شي جينپيڭ بۇكىل مەملەكەتتىك ءدىن قىزمەتى ماجىلىسىندە بىلاي دەپ باسا دارىپتەدى
ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ،ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك
لي كىچياڭ باسقاردى، لي جانشۋ، ۋاڭ حۋنيڭ، جاۋ لىجي، حان جىڭ قاتىناستى، ۋاڭ ياڭ ءسوز سويلەدى
12 - ايدىڭ 3 - كۇنىنەن 4 - كۇنىنە دەيىن، بۇكىل مەملەكەتتىك ءدىن قىزمەتى ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى. بۇكىل مەملەكەتتىك ءدىن قىزمەتى ءماجىلىسى 12 - ايدىڭ 3 - كۇنىنەن 4 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: جاڭا داۋىردەگى پارتيانىڭ ءدىن قىزمەتى نازارياسىن جاپپاي دايەكتىلەندىرىپ، پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىن سالاسىنىڭ ءوزىن - ءوزى باسقارۋ ورەسىن جوعارىلاتىپ، ءدىن ىستەرىن جونگە سالۋدى زاڭمەن باسقارۋ ورەسىن جوعارىلاتىپ، ءدىن قىزمەتىنىڭ جاڭا جاعدايىن قۇلشىنا اشىپ، دىنگە سەنەتىن بۇقارانى قالىڭ حالىق بۇقاراسىمەن بىرگە جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ىنتىماقتاسا كۇرەس جاساۋعا اناعۇرلىم ويداعىداي ۇيىمداستىرۋ جانە جەتەكتەۋ كەرەك.
لي كىچياڭ ءماجىلىستى باسقاردى. لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى. ۋاڭ ياڭ قورىتىندى ءسوز سويلەدى.
شي جينپيڭ سوزىندە بىلاي دەپ اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى ءدىن قىزمەتىنە ايرىقشا ءمان بەردى. ءار دارەجەلى پارتكومدار پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىردى، تياناقتاندىردى، پارتيانىڭ ءدىن قىزمەتىن جاسامپازدىقپەن ىلگەرىلەتىپ، بەلسەندى ناتيجەلەرگە قول جەتكىزدى. پارتيانىڭ ءدىن قىزمەتى نەگىزگى باعىتىن دايەكتىلەندىرۋ اناعۇرلىم جان - جاقتىلى بولدى، ءدىن قىزمەتى ءتۇزىلىس - مەحانيزمى ونان ارى كەمەلدەندى، ءدىن قىزمەتى زاڭ جۇيەسى مەن ساياسات جۇلگەسى كۇن سايىن اقاۋسىزداندى، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ زاڭدى قادىرلەۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ تانىمى ۇزدىكسىز كۇشەيدى، ەلىمىزدە ءدىننىڭ جۇڭگوشالانۋىن ىلگەرىلەتۋ بىرتىندەپ تەرەڭدەدى. ءدىن سالاسى وتانشىلدىق رۋحىن اسقاقتاتىپ، كەلەلى جاعدايدى دارىپتەپ، زاڭمەن جونگە سالۋدى دارىپتەپ، عىلىمدى دارىپتەپ، سۇيىسپەنشىلىكتى دارىپتەپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتتى.
شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى ءدىن قىزمەتى جونىندە ءبىرسىپىرا جاڭا ۇستانىم، جاڭا شارا العا قويىپ، جاڭا داۋىردە ءدىندى قالاي تانۋ، ءدىن ماسەلەسىن قالاي ءبىر جايلى ەتۋ، پارتيانىڭ ءدىن قىزمەتىن قالاي ويداعىداي ىستەۋ سياقتى كەلەلى نازاريالىق جانە امالياتتىق ماسەلەلەرگە جاۋاپ بەردى. ءسوز جوق ءدىن قىزمەتىن ويداعىداي ىستەۋدىڭ پارتيا مەن مەملەكەت قىزمەتىنىڭ جالپى جاعدايىنداعى ماڭىزدىلىعىن تەرەڭ تانۋ، ءسوز جوق پارمەندى باسشىلىق مەحانيزمىن قۇرۋ، اقاۋسىزداندىرۋ، ءسوز جوق جۇڭگوشا سوتسياليستىك ءدىن نازارياسىنا تاباندى بولۋ جانە ونى دامىتۋ، ءسوز جوق پارتيانىڭ ءدىن قىزمەتى نەگىزگى باعىتىنا تاباندى بولۋ، ءسوز جوق ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ، ءسوز جوق قالىڭ دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە ىنتىماقتاستىرۋعا تاباندى بولۋ، ءسوز جوق بەلسەندى دە اقاۋسىز ءدىن قارىم - قاتىناسىن ورناتۋ، ءسوز جوق ءدىني ۇيىمداردىڭ ءوز قۇرىلىسىن كۇشەيتۋىن قولداۋ، ءسوز جوق ءدىن قىزمەتىن زاڭمەن باسقارۋ ورەسىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ ءدىني سەنىم ەركىندىگى ساياساتىن تولىق، دالمە - ءدال، جاپپاي دايەكتىلەندىرىپ، بۇقارانىڭ ءدىني سەنىمىنە قۇرمەت ەتىپ، ءدىن ىستەرىن زاڭ بويىنشا باسقارىپ، دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. پارتيانىڭ ءدىن قىزمەتىنىڭ ءمانى − بۇقارالىق قىزمەت. دىنگە سەنەتىن بۇقارا مەن دىنگە سەنبەيتىن بۇقارانىڭ ساياسيداعى، ەكونوميكاداعى ءتۇبىرلى مۇددەسى بىردەي، تۇگەلدەي پارتيانىڭ بيلىك جۇرگىزۋىنىڭ بۇقارالىق نەگىزى. دىنگە سەنەتىن بۇقارانىڭ ءدىني سەنىم ەركىندىگى ۇقىق - مۇددەسىن قورعاپ، دىنگە سەنەتىن بۇقارانى ەڭ جوعارى شەكتە ىنتىماقتاستىرۋمەن بىرگە، دىنگە سەنەتىن بۇقارا قىزمەتىن بايىپتىلىقپەن، قۇنتتىلىقپەن ىستەۋ كەرەك. ءدىني ۇيىمدار − پارتيا مەن ۇكىمەتتىڭ ءدىن سالاسىنداعى قايراتكەرلەردى جانە قالىڭ دىنگە سەنەتىن بۇقارانى ىنتىماقتاستىراتىن، ولارمەن بايلانىس جاسايتىن كوپىرى جانە دانەكەرى، ولاردىڭ قىزمەت ورىستەتۋىنە قاجەتتى قولداۋ جانە كومەك كورسەتۋ كەرەك، ولاردىڭ ءدىننىڭ ىشكى جاعىنداعى ىستەردەگى رولىنا قۇرمەت ەتۋ جانە ونى ساۋلەلەندىرۋ كەرەك.
شي جينپيڭ بىلاي دەپ باسا دارىپتەدى: ەلىمىزدە ءدىندى جۇڭگوشالاندىرۋدى ىشكەرىلەي ىلگەرىلەتىپ، ەلىمىزدە ءدىندى سوتسياليستىك وزەكتى قۇن كوزقاراسىن جەتەكشى ەتۋگە باستاپ جانە ونى قولداپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتۋ كەرەك. ءدىن سالاسىندا وتانشىلدىق، كوللەكتيۆيزم، سوتسياليزم تاربيەسىن ورىستەتىپ، باعىتتامالى تۇردە پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن كۇشەيتىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى سوتسياليستىك وزەكتى قۇن كوزقاراسىن جەتىلدىرۋگە جانە ونى امالياتتا ايگىلەۋگە جەتەكتەپ، جۇڭحۋا مادەنيەتىن اسقاقتاتۋ كەرەك. جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، قاتىستى قىزمەتتەردى ءبىر تۇتاس جوسپارلاپ ىلگەرىلەتۋ كەرەك. ينتەرنەتتەگى ءدىن ىستەرىن باسقارۋدى كۇشەيتۋ كەرەك. ەلىمىزدە ءدىننىڭ اقاۋسىز جالعاستىرىلۋىنا ىقپال جاسايتىن كورنەكتى ماسەلەلەردى شىن مانىندە شەشۋ كەرەك.
شي جينپيڭ بىلاي دەپ اتاپ كورسەتتى: ءدىن سالاسىنىڭ ءوزىن - ءوزى تاربيەلەۋدى، ءوزىن - ءوزى باسقارۋدى، ءوزىن - ءوزى تەجەۋدى كۇشەيتۋىن قولداپ جانە وعان جەتەكشىلىك ەتىپ، ءدىندى جاپپاي قاتاڭ باسقارىپ، باستاماشىلدىقپەن زاڭ - ەرەجەلەرگە بويسۇنۋ، ءدىني ماعلۇماتتى ءوسىرۋ كەرەك. ءدىني ۇيىمداردىڭ ءوز قۇرىلىسىن كۇشەيتىپ، باسشىلىق القا مۇشەلەرىن دەموكراتيالىق باقىلاۋ ءتۇزىمىن كەمەلدەندىرۋ كەرەك. ءدىن قىزمەتىن زاڭمەن جونگە سالۋ قۇرىلىسىن جاپپاي ىلگەرىلەتىپ، زاڭمەن جونگە سالۋ ۇگىت تاربيەسىن ىشكەرىلەي ورىستەتۋ كەرەك. ءدىني قيمىلدار زاڭ، ەرەجەلەر بەلگىلەگەن كولەمدە ورىستەتىلۋى ءتيىس، ازاماتتاردىڭ دەنساۋلىعىنا زيان جەتكىزۋىنە بولمايدى، الەۋمەتتىك تارتىپكە، تاماشا سالتقا قايشى كەلۋىنە بولمايدى، وقۋ - اعارتۋعا، ءادىلياعا، اكىمشىلىك فۋنكتسياعا جانە قوعامدىق تۇرمىسقا ارالاسۋىنا بولمايدى.
شي جينپيڭ بىلاي دەپ باسا دارىپتەدى: ماركسيزمدىك ءدىن كوزقاراسىنا جەتىك، ءدىن قىزمەتىنە قانىق، دىنگە سەنەتىن بۇقاراعا قىزمەت ىستەۋگە شەبەر پارتيا، ۇكىمەت كادرلارى قوسىنىن جەتىلدىرىپ، ولاردىڭ ماركسيزمدىك ءدىن كوزقاراسىن، پارتيانىڭ ءدىن قىزمەتى نازارياسى مەن باعىت - ساياساتتارىن، ءدىني بىلىمدەردى ىشكەرىلەي ۇيرەنىپ، جەتەكشىلىك قابىلەتىن ۇزدىكسىز جوعارىلاتۋىنا مۇمكىندىك جاساۋ كەرەك. ساياسي جاقتا سەنىمدى، ءدىني بىلىكتىلىگى بار، ءمورالدىق جاقتا جۇرتتى يلاندىرا الاتىن، شەشۋشى ساتتە رول اتقاراتىن ءدىن سالاسى ۋاكىلدىك قايراتكەرلەر قوسىنىن باۋلۋ كەرەك. يدەيالىق - ساياسي جاقتا تاباندى، ماركسيزمدىك ءدىن كوزقاراسىنا تاباندى، ۇيرەنۋ ستيلى تاماشا، ءدىن ىلىمىندە جاڭالىق اشۋعا شەبەر زەرتتەۋ قوسىنىن باۋلىپ، ماركسيزمدىك ءدىن ءىلىمى ءپان قۇرىلىسىن كۇشەيتۋ كەرەك. ءدىن قىزمەتى ءتۇزىلىس - مەحانيزمىن اقاۋسىزداندىرىپ، پارتكوم باسشىلىق ەتەتىن، ۇكىمەت باسقاراتىن، قوعام سايكەسەتىن، ءدىن ءوزىن - ءوزى تارتىپكە سالاتىن ءدىن ىستەرىن باسقارۋ ارناسىن قۇرۋدى ىلگەرىلەتۋ كەرەك. ءدىن قىزمەتىنە ساياتىن كەلەلى بايلانىستاردى ويداعىداي يگەرىپ، نەگىز قالايتىن، ۇزاق بولاشاققا پايدالى قىزمەتتەردى كوبىرەك ىستەپ، ۇدايىلاندىرا بوساڭسىتپاي يگەرۋ، ۇزاق ۋاقىت قاجىماي - تالماي ەڭبەكتەنۋ كەرەك.
لي كىچياڭ ءماجىلىستى باسقارعاندا بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزى ءدىن قىزمەتىندەگى تابىستار مەن تاجىريبەلەردى جاپپاي قورىتىندىلاپ، ءدىن قىزمەتى ءدوپ كەلگەن جاعدايعا، مىندەتكە ىشكەرىلەي تالداۋ جاساپ، جاڭا داۋىردەگى ءدىن قىزمەتىنىڭ جاڭا يدەيالارىن، جاڭا ۇستانىمدارىن، جاڭا ستراتەگيالارىن جۇيەلى تۇردە بايىمداپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋداعى، جاڭا داۋىردەگى ءدىن قىزمەتىن ويداعىداي ىستەۋدەگى جەتەكشى يدەيانى، ستراتەگيالىق نىسانانى، ءتۇيىندى مىندەتتى جانە ساياسات - شارالاردى ايقىندادى، وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، جاڭا داۋىردەگى ءدىن قىزمەتىنە جەتەكشىلىك ەتەتىن تۇعىرنامالىق حۇجات، جاڭا داۋىردەگى ءدىن قىزمەتىن ويداعىداي ىستەۋگە العا ىلگەرىلەۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەدى. مۇقيات ۇيرەنىپ، ءتۇسىنىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن سانالى تۇردە بىرلىككە كەلتىرىپ، تياناقتاندىرۋدى ءىس جۇزىندىكپەن ۇشتاستىرا ويداعىداي يگەرىپ، پارتيانىڭ ءدىن قىزمەتى جاڭا جاعدايىن ۇزدىكسىز اشىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قۇلشىنا كۇرەس جاساۋ كەرەك.
ۋاڭ ياڭ قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى كەلەلى جاعدايدى باعامداپ، زور اۋقىمدى كوزدەپ، بەتالىس كورسەتىپ، جالپى جوبا ايقىنداپ، جاڭا داۋىردەگى ءدىن قىزمەتىنىڭ ءبىرسىپىرا كەلەلى نازاريالىق جانە امالياتتىق ماسەلەلەرىنە تەرەڭدەي جاۋاپ بەردى، بۇل پارتيانىڭ ءدىن قىزمەتى امالياتىنىڭ ەڭ جاڭا قورىتىندىسى، ماركسيزمدىك ءدىن كوزقاراسىنىڭ جۇڭگونىڭ ناقتى امالياتىمەن ۇشتاستىرىلۋىنىڭ ەڭ جاڭا جەتىستىگى، جۇڭگوشا سوتسياليستىك ءدىن نازارياسىنىڭ ەڭ جاڭا دامۋى، جاڭا داۋىردەگى ءدىن قىزمەتىن ويداعىداي ىستەۋدىڭ باس باعدارناماسى. جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتتارىن تولىق، دالمە - ءدال، جاپپاي ءتۇسىنىپ جانە دايەكتىلەندىرىپ، وزەكتى ماڭىزىن، رۋحاني ءمانىن، باي مازمۇنىن جانە امالياتتىق تالابىن ىشكەرىلەي ءتۇسىنىپ، ۇيرەنۋدى، وي جۇگىرتۋدى، قولدانۋدى ساباقتاستىرۋ، تانىمدى، سەنىمدى، ارەكەتتى بىرلىككە كەلتىرۋ كەرەك. پارتيانىڭ ءدىن قىزمەتى نەگىزگى باعىتىنا تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىن سالاسىنداعى قايشىلىقتار مەن ماسەلەلەردى زاڭمەن جونگە سالۋ وي جەلىسىمەن جانە زاڭمەن جونگە سالۋ ادىسىمەن ءبىر جايلى ەتۋگە شەبەر بولىپ، ەلىمىزدە ءدىننىڭ اقاۋسىز جالعاسۋىن جەبەپ، ءدىندى سوتسياليستىك قوعامعا ۇيلەسۋگە، جۇڭگوشا سوتسياليستىك جاڭا داۋىرگە ۇيلەسۋگە بەلسەنە جەتەكتەۋ كەرەك. وڭىرلەر، تاراۋلار ءماجىلىستىڭ رۋحىن ويداعىداي ۇيرەنۋدى، دايەكتىلەندىرۋدى ماڭىزدى ساياسي مىندەت ەتىپ، ۇيرەنۋدى، ۇگىت لەكسيانى ويداعىداي يگەرىپ، اتقارۋ پىكىرىن جاساپ، قىزمەت جاۋاپكەرشىلىگىن ناقتىلاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتاندىرىلۋىنا شىنايى كەپىلدىك ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە ءدىن قىزمەتىنە جاۋاپتى جولداستار، تەتە ولكە دارەجەلى قالالاردىڭ پارتكومدارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمداردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار، ارميانىڭ قاتىستى ورىندارىنداعى، قاتىستى زەرتتەۋ قۇرىلىمدارىنداعى جاۋاپتى جولداستار، ت.ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىىندا اشىلدى، ولكەلەردە، رايونداردا، قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس ورنى ورنالاستىرىلدى.
