شينحۋا اگەنتتىگى، 4 - ايدىڭ 14 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 14 - كۇنى تۇستەن كەيىن حالىق سارايىندا 29 ەلدىڭ جۇڭگودا تۇراتىن جاڭادان تاعايىندالعان باس ەلشىلەرىنىڭ مەملەكەت جولداماسىن قابىلدادى.
ءساۋىر ايى، بەيجيڭدە كوكتەم لەبى ەسەدى. حالىق سارايىنىڭ سولتۇستىك قاقپاسىنىڭ سىرتىندا قۇرمەت قاراۋىلى ەكى قاتار بولىپ ساپ تۇزەپ، كەرنايشىلار كەرناي سوعىپ، ەلشىلەردى قارسى الدى.
ەلشىلەر اق مىرامور باسپالداقپەن جوعارى كوتەرىلىپ، «كوركى كوز سۇرىندىرەتىن تاۋ - وزەن» دەپ اتالاتىن الىپ قابىرعا سۋرەتتىڭ الدىندا شي جينپيڭگە رەتىمەن مەملەكەت جولداماسىن تابىستادى، سونداي - اق ءار ەل باسشىلارىنىڭ ءتوراعا شي جينپيڭگە جولداعان ىقىلاستى سالەمىن جەتكىزدى.
ولار: اۋعانستاننىڭ جۇڭگودا تۇراتىن باس ەلشىسى كايم، گرەتسيانىڭ جۇڭگودا تۇراتىن باس ەلشىسى يولوپلوس، بوسنيا - گەرتسەگوۆينانىڭ جۇڭگودا تۇراتىن باس ەلشىسى بۋكيەۆيچ، ماداگاسكاردىڭ جۇڭگودا تۇراتىن باس ەلشىسى روبينسون، يتاليانىڭ جۇڭگودا تۇراتىن باس ەلشىسى لۋسا فەرراري، شىعىس تيموردىڭ جۇڭگودا تۇراتىن باس ەلشىسى سانتوس، ميكرونەزيا فەدەراتسياسىنىڭ جۇڭگودا تۇراتىن باس ەلشىسى سيۆاس، سۋداننىڭ جۇڭگودا تۇراتىن باس ەلشىسى جافار، ماۋريتيۋستىڭ جۇڭگودا تۇراتىن باس ەلشىسى ۋاڭ چۇنۋان، نەپالدىڭ جۇڭگودا تۇراتىن باس ەلشىسى پاندي، پاكيستاننىڭ جۇڭگودا تۇراتىن باس ەلشىسى حاق، مولداۆانىڭ جۇڭگودا تۇراتىن باس ەلشىسى بەللاكيس، دانيانىڭ جۇڭگودا تۇراتىن باس ەلشىسى موللەر، بەلگيانىڭ جۇڭگودا تۇراتىن باس ەلشىسى يان حۋگمارتەنس، وماننىڭ جۇڭگودا تۇراتىن باس ەلشىسى ناسەر، گامبيانىڭ جۇڭگودا تۇراتىن باس ەلشىسى كونتي، تاجىكستاننىڭ جۇڭگودا تۇراتىن باس ەلشىسى سايد زودا، انگليانىڭ جۇڭگودا تۇراتىن باس ەلشىسى كاراولاين ۋيلسون، ۆەنەسۋەلانىڭ جۇڭگودا تۇراتىن باس ەلشىسى پراسەنسيا، جاپونيانىڭ جۇڭگودا تۇراتىن باس ەلشىسى تورۋحيدە، وڭتۇستىك افريكانىڭ جۇڭگودا تۇراتىن باس ەلشىسى سيابونگا س. چۆەلە، شريلانكانىڭ جۇڭگودا تۇراتىن باس ەلشىسى كوحونا، بەلورۋسسيانىڭ جۇڭگودا تۇراتىن باس ەلشىسى يۋري، يرلانديانىڭ جۇڭگودا تۇراتىن باس ەلشىسى اندەۆەن، يزرايلدىڭ جۇڭگودا تۇراتىن باس ەلشىسى پان كيرۋي، گۆينەيا - بيساۋدىڭ جۇڭگودا تۇراتىن باس ەلشىسى ەمبالو، چاۋشياننىڭ جۇڭگودا تۇراتىن باس ەلشىسى لي يون نام، يراقتىڭ جۇڭگودا تۇراتىن باس ەلشىسى سەيد، ارگەنتينانىڭ جۇڭگودا تۇراتىن باس ەلشىسى سابينو ۆاكا نارۆادجا. ب م ۇ جۇيەسىنىڭ جۇڭگودا تۇرۋعا جاڭادان تاعايىندالعان سايكەستىرۋشىسى چاڭ چيدى مىندەتكە تاعايىنداۋ جولداماسىن تاپسىردى.
شي جينپيڭ ولارمەن توپتىق سۋرەتكە ءتۇستى ءارى ءسوز سويلەدى.
شي جينپيڭ ەلشىلەرگە ءار ەل باسشىلارىنا ىزگى تىلەك جەتكىزۋدى تاپسىردى. شي جينپيڭ مىنالاردى اتاپ كورسەتتى: وتكەن ءبىر جىلدا جۇڭگو حالقى ءار ەل حالقىمەن ءبىر جاعادان باس، ءبىر جەڭنەن قول شىعارىپ، جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانىپ، حالىقارالىق دوستىق سەلبەستىكتىڭ تىڭ داستانىن جازدى. بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، سونداي - اق جۇڭگونىڭ «14 – بەسجىلدىق» جوباسىن اتقارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋىنداعى ءبىرىنشى جىل. جۇڭگو جاڭا دامۋ ۇستانىمىن باتىل دايەكتىلەندىرىپ، جاڭا دامۋ جاعدايىن بەلسەنە قالىپتاستىرىپ، جۇڭگونىڭ دامۋىنىڭ ءار ەل حالقىن اناعۇرلىم ويداعىداي يگىلىككە كەنەلتۋىنە مۇمكىندىك جاسايدى. بيىل − جۇڭگونىڭ ب م ۇ - داعى زاڭدى ورنىن قالپىنا كەلتىرگەنىنىڭ 50 جىلدىعى، دۇنيە جۇزىلىك ساۋدا ۇيىمىنا كىرگەنىنىڭ 20 جىلدىعى. جۇڭگو ءار ەلمەن بىرگە كوپ جاقتىلىقتى باتىل قولداپ، ب م ۇ - نى ۇيىتقى ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى قورعاپ، كوپ جاقتى ساۋدا ءتۇزىلىسىن باتىل قورعاپ، عالامدىق جونگە سالۋ جۇيەسى قۇرىلىسىن تاباندىلىقپەن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل. بەيجيڭ قىسقى وليمپياداسى كەلەر جىلى وتكىزىلەدى. ءبىز ءار جاقتىڭ بەلسەنە قولداۋى مەن ات سالىسۋىندا، ىندەتتىڭ ىقپالىن جەڭىپ، وليمپيادا سپورت جارىسىن قاراپايىم، حاۋىپسىز، تارتىمدى سالتاناتتى جينالىس ەتىپ وتكىزۋگە سەنىمدىمىز.
شي جينپيڭ بىلاي دەپ دارىپتەدى: جۇڭگو حالقى ەجەلدەن دوستىقتى قاستەرلەپ، بەيبىتشىلىكتى سۇيەدى، تەڭدىك، ءوزارا تيىمدىلىك نەگىزىندە ءار ەل حالقىمەن دوستىقتى تەرەڭدەتىپ، ءوزارا سەنىمدىلىكتى ارتتىرىپ، سەلبەستىكتى كەڭەيتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى قالايمىز. ەلشىلەردىڭ ەكى جاقتى قاتىناستىڭ دامۋىن جانە ب م ۇ - نىڭ جۇڭگومەن سەلبەستىگىن ىلگەرىلەتۋگە بەلسەندى ۇلەس قوسۋىن ءۇمىت ەتەمىن.
ۋاڭ ي جوعارىداعى قيمىلعا قاتىناستى.
