رايونىمىزدىڭ جۇمىسقا ورنالاستىرۋ قىزمەتى جاڭا جىلدا ءساتتى باستالدى

اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، 1 - ايدا رايونىمىز جۇمىسقا ورنالاستىرۋدى ورنىقتىرۋدى اناعۇرلىم كورنەكتى ورىنعا قويىپ، جۇمىسقا ورنالاستىرۋ ارقىلى حالىققا تيىمدىلىك جەتكىزۋدى ىشكەرىلەي ىلگەرىلەتىپ، وڭتۇستىك شينجياڭداعى 4 ايماق - وبلىسقا جانە ءتۇيىندى توپقا نازار شوعىرلاندىرىپ، جۇمىسقا ورنالاستىرۋ ارقىلى كەدەيلەردى سۇيەمەلدەۋ، كاسىپتىك شەبەرلىككە باۋلۋ، الەۋمەتتىك جۇمىسقا ورنالاستىرۋدان قىزمەت وتەۋ سياقتى ارناۋلى قيمىلداردى شوعىرلى اتقارۋ ارقىلى قالا مەن اۋىلداعى ءار ۇلت بۇقاراسىنىڭ ورنىقتى جۇمىسقا ورنالاسۋىن، ۇزدىكسىز جۇمىسقا ورنالاسۋىن، ۇزاق ۋاقىت جۇمىسقا ورنالاسۋىن جەبەپ، جۇمىسقا ورنالاستىرۋ قىزمەتىنىڭ جاڭا جىلدا ءساتتى باستالۋىن ىسكە اسىرىپ، جۇمىسقا ورنالاستىرۋ جاعدايىن جالپى جاقتان ورنىقتى ساقتاعان.
　اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 1 - ايدا بۇكىل رايونىمىزداعى قالا - قالاشىقتاردا 41 مىڭ 500 ادام جاڭادان جۇمىسقا ورنالاسىپ، سايكەس مەزگىلدەگىدەن ％22.13 ارتقان؛ بۇكىل رايونىمىزدىڭ اۋىل - قىستاقتارىنداعى ارتىق ەڭبەككۇشتەردەن 137 مىڭ ادام - رەت باسقا سالاعا ويىستىرىپ جۇمىسقا ورنالاستىرىلىپ، سايكەس مەزگىلدەگىدەن ％18.3 ارتقان؛ قالا - قالاشىقتارداعى جۇمىسقا ورنالاسۋى قيىن ادامداردان 3205 ادام جۇمىسقا ورنالاسىپ، بىردە - ءبىر ادامى جۇمىستانباعان وتباسىلارىنان، كەم دەگەندە، ءبىر ادام 24 ساعات ىشىندە جۇمىسقا ورنالاستىرىلعان؛ بۇكىل رايونىمىز ءتۇرلى كاسىپتىك كۋرس ارقىلى 146 مىڭ 600 ادام - رەت باۋلىپ، سايكەس مەزگىلدەگىدەن 41 مىڭ ادام - رەت كوبەيىپ، ％38.83 ارتقان.
　اۋىزعا الۋعا تاتيتىنى، 1 - ايدا بۇكىل رايونىمىزدىڭ ورنىقتى جۇمىسقا ورنالاسۋ سالىستىرماسى ارتۋ قارقىنىن ساقتاپ، قالا - قالاشىقتاردا جاڭادان جۇمىسقا ورنالاسقانداردىڭ اراسىندا 22 مىڭ 700 ادام ورنىقتى جۇمىسقا ورنالاسىپ، سايكەس مەزگىلدەگىدەن ％37.6 ارتىپ، قالا - قالاشىقتاعى جاڭادان جۇمىسقا ورنالاسقانداردىڭ ％54.69ىن يەلەگەن.
　وڭتۇستىك شينجياڭداعى 4 ايماق - وبلىستىڭ جۇمىسقا ورنالاسۋ جاعدايى ورنىقتىلىق بارىسىندا جاقسارۋعا بەت الدى. 1 - ايدا وڭتۇستىك شينجياڭداعى 4 ايماق - وبلىستاعى قالا - قالاشىقتاردا 11 مىڭ 400 ادام جاڭادان جۇمىسقا ورنالاسىپ، سايكەس مەزگىلدەگىدەن ％61.96 ارتىپ، بۇكىل رايونىمىزدىڭ قالا - قالاشىقتارىنداعى جاڭادان جۇمىسقا ورنالاسقانداردىڭ ％27.43ىن يەلەپ، بۇكىل رايونىمىزدىڭ قالا - قالاشىقتارىنداعى جاڭادان جۇمىسقا ورنالاسقانداردىڭ نەگىزگى ارتۋ تۇيىنىنە اينالعان؛ اۋىل - قىستاقتاعى ارتىق ەڭبەككۇشتەردەن 49 مىڭ 300 ادام - رەت باسقا كاسىپ سالاسىنا ويىستىرىپ جۇمىسقا ورنالاستىرىلعان، مۇندا 22 اۋىر كەدەي قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 2424 ادام ۇيىمدى تۇردە باسقا سالاعا ويىستىرىپ جۇمىسقا ورنالاستىرىلعان.
　تانىستىرۋعا قاراعاندا، بۇكىل رايونىمىزدىڭ 1 - ايداعى ءتۇرلى جۇمىسقا ورنالاستىرۋ كورسەتكىشتەرىنىڭ ورىندالۋ جاعدايىنا جاسالعان تالداۋعا قاراعاندا، باستى ەرەكشەلىك − كاسىپورىنداردا جۇمىسقا ورنالاسقانداردىڭ سانى كورنەكتى ارتقان، قالا - قالاشىقتاردا جاڭادان جۇمىسقا ورنالاسقانداردىڭ ％30ى كاسىپورىنداردا جۇمىسقا ورنالاسىپ، سايكەس مەزگىلدەگىدەن ％33.26 ارتقان، مۇندا ورتا، شاعىن، ۇساق كاسىپورىنداردا 12 مىڭ ادام جۇمىسقا ورنالاسقان، ەڭبەك شوعىرلانعان كاسىپورىنداردا 11 مىڭ 100 ادام جۇمىسقا ورنالاسقان؛ 3 - كاسىپتىڭ جۇمىسقا ورنالاستىرۋداعى نەگىزگى ارنالىق رولى كورنەكتىلەنىپ، قالا - قالاشىقتارداعى جاڭادان جۇمىسقا ورنالاسقاندار ىشىندەگى 24 مىڭ 600 ادام 3 - كاسىپكە جۇمىسقا ورنالاسقان، بۇل قالا - قالاشىقتارداعى جاڭادان جۇمىسقا ورنالاسقانداردىڭ ％59.28ىن يەلەپ، سايكەس مەزگىلدەگىدەن ％26.15 ارتىپ، 3 - كاسىپتىڭ جۇمىسقا ورنالاستىرۋ سيىمدىلىعى ونان ارى كەڭەيگەن؛ ىشكى ولكەلەردەگى كاسىپورىندارعا ۇيىمدى تۇردە ويىستىرىپ جۇمىسقا ورنالاستىرۋ ورنىقتى قاداممەن ىلگەرىلەتىلىپ، بۇكىل رايونىمىزدا 3151 ادام ىشكى ولكەلەردەگى شينجياڭعا باعىتتامالى كومەكتەسەتىن ولكە، قالالارداعى كاسىپورىندارعا ۇيىمدى تۇردە ويىستىرىپ جۇمىسقا ورنالاستىرىلعان، ولار نەگىزىنەن كيىم - كەشەك تىگۋ، ەلەكتروندىق ونىمدەر جاساۋ، ازىق - تۇلىك مانەرلەۋ سياقتى كاسىپتەرگە شوعىرلانعان.
　ۇعىسۋعا قاراعاندا، كوكتەم مەرەكەسىنىڭ الدى - ارتىندا رايونىمىز جۇمىسقا ورنالاستىرۋ ارقىلى كومەك كورسەتۋ ايى ارناۋلى ارەكەتى، «كوكتەم سامالى ارەكەتى» سياقتىلاردان پايدالانىپ قالا - قالاشىقتارداعى جۇمىسقا ورنالاسۋى قيىن ادامدار، اۋىل - قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەر، ارتىق ءوندىرىس قۋاتى كۇشىنەن قالدىرىلعان كاسىپورىنداردان ءبولىنىپ شىققان قىزمەتكەرلەر سياقتى ءتۇيىندى توپتارعا قاراتا ساياساتتىق ۇگىت جۇرگىزۋ، ارناۋلى جۇمىسقا قابىلداۋ، جۇمىسقا ورنالاسۋعا جەتەكشىلىك ەتۋ، كاسىپ تانىستىرۋ سياقتى جۇمىسقا ورنالاستىرۋ جاعىنان كومەكتەسۋ، سۇيەمەلدەۋ جۇمىسىن شوعىرلى تۇردە ورىستەتىپ، حالىق تۇرمىسىنىڭ تومەنگى شەگىن شىن مانىندە بەكەمدەيدى ەكەن.