۇتتىقتايمىن.
ۋاجيرالوڭكورن مىنالاردى ءبىلدىردى: ءتوراعا شي جينپيڭ مەن حانىمىنىڭ تايلاندقا ساپارمەن كەلگەندىگىن قارسى الۋ مەن ءۇشىن زور باقىت. ءتوراعا شي جينپيڭنىڭ دانىشپان باسشىلىعىندا، جۇڭگو كۇن سايىن گۇلدەنۋگە، قۇدىرەتتەنۋگە، بايۋعا بەت الۋدا. ءتوراعا شي جينپيڭ ەل باسقارۋدا، اسىرەسە، كەدەيلىكتى جويۋ جانە حالىق تۇرمىسىن جاقسارتۋ جاعىندا ەرەن ناتيجەگە قول جەتكىزدى، مەن بۇعان ەرەكشە ءتانتىمىن. مەن جۇڭگودا كوپ رەت ساپاردا بولىپ، جۇڭگونىڭ تاماشا وزەن - تاۋلارىن، ومىرشەڭدىگى مەن تارتىمدىلىعىن جانە دامىپ العا باسىپ كەلە جاتقاندىعىن ءوز كوزىممەن كورىپ، سەزىنىپ قايتقانمىن. مەن وراي بولسا جۇڭگودا تاعى دا ساپاردا بولۋدى كۇتەمىن. ”تايلاند پەن جۇڭگو ءبىر ءۇيلى جانداي ەتەنە“. تايلاند جاق جۇڭگومەن دوستىقتىڭ، سەلبەستىكتىڭ دانەكەرىن ونان ارى شيراتا ءتۇسۋدى قالايدى.
