1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعىن بەرۋ جينالىسىن سالتاناتپەن وتكىزدى

日期:2021年11月05日
来源:新疆日报
【字体:

  جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعىن بەرۋ جينالىسىن سالتاناتپەن وتكىزدى

  شي جينپيڭ جينالىسقا قاتىناستى ءارى ەڭ جوعارى سيلىق يەگەرلەرى قاتارلىلارعا سيلىق بەردى

  لي كىچياڭ ءسوز سويلەدى، ۋاڭ حۋنيڭ قاتىناستى، حان جىڭ باسقاردى

  11 - ايدىڭ 3 - كۇنى 2020 - جىلعى مەملەكەتتىك عىلىم - تەحنيكا سيلىعىن بەرۋ جينالىسى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2020 - جىلعى مەملەكەتتىك ەڭ جوعارى عىلىم - تەحنيكا سيلىعىنا يە بولعان جۇڭگو اۆياتسيا ونەركاسىپ توبى شەكتى سەرىكتەستىگىندەگى گۋ سۇڭفىن اكادەميككە (وڭدا) جانە چيڭحۋا داشۋەسىندەگى ۋاڭ داجۇڭ اكادەميككە (سولدا) سيلىق بەردى. □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  11 - ايدىڭ 3 - كۇنى 2020 - جىلعى مەملەكەتتىك عىلىم - تەحنيكا سيلىعىن بەرۋ جينالىسى بەيجيڭ حالىق سارايىندا سالتاناتپەن وتكىزىلدى. جينالىستىڭ الدىندا پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ، حان جىڭ قاتارلىلار سيلىق يەگەرلەرىنىڭ ۋاكىلدەرىمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى. □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 11 - ايدىڭ 3 - كۇنى تۇستەن بۇرىن بەيجيڭدە مەملەكەتتىك عىلىم - تەحنيكا سيلىعىن بەرۋ جينالىسىن سالتاناتپەن وتكىزدى. شي جينپيڭ، لي كىچياڭ، ۋاڭ حۋنيڭ، حان جىڭ قاتارلى پارتيا مەن مەملەكەت باسشىلارى جينالىسقا قاتىناستى ءارى سيلىق يەگەرلەرىنىڭ ۋاكىلدەرىنە سيلىق بەردى. لي كىچياڭ پارتيا ورتالىق كوميتەتى، مەملەكەتتىك كەڭەس اتىنان جينالىستا ءسوز سويلەدى. حان جىڭ جينالىستى باسقاردى.

  تۇستەن بۇرىن ساعات 10نان 20 مينۋت وتكەندە جينالىس ايبىندى مەملەكەت انىمەن باستالدى. قىزۋ شاپالاق ءۇنى ىشىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ الدىمەن 2020 - جىلعى مەملەكەتتىك ەڭ جوعارى عىلىم - تەحنيكا سيلىعىنا يە بولعان جۇڭگو اۆياتسيا ونەركاسىپ توبى شەكتى سەرىكتەستىگىندەگى گۋ سۇڭفىن اكادەميككە جانە چيڭحۋا داشۋەسىندەگى ۋاڭ داجۇڭ اكادەميككە مەدال، كۋالىك بەرىپ، ولارمەن ىستىق ىقىلاسپەن قول الىسىپ، قۇتتىقتادى ءارى ولاردى ءتوراعالار مىنبەسىنەن ورىن الۋعا ۇسىنىس ەتتى. وسىدان سوڭ شي جينپيڭ قاتارلى پارتيا مەن مەملەكەت باسشىلارى وسى ەڭ جوعارى سيلىقتىڭ ەكى يەگەرىمەن بىرگە مەملەكەتتىك جاراتىلىستىق عىلىمدار سيلىعىنا، مەملەكەتتىك تەحنيكالىق تاپقىرلىق سيلىعىنا، مەملەكەتتىك عىلىم - تەحنيكا العاباسارلىعى سيلىعىنا يە بولعانداردىڭ ۋاكىلدەرىنە كۋالىك بەردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ سوزىندە پارتيا ورتالىق كوميتەتى، مەملەكەتتىك كەڭەس اتىنان سيلىق يەگەرلەرىن قىزۋ قۇتتىقتاپ، بۇكىل ەلدەگى قالىڭ عىلىم - تەحنيكا قىزمەتكەرلەرىنە وسكەلەڭ قۇرمەت ءبىلدىردى، جۇڭگونىڭ عىلىم - تەحنيكا ىستەرىنە ات سالىسقان جانە وعان قولداۋ كورسەتكەن شەتەلدىك ماماندارعا شىن جۇرەكتەن العىس ايتتى.

  لي كىچياڭ بىلاي دەدى: پارتيامىز عىلىم - تەحنيكا ىستەرىنە ايرىقشا ءمان بەردى، عىلىم - تەحنيكا قىزمەتكەرلەرىنە قۇرمەت ەتتى جانە ولارعا كوڭىل ءبولدى. جاڭا جۇڭگو قۇرىلعاننان بەرى ەلىمىز عىلىم - تەحنيكا ىستەرىندە دۇنيە ءجۇزىن جالت قاراتقان تابىستارعا قول جەتكىزدى، قالىڭ عىلىم - تەحنيكا قىزمەتكەرلەرى ايانباي ۇلەس قوسىپ، جۇرەكتىلىكپەن شىڭعا شىعىپ، شۇعىلالى تاراۋ جازدى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، حالىق بۇقاراسىنىڭ ءومىرى مەن دەنساۋلىعىن قورعاۋ جاعىندا ماڭىزدى ۇلەس قوستى. ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، جاڭالىق اشۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى وزەكتى ورنىنا تاباندى بولىپ، عىلىم - تەحنيكالىق جاڭالىق اشۋ قابىلەتىن جاپپاي جوعارىلاتىپ، قوعامنىڭ جاسامپازدىق كومەسكى كۇشىن كەڭ كولەمدە قاۋلاتىپ، عىلىم - تەحنيكادا جاڭالىق اشۋعا سۇيەنىپ دامۋدىڭ جاڭا باسىمدىعىن تۇلعالاۋ كەرەك.

  لي كىچياڭ بىلاي دەپ اتاپ كورسەتتى: مەملەكەتتىڭ كەلەلى ستراتەگيالىق قاجەتىن ارقاۋ ەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، كەلەلى عىلىم - تەحنيكا نىساندارىن ىلگەرىلەتىپ، ”قابىلەتتىلەر باستاماشى بولىپ ىستەۋ“ سياقتى مەحانيزمدەردى جالپىلاستىرىپ، جاڭالىق اشۋدى قالايتىن، جاڭالىق اشۋعا باتىل، جاڭالىق اشا الاتىن ادامداردىڭ ءبارىنىڭ ءوز ونەرىن ايگىلەۋىنە وراي بەرۋ كەرەك. نەگىزدىك زەرتتەۋدى تاباندىلىقپەن كۇشەيتىپ، عىلىم زاڭدىلىعىنا قۇرمەت ەتىپ، ەركىن ىزدەنىس جاساۋ مەن ماسەلەنى باعدار ەتۋدى ورگانيكالى ۇشتاستىرۋدى ىلگەرىلەتىپ، ”ۇزاق بارىستا شىڭدالىپ جەتىلەتىن“ تاباندىلىق پەن توزىمدىلىكتى ساقتاپ، ۇزاق ۋاقىت ورنىقتى قولداۋدى كۇشەيتىپ، كاسىپورىندار مەن قوعامدىق كاپيتال ۇسىنىلىمىن ارتتىرۋعا جەتەكتەپ، نەگىزدىك وقۋ - اعارتۋ رەفورماسىن تەرەڭدەتىپ، جوعارى مەكتەپ نەگىزدىك پاندەر قۇرىلىسىن كۇشەيتۋ كەرەك. جاڭالىق اشۋعا ىنتالاندىراتىن، ساتسىزدىككە كەڭشىلدىكپەن قارايتىن تاماشا عىلمي زەرتتەۋ ەكولوگياسىن قالىپتاستىرىپ، عىلمي زەرتتەۋ قىزمەتكەرلەرىنىڭ تاباندىلىقپەن تالىقپاي ەڭبەك ەتىپ، ”0دەن 1گە سەكىرەتىن“ اناعۇرلىم كوپ ءتول جاسامپازدىق جەتىستىكتەرىن جاراتۋىنا قولداۋ كورسەتۋ كەرەك.

  لي كىچياڭ بىلاي دەدى: كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، ءوندىرىستىڭ، وقىتۋدىڭ، زەرتتەۋدىڭ تەرەڭدەي توعىسۋىن ىلگەرىلەتۋ كەرەك. جاڭالىق اشۋعا ىنتالاندىراتىن، جالپىعا ءتيىمدى اناعۇرلىم كوپ ساياساتتار بەلگىلەپ، جاڭالىق جاراتۋ فاكتورلارىنىڭ كاسىپورىندارعا شوعىرلانۋىن جەبەۋ كەرەك. كاسىپ سالاسى تىزبەگىنىڭ جوعارعى، ورتاڭعى، تومەنگى بۋىندارىنىڭ، ءىرى، ورتا، شاعىن كاسىپورىنداردىڭ توعىسا جاڭالىق اشۋىن ىلگەرىلەتىپ، ءبىلىم مەنشىك ۇقىعىن قورعاۋدى، پايدالانۋدى كۇشەيتىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋدىڭ جەدەل ارناسىن اشۋ كەرەك.

  لي كىچياڭ بىلاي دەپ اتاپ كورسەتتى: جاڭالىق اشۋعا، جاسامپازدىققا تۇساۋ بولاتىن باسى ارتىق شەكتەمەلەردى اناعۇرلىم زور تەبىنمەن تالقانداپ، عىلىم - تەحنيكا ءتۇزىلىسى رەفورماسىن تەرەڭدەتىپ، عىلمي زەرتتەۋ قىزمەتكەرلەرىنە، شىن مانىندە ىرىق بەرۋ، اۋىرتپالىعىن جەڭىلدەتۋ كەرەك. كەمەلدى باسقارۋ جانە باقىلاۋ ءتۇزىلىسىن ورناتىپ، اقاۋسىزداندىرىپ، جاۋاپكەرشىلىك ءتۇزىمدى تياناقتاندىرىپ، تومەنگە بەرىلگەن ءتۇرلى ۇقىق پەن جاۋاپكەرشىلىكتىڭ تياناقتى قابىلدانۋىنا، ويداعىداي باسقارىلۋىنا شىنايى كەپىلدىك ەتۋ كەرەك. عىلىم - تەحنيكالىق باعالاۋ جانە سيلاۋ مەحانيزمىن كەمەلدەندىرۋ كەرەك. جاڭالىق اشۋعا ءتيىمدى شارت - جاعداي جانە ورتا جەتىلدىرىپ، اناعۇرلىم كوپ جاڭالىق اشۋ، شارۋاشىلىق قۇرۋ تۇلعالارىنىڭ تامىر تارتىپ، وركەن جايۋىنا، گۇل اشىپ، جەمىس بەرۋىنە مۇمكىندىك جاساۋ كەرەك. اناعۇرلىم كوپ جاس دارىندىلاردىڭ توپ جارىپ العا شىعۋىن جەبەۋ كەرەك. حالىقارالىق عىلىم - تەحنيكا سەلبەستىگىن تەرەڭدەتىپ، ەسىك اشۋدى كەڭەيتۋ بارىسىندا ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ جينالىستى باسقارعاندا بىلاي دەدى: عىلىم - تەحنيكادا ءوز كۇشىنە سۇيەنسە ۇلت كوركەيەدى، عىلىم - تەحنيكا كۇشەيسە مەملەكەت قۇدىرەتتەنەدى. قالىڭ عىلىم - تەحنيكا قىزمەتكەرلەرىنىڭ سيلىق يەگەرلەرىن ۇلگى ەتىپ، عىلىم ارقىلى وتان ءۇمىتىن اقتايتىن داڭقتى ءداستۇردى ۇزدىكسىز ساۋلەلەندىرىپ، عالىمدار رۋحىن بارىنشا اسقاقتاتىپ، ”ءتورتتى بەتكە الۋعا“ تاباندى بولىپ، تاريحي كەلەلى مىندەتتى ىرىقتىلىقپەن ارقالاپ، جوعارى ورەلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋىن ءۇمىت ەتەمىن. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا دەربەس جاڭالىق اشۋ جولىمەن بۇلجىماي ءجۇرىپ، عىلىم - تەحنيكادا دۇنيە ءجۇزى بويىنشا قۋاتتى ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋىمىز كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى جينالىستا «مەملەكەتتىك كەڭەستىڭ 2020 - جىلعى مەملەكەتتىك عىلىم - تەحنيكا سيلىعىن بەرۋ جونىندەگى قارارىن» وقىدى.

  ۋاڭ داجۇڭ بارلىق سيلىق يەگەرلەرى اتىنان ءسوز سويلەدى.

  سيلاۋ جينالىسى باستالۋدىڭ الدىندا، شي جينپيڭ قاتارلى پارتيا مەن مەملەكەت باسشىلارى مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرىمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

  ديڭ شۋەشياڭ، شۇي چيلياڭ، چىن شي، حۋاڭ كۇنميڭ، ەركىن يمىرباقى، شياۋ جيە، لۋ جانگۇڭ جينالىسقا قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى جاۋاپتى جولداستار، مەملەكەتتىك عىلىم - تەحنيكا باسشىلىق گرۋپپاسىنىڭ مۇشەلەرى، مەملەكەتتىك عىلىم - تەحنيكا سيلىعى كوميتەتىنىڭ مۇشەلەرى، 2020 - جىلعى مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرى مەن ولاردىڭ وتباسىنداعىلاردىڭ ۋاكىلدەرى، استاناداعى عىلىم - تەحنيكا سالاسىنىڭ ۋاكىلدەرى جانە وقۋشىلاردىڭ ۋاكىلدەرى، ت.ب بولىپ شامامەن 3000 ادام جينالىسقا قاتىناستى.

  2020 - جىلعى مەملەكەتتىك عىلىم - تەحنيكا سيلىعى بويىنشا جالپى 264 نىسان، 10 عىلىم - تەحنيكا مامانى جانە ءبىر حالىقارالىق ۇيىم باعالاندى. مۇنىڭ ىشىندە 2 ادام مەملەكەتتىك ەڭ جوعارى عىلىم - تەحنيكا سيلىعىنا يە بولدى؛ مەملەكەتتىك جاراتىلىستىق عىلىمدار سيلىعى 46 بولىپ، مۇنىڭ ىشىندە ەكەۋى 1 - دارەجەلى سيلىققا، 44ى 2 - دارەجەلى سيلىققا يە بولدى؛ مەملەكەتتىك تەحنيكالىق تاپقىرلىق سيلىعى 61 بولىپ، مۇنىڭ ىشىندە ۇشەۋى 1 - دارەجەلى سيلىققا، 58ى 2 - دارەجەلى سيلىققا يە بولدى؛ مەملەكەتتىك عىلىم - تەحنيكا العاباسارلىعى سيلىعى 157 بولىپ، مۇنىڭ ىشىندە ەكەۋى ەرەكشە سيلىققا، 18ى 1 - دارەجەلى سيلىققا، 137سى 2 - دارەجەلى سيلىققا يە بولدى؛ شەتەلدىك 8 مامانعا جانە ءبىر حالىقارالىق ۇيىمعا جۇڭحۋا حالىق رەسپۋبليكاسى حالىقارالىق عىلىم - تەحنيكا سەلبەستىك سيلىعى بەرىلدى.