كوكتەم مەرەكەسىن وتكىزىپ قايتقان جولاۋشىلار تاسىمالىنىڭ قاۋىرت مەزگىلى جەتتى

كوكتەم مەرەكەسى دەمالىسى اقىرلاسۋعا تاياپ، قايتا قايتقان جولاۋشىلار تاسىمالىنىڭ قاۋىرت مەزگىلى جەتتى، شينجياڭ تەمىر جول، ازاماتتىق اۆياتسيا تاراۋلارى ءتۇرلى شارا قولدانىپ، جولاۋشىلاردىڭ قايتا قايتۋىنا تاماشا ساپار ورتاسىن جاراتتى.
　　2 - ايدىڭ 9 - كۇنى، 10 - كۇنى جولاۋشىلار شوعىرلى تۇردە قايتا قايتتى، ءۇرىمجى ۆوگزالىنىڭ، ءۇرىمجى وڭتۇستىك ۆوگزالىنىڭ جولاۋشى جونەلتۋ مولشەرى الدىڭعى كۇندەردەگىدەن ايتارلىقتاي كوبەيدى، ۆوگزالدىڭ شىعۋ ەسىگىندە، كۇتۋ زالىندا جۇك كوتەرگەن جولاۋشىلار قايشالىسىپ، جولاۋشىلاردا شينجياڭ ىشىندە قىسقا ارالىقتا جۇرەتىندەر باستى ورىندى ۇستادى. 2 - ايدىڭ 10 - كۇنى، ءۇرىمجى ۆوگزالى، ءۇرىمجى وڭتۇستىك ۆوگزالى قابىلداعان جولاۋشىلار 52 مىڭ ادامعا (رەت)، جونەلتكەن جولاۋشىلار مەجەمەن 44 مىڭ ادامعا (رەت) جەتەدى دەپ مەجەلەندى.
　　جولاۋشىلاردىڭ حاۋىپسىز، ىركىلىسسىز جول جۇرۋىنە كەپىلدىك ەتۋ ءۇشىن، ءۇرىمجى ۆوگزالى، ءۇرىمجى وڭتۇستىك ۆوگزالى قىزمەتكەرلەردى كوبەيتىپ، بەلەت ساتۋدى، ۇيىمداستىرۋدى كۇشەيتىپ، جولاۋشى جاعدايىنا قاراي بەلەت ساتۋ تەرەزەلەرىن ۇيلەسىمدى ىڭعايلاستىرىپ، قارت، بالا، ناۋقاس، زاعيپ، اۋىراياق جولاۋشىلارعا ۆوگزالعا كىرۋدىڭ جاسىل ارناسىن اشىپ، جولاۋشىلارعا قولىنان كەلگەنشە كومەك ۇسىندى؛ شىعۋ ەسىگىندەگى جولشىباي پويەز اۋىسۋدى كۇتۋ اۋماعىن كەڭەيتىپ، ارنايى ادام ورنالاستىرىپ، جولشىباي پويەز اۋىستىرىپ ءمىنۋ تۋرالى ۇگىت - جەتەكشىلىكتى كۇشەيتىپ، جالعاستىرىپ پويەزگە مىنەتىن ۋاقىتى 40 مينۋتقا جەتپەيتىن جولاۋشىلاردىڭ تىكەلەي بەكەتكە كىرىپ، پويەز اۋىستىرۋىن جۇزەگە اسىرىپ، پويەزگە ءمىنۋ ۋاقىتى 40 مينۋتتان كوپ جولاۋشىلاردى كۇتۋ زالىنا بارىپ پويەزگە مىنۋگە باستاپ، جولشىباي پويەز اۋىستىرۋ سۇرانىسى بار جولاۋشىلاردىڭ ۆوگزالدان شىقپاي - اق جەدەل، قولايلى تۇردە پويەز اۋىستىرۋىنا مۇمكىندىك جاسادى، سونىمەن بىرگە، جولشىباي پويەز اۋىستىرۋ اۋماعىنا اۆتوماتتى زات ساتۋ ماشيناسىن كوبەيتىپ قويىپ، جولاۋشىلاردىڭ ءىشىپ - جەم سۇرانىسىن قاناعاتتاندىردى.
　　شينجياڭ ازاماتتىق اۆياتسياسىنىڭ جولاۋشى تاسىمال مولشەرى دە دەمالىس كەزىندەگى جولاۋشى تاسىمالىنىڭ قاۋىرت مەزگىلىنە جەتتى، 2 - ايدىڭ 10 - كۇنى ۇشىپ كەتەتىن جولاۋشىلار مەجەمەن 35 مىڭ ادامعا (رەت)، ۇشىپ كەلەتىن جولاۋشىلار 30 مىڭعا جۋىق ادامعا (رەت) جەتەدى دەپ مەجەلەندى.
　　2 - ايدىڭ 10 - كۇنى، وڭتۇستىك اۆياتسيا سەرىكتەستىگى ءۇرىمجى حالىقارالىق اۋەجايىندا 152 كەزەك ۇشاقتىڭ ۇشۋ - قونۋىن اتقارىپ، 23 مىڭ ادام (رەت) جولاۋشى جونەلتتى. وڭتۇستىك اۆياتسيا سەرىكتەستىگى شينجياڭ ءىس جۇرگىزۋ قولباسشىلىق شتابىنىڭ تانىستىرۋىنشا، قار جاۋۋ سەبەبىنەن، 2 - ايدىڭ 10 - كۇنى شاۋەشەك، قۇلجا، التاي، كوكتوعاي، قارامايلى قاتارلى جەرلەردە ءبىر ءبولىم ۇشاق كەزەكتەرى ىقپالعا ۇشىراعان، بۇلاردىڭ ىشىندە، قۇلجا اۋەجايى 17 ساعات جابىلاتىنىن جاريالاپ، ءۇرىمجى - شاۋەشەك - قۇلجا ۇشاق كەزەگىندەگى 8/CZ6707 كۇشىنەن قالدىرىلعان؛ شىعىس باعىتتاعى لەنيالار جاعىندا، قار جاۋۋ سەبەبىنەن، نانجيڭ، جىڭجوۋ، حىفەي قاتارلى جەرلەردىڭ ۇشاق كەزەكتەرىندە دە بەلگىلى مولشەردە كەشىگۋ جايتى ءجۇز بەرگەن، ازىرشە كۇشىنەن قالدىرىلعان ۇشاق كەزەكتەرى جوق؛ مەجە بويىنشا 2 - ايدىڭ 11 - كۇنى شىعىس باعىتتاعى لەنيالارداعى باستى قالالاردا جاڭبىرلى، قارلى اۋا رايى نەگىزىنەن اياقتاپ، ۇشاق كەزەكتەرىنىڭ اينالىمى جالپى جاقتان ورنىعىپ، تارتىپكە تۇسسە؛ سولتۇستىك شينجياڭ وڭىرىندە جاڭبىرلى، قارلى اۋا رايىنىڭ ىقپالى جالعاسىپ، وڭتۇستىك اۆياتسيا سەرىكتەستىگىنىڭ شينجياڭ ءىس جۇرگىزۋ قولباسشىلىق شتابى اۋا رايىنىڭ وزگەرىسىن ءجىتى قاداعالاپ، ۇشاق كەزەكتەرىنىڭ ناقتى ۋاقىتتاعى ينفورماتسيالارىن دەر كەزىندە جاريالاپ وتىرماق.
　　قايتا قايتقان جولاۋشى تاسىمالىنىڭ قاۋىرت مەزگىلىن قارسى الۋ ءۇشىن، وڭتۇستىك اۆياتسيا سەرىكتەستىگى كەزەكشىلىك تەكشەلەرىن، قىزمەتشىلەردى لايىقتى كوبەيتۋ، جولاۋشىلاردى ۇشاققا ءمىنۋ جۇمىستارىن وزدەرى راسىمدەۋگە جەتەكتەۋ، ەرىكتىلەر ۇيىمداستىرىپ، ءبىرىنشى شەپكە جاردەمدەسۋ سياقتى شارالار ارقىلى جولاۋشىلار ءۇشىن جايلى، قولايلى، ىركىلىسسىز ۇشاققا ءمىنۋ ورتاسىن ازىرلەدى.