چىن چۋانگو اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ماجىلىسىندە مىنالاردى باسا دارىپتەدى

جۋىردا اۆتونوميالى رايوندىق پارتكومنىڭ شۋجيى، اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى چىن چۋانگو اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ءماجىلىسىن باسقارىپ اشىپ، ورتالىقتىڭ 6 - شارلاۋ گرۋپپاسىنىڭ اڭىس ەتۋ پىكىرى بويىنشا رەتتەۋ - تۇزەتۋ، تياناقتاندىرۋ قىزمەتىنە ورنالاستىرۋ جاسادى. ول مىنانى دارىپتەدى: باس شۋجي شي جينپيڭنىڭ شارلاۋ قىزمەتى جانە كەدەيلىكتەن ارىلتۋدان قامال الۋ جونىندەگى ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، شارلاۋدا اڭىس ەتىلگەن پىكىر بويىنشا رەتتەۋ - تۇزەتۋدى، تياناقتاندىرۋدى باتىل تۇردە ويداعىداي يگەرىپ، كەدەيلىكتەن دالمە - ءدال ارىلتۋدان قامال الۋ شايقاسىندا ۋاعىندا جەڭىسكە جەتۋگە كەپىلدىك ەتۋ كەرەك.
　　اۆتونوميالى رايوننىڭ باسشىلارىنان شوكىرات زاكىر، لي پىڭشين، ەركىن تۇنياز، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين قاتارلىلار ماجىلىسكە قاتىناستى.
　　ءماجىلىس «شينجياڭ ۇيعۇر اۆتونوميالى رايونىنىڭ ورتالىقتىڭ 6 - شارلاۋ گرۋپپاسىنىڭ كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتكەن پىكىرىن دايەكتىلەندىرۋ، تياناقتاندىرۋ جونىندەگى رەتتەۋ - تۇزەتۋ جوباسىن»، «شينجياڭ ۇيعۇر اۆتونوميالى رايونىنىڭ ورتالىقتىڭ 6 - شارلاۋ گرۋپپاسىنىڭ كەدەيلىكتەن ارىلتۋدان قامال الۋعا ارناۋلى شارلاۋ جۇرگىزۋدەن اڭىس ەتكەن پىكىرىن دايەكتىلەندىرۋ، تياناقتاندىرۋ جونىندەگى رەتتەۋ - تۇزەتۋدى بىتىرۋگە تاپسىرۋ اشىق ەسەبىن» قارادى. چىن چۋانگو مىنالاردى باسا دارىپتەدى: «ءتورت تانىمدى» نىعايتۋدىڭ، «ءتورت سەنىمدى» بەكەمدەۋدىڭ، «ەكىنى قورعاۋدى» ورىنداۋدىڭ وسكەلەڭ تۇرعىسىنان، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ وسكەلەڭ تۇرعىسىنان، جاپپاي دوڭگەلەك داۋلەتتى قوعام ورناتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋدىڭ وسكەلەڭ تۇرعىسىنان، كەدەيلىكتەن ارىلتۋدان قامال الۋدىڭ ساياسي جاۋاپكەرشىلىگىن وتەپ، باتىل جەڭىسكە جەتۋ ايبىندى سەرتىن ويداعىداي ورىنداۋدىڭ وسكەلەڭ تۇرعىسىنان، ورتالىقتىڭ 6 - شارلاۋ گرۋپپاسىنىڭ اڭىس ەتۋ پىكىرىن ءتىزىم بويىنشا تولىق قابىلداپ، تولىق تاپسىرىپ الىپ، ءتۇر بويىنشا رەتتەپ - تۇزەتىپ، تارماق بويىنشا تياناقتاندىرىپ، تىڭعىلىقتى رەتتەۋ - تۇزەتۋگە، ناقتى ونىمگە جەتۋگە كەپىلدىك ەتىپ، بۇكىل اۆتونوميالى رايوننىڭ كەدەيلىكتەن ارىلتۋدان قامال الۋدا باتىل شايقاس جۇرگىزىپ، تەڭ قادامدا دوڭگەلەك داۋلەتتىلىككە جەتۋدىڭ شەشۋشى شايقاسىنا جەتۋىنىڭ ناقتى ناتيجەسى ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مول مەيىرىمىنە جاۋاپ قايتارۋ كەرەك.
　　چىن چۋانگو مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى شارلاۋ قىزمەتىنە وسكەلەڭ ءمان بەرىپ، شارلاۋدىڭ ساياسي «ميكروسكوپ» جانە «بارلاعىش شام» رولىن تولىق ساۋلەلەندىرىپ، شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتكىزۋدى ىلگەرىلەتتى. پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋدا ماڭىزدى ورىنعا قويۋعا تاباندى بولدى، باس شۋجي قاشاندا كەدەي بۇقاراعا سۇيىسپەنشىلىك بايلاپ، كوپ رەت نەگىزگى ساتىنى، ءبىرىنشى شەپتى ارالاپ، ءبىر قىدىرۋ ماڭىزدى سوزدەر سويلەپ، ءبىرسىپىرا ستراتەگيالىق ورنالاستىرۋ جاسادى، كەدەيلىكتەن ارىلتۋدان قامال الۋدا شەشۋشى ىلگەرىلەۋشىلىكتەرگە قول جەتىپ، ادامزاتتىڭ كەدەيلىككە قارسى تۇرۋ تاريحىنىڭ شۇعىلالى تاراۋىن جازدى. ءبىز يدەيا مەن ارەكەتتى باس شۋجي شي جينپيڭنىڭ شارلاۋ قىزمەتى مەن كەدەيلىكتەن ارىلتۋدان قامال الۋ جونىندەگى ماڭىزدى نۇسقاۋلارىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ ورنالاستىرۋى مەن تالاپتارىنا قاتاڭ نەگىزدەلىپ، تاباندا ىسكە كىرىسىپ، تاباندا تۇزەتىپ، شىن تۇزەتىپ، ناقتى تۇزەتىپ، جاپپاي رەتتەپ - تۇزەتىپ، شارلاۋدىڭ «سوڭعى شارۋالارىن» تىڭعىلىقتى تۇردە ويداعىداي ىستەۋىمىز كەرەك. رەتتەۋ - تۇزەتۋ جاۋاپكەرشىلىگىن تياناقتاندىرىپ، رەتتەۋ - تۇزەتۋ قىزمەتىنە ۇيىمدىق باسشىلىقتى كۇشەيتىپ، بەس دارەجەلى شۋجيلەر جۇمىلا يگەرۋگە تاباندى بولىپ، پارتيا، ۇكىمەت ورىندارىنىڭ ءبىرىنشى باسشىلارى جالپى جاقتان جاۋاپتى بولىپ، «قۇرىلىس اترەتىنىڭ جاقسى باستىعى» بولىپ، رەتتەۋ - تۇزەتۋ قىزمەتىنىڭ ناقتى، ەگجەي - تەگجەيلى تياناقتانۋىنا، ناقتى ءونىم بەرۋىنە شىنايى كەپىلدىك ەتۋ كەرەك. ماسەلەنى باعدار ەتۋگە تاباندى بولىپ، ورتالىقتىڭ شارلاۋ گرۋپپاسى اڭىس ەتكەن ماسەلەلەردىڭ «كەستەسىنە تۋرالانىپ»، «ولشەمىنە تۋرالانىپ»، «ەسەبىنە تۋرالانىپ»، نە ماسەلە بولسا سول ماسەلەنى رەتتەپ - تۇزەتىپ، نە ماسەلە كورنەكتى بولسا سول ماسەلەنى كۇش سالا رەتتەپ - تۇزەتىپ، ماسەلە شەشىلمەيىنشە بەل شەشپەۋ كەرەك. رەتتەۋ - تۇزەتۋ مىندەتتەرىن اشالاپ، رەتتەۋ - تۇزەتۋدىڭ نىساناسىن، ۋاقىت شەگىن، تالاپتارىن، جاۋاپكەرشىلىگىن ايقىنداپ، بىرەۋى رەتتەلىپ - تۇزەتىلسە بىرەۋىن ەسەپتەن ءوشىرىپ، ءبىر - بىرلەپ تياناق تاۋىپ، ءاربىر ءىس بويىنشا جاۋاپ قايتارىلۋىنا كەپىلدىك ەتۋ كەرەك. بىرەۋى ارقىلى وزگەسىن تۇجىرىمداۋدى ورىنداپ، سوڭعى جىلدارى بايقالعان ناقتى ماسەلەلەردى ورتالىقتىڭ شارلاۋ گرۋپپاسى اڭىس ەتكەن ماسەلەلەرمەن ۇشتاستىرىپ، بىردەن - بىردەن سارالاپ، مۇقيات تالداۋ جاساپ، ءارى ماسەلەنى شەشۋ، ءارى ۇزاق ۋاقىتتىق ءونىمدى مەحانيزم قالىپتاستىرۋ كەرەك. باقىلاۋدى، ءتارتىپ اتقارۋدى قاتايتىپ، سەمسەردى جارقىلداتىپ، قاتاڭ قۋزاستىرىپ، تارتىپكە، زاڭعا قايشىلىق جاساعانداردى ءبىر تۇتاس ءتارتىپ بويىنشا، زاڭ بويىنشا قاتاڭ ءبىر جايلى ەتۋ، استە اياۋشىلىق جاساماۋ، استە ىرقىنا جىبەرمەۋ، يمەنۋدى بىلمەگەندەرگە اۋىر بوداۋ تولەتۋ كەرەك.
　　چىن چۋانگو مىنالاردى تالاپ ەتتى: رەتتەۋ - تۇزەتۋدى ۇتىمدى وراي ەتىپ، بۇكىل رايوننىڭ كەدەيلىكتەن ارىلتۋدان قامال الۋ قىزمەتىن تىڭعىلىقتى ىلگەرىلەتۋ كەرەك. ۇيىمدىق باسشىلىقتى كۇشەيتۋ، اۆتونوميالى رايوندىق پارتكوم مەن ۇكىمەت ساياسي جاۋاپكەرشىلىكتى ارقالاپ، تۇلعالىق جاۋاپكەرشىلىكتى تياناقتاندىرۋى، ءار دارەجەلى پارتيا، ۇكىمەت ورىندارىنىڭ ءبىرىنشى باسشىلارى ءبىرىنشى جاۋاپكەرشىلىكتى اتقارۋى، ءارقايسى تاراۋلار، ءارقايسى ورىندار جابال يگەرىپ، جۇمىلا باسقارىپ، بىرىككەن كۇش قالىپتاستىرۋى كەرەك. نىسانالىق مىندەتتەردى ءجىتى قاداعالاپ، «ەكىدەن تارىقتىرماۋعا، ءۇشتى قامتاماسىز ەتۋگە» تىعىز قابىستىرۋ، ولشەمدى تومەندەتپەۋمەن، ساپاعا ىقپال جاساماۋمەن بىرگە ولشەمدى جوعارىلاتپاۋ، باسى ارتىق دامەلەندىرمەۋ؛ ءارى اسىعىپ العا تۇسپەۋ، ءارى ادەيى سوزباقتاتپاۋ، 2020 - جىلى قازىرگى ولشەمنەن تومەن اۋىل - قىستاق كەدەي حالقىن تۇگەلدەي كەدەيلىكتەن ارىلتىپ، مۇلدە كەدەيلىكتى جويىپ، كەدەي اۋدانداردىڭ تۇگەل كەدەيلىك قالپاعىن الىپ تاستاۋىنا كەپىلدىك ەتىپ، وڭىرلىك جاپپاي كەدەيلىكتى شەشۋ كەرەك. قىزمەت شارالارىن قاتايتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن ىشكەرىلەي دايەكتىلەندىرىپ، «التى دالمە - ءدال بولۋدى» تياناقتاندىرىپ، «جەتى ءبىر توپتى» ىلگەرىلەتىپ، «ۇشتە سەرپىندى ارتتىرۋدى» جەبەپ، جەرگىلىكتى جاعدايعا قاراي ءىس كورىپ، دالمە - ءدال شارالار اتقارىپ، كۇشتى شوعىرلاندىرا وتىرىپ قامال ىشىندەگى قامالدى الۋ كەرەك. ستيلگە شىنايى بۇرىلىس جاساپ، تابان تىرەپ، شىندىققا جۇگىنىپ، ناقتى ىستەر ىستەپ، شىن يگەرىپ، شىن ىستەۋدىڭ تاماشا رايى مەن بەتالىسىن قالىپتاستىرىپ، كەدەيلىكتەن ارىلتۋدىڭ قىزمەتىنىڭ شىنايى، بارىسىنىڭ تىڭعىلىقتى، ناتيجەسىنىڭ شىن بولۋىن ورىنداۋ كەرەك. ىشكى قوزعاۋشى كۇشتى ىنتالاندىرىپ، ۇگىتتەۋدى، جەتەكتەۋدى كۇشەيتىپ، تيپتەر ارقىلى جەتەكشىلىك ەتۋدى نىعايتىپ، كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن ۇشتاستىرۋعا تاباندى بولىپ، قالىڭ كەدەي بۇقارانىڭ ءوزىنىڭ قاجىرلى ەڭبەگىنە سۇيەنىپ كەدەيلىكتەن ارىلىپ، بايۋ جولىنا ءتۇسۋ بەلسەندىلىگىن، ىرىقتىلىعىن تولىق جۇمىلدىرۋ كەرەك.
　　ءماجىلىس قاتىستى حۇجاتتاردى دا قاراپ ماقۇلدادى.
　　اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە ورىندارداعى جاۋاپتى جولداستار ماجىلىسكە قاتىستى.