شي جينپيڭ تىنىش جۇڭگو قۇرىلىسى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى

لي كىچياڭ، ۋاڭ حۋنيڭ، حان جىڭ كەزدەسۋگە قاتىناستى

　　12 - ايدىڭ 15 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ، حان جىڭ قاتارلىلار بەيجيڭ حالىق سارايىندا تىنىش جۇڭگو قۇرىلىسى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 12 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 12 - ايدىڭ 15 - كۇنى تۇستەن كەيىن بەيجيڭدە تىنىش جۇڭگو قۇرىلىسى ماداقتاۋ - سيلاۋ جينالىسىنا قاتىناسقان ۋاكىلدەرمەن شىن ىقىلاسپەن كەزدەسىپ، ولاردى قىزۋ قۇتتىقتادى، ولاردىڭ كۇش ۇستىنە كۇش قوسىپ، ءتىپتى دە جوعارى دەڭگەيدەگى تىنىش جۇڭگو قۇرۋ ءۇشىن تىڭ دا اناعۇرلىم زور ۇلەس قوسۋلارىن ءۇمىت ەتتى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، حان جىڭ كەزدەسۋگە قاتىناستى.

　　تۇستەن كەيىن ساعات 3تەن 30 مينۋت وتكەندە شي جينپيڭ قاتارلىلار حالىق سارايىنىڭ سولتۇستىك زالىنا كەلدى، بۇكىل زالدان قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەرگە قول بۇلعاپ قۇرمەت ءبىلدىردى، كوپشىلىكپەن شىن ىقىلاستى اڭگىمەلەستى ءارى سۋرەتكە ءتۇسىپ ەستەلىك قالدىردى.

　　تىنىش جۇڭگو قۇرىلىسى جونىندەگى ماداقتاۋ - سيلاۋ جينالىسى 12 - ايدىڭ 15 - كۇنى تۇستەن بۇرىن بەيجيڭدە وتكىزىلدى. گو شىڭكۇن كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ شىنايى قامقورلىعىن پارمەندى قوزعاۋشى كۇشكە اينالدىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن، سونداي - اق ورتالىقتىڭ ەكونوميكالىق قىزمەت ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ 100 جىلدىق كۇرەسى بارىسىنان اقىل - پاراسات جانە كۇش - قۋات قابىلداپ، ءتىپتى دە جوعارى دەڭگەيدەگى تىنىش جۇڭگو قۇرىلىسىن ىشكەرىلەي ىلگەرىلەتىپ، ساياسيدىڭ اناعۇرلىم حاۋىپسىز بولۋىنا، قوعامنىڭ اناعۇرلىم تىنىش بولۋىنا، حالىقتىڭ اناعۇرلىم الاڭسىز بولۋىنا شىنايى كەپىلدىك ەتىپ، ۇزدىك ناتيجەمەن پارتيا 20 - قۇرىلتايىنىڭ جەڭىسپەن اشىلۋىن قارسى الىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋ كەرەك.

　　ماجىلىستە تىنىش جۇڭگو قۇرىلىسىنداعى 140 ۇزدىك كوللەكتيۆ، 129 ۇزدىك جەكە ماداقتالىپ - سيلاندى، تىنىش جۇڭگو قۇرىلىسىنان ۇلگى كورسەتەتىن 60 قالا جانە تىنىش جۇڭگو قۇرىلىسىنان ۇلگى كورسەتەتىن 160 اۋدانعا ماڭدايشالىق بەرىپ، اتاق بەرىلدى، 73 قالا - اۋدانعا ”باياندى تىنىشتىق لوڭقاسى“ بەرىلدى. ماداقتالىپ - سيلانعان 4 ۋاكىل اۋىس - كۇيىس جاساپ، ءسوز سويلەدى.

　　ديڭ شۋەشياڭ، ياڭ شياۋدۋ، چىن شي، حۋاڭ كۇنميڭ، شياۋ جيە كەزدەسۋگە قاتىناستى، جاۋ كىجى، جوۋ چياڭ، جاڭ جۇن كەزدەسۋگە قاتىناستى ءارى جينالىسقا قاتىناستى.