11 - ايدىڭ 25 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 20 - رەتكى ءماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
تۇراقتى كوميتەتتىڭ قۇرامىنداعىلاردان 53 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس «اۆتونوميالى رايوننىڭ گەولوگيالىق ورتانى قورعاۋ ەرەجەسىن (وزگەرىس ەنگىزۋ جوباسىنىڭ وزگەرىس ەنگىزىلگەن نۇسقاسى)» داۋىسقا سالىپ ماقۇلدادى، اۆتونوميالى رايوندىق حالىق قۇرىلتايى تۇراقتى كوميتەتىنىڭ «قارامايلى قالاسىنىڭ اتموسفەرانىڭ لاستانۋىنان ساقتانۋ - تىزگىندەۋ ەرەجەسىن»، «بايىنعولين موڭعۇل اۆتونوميالى وبلىسىنىڭ باعراش كولىنىڭ سۋ ەكولوگيالىق ورتاسىن قورعاۋ ەرەجەسىن»، «قىزىلسۋ قىرعىز اۆتونوميالى وبلىسىنىڭ اۋىل - قىستاق قورشاعان ورتاسىن جونگە سالۋ ەرەجەسىن»، «بۇراتالا موڭعۇل اۆتونوميالى وبلىسىنىڭ بۇراتالا وزەنى الابىنىڭ ەكولوگيالىق ورتاسىن قورعاۋ ەرەجەسىن»، «قۇمىل قالالىق حالىق قۇرىلتايى تۇراقتى كوميتەتىنىڭ <قۇمىل قالاسىنىڭ جەرگىلىكتى زاڭ ەرەجەلەردى جاساۋ ەرەجەسىنە> وزگەرىس ەنگىزۋ جونىندەگى قارارىن» بەكىتۋ جونىندەگى قاراردى داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ 2020 - جىلعى ءوز دارەجەسىندەگى مەجە ەسەپتى رەتتەۋ جوباسىن بەكىتۋ جونىندەگى قاۋلىنى داۋىسقا سالىپ ماقۇلدادى، كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولىپ، مىندەت - جاۋاپكەرشىلىگىن زاڭ بويىنشا جاپپاي اتقارىپ، جۇيە كوزقاراسىن كورنەكتىلەندىرىپ، كورەگەندىك وي تولعامدى، جالپى جاعدايلىق جوبا جاساۋدى، ستراتەگيالىق ورنالاستىرۋدى، تۇتاس تۇلعالىق ىلگەرىلەتۋدى كۇشەيتىپ، زاڭدىق ەرەجە شىعارۋدى قامتاماسىز ەتۋدى كۇشەيتىپ، باقىلاۋ سەرپىنىن ارتتىرىپ، ۋاكىلدەردىڭ رولىن ساۋلەلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، بيىلعى قىزمەتتەردى ويداعىداي اياقتاتۋعا، كەلەر جىلعى قىزمەتتەردى ويداعىداي باستاۋعا شىنايى كەپىلدىك ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، ءمۇتاللىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىلارى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، ءارقايسى ايماقتىق، وبلىستىق، قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، مەملەكەتتىك جانە اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى، ت. ب ماجىلىسكە سىرتتاي قاتىناستى.
11 - ايدىڭ 24 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 102 - رەتكى مەڭگەرۋشىلەر ءماجىلىسى تۇراقتى كوميتەتتىڭ ءتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتىن تىڭدادى، تۇراقتى كوميتەت جالپى جيىنىنىڭ داۋىسقا سالۋىنا تاپسىراتىن كەڭەستىك جوبالاردى بەلگىلەدى.
