1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ چيڭحۋا داشۋەسىندە قىزمەت تەكسەرگەندە بىلاي دەپ باسا دارىپتەدى

日期:2021年04月21日
来源:新疆日报
【字体:

جۇڭگوشا ەرەكشەلىككە يە دۇنيە جۇزىندە بىرەگەي داشۋە قۇرۋ نىساناسى مەن باعدارىنا تاباندى بولىپ، مەملەكەتتىڭ بايۋى، قۇدىرەتتەنۋى، ۇلتتىڭ گۇلدەنۋى، حالىقتىڭ باقىتى ءۇشىن قىزمەت ەتۋگە كۇش قوسۋ كەرەك

    4 - ايدىڭ 19 - كۇنى چيڭحۋا داشۋەسى قۇرىلعاندىعىنىڭ 110 جىلدىعىن قۇتتىقتاۋ مەرەي تويى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحۋا داشۋەسىنە كەلىپ قىزمەت تەكسەردى. سۋرەتتە: شي جينپيڭ چيڭحۋا داشۋەسىنىڭ كەسكىندەۋ جانە زەردەلى تەحنيكا تاجىريبەحاناسىندا وقىتۋشى - وقۋشىلارمەن ىقىلاسپەن اڭگىمەلەستى.سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

    4 - ايدىڭ 19 - كۇنى چيڭحۋا داشۋەسى قۇرىلعاندىعىنىڭ 110 جىلدىعىن قۇتتىقتاۋ مەرەي تويى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحۋا داشۋەسىنە كەلىپ قىزمەت تەكسەردى. سۋرەتتە: شي جينپيڭ وقىتۋشى - وقۋشى ۋاكىلدەرىنىڭ اڭگىمە ماجىلىسىنە قاتىناستى ءارى ماڭىزدى ءسوز سويلەدى.سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

شينحۋا اگەنتتىگىنىڭ 4 - ايدىڭ 19 - كۇنى بەيجيڭنەن بەرگەن حابارى. چيڭحۋا داشۋەسى قۇرىلعاندىعىنىڭ 110 جىلدىق مەرەي تويى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭحۋا داشۋەسىنە كەلىپ قىزمەت تەكسەردى. شي جينپيڭ پارتيا ورتالىق كوميتەتى اتىنان چيڭحۋا داشۋەسىندەگى بارلىق وقىتۋشى - وقۋشىلاردى، قىزمەتكەرلەردى جانە ەل ءىشى - سىرتىنداعى مەكتەپتەستەردى مەرەكە بايلانىسىمەن قۇتتىقتادى، بۇكىل ەلدەگى قالىڭ جاس وقۋشىلارعا شىن ىقىلاستى سالەم جولدادى.

شي جينپيڭ بىلاي دەپ باسا دارىپتەدى: عاسىرلىق ۇلى ءىس وقۋ - اعارتۋدى نەگىز ەتەدى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ەلىمىز جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستادى. پارتيا مەن مەملەكەت ىستەرىن دامىتۋدىڭ جوعارى وقۋ - اعارتۋعا قاجەتى، عىلىم - بىلىمگە جانە ۇزدىك دارىندىلارعا قاجەتى بۇرىنعى ءارقانداي كەزدەگىدەن دە اناعۇرلىم كوكەي تەستى بولىپ وتىر. ءبىز قۇراتىن دۇنيە جۇزىندەگى بىرەگەي داشۋە − جۇڭگوشا سوتسياليستىك بىرەگەي داشۋە، ەلىمىزدىڭ سوتسياليستىك وقۋ - اعارتۋى احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزمنىڭ قۇرىلىسشىلارى مەن ءىزباسارلارىن جەتىلدىرەدى. ەلىمىزدىڭ جوعارى وقۋ - اعارتۋى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان ۇلكەن وزگەرىستى تياناق ەتىپ، ”مەملەكەتتىڭ ءىرى ىستەرىن“ كوكەيدە ساقتاپ، ۇلكەن اۋقىمدى يگەرىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، مەملەكەتتىڭ بايۋى، قۇدىرەتتەنۋى، ۇلتتىڭ گۇلدەنۋى، حالىقتىڭ باقىتى ءۇشىن قىزمەت ەتۋگە كۇش قوسۋ كەرەك. قالىڭ جاستار تاريحي بورىشتى ارقالاپ، العا باسۋ سەنىمىن نىعايتىپ، ۇلى مۇرات ورناتىپ، ۇلى ءمورالدى ۇعىنىپ، ۇلكەن دارىندى بولىپ، ۇلكەن مىندەت ارقالاپ، ۇلتتى گۇلدەندىرۋدىڭ ماڭىزدى مىندەتىن ارقالايتىن ءداۋىردىڭ جاڭا ادامى بولۋعا قۇلشىنىپ، وتان ءۇشىن، ۇلت ءۇشىن، حالىق ءۇشىن، ادامزات ءۇشىن قاجىماي - تالماي كۇرەس جۇرگىزۋ بارىسىندا جاستىق كوكتەمىن گۇل - بايشەشەكتەي قۇلپىرتۋ كەرەك.

تۇستەن بۇرىن ساعات 9دان 30 مينۋت مولشەرىندە شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭنىڭ، چيڭحۋا داشۋەسى پارتكومىنىڭ شۋجيى چىن شۇيدىڭ، مەكتەپ باستىعى چيۋ يۇڭنىڭ سەرىك بولۋىندا الدىمەن اسەمونەر شۋەيۋانىنا كەلىپ، اسەمونەر شۋەيۋانىنىڭ مەكتەپ مەرەيتويى ارناۋلى كورمەسىن ەكسكۋرسيالادى. اسەمونەر كورمە سارايىندا كورمە تاقتالاردا سۋرەتتەر مەن ماتىندەر سايكەسىپ، كورمە بۇيىمدارى ءوز - ءوز ەرەكشەلىكتەرىمەن كوز تارتادى. شي جينپيڭ ەلەۋلى تاقىرىپتار جانە مەملەكەت وبرازىن جوبالاۋ تۋىندى شىعارماشىلىعى، كورمەگە قويۋ سياقتى جاعدايلار تۋرالى تانىستىرۋدى ەگجەي - تەگجەيلى تىڭداعاننان كەيىن، كورمە بۇيىمدارىن زەر سالا كورىپ شىقتى. شي جينپيڭ بىلاي دەپ اتاپ كورسەتتى: اسەمونەر، كوركەمونەر، عىلىم، تەحنيكا ءبىرىن - ءبىرى دەمەپ، ءبىرىن - ءبىرى جەبەپ، ءبىرىنىڭ باعاسىن ءبىرى اسىرىپ وتىرادى. اسەمونەردىڭ ەكونوميكالىق، قوعامدىق دامۋعا قىزمەت ەتۋدەگى ماڭىزدى رولىن ساۋلەلەندىرىپ، اناعۇرلىم كوپ اسەمونەرلىك ەلەمەنتتەردى، كوركەمونەرلىك ەلەمەنتتەردى قالا، اۋىل جوسپارى مەن قۇرىلىسىنا قولدانىپ، قالا مەن اۋىلدىڭ ەستەتيكالىق مانەرىن، مادەنيەت دەڭگەيىن كۇشەيتىپ، اسەمونەر جەتىستىكتەرىن حالىق بۇقاراسىنىڭ جوعارى ساپالى تۇرمىس قاجەتى ءۇشىن اناعۇرلىم ويداعىداي قىزمەت ەتتىرۋ كەرەك. مادەنيەت سەنىمىن كۇشەيتىپ، اسەمونەردى دانەكەر ەتىپ، حالىقارالىق مادەنيەت اۋىس - كۇيىسىن كۇشەيتۋ كەرەك.

چيڭحۋا داشۋەسى كەسكىندەۋ جانە زەردەلى تەحنيكا تاجىريبەحاناسى 2001 - جىلى قۇرىلعان، باستىسى، كومپيۋتەرلىك كەسكىنگە الۋ، مي عىلىمى مەن جاساندى زەردەنىڭ حالىقارالىق الدىڭعى لەك ايقاسپالى عىلىم سياقتى نەگىزدىك نازاريالار مەن شەشۋشى تەحنيكالاردى زەرتتەۋدى ورىستەتەدى. شي جينپيڭ وسى جەرگە كەلىپ، كورمە تاقتالارىمەن، ەلەكتروندىق ەكرانمەن بىرلەستىرىپ، تاجىريبەحانانىڭ كومپيۋتەرلىك وپتيكا، مي عىلىمى مەن جاساندى زەردە ايقاسپالى عىلىم تاجىريبەلەرىن، زەرتتەۋلەرىن جۇرگىزۋ جانە جاڭا عىلىم - تەحنيكالىق قولدانبالار جاساۋ جاعداياتى احۋالىن تەكسەرىپ كورىپ، تاجىريبەحانانىڭ نازاريالىق زەرتتەۋ، تەحنيكادان قامال الۋ، جەتىستىكتەردى قولدانىسقا ءتۇسىرۋ سياقتى جاعدايلار جونىندەگى تانىستىرۋىن تىڭدادى. شي جينپيڭ بىلاي دەپ اتاپ كورسەتتى: جۇڭگونىڭ وقۋ - اعارتۋى ۇلكەن شەبەرلەر تاربيەلەپ شىعا الادى. بىزدە وسىنداي سەنىم بولۋ كەرەك، كوز ايانى كەڭەيتىپ، بارلىعىن تەگىس قابىلداپ، جۇڭگونىڭ وقۋ - اعارتۋىن تىڭعىلىقتى ويداعىداي جۇرگىزۋىمىز كەرەك. ەلەۋلى ءتول جاسامپازدىق جەتىستىكتەرى كوبىندە تەرەڭ نەگىزدىك زەرتتەۋلەردەن باستاۋ الىپ، عىلىم پاندەرى ايقاسقان سالالاردان تۋىنداپ جاتادى، وسى 2 جاقتا داشۋە تابيعي باسىمدىققا يە. نەگىزدىك زەرتتەۋلەرگە ۇزدىكسىز ۇسىنىلىم قوسىپ، ەمىن - ەركىن ىزدەنىس جاساۋعا ىنتالاندىرىپ، قازىرگى نازاريالارعا تەكتەۋگە باتىل بولىپ، جۇرەكتىلىكپەن جاڭا باعدار اشۋ كەرەك.

چيڭحۋا داشۋەسى نەگىزگى عيماراتىنىڭ 2 - قاباتىندا مەكتەپتىڭ جاقىنعى جىلداردان بەرگى ءتۇيىندى وقۋ - وقىتۋ، عىلمي زەرتتەۋ جەتىستىكتەرى كورسەتىلگەن. شي جينپيڭ ءوز كۇشىنە سۇيەنىپ جاڭالىق اشۋ قابىلەتىن كۇشەيتۋ، الەمدىك باستى عىلىم ورتالىعى جانە جاڭالىق اشۋدىڭ بيىك تۇعىرى قۇرىلىسىنا دەم بەرۋ، گۋمانيتارلىق - قوعامدىق عىلىمدار تاربيەسىن زەرتتەۋ دەڭگەيىن كوتەرۋ سياقتى جاعدايلار جونىندەگى تانىستىرۋدى تىڭداپ، چيڭحۋا داشۋەسىنىڭ قول جەتكىزگەن ناتيجەسىن تولىق تۇراقتاندىردى. شي جينپيڭ بىلاي دەپ اتاپ كورسەتتى: جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، عىلمي زەرتتەۋ باسىمدىقتارىن تولىق ساۋلەلەندىرىپ، ءپان ورناتۋدىڭ باعىتتامالىلىعىن كۇشەيتىپ، نەگىزدىك زەرتتەۋلەردى نىعايتىپ، ءوز كۇشىنە سۇيەنىپ جاڭالىق اشۋ سەرپىنىن ارتتىرۋ، سونداي - اق ەلىمىزدىڭ رەفورما، دامۋ امالياتى بارىسىندا جاڭا كوزقاراستار ورتاعا قويىپ، جاڭا نازاريالار تۇلعالاپ، جۇڭگوشا ەرەكشەلىككە، جۇڭگوشا ستيلگە، جۇڭگوشا ايبىنعا يە پاندەر جۇيەسىن، عىلىم جۇيەسىن، ءسوز جۇيەسىن قۇرۋعا قۇلشىنۋ كەرەك.

نەگىزگى عيماراتتىڭ 2 - قاباتىنداعى ۇلكەن زالدا شي جينپيڭ ءبىر ءبولىم قارت پروفەسسورلارعا، ورتا جاس، جاس تىرەكتى وقىتۋشىلاردىڭ ۋاكىلدەرىنە امانداستى ءارى ولارمەن ىقىلاستى تۇردە اڭگىمەلەستى. شي جينپيڭ وقۋ - وقىتۋ، عىلمي زەرتتەۋ ورنىندا رياسىز ەڭبەك ەتىپ، قاجىرلىلىقپەن ءوزىن ارناپ، كورنەكتى ۇلەس قوسقان وقىتۋشىلارعا العىس ايتتى، قارت پروفەسسورلارعا قۇرمەت ءبىلدىردى، ورتا جاس، جاس وقىتۋشىلاردى ءبىلىم بەرىپ ادام تاربيەلەۋ جانە عىلمي زەرتتەۋ، جاڭالىق اشۋ جاعىندا ۇزدىكسىز تىڭ ىلگەرىلەۋشىلىككە قول جەتكىزۋگە ىنتالاندىردى. ول بىلاي دەپ باسا دارىپتەدى: چيڭحۋا داشۋەسى ءوزىن تىنباي الۋەتتەندىرۋ، اسقاق مورالمەن ەلەۋلى مىندەت ارقالاۋ سىندى مەكتەپ ءتالىمىن ۇستانىپ، رەفورمانى تەرەڭدەتىپ، جاڭالىق اشۋدى جەدەلدەتىپ، ءتۇرلى ىستەردى شالقىتا كوركەيتىپ، عىلمي زەرتتەۋ، جاڭالىق اشۋ جەتىستىكتەرىن مەملەكەتتىڭ دامۋ قاجەتىمەن تىعىز بايلانىستىرىپ، چيڭحۋالىقتاردىڭ باتىلدىعى مەن جاۋاپكەرشىلىگىن ايگىلەدى. بولاشاققا بەت العاندا، چيڭحۋا داشۋەسى ونەگە كورسەتىپ ادام تاربيەلەۋدى ءتۇبىرلى مىندەت ەتۋگە تاباندى بولىپ، مەملەكەتكە قىزمەت ەتۋدى ەڭ جوعارى تالپىنىس، پاندەر قۇرىلىسىن دامۋدىڭ نەگىزى، رەفورمانى تەرەڭدەتۋدى قۋاتتى قوزعاۋشى كۇش، پارتيا قۇرىلىسىن كۇشەيتۋدى پارمەندى كەپىلدىك ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، ادامزات وركەنيەتىنىڭ العا باسۋىن ىلگەرىلەتۋ ءۇشىن تىڭ دا اناعۇرلىم زور ۇلەس قوسۋ كەرەك.

مەكتەپ اۋلاسىنىڭ باتىس سولتۇستىگىندەگى باتىس دەنە تاربيە سارايى چيڭحۋا داشۋەسىنىڭ العاشقى كەزىندەگى 4 ۇلكەن قۇرىلىستىڭ ءبىرى. ساراي ىشىندەگى باسكەتبول الاڭىندا مەكتەپتىڭ باسكەتبول سپورتشىلارى جاتتىعۋ جاساپ جاتىر ەكەن. شي جينپيڭ دەنە تاربيە سارايىنا كىرىپ، ولارمەن شىن ىقىلاستى تۇردە اڭگىمەلەستى، سونداي - اق سپورت داڭق بولمەسىندە تاريحي سۋرەتتەردى، ناقتى بۇيىمدار كورمەسىن كورىپ، دەنە تاربيە سارايىن قورعاۋ، پايدالانۋ، مەكتەپتىڭ تاڭداۋلى ءداستۇردى ۇزدىكسىز جالعاستىرۋى، دەنە تاربيە وقۋ - وقىتۋىن ورىستەتۋى سياقتى جاعدايلاردى ۇعىستى. شي جينپيڭ مىنالاردى ءبىلدىردى: دەنە تاربيەگە ءمان بەرۋ چيڭحۋا داشۋەسىنىڭ داڭقتى ءداستۇرى، وقۋشىلاردىڭ چيڭحۋا داشۋەسىنىڭ تاڭداۋلى ۇيرەنۋ ستيلىن جانە دەنە تاربيە ءداستۇرىن ويداعىداي ساۋلەلەندىرىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامۋعا تاباندى بولىپ، وتان قۇرىلىسىنىڭ تىرەكتى دارىندىلارى بولۋعا قۇلشىنۋىن ءۇمىت ەتەمىن.

ساعات 11دەن 20 مينۋت مولشەرىندە شي جينپيڭ چيڭحۋا داشۋەسى باتىس دەنە تاربيە سارايىنىڭ ارتقى سارايىنا كەلىپ، وقىتۋشى - وقۋشى ۋاكىلدەرىنىڭ اڭگىمە ماجىلىسىنە قاتىناستى. چيڭحۋا داشۋەسى پارتكومىنىڭ شۋجيى چىن شۇي، مەكتەپ باستىعى چيۋ يۇڭ، ءۇي قۇرىلىس فاكۋلتەتىنىڭ وقىتۋشىسى نيە جيانگو، الەۋمەتتىك قارىم - قاتىناس شۋەيۋانىنىڭ وقىتۋشىسى مەي سىچي، ينجەنەريالىق فيزيكا فاكۋلتەتىنىڭ ەندى وقۋ تاۋىساتىن دوكتورانت تۇلەگى سۇن چيميڭ، گۋمانيتارلىق عىلىمدار شۋەيۋانىنىڭ تولىق كۋرس 2 - جىلدىق وقۋشىسى لي رۇنفىڭ جەكە - جەكە ءسوز سويلەدى. شي جينپيڭ ولاردىڭ سوزدەرىن مۇقيات تىڭدادى، ءماجىلىس كوڭىلدى، قىزۋ مەرەيلى بولدى.

سوڭىندا شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: چيڭحۋا داشۋەسى مەملەكەت پەن ۇلتقا قاتەر تونگەن كەزدە دۇنيەگە كەلىپ، مەملەكەت پەن ۇلتتىڭ ەكپىندەي ىلگەرىلەۋى بارىسىندا تولىسىپ، مەملەكەت پەن ۇلتتىڭ گۇلدەنۋ كەزەڭىندە دامىدى. 110 جىلدان بەرى چيڭحۋا داشۋەسى جۇڭگونىڭ بايتاق دالاسىنا تەرەڭ تامىر تارتىپ، وتاندى ءسۇيىپ، ۇلەس قوساتىن، ەرەن ناتيجە شىعارۋعا تالپىناتىن داڭقتى ءداستۇردى جەتىلدىرىپ، ءارى قىزىل، ءارى مامان بولۋ، جان - جاقتى دامۋ سىندى ءبىلىم بەرىپ ادام تاربيەلەۋ ەرەكشەلىگىن قالىپتاستىرىپ، مەملەكەت ءۇشىن، ۇلت ءۇشىن، حالىق ءۇشىن ۇلكەن مىندەت ارقالايتىن ۇزدىك دارىندىلار باۋلىدى. بۇل چيڭحۋالىقتاردىڭ ۇرپاقتار بويى ايانباي كۇرەس جۇرگىزىپ، جۇرەكتىلىكپەن بيىك شىڭداردى باعىندىرىپ، بىرەگەي بولۋعا تالپىنۋىنىڭ ناتيجەسى.

شي جينپيڭ بىلاي دەپ باسا دارىپتەدى: چيڭحۋا داشۋەسىنىڭ دامۋ بارىسى − ەلىمىز جوعارى وقۋ - اعارتۋى دامۋىنىڭ جاندى كارتيناسى. جاڭا جۇڭگو قۇرىلعاننان بەرى ەلىمىزدىڭ جوعارى وقۋ - اعارتۋى كىشكەنەدەن ۇلكەيگەن، السىزدەن كۇشەيگەن اسا كەرەمەت بارىستى باستان كەشىرىپ، وقىتۋ كولەمى، باۋلۋ ساپاسى، قىزمەت ەتۋ قابىلەتىندە تاريحي سەكىرۋدى جۇزەگە اسىردى. اسىرەسە، پارتيا 18 - قۇرىلتايىنان بەرى ەلىمىزدىڭ جوعارى وقۋ - اعارتۋى وتانمەن بىرگە العا باسىپ، داۋىرمەن بىرگە قادام تاستاپ، الەمدى جالت قاراتقان دامۋ تابىستارىن جاراتتى.

شي جينپيڭ بىلاي دەپ اتاپ كورسەتتى: ءبىر مەملەكەتتىڭ جوعارى وقۋ - اعارتۋ جۇيەسى بىرەگەي داشۋەلەر شوعىرىنىڭ پارمەندى تىرەك بولۋىن قاجەت ەتەدى، بىرەگەي داشۋەلەر شوعىرىنىڭ دەڭگەيى مەن ساپاسى جوعارى وقۋ - اعارتۋ جۇيەسىنىڭ دەڭگەيى مەن ساپاسىن بەلگىلەيدى. بىرەگەي داشۋەلەر قۇرىلىسىندا پارتيانىڭ باسشىلىعىنا تاباندى بولىپ، ماركسيزمنىڭ جەتەكشىلىك ورنىنا تاباندى بولىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، سوتسياليستىك وقىتۋ بەتالىسىنا تاباندى بولىپ، تاريحي ورايدى يگەرىپ، ءداۋىر تىنىسىمەن تىعىز بايلانىستىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرۋعا قىزمەت وتەپ، ءبىرىنشى وندىرگىش كۇش بولعان عىلىم - تەحنيكانى دامىتۋدى، ءبىرىنشى بايلىق بولعان دارىندىلاردى باۋلۋدى، ءبىرىنشى قوزعاۋشى كۇش بولعان جاڭالىق اشۋدى كۇشەيتۋدى اناعۇرلىم ويداعىداي ۇشتاستىرىپ، رەفورما جاساۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا اناعۇرلىم ويداعىداي قىزمەت ەتۋ كەرەك.

شي جينپيڭ بىلاي دەپ باسا دارىپتەدى: بىرەگەي بولۋعا تالپىنۋ ماڭگى تولاستامايتىن، ۇزدىكسىز باسىپ وزىپ وتىراتىن بارىس، مۇندا بەتالىسىتى ايقىنداۋ، ءتۇيىندى كورنەكتىلەندىرۋ كەرەك. بىرەگەي دارىندىلار شوعىرىن باۋلۋ كەرەك. بىرەگەي داشۋە قۇرۋدىڭ تەتىگى − دارىندىلاردى باۋلۋ ساپاسىن ۇزدىكسىز جوعارىلاتۋدا. مەملەكەتتىڭ ويلاعانىن ويلاپ، مەملەكەتتىڭ اسىققانىنا اسىعىپ، مەملەكەتتىڭ قاجەتىنە سايكەسىپ، دارىندىلاردى تاربيەلەۋ قابىلەتىن جالپى بەتتىك جوعارىلاتۋ سىندى ءتۇيىندى يگەرىپ، ونەگە كورسەتىپ ادام تاربيەلەۋدى ءتۇبىرلى مىندەت ەتۋگە تاباندى بولىپ، ۇلتتى گۇلدەندىرۋ كەلەلى مىندەتىن ارقالايتىن ءداۋىردىڭ جاڭا ادامدارىن كۇش سالا باۋلۋ كەرەك. بىرەگەي داشۋە جۇيەسىن قالىپتاستىرۋ كەرەك. جوعارى وقۋ - اعارتۋ جۇيەسى ورگانيكالى تۇتاس تۇلعا، ونىڭ ىشكى جاعىنداعى ءارقايسى بولىكتەردە ءبىرىن - ءبىرى سۇيەنىش ەتەتىن ىشكى بايلانىس بار. عىلىم پاندەردىڭ ايقاسىپ توعىسۋىنداعى ”كاتاليزاتوردان“ جاقسى پايدالانىپ، نەگىزدىك پاندەر بويىنشا باۋلۋ قابىلەتىن كۇشەيتىپ، ءپان - كاسىپتەردىڭ شەت - شەكاراسىن تالقانداپ، قازىر بار ءپان - كاسىپ جۇيەسىنە رەتتەۋ جۇرگىزىپ، دارەجەسىن جوعارىلاتىپ، عىلىم - تەحنيكانىڭ الدىڭعى لەگى مەن شەشۋشى سالالارىن نىساناعا الىپ، جاڭا ونەركاسىپ پاندەرى، جاڭا مەديتسينا پاندەرى، جاڭا اۋىل شارۋاشىلىعى پاندەرى، جاڭا قوعامدىق پاندەر قۇرىلىسىن ىلگەرىلەتىپ، تاپشى دارىندىلاردى جەدەل باۋلۋ كەرەك. ءتول جاسامپازدىق قابىلەتىن جوعارىلاتۋ كەرەك. بىرەگەي داشۋەلەر نەگىزدىك زەرتتەۋدىڭ تىرەكتى قوسىنى جانە كەلەلى عىلىم - تەحنيكالىق سەرپىلىس جاساۋدىڭ وشاعى، اقاۋسىز ءىلمي ەكولوگيانى نەگىز، ءونىمدى ءىلمي جونگە سالۋدى قامتاماسىزدىق، بىرەگەي عىلمي جەتىستىكتەر جاراتۋدى جانە بىرەگەي دارىندىلاردى باۋلۋدى نىسانا ەتكەن داشۋە جاڭالىق اشۋ جۇيەسىن كەمەلدەندىرىپ، ”قىسپاققا الىپ وتىرعان“ شەشۋشى، وزەكتى تەحنيكالاردا جۇرەكتىلىكپەن قامال الىپ، ءوندىرىستىڭ، وقىتۋدىڭ، عىلمي زەرتتەۋدىڭ تەرەڭدەي توعىسۋىن كۇشەيتىپ، عىلىم - تەحنيكا جەتىستىكتەرىنىڭ قولدانىسقا ەنۋىن جەبەۋ كەرەك. اشىق سەلبەستىككە تاباندى بولۋ كەرەك. حالىقارالىق اۋىس - كۇيىستى، سەلبەستىكتى كۇشەيتىپ، جۇڭگو مەن شەتەل وقۋ - اعارتۋ، مادەنيەت دوستىق بارىس - كەلىسىنىڭ سەلبەستىك تۇعىرىن ىرىقتىلىقپەن ورناتىپ، الەمدىك سىن - سايىستارعا بىرگە توتەپ بەرىپ، ادامزاتتىڭ ورتاق ىرىس - قۇتىن جەبەۋ كەرەك.

شي جينپيڭ بىلاي دەپ اتاپ كورسەتتى: زامانىمىزداعى جۇڭگو جاستارى جاڭا داۋىرمەن ءبىر بەتالىستا بىرگە ىلگەرىلەيتىن، بىرگە العا باساتىن ۇرپاق، كوركەيىپ - گۇلدەنگەن زاماندا ومىرگە كەلگەن ولار كەلەلى مىندەت ارقالاپ وتىر. قالىڭ جاستار وتاندى ءسۇيىپ، حالىقتى ءسۇيىپ، پارتيا تاريحىن ۇيرەنۋدەن سەنىمىن سەرپىلتىپ، شابىت الىپ، كۇش - قۋات قابىلداپ، ” ءتورت سەنىمدى“ ۇزدىكسىز بەكەمدەپ، جۇڭگولىققا ءتان ەرىك - جىگەرىن، قايرات - قارىمىن، سەنىمىن ۇزدىكسىز كۇشەيتىپ، وتان ءۇشىن، حالىق ءۇشىن ماڭگى كۇرەس جاسايتىن، قالتقىسىز ادالدىقپەن ۇلەس قوساتىن بەرىك مۇرات ورناتۋ كەرەك. ءمورالىن شىڭداپ، سوتسياليستىك وزەكتى قۇن كوزقاراسىن سانالىلىقپەن ورناتىپ جانە امالياتتا ايگىلەپ، سانالىلىقپەن جۇڭحۋانىڭ تاڭداۋلى ءداستۇرلى مادەنيەتىمەن، توڭكەرىستىك مادەنيەتىمەن، سوتسياليستىك العاباسار مادەنيەتىمەن تامىردى جەتىلدىرىپ، رۋحتى سومداپ، اقىلدى اشىپ، جۇرەكتى نارلەندىرىپ، ءمورالدىق ساپانى جەتىلدىرىپ، دۇرىس پەن بۇرىستى، قيسىق پەن ءتۇزۋدى پارىقتاپ، وزىندىك تاباندىلىقتى كۇشەيتىپ، اناعۇرلىم اسقاق، اناعۇرلىم ءورىستى، اناعۇرلىم دەڭگەيلى ومىرگە تالپىنۋدى مۇرات ەتۋ كەرەك. جۇرەكتىلىكپەن جاڭالىق اشىپ، ءداۋىر اعىسى مەن مەملەكەت قاجەتىن تەرەڭ ءتۇسىنىپ، يگەرىپ، وزىپ شىعۋعا باتىل بولىپ، ناتيجە جاراتۋعا باتىل بولىپ، زەردەلەرى مەن اقىل - پاراساتتارى ارقىلى مەملەكەتكە ۇلەس قوسىپ، ءورىس اشا ىلگەرىلەۋ ارقىلى قوعامعا قىزمەت وتەۋ كەرەك. ناقتى ۇيرەنىپ، ناقتى ىستەپ، تاباندىلىقپەن، دەن قويا قاجىرلىلىقپەن ىستەپ، ارىماي - تالماي، قۇشتارلانا ۇمتىلىپ، ءبىلىمنىڭ بيىك شىڭىنا شىعۋ بارىسىندا ەرەن ناتيجە شىعارۋعا تالپىنۋ، ءداۋىردىڭ كەلەلى مىندەتىن ارقالاعان كەزدە ايتقانىن ارەكەتىندە ورىنداپ، شىنداپ كىرىسىپ ناقتى ىستەۋ بارىسىندا تابىستى ىستەردە ناتيجە شىعارۋ كەرەك.

شي جينپيڭ بىلاي دەپ باسا دارىپتەدى: وقىتۋشىلار − وقۋ - اعارتۋ قىزمەتىندەگى تىرەكتى كۇش، جوعارى دەڭگەيلى وقىتۋشىلار قوسىنى بولماسا، جوعارى دەڭگەيلى جاڭالىق اشۋشى دارىندىلاردى تاربيەلەۋ قيىنعا سوعادى، سونداي - اق جوعارى دەڭگەيلى جاڭالىق اشۋ جەتىستىكتەرىنىڭ جارىققا شىعۋى دا قيىنعا سوعادى. داشۋە وقىتۋشىلارى وقۋشىلارعا ءبىلىم بەرۋ، قابىلەتىن باۋلۋ، ومىرگە دۇرىس كوزقاراس قالىپتاستىرۋ قىزمەت جاۋاپكەرشىلىگىن ارقالاپ وتىر. وقىتۋشىلار ۇلى ۇستازعا اينالۋ ءۇشىن، وقۋشىلاردىڭ ۇيرەنۋدەگى، ءىس تىندىرۋداعى، ادام بولۋداعى ۇلگىسى بولۋى، وقۋشىنىڭ جان - جاقتى دامىعان ادام بولىپ ءوسىپ - جەتىلۋىن جەبەۋى كەرەك. ناعىز ماسەلەلەردى زەرتتەپ، دۇنيە ءجۇزى ءىلىمىنىڭ الدىڭعى لەگىنە جانە مەملەكەتتىڭ كەلەلى قاجەتىنە نازار سالىپ، ءىس جۇزىندىك ماسەلەلەردى كۇش سالا شەشىپ، جاڭا بىلىمدەردى، جاڭا تەحنيكالاردى، جاڭا نازاريالاردى ۇيرەنۋگە شەبەر بولۋ كەرەك. سەنىمدى بەكەمدەپ، باستان - اياق پارتيامەن جانە حالىقپەن بىرگە تۇرىپ، سانالىلىقپەن جۇڭگوشا سوتسياليزمنىڭ بەرىك سەنۋشىسى جانە ادال امالياتشىسى بولۋ كەرەك.

شي جينپيڭ مەكتەپتەن اتتاناردا جاتتىعۋ الاڭى، جولدىڭ ەكى جاعالاۋى وقىتۋشى - وقۋشىلارعا لىق تولدى، كوپشىلىك تۇس - تۇستان باس شۋجيگە امانداسىپ، بىردەي ۇنمەن ”باس شۋجي، سالەمەتسىز بە“، ”اعا مەكتەپتەس، سالەمەتسىز بە“ دەپ اسقاق ءۇن قاتىپ، ”وتانىمىز جاساسىن“، ”چيڭحۋا، قايراتتان“ دەپ ۇران سالدى، شي جينپيڭ تەرەڭ سەزىممەن كوپشىلىككە قول بۇلعاپ قۇرمەت ءبىلدىردى، شاپالاق ءۇنى، سالەمدەسكەن داۋىستار مەكتەپ اۋلاسىندا ۇزاققا دەيىن قالىقتاپ تۇردى.

ديڭ شۋەشياڭ، سۇن چۇنلان، چىن شي، ساي چي، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قاتىستى قيمىلدارعا قاتىناستى.