شينحۋا اگەنتتىگى، 3 – ايدىڭ 13 - كۇنى، بەيجيڭ. جۇڭگو حالىق ساياسي كەڭەسى مەملەكەتتىك 13 – كەزەكتى كوميتەتىنىڭ ەكىنشى ءماجىلىسى ءتۇرلى كەڭەستىك تارتىپتەرىن تابىسپەن ورىنداعان سوڭ 3 – ايدىڭ 13 – كۇنى تۇستەن بۇرىن حالىق سارايىندا جابىلدى. ءماجىلىس حالىق ساياسي كەڭەسىنىڭ ءار دارەجەلى ۇيىمدارىن، قاتىناسۋشى ورىنداردى جانە ساياسي كەڭەستىڭ مۇشەلەرىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، جۇڭگوشا سوتسياليزم ۇلى تۋىن بيىك كوتەرىپ، تىنباي قۇلشىنىپ، ج ك پ ورتالىق كوميتەتىنىڭ شەشىم، ورنالاستىرۋلارى مەن حالىق ساياسي كەڭەسى قىزمەتىنە قويىلعان تالاپتاردى شىنايى تياناقتاندىرىپ، ەل ءىشى – سىرتىنداعى جۇڭحۋا پەرزەنتتەرىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋداعى اقىل – پاراساتى مەن كۇش – قۋاتىن ۇيىستىرىپ، ەرەن تابىسپەن جاڭا جۇڭگو قۇرىلعانىنىڭ 70 جىلدىعىن قۇتتىقتاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزۋ، ەلىمىزدى باي - قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ ءۇشىن ءتىپتى دە زور ۇلەس قوسۋعا ۇندەدى.
ءماجىلىستى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى.
شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى.ء
ماجىلىس مەملەكەتتىك ساياسي كەڭەس 13 – كەزەكتى كوميتەتى ەكىنشى ءماجىلىسىنىڭ تۇراقتى كوميتەتتىڭ قىزمەت بايانداسى جونىندەگى قاۋلىسىن، مەملەكەتتىك ساياسي كەڭەس 13 – كەزەكتى كوميتەتى ۇسىنىس جوبالاردى تەكسەرۋ كوميتەتىنىڭ مەملەكەتتىك ساياسي كەڭەس 13 – كەزەكتى كوميتەتى ەكىنشى ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسىن، مەملەكەتتىك ساياسي كەڭەس 13 – كەزەكتى كوميتەتى ەكىنشى ءماجىلىسىنىڭ ساياسي قاۋلىسىن ماقۇلدادى.
كەلۋ قاينارى: حالىق تورابى
