1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ 20 ەل توبى باسشىلارىنىڭ 16 - رەتكى باسشىلار ءماجىلىسىنىڭ 1 - كەزەڭدەگى جيىنىنا قاتىناستى ءارى ماڭىزدى ءسوز سويلەدى

日期:2021年10月31日
来源:新疆日报
【字体:


 10 - ايدىڭ 30 - كۇنى مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن 20 ەل توبى باسشىلارىنىڭ 16 - رەتكى باسشىلار ءماجىلىسىنىڭ 1 - كەزەڭدەگى جيىنىنا قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 30 - كۇنى بەيجيڭدە بەينە ەكران تاسىلىمەن 20 ەل توبى باسشىلارىنىڭ 16 - رەتكى باسشىلار ءماجىلىسىنىڭ 1 - كەزەڭدەگى جيىنىنا قاتىناستى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ۇزدىكسىز قايتالاپ، دۇنيە ءجۇزى ەكونوميكاسىنىڭ قايتا جاندانۋى السىرەپ، كليمات وزگەرىسىنىڭ سىن - سايىسى كورنەكتىلەنىپ، وڭىرلىك قولامتالى ماسەلەلەر ءجيى تۋىلۋدا. دۇنيە جۇزىندە 100 جىلدا بولماعان زور وزگەرىس جانە عاسىرلىق ىندەت الدىندا، 20 ەل توبى حالىقارالىق ەكونوميكالىق سەلبەستىكتىڭ نەگىزگى تالقى مىنبەرى رەتىندە، ءتيىستى جاۋاپكەرشىلىكتى ارقالاپ، ادامزاتتىڭ بولاشاعى، حالىقتىڭ قۇت - ىرىسى ءۇشىن، اشىق، سيىسىمدى بولۋعا، سەلبەسىپ بىردەي يگىلىككە كەنەلۋگە تاباندى بولىپ، شىن مانىندەگى كوپ جاقتىلىقتى امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

  شي جينپيڭ مىناداي 5 ۇسىنىستى العا قويدى.

  ءبىرىنشى، ىنتىماقتاسا سەلبەسىپ، ىندەتكە قول ۇستاسا قارسى اتتانۋ. حالىقارالىق قوعام ءبىر نيەتپەن كۇش قوسىپ، جاڭا تيپتى ايدارشا ۆيرۋس وكپە قابىنۋ ىندەتىنە عىلمي پوزيتسيامەن مامىلە جاساپ جانە ونى جەڭۋ، ساقتانۋ - تىزگىندەۋ، دياگنوز قويۋ، ەمدەۋ ءتاسىلى سەلبەستىگىن كۇشەيتىپ، الەۋمەتتىك دەنساۋلىق ساقتاۋداعى ەلەۋلى، توسىن وقيعالارعا توتەپ بەرۋ قابىلەتىن جوعارىلاتۋ ءتيىس. 20 ەل توبى ورتاق تانىم ۇيىستىرۋ، بايلىقتى جۇمىلدىرۋ، سەلبەستىكتى ىلگەرىلەتۋ جاقتارىندا جەتەكشىلىك رولىن ساۋلەلەندىرۋ ءتيىس.

  مەنىڭ الەمدىك ۆاكسينا سەلبەستىگى ارەكەت باستاماسىن تاعى دا ورتاعا قويعىم كەلەدى: بىرىنشىدەن، ۆاكسينا جونىندە عىلمي زەرتتەۋ سەلبەستىگىن كۇشەيتىپ، ۆاكسينا كاسىپورىندارىنىڭ وركەندەپ كەلە جاتقان ەلدەرمەن بىرلەسىپ زەرتتەپ جاساۋىنا، وندىرۋىنە قولداۋ كورسەتۋ. ەكىنشىدەن، ادىلدىككە، تۋراشىلدىققا تاباندى بولىپ، وركەندەپ كەلە جاتقان ەلدەردى ۆاكسينامەن قامداۋ تەبىنىن ارتتىرىپ، دۇنيە جۇزىلىك دەنساۋلىق ساقتاۋ ۇيىمى ورتاعا قويعان 2022 - جىلعا دەيىنگى الەمدىك ۆاكسينا ەگۋ نىساناسىن تياناقتاندىرۋ. ۇشىنشىدەن، دۇنيە جۇزىلىك ساۋدا ۇيىمىنىڭ ۆاكسينا ءبىلىم مەنشىك ۇقىعىن تەكتەمەۋ جونىندە ەرتەرەك شەشىم جاساۋىنا قولداۋ كورسەتىپ، ۆاكسينا كاسىپورىندارىن وركەندەپ كەلە جاتقان ەلدەرگە تەحنيكا وتكەرمەلەۋگە شابىتتاندىرۋ. تورتىنشىدەن، شەكارا اتتاعان ساۋدا سەلبەستىگىن كۇشەيتىپ، ۆاكسينا، سونداي - اق شيكىزات، قوسىمشا ماتەريالدار ساۋداسىنىڭ ىركىلىسسىزدىگىن قامتاماسىز ەتۋ. بەسىنشىدەن، ءار ءتۇرلى ۆاكسيناعا ادىلدىكپەن مامىلە جاساپ، دۇنيە جۇزىلىك دەنساۋلىق ساقتاۋ ۇيىمىنىڭ ۆاكسينانى شۇعىل جاعدايدا پايدالانۋ تىزىمدىگىن دايەك ەتە وتىرىپ، ۆاكسينانى ءوزارا مويىنداۋدى ىلگەرىلەتۋ. التىنشىدان، الەمدىك ۆاكسينا سەلبەستىگىنە، اسىرەسە، وركەندەپ كەلە جاتقان ەلدەردىڭ ۆاكسيناعا قول جەتكىزۋىنە فينانستىق قولداۋ كورسەتۋ.

  قازىر جۇڭگو 100 نەشە مەملەكەت پەن حالىقارالىق ۇيىمدى ءبىر ميلليارد 600 ميلليوننان استام ۆاكسينامەن قامدادى، بيىل تۇتاس جىلدا سىرتتى 2 ميللياردتان استام ۆاكسينامەن قامدايدى. جۇڭگو 16 مەملەكەتپەن ۆاكسينانى بىرلەسىپ ءوندىرۋدى ورىستەتۋدە، 30 مەملەكەتپەن بىرگە ”ءبىر بەلدەۋ، ءبىر جول“ ۆاكسينا سەلبەستىگى سەرىكتەستىك قارىم - قاتىناسى باستاماسىن العا قويدى. جۇڭگو جاق ءار جاقپەن قول ۇستاسا قۇلشىنىپ، ۆاكسينانىڭ وركەندەپ كەلە جاتقان ەلدەردە قولجەتىمدىلىگىن جانە كوتەرىمدىلىگىن جوعارىلاتىپ، الەمدىك ۆاكسينا ساقتىق شەبى ءۇشىن بەلسەندى ۇلەس قوسۋدى قالايدى.

  ەكىنشى، سايكەستىرۋدى كۇشەيتىپ، قايتا جاندانۋدى جەبەۋ. ماكرولىق ەكونوميكا ساياساتىن سايكەستىرۋدى كۇشەيتىپ، ساياساتتىڭ جالعاستىلىعىن، ورنىقتىلىعىن، باياندىلىعىن ساقتاۋ ءتيىس. باستى ەكونوميكالىق تۇلعالار جاۋاپكەرشىلىك ارقالايتىن ماكرولىق ەكونوميكا ساياساتىن جولعا قويىپ، وركەندەپ كەلە جاتقان ەلدەرگە ۇنامسىز اسەردىڭ ىقپال ەتۋىنەن ساقتانىپ، حالىقارالىق ەكونوميكا، فينانس جۇيەسىنىڭ ورنىقتى، اقاۋسىز اينالىمىن قورعاۋ كەرەك.

  سونىمەن بىرگە، ۇزاق ۋاقىتتى كوزدە ۇستاپ، الەمدىك ەكونوميكالىق جونگە سالۋ جۇيەسى مەن ەرەجەسىن كەمەلدەندىرىپ، حالىقارالىق ەكونوميكا جاعدايىنىڭ وزگەرىسىن شىن مانىندە بەينەلەپ، وركەندەپ كەلە جاتقان ەلدەردىڭ ءسوز بيلىگىن جوعارىلاتۋ ءتيىس. جۇڭگو حالىقارالىق اقشا قورى ۇيىمىنىڭ ەرەكشە اقشا الۋ ۇقىعىن ۇستەپ بەرۋىن قارسى الادى، ىندەتتىڭ ىقپالىنا اۋىر ۇشىراعان تومەن كىرىستى ەلدەرگە اينالمالى نەسيە بەرۋدى قالايدى.

  دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قورعاپ، اشىق دۇنيە ءجۇزى ەكونوميكاسىن قۇرىپ، وركەندەپ كەلە جاتقان ەلدەردىڭ ۇقىق - مۇددەسى مەن دامۋ كەڭىستىگىن قامتاماسىز ەتۋ ءتيىس. داۋ - شاردى شەشۋ مەحانيزمىنىڭ قالىپتى اينالىمىن تەزىرەك قالپىنا كەلتىرىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋ كەرەك. جۇڭگو جاق كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى جانە ورنىقتىلىعى جونىندەگى حالىقارالىق تالقى مىنبەرىن وتكىزۋدى دارىپتەيدى، 20 ەل توبىنا مۇشە ەلدەردىڭ جانە قاتىستى حالىقارالىق ۇيىمداردىڭ بەلسەندىلىكپەن قاتىناسۋىن قارسى الادى. جۇڭگو ءار جاقپەن بىرگە، ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى ىلگەرىلەتۋدە ءتىپتى دە مول جەتىستىكتەرگە قول جەتكىزۋدى قالايدى.

  ءۇشىنشى، جالپىعا ءتيىمدى، سيىسىمدى بولىپ، بىرگە دامۋ. حالىقتى وزەك ەتۋگە تاباندى بولىپ، الەمدىك دامۋدىڭ ادىلدىگىن، ونىمدىلىگىن، سيىسىمدىلىعىن جوعارىلاتىپ، ەشقانداي مەملەكەتتى قاعىس قالدىرماۋعا قۇلشىنۋ ءتيىس. 20 ەل توبى دامۋدى ماكرولىق ساياساتتى سايكەستىرۋدە كورنەكتى ورىنعا قويىپ، افريكانىڭ جانە دامۋى ەڭ كەنجە ەلدەردىڭ ونەركاسىپتەنۋدى جۇزەگە اسىرۋىن قولداۋ باستاماسىن تياناقتاندىرۋ ءتيىس. دامىعان ەكونوميكالىق تۇلعالار ۇكىمەت جاقتىڭ دامۋعا كومەكتەسۋ ۋادەسىن اتقارىپ، وركەندەپ كەلە جاتقان ەلدەردى ءتىپتى دە كوپ بايلىقپەن قامداۋ كەرەك. مەنىڭ بىرلەسكەن مەملەكەتتەر ۇيىمىندا العا قويعان الەمدىك دامۋ باستاماسى 20 ەل توبىنىڭ الەمدىك دامۋدى ىلگەرىلەتۋ باس ماقساتىمەن جانە ءتۇيىندى باعدارىمەن جوعارى دەڭگەيدە ۇيلەسەدى، ءار ەلدىڭ بەلسەندىلىكپەن ات سالىسۋىن قارسى الامىن.

  ءتورتىنشى، جاڭالىق اشۋ ارقىلى دەم بەرىپ، قوزعاۋشى كۇشتى اشۋ. 20 ەل توبى جاڭالىق اشۋدىڭ ارتۋ كومەسكى قۋاتىن كۇش بىرىكتىرە اشىپ، ەرەجەنى تولىق قاتىناسۋ، كەڭىنەن ورتاق تانىمعا كەلۋ نەگىزىندە جاساپ، دامۋعا جاڭالىق اشۋ ارقىلى دەم بەرۋگە تاماشا ەكولوگيا جاراتۋ ءتيىس. قيسىنسىز شاعىن شەڭبەر قۇرۋ، ءتىپتى، يدەولوگيالىق سىزىق سىزۋ تەك قانا ارازدىق تۋدىرادى، كەدەرگىنى كوبەيتەدى، عىلىم - تەحنيكادا جاڭالىق اشۋعا زياندى بولسا بولادى ەكەن، ەشقانداي پايداسى جوق.

  سيفر ءداۋىرىنىڭ جاۋاپكەرشىلىگىن بىرگە ارقالاپ، جاڭاشا سيفرلىق نەگىزدىك قۇرىلعى قۇرىلىسىن جەدەلدەتىپ، سيفر تەحنيكاسىنىڭ ناقتى ەكونوميكامەن تەرەڭدەي توعىسۋىن جەبەپ، وركەندەپ كەلە جاتقان ەلدەردىڭ ”سيفرلى جىلعاسىن“ جويۋىنا كومەكتەسۋ كەرەك. جۇڭگو «الەمدىك سيفرلى مالىمەت حاۋىپسىزدىگى باستاماسىن» ورتاعا قويدى، ءبىز ءار جاقتىڭ قالاۋىن بەينەلەيتىن، ءار جاقتىڭ مۇددەسىنە قۇرمەت ەتەتىن سيفرلىق جونگە سالۋدىڭ حالىقارالىق ەرەجەسىن بىرگە تالقىلاپ جاساپ، اشىق، ءادىل، تۋراشىل، كەمسىتپەيتىن سيفرلى دامۋ ورتاسىن بەلسەندىلىكپەن جاراتامىز. جۇڭگو سيفرلى ەكونوميكاداعى حالىقارالىق سەلبەستىككە وسكەلەڭ ءمان بەرەدى، «سيفرلى ەكونوميكا سەرىكتەستىك قارىم - قاتىناس كەلىسىمىنە» كىرۋگە ءوتىنىش ەتۋ شەشىمىن جاسادى، ءار جاقپەن كۇش بىرىكتىرە وتىرىپ سيفرلى ەكونوميكانىڭ اقاۋسىز، ءتارتىپتى دامۋىن ىلگەرىلەتۋدى قالايدى.

  بەسىنشى، جاراسىمدى بىرگە ءومىر ءسۇرۋ، جاسىلدى ماڭگى جالعاستىرۋ. 20 ەل توبى ورتاق، ءبىراق پارىقتى جاۋاپكەرشىلىك پرينسيبىن ۇستانىپ، كليماتتىڭ وزگەرىسىنە توتەپ بەرۋ جونىندەگى «پاريج كەلىسىمىن» جالپى بەتتىك تياناقتاندىرۋدى ىلگەرىلەتىپ، «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتى» بويىنشا 26 - رەتكى شارت جاساسۋشى جاقتار جينالىسىنىڭ جانە «ورگانيزمدەردىڭ كوپ تۇرلىلىگى شارتى» بويىنشا 15 - رەتكى شارت جاساسۋشى جاقتار جينالىسىنىڭ ءساتتى وتكىزىلۋىنە قولداۋ كورسەتۋءتيىس. دامىعان ەلدەر لاستاۋشى زاتتاردى شىعارۋدى ازايتۋ ماسەلەسىندە ۇلگى كورسەتىپ، وركەندەپ كەلە جاتقان ەلدەردىڭ ەرەكشە قيىنشىلىعى مەن ءجىتى قاداعالاپ وتىرعان ىستەرىن تولىق ويلاستىرىپ، كليماتتىق قارجى قۇراۋ ۋادەسىن تياناقتاندىرۋ ءارى تەحنيكا، قابىلەت قۇرىلىسى سياقتى جاقتاردا وركەندەپ كەلە جاتقان ەلدەرگە قولداۋ كورسەتۋ ءتيىس.

  جۇڭگو مەملەكەت جاعدايىمەن ۇيلەسەتىن حالىقارالىق جاۋاپكەرشىلىكتى ىرىقتىلىقپەن ارقالاپ، ەكونوميكانىڭ جاسىل بولۋعا قاراي تيپ جاڭالاۋىن بەلسەندىلىكپەن ىلگەرىلەتىپ، كليمات وزگەرىسىنە توتەپ بەرۋ ارەكەتىنىڭ تەبىنىن ۇزدىكسىز ءوز كۇشىنە سۇيەنىپ جوعارىلاتىپ كەلەدى. جۇڭگو 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا قۇلشىنادى. ءبىز ۋادەمىزدى سەنىممەن ورىنداپ، ءار ەلمەن قول ۇستاسىپ جاسىل، تومەن كومىر قىشقىل گازدى، باياندى دامۋ جولىمەن جۇرەمىز.

  شي جينپيڭ بىلاي دەپ اتاپ كورسەتتى: جۇڭگودا بۇرىنعىلار: ”ادالدىقتىڭ ءوزى كىرشىكسىزدىك“ دەگەن ەكەن. مۇنىڭ ءمانىسى ادالدىق دوستىقتىڭ نەگىزى دەگەن ءسوز. جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، اسا زور كولەمدەگى بازار ارتىقشىلىعى مەن ىشكى سۇرانىس كومەسكى قۋاتىن ساۋلەلەندىرىپ، ەرەجە، زاڭ - ءتارتىپ، باسقارۋ، ولشەم سياقتى تۇزىمدىك ەسىك اشۋدى كۇش سالا ىلگەرىلەتىپ، ءبىلىم مەنشىك ۇقىعىن قورعاۋ تەبىنىن ۇزدىكسىز ارتتىرىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن ۇزدىكسىز جاراتىپ، جۇڭگو، شەتەل كاسىپورىندارىنا ءادىل، تۋراشىل بازار ءتارتىبىن ازىرلەيدى. مەن جۇڭگونىڭ دامۋىنىڭ ءار ەلگە ءتىپتى دە كوپ جاڭا وراي الا كەلىپ، دۇنيە ءجۇزى ەكونوميكاسىنا ءتىپتى دە كوپ جاڭا قوزعاۋشى كۇش ۇستەيتىندىگىنە سەنەمىن.

  شي جينپيڭ سوڭىندا بىلاي دەپ باسا دارىپتەدى: ادامزاتتىڭ تاعدىرلاس ورتاق تۇلعاسىن قۇرۋ دۇنيە جۇزىندەگى ءار ەلدىڭ قاجىماي - تالماي قۇلشىنۋىن قاجەت ەتەدى. جول الىس بولعانىمەن، جۇرە بەرسەڭ جەتەسىڭ، قاجىماي - تالماي جالعاستىرساڭ، تاماشا كەلەشەكتەن ءۇمىت زور. ىنتىماقتاسىپ، ىندەت تۇمانىن ەرتەرەك سەيىلتىپ، اناعۇرلىم تاماشا بولاشاقتى قول ۇستاسا بىرگە قۇرايىق.

  باسشىلار ءماجىلىسىن بيىلعى 20 ەل توبىنا ءتوراعا ەل يتاليانىڭ زۇڭليى دراگي باسقاردى. 20 ەل توبىنا مۇشە ەلدەردىڭ باسشىلارى، سيلى قوناق ەلدەردىڭ باسشىلارى، سونداي - اق قاتىستى حالىقارالىق ۇيىمداردىڭ جاۋاپتىلارى ينتەرنەت جەلىسىندە، ينتەرنەت جەلىسىنەن تىس ۇشتاسۋ ءتاسىلى ارقىلى ماجىلىسكە قاتىناستى.

  مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي ءتوراعا شي جينپيڭنىڭ ارنايى ۋاكىلى رەتىندە يتاليادا ماجىلىسكە قاتىناستى.