شينجياڭنىڭ جەر - جەرىندە كوكتەم مەرەكەسى مادەنيەت ساياحات قيمىلدارى دابىرالى وتكىزىلدى

　شاتتىق ءان، كوڭىلدى كۇلكىمەن كونە جىلعا قوش ايتىپ، كوكتەم لەبىمەن جىلىنعان تيانشان كوكتەم مەرەكەسىن قارسى الدى. ءار ۇلت بۇقاراسىنىڭ كوڭىلدى دە شاتتىققا تولى كوكتەم مەرەكەسىن وتكىزۋى ءۇشىن، شينجياڭنىڭ جەر - جەرى ءبىر سىپىرا مادەنيەت ساياحات قيمىلدارىن، سونداي - اق «شىراق سالتاناتى» تاقىرىپتىق قيمىلدارىن دەن قويا ۇيىمداستىردى، تارتىمدىلىعىمەن كوز تارتاتىن قيمىلدار بىرىنەن كەيىن ءبىرى وتكىزىلدى.
　　■مادەنيەت الاۋى بۇكىل شينجياڭدا مازدادى
　　اۆتونوميالى رايوندىق پارتكوم ۇگىت ءبولىمى ۇيىمداستىرعان، اۆتونوميالى رايوننىڭ كوكتەم مەرەكەسى بىرلەسكەن ويىن - ساۋىق كەشى 2 - ايدىڭ 3 - كۇنى كەشتە شينجياڭ جاساندى سەرىك تەلەۆيزياسىندا قويىلادى، ويىن - ساۋىق كەشى ءۇرىمجى قالاسىندا، قاشقار ايماعىندا، قارامايلى قالاسىندا جانە باركول قازاق اۆتونوميالى اۋدانىندا 4 الاڭ ورنالاستىرىپ، تيانشاننىڭ تۇستىگى مەن تەرىستىگىندەگى ءار ۇلت بۇقارا كوكتەم مەرەكەسىن شات - شادىمان تويلاعان كوڭىلدى راي قالىپتاستىرادى.
　　كوكتەم مەرەكەسى كەزىندە، بۇكىل رايونىمىزدا وتكىزىلەتىن 281 ءتۇرلى مادەنيەت قيمىلى ءار ۇلت بۇقاراسىنىڭ جۇڭحۋانىڭ تاڭداۋلى، ءداستۇرلى مادەنيەتىن سەزىنۋ جانە وعان مۇراگەرلىك ەتۋ بارىسىندا جاڭا جىلدى شاتتانا تويلاۋىنا مۇمكىندىك تۋدىردى.
　　1 - ايدىڭ 28 - كۇنى، ءۇرىمجى قالاسىنىڭ حۇڭشان باقشاسىندا باستالعان «شينجياڭ جاقسى جەر − تيانشاننىڭ تۇستىگى مەن تەرىستىگىندە كوكتەم مەرەكەسىن قۇتتىقتاۋ 6 - كەزەكتى بەيزاتتىق مادەنيەت مۇرالارى مەرەكەلىك سالت - سانا كورمەسى» 2 - ايدىڭ 19 - كۇنىنە دەيىن جالعاسادى.
　　2 - ايدىڭ 1 - كۇنى، «ءبىزدىڭ جۇڭگو ارمانىمىز» مادەنيەتتى سان مىڭداعان وتباسىنا جەتكىزۋ − 2019 - جىلعى جاڭا جىل مۋزيكا كەشى شينجياڭ حالىق تەاترحاناسىندا وتكىزىلدى، ەلىمىزدىڭ جەر - جەرىنەن كەلگەن مۋزيكانتتار شينجياڭ اييۋە وركەسترىمەن بىرگە جاڭا جىل سيمفونياسىن ورىندادى. شينجياڭ اييۋە وركەسترىنىڭ باستىعى ۋاڭ شياۋلياڭ بىلاي دەدى: «كوكتەم مەرەكەسى قارساڭىندا بۇكىل ەلدەگى ايگىلى ونەرپازداردى بىزبەن بىرگە شينجياڭداعى كورەرمەندەرگە جوعارى ساپاداعى رۋحاني ازىق تارتۋ ەتۋگە ۇسىنىس ەتتىك».
　　كوكتەم مەرەكەسى كەزىندە، اۆتونوميالى رايوندىق مادەنيەت جانە ساياحات مەڭگەرمەسىنە توتە قاراستى كاسىپتىك كوركەمونەر مەكەمە - ۇيىرمەلەرى «ءبىزدىڭ جۇڭگو ارمانىمىز» مادەنيەتتى سان مىڭداعان وتباسىنا جەتكىزۋ قيمىلىنىڭ ادەبيەت - كوركەمونەر شاعىن اترەتىن ۇيىمداستىرىپ، جەكە - جەكە اقسۋ ايماعىنىڭ، قاشقار ايماعىنىڭ، حوتان ايماعىنىڭ جانە ءۇرىمجى قالاسىنىڭ رايوندارىنا، اۋداندارىنا، اۋىلدارىنا، قالاشىقتارىنا، قىستاقتارىنا جانە الەۋمەتتىك اۋماقتارىنا بارىپ ويىن قويىپ، ءار ۇلت بۇقاراسىنا كوكتەم مەرەكەسىندىك ىزگى تىلەك جەتكىزەدى.
　　ىلە قازاق اۆتونوميالى وبلىسى، تارباعاتاي ايماعى، التاي ايماعى سياقتى ايماق، وبلىستار كوكتەم مەرەكەسى بىرلەسكەن ساۋىق كەشىن وتكىزەدى ءارى ادەبيەت - كوركەمونەر شاعىن اترەتىن نەگىزگى ساتى ءبىرىنشى شەبىندە «نەگىزگى ساتىعا شاتتىق جەتكىزۋ» قيمىلىن وتكىزۋگە ۇيىمداستىرىپ جىبەردى، ولار تارتىمدى ادەبيەت - كوركەمونەر نومىرلەرىن سيلاپ، شىراق جۇمباعىن شەشۋ سياقتى قىزىقتى مادەنيەت قيمىلدارىن وتكىزەدى.
　　■ساياحاتتىڭ كوكتەم گۇلى شار تاراپتا جايقالا اشىلادى
　　كوكتەم مەرەكەسى جاقىنداپ، جاڭا جىل رايى قويۋلانا ءتۇستى. بۇكىل شينجياڭنىڭ جەر - جەرى كوپتەگەن ساياحات قيمىلدارىن ۇيىمداستىرىپ، ساياحاتشىلاردىڭ كوكتەم مەرەكەسى دەمالىسىن قۋانىشپەن وتكىزۋىنە مۇمكىندىك جاسايدى.
　　2 - ايدىڭ 3 - كۇنى، سالتاناتتى الاۋ كەشى قومدا وتكىزىلەدى، ساياحاتشىلار دىبالارمەن، قازاق مالشىلارىمەن بىرگە ءان ايتىپ، ءبي بيلەپ، كوكتەم مەرەكەسىن قارسى الادى. 2 - ايدىڭ 5 - كۇنى، قوم كورىنىس رايونى «قار - مۇز شاتتىعى قار شاشۋ مەرەكەسى»، «قوم ەجەلگى جىلى» سياقتى قيمىلداردى دا وتكىزەدى.
　　«ويىن - ساۋىق وتكىزىپ كوكتەم مەرەكەسىن قارسى الۋ، ۇلتتىق سالت - سانا ۇلگىسىندە جۇڭگو جاڭا جىلىن تويلاۋ». 2 - ايدىڭ 7 -، 9 - كۇندەرى ساياحاتشىلار تيانشان بوعدا كولى كورىنىس رايونىندا ويىن - ساۋىق كورىپ، قار - مۇز تاماشالاپ، مۇزدا ارقان تارتۋ، ايداعار ويناتۋ، ارىستان بيلەتۋ، قۇرلىقتا قايىق جۇرگىزۋ سياقتى قيمىلدارعا قاتىناسا الادى.
　　بيڭتۋان 8 - شىسىنىڭ 134 - تۋانىنداعى 71 جىلىجايداعى شيە اعاشى جامىراي گۇلدەدى، ءپىشان اۋدانى پىچان اۋىلى ھوڭ قىستاعىنداعى جىلىجايداعى شاپتول گۇلى جايقالا اشىلىپ، كوكتەمنىڭ جىلى رايىن جەتكىزدى.
　　ءۇرىمجى قالاسى حۇڭشان باقشاسىنداعى، شينجياڭ حالىقارالىق ۇلكەن بازاردىڭ جاياۋلار كوشەسىندەگى «جۇڭحۋا ءدامدى تاعامدارى كورمەسىندە»، اسپازدار شينجياڭنىڭ ءدامدى تاعامدارىن پىسىرادى. نانشان كورىنىس رايونىندا، تيانشان اڭعارى كورىنىس رايونىندا كونكي، شاڭعى تەبۋدىڭ قىزىعىنا باتۋعا بولادى.
　　سايرام كولى كورىنىس رايونى قىسقى قار - مۇز ماۋسىمى قيمىلىن جولعا قويادى، ساياحاتشىلار ات شاناعا وتىرىپ سايرام كولىنىڭ قىسقى كورىنىسىن تاماشالاي الادى؛ اۋات اۋدانى دولان تايپاسى ۇلتتىق سالت - سانا ۇلگىسىندەگى «قىسقى سپورت جينالىسىن» وتكىزەدى، بايگە، كوكپار، بالۋان، بيىكتە اينالۋ سياقتىلار ساياحاتشىلارعا ەرەكشە ۇلتتىق سالت - سانا كورىنىسىن سيلايدى.
　　1 - ايدىڭ 28 - كۇنىنەن 2 - ايدىڭ 19 - كۇنىنە دەيىن، بۇكىل شينجياڭنىڭ جەر - جەرى 300گە جۋىق مادەنيەت ساياحات قيمىلدارىن وتكىزەدى، «مادەنيەت + ساياحات»، «بەيزاتتىق مادەني مۇرالار + ساياحات»، «سپورت + ساياحات» سياقتى كوپ ءتۇرلى فورمالارمەن كوكتەم مەرەكەسى ساياحاتىنىڭ دىر - دۋماندى بولۋىن جەبەيدى.
　　■شىراق سالتاناتى ارقىلى كوكتەم مەرەكەسىنە كورىك قوسىپ، جاڭا جىل رايىن قويۋلاتادى
　　كوكتەم مەرەكەسىنە قاراعان تۇننەن ەگىنشىلىك كالەندارى بويىنشا 1 - ايدىڭ 6 - كۇنىنە دەيىن، سامالاداي جارقىراعان شىراق نۇرى ءۇرىمجىنى كورىككە بولەيدى، «ءبىزدىڭ جۇڭگو ارمانىمىز» تاقىرىپتىق شىراق سالتاناتى قيمىلى ءار ۇلت بۇقاراسىنا سالتاناتتى كورىنىس سيلاۋمەن بىرگە، ۇلى وتانعا دەگەن قىزۋ سۇيىسپەنشىلىك پەن ىزگى تىلەكتى بەينەلەيدى.
　　وسى رەتكى شىراق سالتاناتىندا «باقىتتى جۇڭگو جىلى، جاڭا جۇڭگوعا ماداق، جاڭا داۋىردە ەكپىندەي ىلگەرىلەۋ» نەگىزگى تاقىرىپ ەتىلەدى. ءار كۇنى ساعات 19دان 30 مينۋت وتكەندە باستالىپ، كەلەسى كۇنى تاڭعا جاقىن ساعات 2دە اياقتالادى. ءۇرىمجى قالالىق پارتكوم ۇگىت ءبولىمىنىڭ ورىنباسار باستىعى جوۋ يۇڭ تانىستىرىپ بىلاي دەدى: شىراق سالتاناتى شينجياڭ حالىقارالىق ۇلكەن بازار، شيداچياۋ، حۇڭشان تاۋى، كورمە شاعىن رايونى، دوستىق شاعىن رايونى، جوعارى جىلدامدىقتى پويەز بەكەتى شاعىن رايونى سىندى 6 اۋماقتا جۇرگىزىلەدى، شىراق سالتاناتىندا كوپ ءتۇرلى تەحنيكالىق تاسىلدەر جان - جاقتى قولدانىلىپ، بەس جۇلدىزدى قىزىل تۋ، جۇڭگو تۇيىنشەگى، ۇلكەن قىزىل قوراپتى شام سياقتى جۇڭحۋا ۇلتىنا جانە جۇڭگو رۋحىنا سيمۆول بولعان فاكتورلاردان پايدالانىپ، بەينە جازبا، جازۋ، نۇر كورىنىستى سۋرەت سياقتىلار ارقىلى بارشا قالا حالقىنا جانە ساياحاتشىلارعا كورىنىستىك سالتانات سيلايدى.
　　«قازىر ءۇرىمجى بارعان سايىن كورىكتەنىپ، تۇرمىسىمىز دا بارعان سايىن قولايلىلانىپ كەلەدى، بۇل قالادا تۇرمىس كەشىرىپ جاتقاندىعىمدى باقىت سەزىنەمىن. شينجياڭنىڭ ءتىپتى دە كورىكتەنۋىن، وتانىمىزدىڭ كەلەشەگىنىڭ ءتىپتى دە جارقىن بولۋىن تىلەيمىن!»، - دەدى قالا تۇرعىنى ۋاڭ مىرزا، ۇرىمجىدە تۋىپ - وسكەن ادام رەتىندە، ول وتاننىڭ گۇلدەنگەندىگىن، باي - قۇدىرەتتى بولعاندىعىن، شينجياڭنىڭ تەز قارقىنمەن دامىعاندىعىن، ۇرىمجىدەگى تاماشا تۇرمىسىن ماقتانىش ەتەدى.