شي جينپيڭ بۇيرىق كۋالىگىن بەردى ءارى شەنى وسىرىلگەن اسكەري قولباسىلاردى، قارۋلى ساقشى قولباسىلاردى قۇتتىقتادى
ورتالىق اسكەري ىستەر كوميتەتىنىڭ شاڭجياڭ اسكەري شەنىنە، قارۋلى ساقشى شەنىنە ءوسىرۋ سالتى 1 - ايدىڭ 21 - كۇنى بەيجيڭدەگى 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە، قارۋلى ساقشى شەنىنە وسىرىلگەن اسكەري قولباسىلارعا، قارۋلى ساقشى قولباسىلارىنا بۇيرىق كۋالىگىن بەردى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنىنە، قارۋلى ساقشى شەنىنە وسىرىلگەن اسكەري قولباسىلارمەن، قارۋلى ساقشى قولباسىلارمەن بىرگە سۋرەتكە ءتۇسىپ ەستەلىك قالدىردى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 1 - ايدىڭ 21 - كۇنى بەيجيڭنەن بەرگەن حابارى (ءتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە، قارۋلى ساقشى شەنىنە ءوسىرۋ سالتى 1 - ايدىڭ 21 - كۇنى بەيجيڭدەگى 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە، قارۋلى ساقشى شەنىنە وسىرىلگەن اسكەري قولباسىلارعا، قارۋلى ساقشى قولباسىلارىنا بۇيرىق كۋالىگىن بەردى.
تۇستەن كەيىن ساعات 5 مولشەرىندە شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە، قارۋلى ساقشى شەنىنە ءوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا شەن ءوسىرۋ سالتىن باسقاردى.
وسى رەت شاڭجياڭ اسكەري شەنىنە، قارۋلى ساقشى شەنىنە وسىرىلگەن اسكەري قولباسىلار، قارۋلى ساقشى قولباسىلارى: سولتۇستىك بولىك سوعىس رايونىنىڭ ساياسي كوميسسارى ليۋ چيڭسۇڭ، ورتا بولىك سوعىس رايونىنىڭ سىليڭيۋانى ۋ يانان، ورتا بولىك سوعىس رايونىنىڭ ساياسي كوميسسارى شۇي دىچيڭ، قۇرلىق ارميانىڭ ساياسي كوميسسارى چين شۋتۇڭ، تەڭىز ارمياسىنىڭ ساياسي كوميسسارى يۋان حۋاجى، زىمىران ارمياسىنىڭ سىليڭيۋانى لي يۇيچاۋ، قارۋلى ساقشى ءبولىمىنىڭ ساياسي كوميسسارى جاڭ حۇڭبيڭ.
شاڭجياڭ اسكەري شەنىنە، قارۋلى ساقشى شەنىنە وسىرىلگەن 7 اسكەري قولباسى، قارۋلى ساقشى قولباسى قاتاڭ اسكەري بەينەمەن، كوتەرىڭكى رۋحپەن ءتوراعالار مىنبەسىنىڭ الدىنا كەلدى. شي جينپيڭ ولارعا بۇيرىق كۋالىگىن بەرىپ، قۇتتىقتادى. شاڭجياڭ اسكەري شەنى، قارۋلى ساقشى شەنى يىق بەلگىسىن تاققان 7 اسكەري قولباسى، قارۋلى ساقشى قولباسى شي جينپيڭگە قۇرمەت ءبىلدىردى، سالتقا قاتىناسقان بارلىق جولداسقا قۇرمەت ءبىلدىردى، بۇكىل زالدان قىزۋ قول شاپالاق ءۇنى كوتەرىلدى.
شەن ءوسىرۋ سالتى اسقاق ارميا مارشى ءۇنى ىشىندە اياقتادى. وسىدان سوڭ شي جينپيڭ قاتارلى باسشى جولداستار شاڭجياڭ اسكەري شەنىنە، قارۋلى ساقشى شەنىنە وسىرىلگەن اسكەري قولباسىلارمەن، قارۋلى ساقشى قولباسىلارىمەن توپتىق سۋرەتكە ءتۇستى.
ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، ارميانىڭ بەيجيڭدە تۇراتىن قاتىستى ورىندارىنداعى، اسكەري ىستەر كوميتەتى ورگانىنىڭ ءارقايسى تاراۋلارىنداعى نەگىزگى جاۋاپتى جولداستار، ت. ب شەن ءوسىرۋ سالتىنا قاتىناستى.
