سۋىق اعىس كىرەدى! شينجياڭنىڭ مىنا جەرلەرىندە قار جاۋىپ تەمپەراتۋرا تومەندەيدى

日期:2021年01月12日
来源:新疆日报
【字体:

  1-ايدىڭ 11-كۇنى، شينجياڭ اۋا رايى ستانسياسى ماڭىزدى اۋا رايىنان الدىن الا مالىمەتىن جاريالادى: 1-ايدىڭ 13-كۇنىنەن 15-كۇنىنە دەيىن، سولتۇستىك شينجياڭ، شىعىس شينجياڭعا سۋىق اعىس كىرەدى.

  ءبىرىنشى، 1-ايدىڭ 13-كۇنىنەن 15-كۇنىنە دەيىن، سولتۇستىك شينجياڭنىڭ باسىم كوپ جەرلەرى، بايىنعولين وبلىسىنىڭ باتىس بولەگىندەگى تاۋلى وڭىرلەر، قۇمىل قالاسىنىڭ سولتۇستىگىندە از قار جاۋادى، ىلە قازاق اۆتونوميالى وبلىسى جانە تارباعاتاي ايماعىنىڭ سولتۇستىگى، التاي ايماعىنىڭ تاۋلى وڭىرلەرىنىڭ ءىشىنارا جەرلەرىندە قالىڭ قار جاۋادى، تەمپەراتۋرا 10 دا 8 سەلتسي گرادۋس تومەندەيدى.

  مەجەمەن 12-كۇنى تۇننەن 15-كۇنى كۇندىزگە دەيىن، سولتۇستىك شينجياڭنىڭ باسىم كوپ جەرلەرى، بايىنعولين وبلىسىنىڭ باتىسنداعى تاۋلى وڭىرلەر، قۇمىل قالاسىنىڭ سولتۇستىگىندە قىرباق قار جاۋادى، بۇنىڭ ىشىندە، ىلە وبلىسىنىڭ سولتۇستىگى، التاي ايماعى قاتارلى جەرلەردىڭ ءىشىنارا جەرلەرىندە ورتاشا نەمەسە قالىڭ قار جاۋادى (جاۋعان قاردىڭ قالىڭدىعى 3~12 ميلليمەتر)، جاڭا جاۋعان قاردىڭ قالىڭدىعى 4~14 سانتيمەتر بولادى؛ ىلە وبلىسىنىڭ تاۋلى ءوڭىرى، تارباعاتاي ايماعىنىڭ سولتۇستىك تاۋلى وڭىرلەرىندە قالىڭ قار جاۋادى (جاۋعان قاردىڭ قالىڭدىعى 12~15 ميللىمەتر)، جاڭا جاۋعان قاردىڭ قالىڭدىعى 12~18 سانتيمەتر بولادى؛ ەڭ كۇشتى قار جاۋۋ مەزگىلى 13-كۇنى كۇندىزدەن تۇنگە دەيىن بولادى. سولتۇستىك شينجياڭ، شىعىس شينجياڭنىڭ تەمپەراتۋراسى 8~10 سەلتسي گرادۋس تومەندەيدى. سولتۇستىك شينجياڭ جانە شىعىس شىنجياڭدا باتىس سولتۇستىكتەن 5~6 بال جەل سوعادى، جەل وتتەرىندە 9~10 بال بولادى، وتكىنشى جەل 11 بال شاماسىندا بولادى.

  ەكىنشى، بۇگىن، ەرتەڭ ەكى كۇندە، سولتۇستىك شينجياڭنىڭ باسىم كوپ جەرلەرىندە تەمپەراتۋرا جوعارىلايدى، تيانشان بەلدەۋىندە جالعاستى تۇماندى اۋا رايى بولادى

  بۇگىن كۇندىزدەن ەرتەڭگە دەيىن، سولتۇستىك شينجياڭنىڭ باسىم كوپ جەرلەرىندە تەمپەراتۋرا ءۇرتىس جوعارىلايدى، ىلە وبلىسى، تارباعاتاي ايماعى قاتارلى جەرلەردە كۇندىزگى ەڭ جوعارى تەمپەراتۋرا ءنول سەلتسي گرادۋستان جوعارى بولادى؛ ىلە وبلىسى، بۇراتالا موڭعۇل اۆتونوميالى وبلىسىنىڭ شىعىسى، تارباعاتاي ايماعىنىڭ وڭتۇستىگى، قارامايلى قالاسى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى قاتارلى جەرلەردىڭ ءىشىنارا جەرلەرىندە جالعاستى تۇمان تۇسەدى نەمەسە بۇلتتى بولادى.

  ءۇشىنشى، نازار جانە ۇسىنىس

  بۇگىن، ەرتەڭ ەكى كۇندە، سولتۇستىك شينجياڭنىڭ باسىم كوپ جەرلەرىندە تەمپەراتۋرا ءۇرتىس جوعارىلايدى، قار ەرىپ مۇزعا اينالىپ، جول تايعاق بولادى، حاۋىپسىزدىككە كوڭىل ءبولۋ كەرەك. 13-كۇنىنەن 15-كۇنىنە دەيىن سۋىق اعىس كىرىپ، تەمپەراتۋرا تومەندەيدى، بۇقارالار سىرتقا شىققاندا قالىڭ كيىنىپ، ۇسىكتەن، تىماۋدان ساقتانۋى كەرەك.