شينحۋا اگەنتتىگى، 3 – ايدىڭ 8 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 3 - ايدىڭ 8 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە قاتىناسقان ءىشىنارا ۋاكىلدەر ۇيىرمەسىنىڭ تالقىسىنا جەكە - جەكە قاتىناستى.
«8 - ناۋرىز» حالىقارالىق ەڭبەكشى ايەلدەر مەرەكەسى بايلانىسىمەن، شي جينپيڭ پارتيا ورتالىق كوميتەتى اتىنان مەملەكەتتىك ەكى ماجىلىسكە قاتىناسقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالاداعى ايەلدەرگە مەرەكەلىك قۇتتىقتاۋ ايتىپ، ىزگى تىلەك ءبىلدىردى.
شي جينپيڭ حىنان ۋاكىلدەر ۇيىرمەسىنىڭ تالقىسىنا قاتىناستى. تالقىدا ۋاڭ شينۋەي، ۋاڭ دۋجۋان، تاڭ يۇيشياڭ، سۇڭ حۋجىن، لي ليانچىڭ، گاۋ جيانجۇن، لي حۇڭشيا، حۋاڭ جيۋشىڭ سىندى 8 ۋاكىل ەسىك اشۋ، دامۋ، جۇڭگونىڭ ساپالى جابدىقتاۋ – جاساۋ ماركاسىن قالىپتاستىرۋ، وزىق جابدىقتاۋ – جاساۋ كاسىبىنىڭ شەتەلگە بەت الۋىن ىلگەرىلەتۋ، اۋىل شارۋاشىلىعىنىڭ ساپالى دامۋىن ىلگەرىلەتۋ، ەگىنشىلەردىڭ 8 ارمانى، جياۋ يۇيلۋ رۋحىن اسقاقتاتۋ، جاڭالىق جاراتۋ فاكتورلارىن جەتىلدىرۋ، اۋىلداستاردىڭ كومەگى مەن پارتيانىڭ قامقورلىعىنا قارىمجى قايتارۋ سياقتى ماسەلەلەردى توڭىرەكتەپ پىكىرلەرىن ورتاعا قويدى. شي جينپيڭ حىناننىڭ تاياۋ جىلداردان بەرگى قىزمەتىن تۇراقتاندىرىپ، حىنانداعى جولداستاردىڭ ورتالىقتىڭ شەشىم، ورنالاستىرۋلارىن دايەكتى تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، ساپالى دامۋ تالابى بويىنشا، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى قورعاۋ قىزمەتتەرىن ءبىر تۇتاس ورنالاستىرىپ ىلگەرىلەتىپ، ەكونوميكانىڭ ءۇرتىس اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتاپ، جاپپاي دوڭگەلەك داۋلەتتى قوعام قۇرۋدىڭ سىرگە جيار ساتىنە بەرىك نەگىز قالاۋىن ءۇمىت ەتتى. شي جينپيڭ مىنالاردى اتاپ كورسەتتى: حىنان − اۋىل شارۋاشىلىعىنداعى ۇلكەن ولكە، حالىق سانى جاعىنان دا ۇلكەن ولكە. اۋىل شارۋاشىلىعى، اۋىل – قىستاق، شارۋالار قىزمەتىن جاقسى ىستەۋ حىنان جونىنەن توتەنشە ماڭىزدى مانگە يە. پارتيانىڭ 19 – قۇرىلتايىندا اۋىل – قىستاقتى گۇلدەندىرۋ ستراتەگياسىن اتقارۋ سىندى كەلەلى شەشىم، ورنالاستىرۋ جاسالدى، اۋىل – قىستاقتى گۇلدەندىرۋ − كاسىپتى، دارىندىلار ءىسىن، مادەنيەتتى، ەكولوگيانى، ۇيىمداستىرۋ ءىسىن گۇلدەندىرۋدى قامتىعان جالپى بەتتىك گۇلدەندىرۋ، اۋىل – قىستاقتى گۇلدەندىرۋ ستراتەگياسىن اتقارۋداعى باستى ماقسات − اۋىل شارۋاشىلىعىن، اۋىل – قىستاقتى وسىزامانداندىرۋ، باستى باعىت − اۋىل شارۋاشىلىعىن، اۋىل – قىستاقتى الدىمەن دامىتۋدا تاباندى بولۋ، باستى تالاپ − شارۋاشىلىقتى شالقىتۋ، ەكولوگيانى جانعا جايلى ەتۋ، اۋىل سالتى وركەنيەتتى بولۋ، جونگە سالۋى ۇتىمدى بولۋ، تۇرمىس باردام بولۋ، تۇزىمدىك كەپىلى − قالا مەن اۋىلدىڭ توعىسپالى دامۋ ءتۇزىلىس، مەحانيزمى مەن ساياساتتىق جۇيەسىن ورناتۋ، كەمەلدەندىرۋ.
لي كىچياڭ حۋبەي ۋاكىلدەر ۇيىرمەسىندە تالقىعا قاتىناستى.
ۋاڭ حۋنيڭ حۋنان ۋاكىلدەر ۇيىرمەسىندە تالقىعا قاتىناستى.
حان جىڭ بەيجيڭ ۋاكىلدەر ۇيىرمەسىندە تالقىعا قاتىناستى.
